DIˈIB MIIMP MÄ NYIˈAK: ¿TI MYAYTYAKYPYË BIIBLYË?
Oybyë ayuk parë niˈamukë jäˈäy
Ko Jesus jyukypyejky, ta ja yˈëxpëjkpëty niˈigyë dyajkëktëjkëdë myëbëjkën ets tjotmooytyë Diosë tyuunk. Extëmë apostëlë Pablo, ojts nyijkxy mäjaty ja nax käjpn diˈib Asia Menor ets diˈib mä ja mejny Mediterráneo, parë dyajnaxkëdaˈaky kanäägë naymyujkën ets tjotmëkmooy ja myëguˈuktëjk parë kyaj yˈëxtëkëwäˈäktët ko yajpajëdittët ets kyaj axëëk jyukyˈattët extëm ja jäˈäyëty. Duˈun ojts nyimayëdë pënaty pyanëjkxtëp ja Kristë.
Pablo axtë ijt pujxndëgoty. Jap tnijäˈäyë ja myëguˈuktëjk parë tjotmëkmooy ets tukˈawäˈänë ko miin këdakpë nety tuˈugë mëj jotmay: ko tyëkëyaˈany mä ja naymyujkënë tukniˈˈijxën diˈib kyaj tyëyˈäjtënëty. Ets yëˈë Dios tuknijäˈäwë ko këxëˈëgäämbë netyë “waxkäˈuk diˈibë awäˈän”, ets dyajtëkëyaˈanyë “wiinkpë ëxpëjkën diˈibë kyaj tyëyˈäjtënëty, es ttukpanëjxäˈäny [pënaty] myëbejkypy ja Jesus” (Apostʉlʉty 20:29, 30).
Mä nety kyëxanë primer siiglë, jaa ogäˈän tyëjkë duˈumbë tukniˈˈijxën. Ets naa ja mä tadë tiempë, Jesus ttukˈijxyë Juan diˈibë nety adëwäämp mä tiempë myiiny kyëdaˈaky. Ets duˈun extëmë Juan tkujäˈäyë, pënaty myëtsipˈäjttëbë Dios etsë yaˈëxpëjkpë diˈib andaktëp, kyaj mbäät dyajtuˈuduktë diˈibë Dios të ttuknibëjtäägë parë Naxwinyëdë ets parë jäˈäy. Ets ko yajmëdowäämp ja oybyë ayuk diˈib myaytyakypy ja Diosë Kyutujkën “mä tëgekyë nax käjpn, mä tëgekyë naxwinyëdë, es mä tëgekyë wiinkpë ayuk käjxpë” (Diˈibʉ Jatanʉp 14:6). Ets ko Naxwinyëdë jyëmbitäˈäny extëm tuˈugë it lugäärë tsujpë mä jyukyˈatäˈändë pënaty tyuundëp tijatyë Diosë tsyejpy.
¿Këdii jantsy oyë tyäˈädë diˈib yajmaytyakp? Pën duˈun xymyëdoy, ëxpëk niˈigyë Diosë yˈAyuk, pes mbäät tyam xytyukˈoyˈaty ets mä tiempë myiny kyëdaˈaky.
Mbäät xykyajpxyë Biiblyë diˈib yajpatp naxy 50 ayuk mä Internet www.jw.org. Nan mbäät jap xypyaatyë foyetë Biiblyë, ¿ti xytyuknijäˈäjëm?, Oybyë ayuk diˈib tsoˈomp mä Dios, liibrë ¿Ti tëyˈäjtën jantsy tukniˈijxëbë Biiblyë? etsë wiinkpë ëxpëjkpajn diˈib nyimaytyakypy tiko mbäät nmëbëjkëmë Biiblyë ets wiˈix mbäät xypyudëjkëmë kyäjpxwijën mä jukyˈäjtën ets mä familyë. Pën mˈaknijawëyaampy niˈigyë, anëëmë tuˈugë Jyobaa tyestiigë.
(Yajpääty mä Apostʉlʉty, Éfesʉ, Filipʉs, Kolosʉ, Filemón, 1 Fwank etsë Diˈibʉ Jatanʉp.)
[Dibujë diˈib mä pajina 7]
[Dibujë diˈib mä pajina 7]