¿Nuˈunën mëj nyajnäjxëmë Diosë xyëëw?

1, 2. ¿Wiˈix nnijäˈäwëm ko nitii duˈunë Jesús jëjpˈam tkapëjktaky ixtëm ja Tyeetyë xyëëw?

JESÚS nyitsiptuun ja Tyeetyë xyëëw, ets nitii duˈun jëjpˈam tkapëjktaky. Ixtëm ojts nˈijxëm mä ja tuˈukpë artikulo, mët ko ojts dyajwatsanë ja Tyeetyë xyëëw axtë kyuˈoˈkë (Mar. 14:36; Eb. 10:​7-9). Ets pääty nanduˈun tkëyakanë ja Anaˈam Kutujkën ko nety të yˈabety Tuk Mil Jëmëjt (1 Kor. 15:​26-28). Tukëˈëyë tijatyë Jesús të ttuny ets tijaty yˈaktimytyunaampy xyëëwgyëjxmë Tyeety, ja mä dyajnigëxëˈëky nuˈunën ttsoky.

² Jesús këdak yä Naxwiiny xyëëwgyëjxmë Tyeety (Juan 5:43; 12:​13, TNM). Tyukniˈˈijxë ja yˈëxpëjkpëty ja Tyeetyë xyëëw (Juan 17:​6, 26, TNM). Ets xyëëwgyëjxmë Tyeety, yaˈëxpëjk ets tyuunë miläägrë (Juan 10:​25, TNM). Tëgok, mä ojts tninuˈkxtäägë ja yˈëxpëjkpëty, duˈun tˈanëmääyë Jyobaa: “Ijxˈit kuentëˈat mët yëˈëgyëjxmë mxëëw” (Juan 17:​11, TNM). Nitii duˈun jëjpˈamë Jesús tkapëjktaky ixtëm ja Diosë xyëëw, Jyobaa. Pääty, ¿wiˈixën mbäät tuˈugë jäˈäy nyaytyijˈyëty kristianë pën ni tkaˈixyˈaty ets ni tkayajtuunë Diosë xyëëw, Jyobaa?

3. ¿Ti nˈixäˈänëm mä yäˈädë artikulo?

³ Niˈamukë ninuˈun nDiosmëduˈunëm, yëˈë nbanëjkxëmë Jesúsë yˈijxpajtën, pääty jëjpˈam nanduˈun nyajnäjxëm ja Diosë xyëëw (1 Peed. 2:21). Mä yäˈädë artikulo, yëˈë nˈixäˈänëm ko pënaty kyäjpxwäˈkxtëbë “oybyë ayuk” myënëjkxtëp nanduˈun ja Diosë xyëëw (Mat. 24:14). Nanduˈun nimaytyäˈägäˈänëm nuˈunën mëjm mbäät nyajnäjxëm ja Diosë xyëëw niduˈuk niduˈuk.

“TUˈUGË KÄJPN MËDIˈIBË MËNËJKXËDËBË XYËËW”

4. 1) ¿Wiˈixë Jesús tˈanëmääy ja yˈëxpëjkpëty mä nety tyimjëmbitanë tsäjpotm? 2) ¿Ti yaˈˈatsoowëmbitäämp?

⁴ Mä netyë Jesús tyimjëmbitanë tsäjpotm, duˈun tˈanëmääy ja yˈëxpëjkpëty: “Ko ja espiritë santë mnigëdäˈägëdët, ta xyˈaxäjëyäˈändë ja mëkˈäjtën. Ets mijtsëty xynyidestiigëˈatäˈändëts Jerusalén, nuˈunë yˈit lyugäärë Judea ets Samaria, ets axtë jagambäät” (Hech. 1:​8, TNM). Kyaj nety jamyë Israel yajkäjpxwäˈkxäˈäny ja oybyë ayuk, nanduˈunën abëtsëmy nyaxwinyëdë parë mbäät ja jäˈäyëty tpanëjkxtë Jesús (Mat. 28:​19, 20). Per ko Jesús jyënany “mijtsëty xynyidestiigëˈatäˈändëts”, ¿yëˈën yˈandijaampy ko yëˈëyë yajnidestiigëˈatäämp ets ko kyaj tsyokyëty tˈixyˈattëdë Diosë xyëëw? Mä Hechos kapitulo 15 jap yaˈˈatsoowëmbitäˈäny.

