¿Wiˈix ndukˈoyˈäjtëm ko Jyobaa xytsyojkëm?

1. ¿Ti mbäät nduˈunëm etsë Jyobaa agujk jotkujk nyajnayjyäˈäwëm?

OKWINMAY ko tuˈugë mmëguˈuk xynyamoˈoy tuˈugë wit mëdiˈibë jantsy oy këxëˈkp ets mëdiˈibë mbäät dyajtuny. Per ¿wiˈix mnayjyawëdët ko jeˈeyë tpëjkëˈknët ets kyaj dyajtunët? Mon tuk mnayjyawëyaˈanyë. Per agujk jotkujk mnayjyawëdët ko xyˈixët tam të ttuktëkë, ets duˈunë nety dyajnigëxëˈëky ko kyuˈëˈëw kyukäjpxëp. Nanduˈun jyaty mëdë Jyobaa, yëˈë të xynyamoˈoyëm ja yˈUˈunk ko ojts xytyuknigajxëm ets ojts xykyuˈoˈk xykyutëgoˈoyëm. ¡Agujk jotkujk Jyobaa nyayjyawëyaˈanyë ko nguˈëˈëw ngukäjpxëm ko ojts ja yˈUˈunk xykyuˈoˈkëm ets ko mëk ojts xytsyojkëm! (Fwank 3:16; Rom. 5:​7, 8).

2. ¿Ti yajnimaytyäˈägäämp mä yäˈädë artikulo?

² Ko tiempë nyaxët, mbäät kyaj nekykyuˈëˈëw nekykyukäjpxëm ko Jyobaa ojts xyjyuuybyëtsëˈëmëm, duˈunxyëp ixtëm nbëjkëˈkëm ja wit mëdiˈibë të nyajnamoˈoyëm ets njäˈäytyëgoˈoyënë. Parë kyaj duˈun njäjtëm, tsojkëp xëmë nbawinmäˈäyëm ti Jyobaa mëdë Jesús të xytyukmëduˈunëm. Mä yäˈädë artikulo yëˈë yajnimaytyäˈägäämp wiˈix tyam ndukˈoyˈäjtëm ko të nyajjuuybyëtsëˈëmëm ets wiˈix ndukˈoyˈatäˈänëm mä tiempë myiny kyëdaˈaky. Nanduˈun nˈixäˈänëm ko tsojkëp nyajnigëxëˈkëm ko nguˈëˈëw ngukäjpxëmë Jyobaa ko xytsyojkëm. Ets mä niˈigyë mbäät nyajnigëxëˈkëm, ja ko nety tpatnë Jesúsë yˈoˈkën xëëw ets ko nety të nyaxy.

WIˈIX TYAM NDUKˈOYˈÄJTËM KO TË NYAJJUUYBYËTSËˈËMËM

3. Oknigäjpx tuk pëky wiˈix tyam ndukˈoyˈäjtëm ko të nyajjuuybyëtsëˈëmëm.

³ ¿Wiˈix ndukˈoyˈäjtëm ko ojtsë Jesús xykyuˈoˈk xykyutëgoˈoyëm? Ko mbäädë Jyobaa xypyokymyaˈkxëm. Ets kyaj duˈun ttuny atsip aguanë, xyjyantsy pyokymyaˈkxäˈänëmë duˈun. David kyuˈëˈëw kyugäjpxë ko Jyobaa pyokymyeˈkxy, duˈun jyënany: “Mijts Jyobaa, mˈoyjyaˈay ets mbokymyaˈkxäämp” (Sal. 86:5; 103:​3, 10-13).

4. ¿Pënatyë Jyobaa të tjuuybyëtsëmy? (Lucas 5:32; 1 Timoteo 1:15).

