WIˈIX JYUKYˈATYË DIOS MËDUUMBË
Nˈoknayjëjpˈijxëm mä ja tiempë diˈib jëjpkëxanëp
Kom tyam yëˈë ndukjukyˈäjtëm “ja tiempë diˈib jëjpkëxanëp”, nnijäˈäwëm ko niˈigyë myëjwindëkëyaˈanyë amay jotmay (2 Tim. 3:1; Mat. 24:8). Jyobaa xëmë xynyëˈëmoˈoy xytyuˈumoˈoyëm ti mbäät nduˈunëm ko tijaty yˈayoˈonbëjtaˈaky. Pën nduˈunëm extëm xyˈanmäˈäyëm ets nnayjyëjpˈijxëm desde tyam ko nyajkëktëjkëmë mëbëjkën ets ko nyajtuˈukmujkëm tijaty mbäät nyajtuˈunëm, nëjkxëp ndukˈoyˈäjtëm ko tijaty yˈayoˈonbëjtäˈägët (Luk. 16:10).
Yajkëktëkë ja mëbëjkën. Käjpx xëmë Biiblyë ets ëxpëk naytyuˈuk. Këdii may mdäjy pën kyaj mbäät mnekytyuˈukmuky mët ja nmëguˈukˈäjtëm (Is. 30:15). Jamyats ko Jyobaa mëdë Jesus, ninäˈä mgamastuˈudäˈänyëty (od-S paj. 175, 176 parr. 15-17).
Yajtuˈukmuk tijaty mbäät xyajtuny. Oy ko mä motsyilë xypyëjtäˈäktët tijaty mbäät xyajtuny, per nan tsojkëp tuˈuk tuˈuk ja familyë tpëjkëˈëgët ja jëˈxy pëky, nëë, tsooy ets tijaty mbäät dyajtundë ko nety kyaj mbäät yˈokpëtsëëmnëdë jyënoty tyëgoty (Prov. 22:3; g17.5 paj. 4, 6).
KO NETY TË YAˈIJXTÄˈÄYË BIDEO WIˈIX MBÄÄT NNAYJYËJPˈIJXËM KO AYOˈON TYUN JYATËDËT, TA YAˈˈATSOOWËMBITËDË TYÄˈÄDË YAJTËˈËWËN:
¿Wiˈix mbäät nyajkëktëjkëmë mëbëjkën ko ti ayoˈon tyun jyatëdët?
¿Tiko jyëjpˈamëty...
... ndukˈawäˈänëm pënaty tuundëp mëjjäˈäy?
... nbëjtakëm mä tuˈugë motsyilë tijaty nyajtëgoyˈatäˈänëm?
... nimaytyakëm tijaty mbäät yˈayoˈonbëjtaˈaky mä ntsënäˈäyëm ets ti nëjkx nduˈunëm?
¿Wiˈix tëgëk pëky mbäät nbudëjkëmë nmëguˈukˈäjtëm?
OKNAYAJTËWËDË: “Ko tyam jyaˈˈatyë COVID-19, ¿wiˈixëts të xypyudëkë parëts nnayjyëjpˈixëdët?”.