5. Ja apostëlëtëjk ets ja mëjjäˈäytyëjkëty mëdiˈibë Jerusalén, ¿wiˈix dyajnigëxëˈktë ko jëjpˈam yaˈixyˈatëdë Diosë xyëëw, Jyobaa? (Ix nanduˈunë dibujë).

⁵ Mä jëmëjt 49, ja mä ja apostëlëtëjk ets ja mëjjäˈäytyëjkëty mëdiˈibë Jerusalén tyuˈukmujktë parë tnimaytyäˈägäˈändë ti nety mbäät tˈoktundë ja mëdiˈibë kyaj jyudiyëˈattë parë tpanëjkxtëdë Jesús. Ets ja mä Santiago, ja kyuˈˈutsyë Jesús, jyënany: “Symeón [Pedro] të yajxon tnimaytyaˈaky wiˈixë Dios tim jawyiin ojts tniˈˈijxkëdaˈagyë wiink nasionk parë jap dyajpëtsëmäˈäny tuˈugë käjpn mëdiˈibë mënëjkxëdëbë xyëëw”. Per ¿pënën ja xyëëw? Santiago yëˈë nyigäjpx ja ääw ayuk mëdiˈibë kyujäˈäyë ja kugajpxy Amós, jyënany: “Net ja yeˈeytyëjkëty ninuˈun yˈakwëˈëndë tˈëxtäˈäytyët mëktaˈagyë Jyobaa mëdë jäˈäyëty mëdiˈibë tsoˈondëp oytyim määjëty, jäˈäyëty mëdiˈibë yajtukmëgäjpxtëbëtsë nxëëw. Duˈun jyënaˈanyë Jyobaa” (Hech. 15:​14-18, TNM). Pääty, pënatyë nety pyanëjkxandëbë Jesús, kyaj nety jeˈeyë tˈixyˈatäˈändë Jyobaa nanduˈunën yajtukmëgäjpxäˈändë ja Diosë xyëëw. Yäˈädë yëˈë yˈandijpy ko nyimaytyäˈägandëbë Jyobaa ets nan yëˈë yäˈädë xëëw mëdiˈibë yajtukˈëxkapandëp.

6, 7. 1) ¿Tiko Jesús myiiny yä Naxwiiny? 2) ¿Tiijën mëdiˈibë niˈigyë jëjpˈam nyigëdak?

⁶ Nˈokjamyajtsëm ko Jesúsë xyëëw ja nyikejy, “Jyobaa yëˈë yajnitsokp”. Ets duˈunë duˈun, Jyobaa kyajx ja yˈUˈunk yä Naxwiiny parë tkëyajky ja jyukyˈäjtën ets pënaty myëbëjktëp nyitsoˈoktët (Mat. 20:28). Ko ojts nyajjuuybyëtsëˈëmëm, mbäädë net nyajpokymyaˈkxëm ets nˈaxäjëm ja jukyˈäjtënë xëmëkyëjxmbë (Fwank 3:16).

⁷ Jesús këdak yä Naxwiiny parë dyaˈˈawäˈätspëtsëmany ja tyëëm yˈäätsë Adán mëdë Eva. Per tam ja tuk pëky mëdiˈibë niˈigyë jëjpˈam nyigëdak, pes nˈokjamyajtsëm ko Satanás yaˈˈaxëˈkë ja Diosë xyëëw jam Edén (Gén. 3:​6, 24). Päätyën nety jyëjpˈamëty ets wyäˈätsët ja Diosë xyëëw, Jyobaa. Jesús nyijäˈäwëbë nety ko pën watsp ja Diosë xyëëw, ta mbäät ja naxwinyëdë jäˈäy yˈawäˈätspëtsëmdë. Ets nipënë nety mbäät tkayajwäˈätsy ja Diosë xyëëw ixtëmë Jesús, pes yëˈë kyudënääy ets tyuundääy tijatyë netyë Dios tsyojkypy.

