MËWINGONË DIOS
“Diosˈatyëty ja [...] jiikypyëty”
¿Mas kumëjää oˈkën ets kyaj dyuˈunëtyë Dios? Kyaj. Oˈkën kyaj mbäät yˈity mas kumëjää, yëˈëyë Dios diˈib tukëˈëyë mëkˈäjtënë myëdäjtypy mbäät yajpääty mas kumëjää (1 Korintʉ 15:26; Éxodo 6:3). Dios myëdäjtypyë mëjää parë dyajjukypyëkëdë oˈkpë ets yëˈë diˈib wyandakypy ttunäˈäny mä ja jembyë jukyˈäjtën.a ¿Mbäät nmëbëjkëmë tyäˈädë wandakën? Jesus, Diosë yˈUˈunk, yëˈë diˈib yˈatsoojëmbijtypy etsë yˈää yˈayuk xyjotkujkmoˈoyëm. (Käjpxë Matewʉ 22:31, 32.)
Jesus duˈun tˈanmääy ja saduseeëty diˈibë nety kyaj tmëbëktë ko oˈkpë jyukypyëkäˈäny: “Yëˈë oˈkpëty sitëy jikypyëktëp. ¿Tii kyajnëm miits xykyäjxtë diˈibë Dios këˈëm jënäämp mä ja jyaaybyajtën?, mä tˈanmääy ja Moisés: Ëjtsë dëˈën ja Abräänë Dyios, Isää esë Jakoob. Yëˈë Dios kyaj yëˈë Dyiosˈatyëty ja oˈkpëty, yëˈë dëˈënë jiikypyëty”. Yä, yëˈë Jesus nyigäjpx mä wiˈixë Moisés myaytyaky mëdë Dios mä jëmëjt 1514 mä kyajnëm myinyë Kristë ko ja ujts tyooy (Éxodo 3:1-6). Ko Jesus tnimaytyaky extëmë Dios jyënany: “Ëjtsë dëˈën ja Abräänë Dyios, Isää esë Jakoob”, yëˈë xytyukˈijxëm ko seguurë oˈkpë jyukypyëkäˈäny. ¿Tiko duˈun njënäˈänëm?
Ko Jyobaa myaytyaky mëdë Moisés, të nety yˈoˈktääynyëdë Abrahán, Isaac etsë Jacob, ja netyë tiempë të nyäjxnë mä Abrahán yˈooky 329 jëmëjt, Isaac, 224, etsë Jacob, 197. Perë Jyobaa kyaj jyënany: “Yëˈëjëts xyDiosˈäjt”, yëˈë jyënany: “Ëjtsë dëˈën ja Abräänë Dyios, Isää esë Jakoob”, extëmxyëbë tyäˈädë jäˈäyëty kyaj të yˈooktë. ¿Tiko?
Jesus tnimaytyaky ko Jyobaa “Diosˈatyëty ja [...] jiikypyëty”. Okwinmay wiˈixë tyäˈädë ää ayuk nyikejy. Koxyëbë oˈkpë kyajukypyëkäˈäny, ookyxyëp yˈittë winë xëë winë tiempë Abrahán, Isaac etsë Jacob, etsë Jyobaa, yëˈëxyëp Diosˈäjtëbë oˈkpë. Ets nan yëˈëxyëp yˈandijpy ko kyaj tmëdatyë mëjää parë dyajjukypyëkët pënaty xëmë mëduunëp, ets ko oˈkën mas kumëjää ets kyaj dyuˈunëtyë Jyobaa.
Per ¿wiˈixë net yajpäättë Abrahán, Isaac, Jacob ets niˈamukë Dios mëduumbë diˈib të yˈooktë? Jesus jyënany: “Es mët yëˈë tëgekyë jyikyˈäjtäˈäytyë” (Lukʉs 20:38). Jyobaa seguurë yˈity ko kyuytyunaambyë wyandakën ko dyajpëdëˈëgäˈäny pënaty mëduunëp, pes parë yëˈë duˈunxyëp extëm jyukyˈattë (Romanʉs 4:16, 17). Ets wyinmäˈänyoty dyaˈijtäˈäy pënaty të yˈooktë parë dyajjukypyëkäˈäny jatëgok.
¿Mnaybyäädanëp mëdë mjiiky mëguˈuk diˈib të yˈooky? Jamyats ko Jyobaa yëˈë diˈib niˈigyë mëkˈäjtënë myëdäjtypy ets kyaj dyuˈunëtyë oˈkën. Nitii mbäät kyayajtuˈudukyëty parë tkuytyunëdë wyandakën ko dyajjukypyëkäˈäny pënaty të yˈooktë. ¿Mˈaknijawëyaampy niˈigyë tyäˈädë wandakën ets pënë tyäˈädë Dios diˈib duˈun të twandaˈaky? Ko xynyijawët, ta niˈigyë xymyëwingonëdë Jyobaa diˈib Diosˈäjtp mä juukypyëty.
mä tyäˈädë poˈo mbäät xykyajpxyë Biiblyë mä:
Matewʉ 22 axtë Markʉs 8
[Notë]
a Jap niˈigyë xynyijawët wiˈixë Dios dyajjukypyëkäˈänyë oˈkpë yä Naxwiiny, mä liibrë ¿Ti tëyˈäjtën jantsy tukniˈijxëbë Biiblyë? kapitulo 7, diˈib yajpëtsëëmdëbë Jyobaa tyestiigëty.
[Mä tmaytyaˈaky diˈib jëjpˈam pajina 31]
Jyobaa yëˈë diˈib niˈigyë mëkˈäjtënë myëdäjtypy ets kyaj dyuˈunëtyë oˈkën