¿Listë myajpääty?

¿Myajpatp listë ko ayoˈon tyuny jyatëdët mä mtsëënë? Mbäät ajotkumonë nyaxyë ujx, myinyë urakan, kyeˈegyë toyë o yˈayoˈonbëjtaˈagyë nëë tuu ets tijaty dyajwindëgoy. Nan mbäät oymyääjëty ets ajotkumonë jäˈäy nyaynyibëdëˈëgëdë, jyaˈˈatyë terroristë etsë yuu päˈäm diˈib ninäjxp (Ecl. 9:11). Kyaj yˈoyëty nwinmäˈäyëm ko nitii ayoˈon kyatunäˈäny kyajatäˈänyëty mä ntsënäˈäyëm.

Tsojkëp niˈamukë nnayjyëjpˈijxëm ko ajotkumonë ayoˈon tyun jyatëdët (Prov. 22:3). Diosë kyäjpn yajkypyë naybyudëkë ko ayoˈon tyuny jyatyëty, per kyaj net yëˈëyë ndukjotkujkˈäjtëm ets kyaj ti nˈoktuˈunënë (Gal. 6:5).

KO NETY TË YAˈIJXTÄˈÄYË BIDEO WIˈIX MBÄÄT NNAYJYËJPˈIJXËM KO AYOˈON TYUN JYATËDËT, TA YAˈˈATSOOWËMBITËDË TYÄˈÄDË YAJTËˈËWËN:

• 

  Ko oy nˈijtëm mëdë Jyobaa, ¿wiˈix nëjkx xypyudëjkëm ko ayoˈon tyuny jyatëdët?

• 

  ¿Tiko jyëjpˈamëty...

  • • ... ndukˈawäˈänëm pënaty tuundëp mëjjäˈäy wiˈix nëjkx xypyatëm ko ti ayoˈon tyun jyatëdët?

  • • ... nbëjtakëm mä tuˈugë motsyilë tijaty jëjpˈam nyajtëgoyˈatäˈänëm? (g17.5-S 6).

  • • ... nimaytyakëm tijaty mbäät yˈayoˈonbëjtaˈaky mä ntsënäˈäyëm ets ti nëjkx nduˈunëm?

• 

  ¿Wiˈix tëgëk pëky mbäät nbudëjkëmë nmëguˈukˈäjtëm ko tyuny jyatyëtyë ayoˈon?