⁴ Ta näägë jäˈäy mëdiˈibë nayjyäˈäwëdëp ko kyaj nyitëkëdë etsë Jyobaa pyokymyaˈkxëdët, ets duˈunë duˈun, kyaj xyjyanitëjkëm etsë Jyobaa xypyokymyaˈkxëm. Apostëlë Pablo jyënany: “Ni jeˈeyëts xykyanitëkë esëts xyˈanëëmët apostëlë”. Per ta yˈakjënany: “Dios tëts xymyayˈaty xykyuniˈxy esëts xypyëjtaky extëmë apostëlë” (1 Kor. 15:​9, 10). Ko nmäjtstutëm ja poky kaytyey ets njodëmbijtëm, ta Jyobaa xypyokymyaˈkxëm. ¿Tiko duˈun ttuny? Yëˈko xytsyojkëm. Ets pën ja näˈäty nwinmäˈäyëm ko kyaj xynyitëjkëm etsë Jyobaa xypyokymyaˈkxëm, nˈokjamyajtsëm ko Jyobaa kyaj yëˈë ojts tjuuybyëtsëmy ja wäˈätsjäˈäy, yëˈëjën ja pokyjyaˈay mëdiˈibë jodëmbijttëp (käjpxë Lucas 5:32; 1 Timoteo 1:15).

5. ¿Tiko kyaj mbäät pën jyënaˈany ko nitëjkëbë Jyobaa pyokymyaˈkxëdët?

⁵ Jyobaa yajtsobatypy tijaty ndukmëduˈunëm (Heb. 6:10). Per ninäˈä mbäät ngawinmäˈäyëm ko xypyat xynyitëjkëm ets xypyaˈˈayoˈowëm mët ko kanäk jëmëjt kujk nmëduˈunënë. Jyobaa kyaj ojts xyjyuuybyëtsëˈëmëm mët ko tijaty ndukmëduˈunëm. Kyaj mbäät nwinmäˈäyëm ko xynyitëjkëm etsë Jyobaa xypyokymyaˈkxëm mët ko tijaty të ndukmëduˈunëm. Pes ko duˈun nwinmäˈäyëm, duˈunxyëp ixtëm nety njënäˈänëm ko kyaj tyimtsokyë etsë Jesús xykyuˈoˈk xykyutëgoˈoyëm (ix nanduˈunë Gálatas 2:21).

6. ¿Tiko Pablo nëgooyë ojts tjotmooyë Diosë tyuunk?

⁶ Pablo nëgooyë ojts tjotmooyë Diosë tyuunk, per kyaj duˈun ttuuny mët ko nety ttsoky etsë Dios pyokymyaˈkxëdët, yëˈëjën yajnigëxëˈk ko mëjwiin kajaa nety tkuˈëˈëw tkukäjpxë ko Jyobaa jyantsy yˈoyjyaˈayëty ets ko pyaˈˈayoyë (Éfes. 3:7). Nanduˈunën ëjtsäjtëm, njantsy jyotmoˈoyëm tyamë Diosë tyuunk, mët ko yëˈë nyajnigëxëˈkëm ko nguˈëˈëw ngukäjpxëm tijatyë Jyobaa të xytyukmëduˈunëm, kyaj yëˈëjëty mët ko nyajpaˈˈayowäˈänëm.

7. ¿Wiˈix ja tuk pëky ndukˈoyˈäjtëm ko ojts nyajjuuybyëtsëˈëmëm? (Romanos 5:1; Santiago 2:23).

⁷ Ja tuk pëky wiˈix ndukˈoyˈäjtëm ko ojts nyajjuuybyëtsëˈëmëm, yëˈë ko mbäät oy nˈijtëm mëdë Jyobaa.a Ixtëm të nˈokˈijxëmbë mä jatuˈukpë artikulo, pokyjyaˈay nmaxuˈunkˈäjtëm, pääty kyaj mbäät oy nˈijtëm mëdë Dios. Per ko ojts nyajjuuybyëtsëˈëmëm, mbäädë net “agujk jotkujk nˈijtëm mët ja Dios” ets nmëwingoˈonëm (käjpxë Romanos 5:1; Santiago 2:23).