8. ¿Ti nety tsojkëp tkupëktët ets tjaygyukëdët pënatyë nety pyanëjkxandëbë Jesús?

⁸ Niˈamukë pënatyë nety pyanëjkxandëbë Jesús, duˈun ja judiyë ets ja mëdiˈibë kyaj jyudiyëty, tsojkëbë nety tjaygyukëdët ets tkupëktët ko Jyobaa, yëˈë yajnitsoˈoganëdëp (Fwank 17:3). Ets nanduˈunë nety yajtukˈëxkapäˈändë ja Diosë xyëëw ixtëmë Jesús. Pääty, tsojkëbë nety tjaygyukëdët ko jëjpˈam dyajwäˈätstëdë Diosë xyëëw parë nyitsoˈoktët (Hech. 2:​21, 22, TNM). Pënatyë nety pyanëjkxandëbë Jesús, kyaj nety jeˈeyë tsyokyëty tˈixyˈattëdë Jesús nanduˈunënë Jyobaa. Päätyë Jesús duˈun dyajkëjxy ja nyuˈkxtakën: “Tëjëts nduknijawëdë ja mxëëw, ets duˈunyëmëts nduknijawëyäˈändë, net ja tsojkën mëdiˈibëts mëët të xytsyoky yˈitët mët yëˈëjëty etsëts nˈitët tuˈugyë mët yëˈëjëty” (Juan 17:​26, TNM).

“MIJTSËTY XYNYIDESTIIGËˈATÄˈÄNDËTS”

9. ¿Wiˈix mbäät nyajnigëxëˈkëm ko mëjë Diosë xyëëw nyajnäjxëm?

⁹ Ixtëm të nˈijxëm, ninuˈun nbanëjkxëmë Jesús, mëdiˈibë niˈigyë jëjpˈam mbäät nduˈunëm, yëˈë ets nyajwatsëmë Diosë xyëëw, Jyobaa (Mat. 6:​9, 10, TNM). Ëjtsäjtëm, yëˈëjënë yäˈädë xyëëw mëdiˈibë mëj mbäät nyajnäjxëm, ets nyajnigëxëˈkëm mä wiˈix njukyˈäjtëm. Pääty, ¿ti net mbäät nduˈunëm parë nyajwatsëmë Diosë xyëëw ets nyajnigëxëˈkëm ko ixtëmë Satanás jyënany kyaj tyëyˈäjtënëty?

10. Ixtëm jyënaˈanyë Isaías kapitulo 42 axtë 44, ¿tiijën mëdiˈibë tëyˈäjtëndëkëyäämp? (Isaías 43:9; 44:​7-9; ix nanduˈunë dibujë).

¹⁰ Mä Isaías kapitulo 42 axtë 44 jap mä yajnimaytyaˈaky ti mbäät nduˈunëm parë nyajwatsëmë Diosë xyëëw, Jyobaa. Mä yäˈädë tëgëëkpë kapitulo duˈun yajnimaytyaˈaky ixtëmxyëp yajpayeˈeyaˈany pënën ja Diosë tëyˈäjtënbë. Etsë Jyobaa ta tˈanëëmë pënaty naytyijëdëp ko diosˈattë parë dyajnigëxëˈëktët pën jantsy diosëtyë duˈun. Yˈanëmaapy nanduˈun pënaty nyidestiigëˈäjttëbë yäˈädë diosëty ets myindët parë dyajtëyˈäjtëndëkëdët pën jantsy duˈun. Per kyaj pën mëdiˈibë mbäät duˈun ttuny (käjpxë Isaías 43:9; 44:​7-9).

