¿Të mnayjyëjpˈixyëty ti mdunaampy ko ti ayoˈon tyun jyatëdët?

Myentrës wyingoonˈadëˈëtsy ja kutëgoˈoyën, niˈigyë jäˈäy nyaynyibëdëˈëgäˈänyëty, jyaˈˈatäˈänyë tsip etsë terroristë (Diˈibʉ Jat. 6:4). ¿Ti mbäät nduˈunëm parë nnayjyëjpˈijxëm ko nbatëm duˈumbë jotmay?

• Yajkëktëkë ja mëbëjkën. Winmayë tekstë mëdiˈibë mbäät mbudëkëty parë niˈigyë xytyukˈijxpatëdë Jyobaa mëdë nyax kyäjpn ets parë kyaj ti xytyuktëk xytyukwäˈägët (Prov. 12:5; jr-S paj. 125, 126 parr. 23, 24). Tyamën mbäät xyajkëktëkë ja mnaymyayë mëdë nmëguˈukˈäjtëm mëdiˈibë mëët nduˈukmujkëm (1 Peed. 4:7, 8).

• Yajtuˈukmuk tijaty myajtunaampy. Yajtuˈukmukë mjeˈxy mbëky ets ix mä mbäät mtsoˈoky mjënoty mdëgoty pën kyaj mbäät mbëtsëmy. Nayjyëjpˈixëdë nanduˈun pën tsojkëp mbëtsëmët mä mjëën mdëjk. Ix pën të xypyëjktaktäˈäy motsyiloty tijaty myajtunaampy, extëmë meeny sentääbë mgubrebokë o guantes. Oy ko xymyëdatëdë nyumero de telefënë ja mëjjäˈäytyëjk ets nanduˈun yëˈë tmëdattët ja mnumero (Is. 32:2; g17.5-S paj. 3-7).

Ko jäˈäy nyaynyibëdëˈëgëdët, oy ko duˈunyëm xytyuunˈadëˈëtsëdë Diosë tyuunk (Filip. 1:10). Këdii nëgoo mumaty mnëjkxy pën kyaj tyimjëjpˈamëty (Mat. 10:16). Agääytyuk aˈuktuk ja mëguˈuktëjk (Rom. 12:13).

KO NETY TË YAˈIJXTÄˈÄYË BIDEO ¿TË MNAYJYËJPˈIJXYËTY KO TI AYOˈON TYUN JYATËDËT?, TA YAˈˈATSOOWËMBITËDË YÄˈÄDË YAJTËˈËWËN:

• ¿Wiˈix mbäädë Jyobaa xypyudëjkëm ko ti ayoˈon nbatëm?

• ¿Wiˈix mbäät nnayjyëjpˈijxëm?

• ¿Wiˈix mbäät nbudëjkëmë nmëguˈukˈäjtëm?