8. ¿Tiko nguˈëˈëw ngukäjpxëmë Jyobaa ko mbäät nmënuˈkxtakëm?

⁸ Jantsy oy ko nmënuˈkxtakëmë Jyobaa, pes duˈun mbäät nmëwingoˈonëm ets oy mëët nˈijtëm. Kyaj yëˈëyë tmëdoowˈity ja nuˈkxtakën mëdiˈibë yajtuump ko nëjkxëm reunyonk, nanduˈun tmëdoowˈity ko niduˈuk niduˈuk nmëgäjpxëm. Ko nuˈkxtakëm, kyaj jeˈeyë oy xyajnayjyäˈäwëm o agujk jotkujk, xypyudëjkëmë duˈun ets niˈigyë nmëwingoˈonëmë Jyobaa (Sal. 65:2; Sant. 4:8; 1 Juan 5:14). Ko Jesús jyukyˈajty yä Naxwiiny, xëmë ojts nyuˈkxtaˈaky mët ko nyijäˈäwëbë nety ko Jyobaa myëdoowˈijtypy ko tmëgajpxy. Ko duˈun nyuˈkxtaky, yëˈë pudëjkë ets niˈigyë oy yˈijty mëdë Tyeety (Luc. 5:16). Mëjwiin kajaa nguˈëˈëw ngukäjpxëm ko Jesús ojts xyjyuuybyëtsëˈëmëm ets ko mbäädë net nmënuˈkxtakëmë Jyobaa ets oy mëët nˈijtëm.

WIˈIX NDUKˈOYˈATÄˈÄNËM MÄ TIEMPË MYINY KYËDAˈAKY

9. ¿Wiˈixë Diosmëduumbëty ttukˈoyˈatäˈändë ko ojts yajjuuybyëtsëmdë?

⁹ ¿Wiˈixë Diosmëduumbëty ttukˈoyˈatäˈändë mä tiempë myiny kyëdaˈaky ko ojts yajjuuybyëtsëmdë? Jyobaa moˈoyanëdëp ja jukyˈäjtënë xëmëkyëjxmbë. Mbäät mayë jäˈäy wyinmaytyë ko tsip duˈun njukyˈäjtëm xëmëkyëjxm mët ko xëmë jäˈäy yˈooktë. Perë Jyobaa duˈunën ojts xyajkojëm ets njukyˈäjtëm xëmëkyëjxm. Tsip nmëbëjkëm, per duˈunën njukyˈatäˈänëm mët ko Jyobaa ojts kajaa tkujuy ko ja yˈUˈunk ojts xykyuˈoˈk xykyutëgoˈoyëm (Rom. 8:32).

10. ¿Ti yˈëwxijt jyëjpˈijxtëp pënaty jukyˈatandëp tsäjpotm ets yä Naxwiiny?

¹⁰ Jyobaa tsyojkypy ets desde tyam nbawinmäˈäyëm wiˈixën yˈixˈatäˈäny ja jukyˈäjtënë xëmëkyëjxmbë mëdiˈibë miimp këdakp. Pënaty jukyˈatandëp tsäjpotm, jyëjpˈijxtëp jam jyukyˈatäˈändë ets yˈanaˈamäˈändë mëdë Jesús (Apoc. 20:6). Pënaty jukyˈatandëp yä Naxwiiny, jyantsy jyëjpˈijxtëp ko jyëmbitäˈänyë yäˈädë Naxwinyëdë jantsy tsuj mä kyaj nyekyjyaˈˈatäˈäny pëjk ijxën etsë ayoˈon (Apoc. 21:​3, 4). ¿Mˈëwxijty mjëjpˈijxypy mjukyˈatäˈäny yä Naxwiiny? Pën duˈun, jantsy oyë yäˈädë jukyˈäjtën. Kyaj mbäät mwinmay ko jam tsäjpotm niˈigyë yˈoyëty ja jukyˈäjtën, këdiinëm yä Naxwiiny. Pesë naxwinyëdë jäˈäy të kyojtë ets xëmëkyëjxm jyukyˈattët yä Naxwiiny jantsy agujk jantsy jotkujk.