11. Ixtëm jyënaˈanyë Isaías 43:​10-12, ¿wiˈixë Jyobaa tˈanëëmë pënaty mëduunëdëp?

¹¹ (Käjpxë Isaías 43:​10-12). Jyobaa duˈun tˈanëëmë pënaty mëduunëdëp: “Miitsëtyë duˈun ndestiigëˈäjttëp [ . . . ], ets ëjtsën Dios”. Ta net dyajtëy ets jyënaˈany parë yaˈˈatsoowëmbitët: ‘¿Waˈan ja wiinkpë Dios jëduˈumbë ta ëjtsënë?’ (Is. 44:​8, TY). Agujk jotkujk nnayjyäˈäwëm ko ëjtsäjtëm mbäät nˈatsoowëmbijtëm mët ja ääw ayuk ets mët tijaty nduˈunëm. Ets nyajnigëxëˈkëm nanduˈun ko Jyobaa yëˈëjën ja Diosë tëyˈäjtënbë ets ko ja xyëëw nitii kyamëbäätyëty. Wiˈix njukyˈäjtëm ja nyajnigëxëˈkëm ko njantsy tsyojkëmë Jyobaa ets ko ninäˈä ngamëdëgoyäˈänëm oy ti jotmayë Satanás xymyoˈoyëm. Ko duˈun nduˈunëm, ta nyajmëjpëtsëˈëmëmë Diosë xyëëw, Jyobaa.

12. ¿Wiˈix yˈadëëy mëdiˈibë ojts yajnaskäjpxë mä Isaías 40:​3, 5?

¹² Isaías ojts nanduˈun tnaskäjpxë ko tamˈatäämbë nety tuˈugë jäˈäy mëdiˈibë yaˈˈawäˈätsaampy “ja nyëˈë tyuˈujë Jyobaa” (Is. 40:3; notë). ¿Wiˈix yˈadëëy? Ja ko Juan Yajnëbajtpë dyaˈˈawatsy ja nëˈë tuˈu parë Jesús, mëdiˈibë këdak xyëëwgyëjxmë Dios ets ojts tnimaytyakë ja xyëëw (Mat. 3:3; Mar. 1:​2-4; Luk. 3:​3-6). Isaías nanduˈun ojts tnaskäjpxë: “Nyigëxëˈëgäˈäny ja Jyobaa myëjˈäjtën” (Is. 40:5). Yäˈädë ääw ayuk ja yˈadëëy ko Jesús kyëdaky yä Naxwiiny, mëdiˈibë kyudënääy ja Tyeety duˈun ixtëmxyëbë Jyobaa këˈëm tyim këdak (Fwank 12:45).

13. ¿Wiˈix mbäät nbanëjkxëmë Jesúsë yˈijxpajtën?

¹³ Ëjtsäjtëm nidestiigëˈäjtëmë Jyobaa duˈun ixtëmë Jesús. Nmënëjkxëm ja Diosë xyëëw, ets ndukmëtmaytyakëm oytyim pënëty tijaty yëˈë tyuumpy. Per parë yajxon nidestiigëˈäjtëm, tsojkëp nanduˈun nimaytyakëm tijatyë Jesús të ttuny ets ti tyunaampy parë dyajwäˈätsanë Diosë xyëëw (Apos. 1:8). Nipën duˈun tkanidestiigëˈatyë Jyobaa ixtëmë Jesús ets ëjtsäjtëm yëˈë nbanëjkxëmë yˈijxpajtën (Diˈibʉ Jat. 1:5). Per ¿wiˈixë net mbäät nyajnigëxëˈkëm niduˈuk niduˈuk ko wäˈäts nyajnäjxëmë Diosë xyëëw?

¿WIˈIX MBÄÄT NYAJNIGËXËˈKËM KO NYAJNÄJXËM MËJ JA DIOSË XYËËW?