11, 12. ¿Wiˈix njukyˈatäˈänëm mä ja it lugäärë tsujpë mëdiˈibë nˈëwxijt njëjpˈijxëm? (Ix nanduˈunë dibujë).

¹¹ Okwinmay wiˈixën yˈixˈatäˈäny ja jukyˈäjtën mä ja it lugäärë tsujpë. Kyaj nekymyëmayäˈän nekymyëdäjäˈänëm pën ja näˈä nbäˈämbajtëm o nˈoˈk ndëgoˈoyëm (Is. 25:8; 33:24). Jyobaa moˈoyanëp tijaty mdimytsyojkënyëˈajtypy. ¿Ti jam mjataampy? ¿Mniˈëxpëkëyaampy wiˈixë jëyujk animal yˈixëty? ¿Mniˈëxpëkëyaambyë xux koowk, ëy yaˈaxy o wiˈix xyaˈoyëdë dibujë? Kom xëmëkyëjxm njukyˈatäˈänëm mä tiempë myiny kyëdaˈaky, mbäät niˈëxpëjkëm ets njäjtëm ti ndimytsyojkëm. Pes jam tëgoyˈatäämp pën ja jëën tëjk nyiˈˈixëp ets pën kyojëp, pën niˈip kojjëp, pën ja kaaky tojkx yaˈoyëp, pën mbäät tkuentëˈaty ja pëjy ujts ets pënaty yaˈoyëdëp ja tuumbajn mëdiˈibë jam nyajtunäˈänëm (Is. 35:1; 65:21).

¹² ¡Agujk jotkujk nnayjyawëyäˈänëm ko nëjkx jyukypyëktë pënaty të yˈooktë! (Apos. 24:15). Ets nan agujk jotkujk nnayjyawëyäˈänëm ko nˈixyˈäjtˈadëˈëtsäˈänëmë Jyobaa ets niˈigyë tjatäˈän nnijawëyäˈänëm wiˈix yˈixëty ja kyojy pyëjktaˈaky (Sal. 104:24; Is. 11:9). Per mëdiˈibë niˈigyë oy, yëˈë ko ak oy tijaty ndunäˈänënë ets kyaj nekypyokytyunäˈänëm, nëjkxëp nmëduˈunëmë Jyobaa agujk jotkujk ets ninäˈä nëjkx nganekyˈamdoˈowëmë maˈkxën. Pääty, këdii xyajtëgoy ja jukyˈäjtënë xëmëkyëjxmbë mët ko jeˈeyë tuk ratë xytyukxondäˈägäˈäny ja poky kaytyey (Heb. 11:25). Jantsy oyë jukyˈäjtën mëdiˈibë nˈëwxijt njëjpˈijxëm, këdiinëm mëdiˈibë mbäät nbatëm yä Naxwiiny. Jamyats ko kyaj duˈun xëmë njëjpˈixäˈänëm ja it lugäärë tsujpë, mët ko të netyë Jyobaa tkuytyuny mëdiˈibë të xytyukwandakëm. Ets duˈun ttunäˈäny mët ko mëk xytsyojkëm, päätyë yˈUˈunk ojts xytyuknigajxëm ets ojts xykyuˈoˈk xykyutëgoˈoyëm.

NˈOKTUKˈIJXËMË JYOBAA KO NGUˈËˈËW NGUKÄJPXËM KO XYTSYOJKËM

13. ¿Wiˈix mbäät nyajnigëxëˈkëm ko nguˈëˈëw ngukäjpxëmë Jyobaa ko ojts xyjyuuybyëtsëˈëmëm? (2 Corintios 6:1).

¹³ ¿Wiˈix mbäät ndukˈijxëmë Jyobaa ko nguˈëˈëw ngukäjpxëm ko ojts xyjyuuybyëtsëˈëmëm? Ko niˈigyë jëjpˈam nbëjktakëmë tyuunk mä jukyˈäjtën (Mat. 6:33). Pesë Jesús kyaj ojts xykyuˈoˈkëm etsë net njukyˈäjtëm “extëmë ngëˈëm winmäˈänyˈäjtëm, jaˈa dëˈën extëm ttseky ja Jesukristë diˈibë oj xykyuˈoˈkëm es oj jyikypyeky mët ëtsäjtëmgyëjxm” (2 Kor. 5:15). Duˈunyëm nmëdunäˈänëmë Jyobaa ets nguˈëwëyäˈän ngukäjpxëyäˈänëm, mët ko jantsy oyjyaˈay ets xypyokymyaˈkxëm (käjpxë 2 Corintios 6:1).

14. ¿Wiˈix mbäät nyajnigëxëˈkëm ko nmëbëjkëm ixtëmë Jyobaa xynyëˈëmoˈoy xytyuˈumoˈoyëm?

¹⁴ Ja tuk pëky wiˈix mbäät nguˈëˈëw ngukäjpxëmë Jyobaa ko xytsyojkëm, yëˈë ko nyajnigëxëˈkëm ja mëbëjkën. ¿Wiˈix nyajnigëxëˈkëm? Ko nmëmëdoˈowëm ixtëmë Jyobaa xynyëˈëmoˈoy xytyuˈumoˈoyëm. Ko jam ti ndunäˈänëm mä jukyˈäjtën, oy ko nwinmäˈäyëm tidënë Jyobaa tsyojkypy ets nduˈunëm. Ixtëm nˈokpëjktakëm, ko ndukniwinmäˈäyëm nˈakˈëxpëkäˈänëm niˈigyë mä eskuelë o ko jam ti tuunk ngupëkäˈänëm (1 Kor. 10:31; 2 Kor. 5:7). Ko tijaty nduˈunëm ixtëmë Jyobaa xynyëˈëmoˈoy xytyuˈumoˈoyëm, ta niˈigyë ja mëbëjkën kyëktëkëyaˈany, nmëwingonäˈänëmë Jyobaa ets niˈigyë ëwxijt njëjpˈijxëm ja jukyˈäjtënë xëmëkyëjxmbë (Rom. 5:​3-5; Sant. 2:​21, 22).

15. Mä yajjamyetsyë Jesúsë yˈoˈkën xëëw, ¿wiˈix mbäät nyajnigëxëˈkëm ko nguˈëˈëw ngukäjpxëm ti Jyobaa të xytyukmëduˈunëm?

¹⁵ Ja tuk pëky wiˈix mbäät nyajnigëxëˈkëm ko nguˈëˈëw ngukäjpxëm ko Jyobaa xytsyojkëm ets ko të xyjyuuybyëtsëˈëmëm, ja ko nyajtuˈunëm yajxonë tiempë mä tkapäätynyëm ja Jesúsë yˈoˈkën xëëw ets ko nety të nyäjxnë. Nanduˈun ko nwoˈow nwijtsëmë jäˈäy ets ko ndukniwijtsëm kontiempë parë kyaj ndëgoyˈäjtëm (1 Tim. 2:4). Ko nwoˈowëmë jäˈäy, nˈoktukmëtmaytyakëm wiˈixën jap yajtunäˈäny. Mbäät ndukˈijxëmë bideo mëdiˈibë miimp mä jw.org, mëdiˈibë xyëwˈäjtypy Yajjamyetsyë Jesusë yˈoˈkën xëëw ets ¿Tiko yˈoˈkyë Jesus? Pënaty tuundëp mëjjäˈäy mbäät nanduˈun twowdë pënaty kyaj yˈoknëjkxnëdë reunyonk. Okwinmay wiˈix jyamˈatäˈänyë xondakënë tsäjpotm ets yä Naxwiiny ko niduˈugë Jyobaa yˈuˈunk yˈënäˈk jyëmbitët mä nyax kyäjpn mëdiˈibë nety të yeˈeytyëgoy ixtëm ja borreegë (Luk. 15:​4-7). Mä yajjamyetsyë Jesúsë yˈoˈkën xëëw, oy ko kyaj jeˈeyë ak ëjtsäjtëm nnayˈëboˈkx nnaygyäjpxpoˈkxëm, nanduˈunën nˈëboˈkx ngäjpxpoˈkxëm pënaty kyajnëm tyim mindë ets pënaty nety kyaj yˈokmiinëdë. ¡Nˈokˈyajnayjyäˈäwëm agujk jotkujk ko tsuj nˈagëˈë nˈaxäjëm! (Rom. 12:13).