14. Ko nnijäˈäwëmë Diosë xyëëw, ¿wiˈix xyajnayjyäˈäwëm ixtëm jyënaˈanyë Salmo 105:3?

¹⁴ Nitii duˈun jotkujk xykyayajnayjyäˈäwëm ko nnijäˈäwëmë Diosë xyëëw (käjpxë Salmo 105:3). Etsë Jyobaa jyantsy tyukxondakypy ko nigäjpx nimaytyakëmë xyëëw (Jer. 9:​23, 24; 1 Kor. 1:31; 2 Kor. 10:17). Nëgooyë agujk jotkujk nnayjyäˈäwënë ko nDiosˈäjtëmë Jyobaa, nanduˈun xyajnayjyäˈäwëm ko nyajmëjpëtsëˈëmëm ets ko nyaˈijtëm wäˈätsë xyëëw. Pääty kyaj mbäät nduktsoytyuˈunëm ko nDestiigëˈäjtëm, duˈun mä nduˈun nˈayoˈowëm, mä nˈeskuelëˈäjtëm, mä nnaxˈäjt ngäjpnˈäjtëm ets oytyim määjëty. Mëdiˈibë Mëjkuˈu tsyojkypy yëˈë ets kyaj nˈoknimaytyakënë Diosë xyëëw, Jyobaa (Jer. 11:21; Diˈibʉ Jat. 12:17). Satanás mëdë jyaˈay mëdiˈibë winˈëˈën winxäjtëp, yëˈë tsyojktëp ets njäˈäytyëgoˈoyëmë Diosë xyëëw (Jer. 23:​26, 27). Per ëjtsäjtëm nmëjkumayäˈänëm ja xyëëw “xëëw naxy” (Sal. 5:11; 89:16).

15. ¿Tiijën yˈandijpy ngäjpxpëtsëˈëmëmë Diosë xyëëw?

¹⁵ Duˈunyëm ngäjpxpëtsëmäˈänëmë Diosë xyëëw, Jyobaa (Joel 2:32; Rom. 10:​13, 14, TNM). Perë yäˈädë kyaj yëˈë tˈandijäˈäny nnijäˈäwëm ti Dios txëwˈaty ets ndukmëgäjpxëm, mëdiˈibën yˈandijaampy, yëˈë ko yajxon nˈixyˈäjtëm, ndukjotkujkˈäjtëm ets nˈanëjkx nˈaˈoˈkëm ko nbatëmë amay jotmay (Sal. 20:7; 99:6; 116:4; 145:18). Yëˈë nanduˈun yˈandijpy nduknijäˈäwëmë jäˈäy ti Dios txëwˈaty ets wiˈix jyaˈayˈaty, ets nbudëjkëm parë jyodëmbittët ets dyajtëgatstëdë jyukyˈäjtën parë Jyobaa kyupëkëdët (Is. 12:4; Hech. 2:​21, 38, TNM).

16. ¿Wiˈix mbäät nyajnigëxëˈkëm ko Satanás andakp?

¹⁶ Nguˈayowëyäˈänëmë ja Diosë xyëëw (Sant. 5:​10, 11). Ko nmëmëdoˈowëmë Jyobaa, oy nuˈun nbatëmë amay jotmay, ta nyajnigëxëˈkëm ko Satanás andakp. Ja tiempë mä Job jyukyˈajty, Satanás duˈun tniwäämbejty niˈamukë Dios mëduumbë: “Tuˈugë yeˈeytyëjk yakëp tukëˈëyë mëdiˈibë myëdäjtypy mët ko dyajtsoˈogäˈänyë jyukyˈäjtën” (Job 2:4). Duˈunxyëp ixtëm jyënany ko jaayë naxwinyëdë jäˈäy tmëdunäˈändë Jyobaa mä kyaj ti amay jotmay tpäättë, per pën pyattëp, ta tmäjtstuˈudäˈändë. Ko Job tmëmëdooyë Jyobaa, ta dyajnigëxëˈky ko kyaj tyëyˈäjtënëty. Ëjtsäjtëm nan mbäät nyajnigëxëˈkëm ko ninäˈä ngamäjtstuˈudäˈänëmë Jyobaa, oy nuˈunë amay jotmay xymyoˈoyëmë Satanás. Ijtëm seguurë ko Jyobaa duˈunyëm xykyuentëˈatäˈänëm mët yëˈëgyëjxm ja xyëëw (Juan 17:​11, TNM).