16. Ko nety tpäätyë Jesúsë yˈoˈkën xëëw, ¿tiko mbäät niˈigyë nyajmëjwindëjkëmë Diosë tyuunk?

¹⁶ Ko nety tpäätyë Jesúsë yˈoˈkën xëëw, oy ko niˈigyë nyajmëjwindëjkëmë Diosë tyuunk. Ko duˈun nduˈunëm, yëˈë nety nyajnigëxëˈkëm ko nguˈëˈëw ngukäjpxëm tijatyë Jyobaa mëdë Jesús të xytyukmëduˈunëm. Ko niˈigyë nëjkxëm ëwäˈkx käjpxwäˈkxpë, ta nˈixäˈänëm wiˈixënë Jyobaa xypyudëjkëm ets niˈigyë ndukjotkujkˈatäˈänëm (1 Cor. 3:9). Oy ko nanduˈun ngäjpxëmë ja tekstë mëdiˈibë miimp mä Wiˈix njukyˈäjtëm ets nDiosmëduˈunëm ets mä foyetë Nˈokˈëxpëjkëmë Diosë jyaaybyajtën tuˈuk tuˈugë xëë, mëdiˈibë yajkäjpxp mä tkapäätynyëmë Jesúsë yˈoˈkën xëëw. Mbäät nyajtuˈunëmë ja tekstë mëdiˈibaty jap miimp parë ok nˈakniˈëxpëjkëm.

17. ¿Ti Jyobaa agujk jotkujk yajnayjyäˈäwëp? (Ix nanduˈunë rekuäädrë mä jyënaˈany “Wixaty mbäät xykyuˈëw xykyukäjpxë ko Jyobaa të xyjyuuybyëtsëˈëmëm”).

¹⁷ Këdii xymyëmay xymyëdäjy pën ixtëm tyam myaˈixy myajpääty kyaj mbäädë Jyobaa xymyëduny ixtëm të yajnigajpxy mä yäˈädë artikulo. Jamyats ko Jyobaa kyaj mˈijxkijpxyëty mët tijaty tyuundëbë wiinkpë nmëguˈukˈäjtëm, yëˈë yajtsobatypy nuˈunën mijts xytsyoky. Ets agujk jotkujk nyayjyawëty mët ko nyijäˈäwëp ko myajtsobatypy ko të myajjuuybyëtsëmy (1 Sam. 16:7; Mar. 12:​41-44).

18. ¿Tiko niˈigyë nguˈëˈëw ngukäjpxëm ti Jyobaa mëdë Jesús të xytyukmëduˈunëm?

¹⁸ Mët ko Jyobaa ojts xyjyuuybyëtsëˈëmëm mbäädë net tyam yajmeˈkxy ja poky, nnaymyaˈayëm mëët ets njëjpˈijxëm ja jukyˈäjtënë xëmëkyëjxmbë. Pääty, nˈokkuˈëˈëw nˈokkäjpxëm xëmë Jyobaa ko ojts xyjyuuybyëtsëˈëmëm mët ko xytsyojkëm, pes duˈun mëjwiin kajaa nˈaxäjëm ja kunuˈkxën (1 Fwank 4:19). Nˈokkuˈëˈëw nˈokkäjpxëm nanduˈunë Jesús ko mëk xytsyojkëm, pääty ojts xykyuˈoˈk xykyutëgoˈoyëm (Fwank 15:13).