17. Ixtëm jyënaˈanyë 1 Peedrʉ 2:​12, ¿wiˈix ja tuk pëky mbäät nyajmëjpëtsëˈëmëmë Diosë xyëëw?

¹⁷ Nˈokwintsëˈkëm ja Diosë xyëëw, Jyobaa (Prov. 30:9; Jer. 7:​8-11). Kom ëjtsäjtëm yëˈë nmënëjkxëm ja Diosë xyëëw etsë jäˈäy nyijäˈäwëdëp ko ndestiigëˈäjtëm, pääty mbäät nyajmëjpëtsëˈëmëm ja xyëëw o nyaˈˈaxëˈkëm (käjpxë 1 Peedrʉ 2:12). Pääty, ndunäˈänëmë mëjääw parë nyajmëjpëtsëˈëmëmë Jyobaa mëdë tuˈunën käjpxën. Duˈuntsoow nëjkx nyajmëjpëtsëˈëmëm ja xyëëw oy pokyjyaˈay nyajpatëm.

18. ¿Wiˈix ja tuk pëky nyajnigëxëˈkëm ko niˈigyë nmëmäˈäy nmëdäjëm ja Diosë xyëëw ets kyaj dyuˈunëty wiˈix ja jäˈäy xyˈijxëm? (Ix nanduˈunë notë).

¹⁸ Niˈigyë nmëmäˈäy nmëdäjëm ja Diosë xyëëw ets kyaj dyuˈunëty wiˈix ja jäˈäy xyˈijxëm (Sal. 138:2). ¿Tiko duˈun njënäˈänëm? Yëˈko mëk ntsojkëm ja Diosë xyëëw ets ndunäˈänëm ti yëˈë tyukjotkëdakypy. Per näˈäty, mbäädë jäˈäy xynyëxik xytyukxikëm o xyˈëbat xykyäjpxpatëm.a Jesús oˈk tëgooy ixtëm tuˈugë axëkjäˈäy parë dyajmëjpëtsëëmy ja Diosë xyëëw, Jyobaa. Ebreeʉsʉty 12:​2-4, jyënaˈany ko “kyaj tmëjpëjtaky ja tsoytyuˈun”, jaˈa njënäˈänëm, ko kyaj nëgoo ojts tmëmay tmëdäjy wiˈixë jäˈäy yˈijxë. Mëdiˈibën niˈigyë myëmääy myëdäj, yëˈë ti ja Dios tsyojkypy (Mat. 26:39).

19. ¿Wiˈix mijts nnayjyawëty ko xymyënëjkxë Diosë xyëëw, ets tiko?

¹⁹ Mëj nnayjyäˈäwëm ko mbäät nmëduˈunëmë Jyobaa ets ko nyaˈixyˈäjtëm ixtëmë Tyestiigëty. Pääty kyaj wiˈix nnayjyäˈäwëm ko pën xynyëxik xytyukxikëm o xyˈëbat xykyäjpxpatëm. Mëdiˈibë mas mëj nyajnäjxëm, yëˈë Jyobaa xyëëw ets kyaj wiˈix ja jäˈäy xyˈijxëm. Pääty të ja jot winmäˈäny nbëjktakëm ko duˈunyëm nmëjkumayäˈänëmë Jyobaa, oyë Satanás ti jotmay xymyoˈoyëm. Ko duˈun nduˈunëm, ta nyajnigëxëˈëgäˈänëm ko Jyobaa xyëëw yëˈë mëdiˈibë mas mëj nyajnäjxëm duˈun ixtëmë Jesús.