Eski ou’nn prepare-ou pou enn urgence medical?
Enn sel coute, sans ki nou koné nou kapav gagne enn probleme la santé bien grave. (Jacq. 4:14) A cause sa, enn dimoune ki ena bon jugement pou prepare li autant ki possible. (Prov. 22:3) Eski ou’nn fini decidé ek ecrire ki traitement ek methode medical ou pou accepté? Pou aide ou dan sa domaine-la, finn faire enn video ki appel Soigner sans transfuser — Besoins et droits du patient, ki trouve dan deuxieme partie DVD Des alternatives à la transfusion — Documentaires. A mesure ki ou pé guette sa, essaye reponn bann question ki ena enba. Parski ena bann boute kot montré bann scene l’operation, bann parent bizin decidé si zot pou laisse zot zenfant guette sa video-la ou-soit non.
(1) Kifer certain professionnel dan domaine medical pé demandé si vrai-mem necessaire faire transfusion? (2) Donne trois l’exemple l’operation compliké ki finn faire sans transfusion. (3) Kifer ena bann millier docteur ek chirurgien dan le monde ki d’accord pou traite bann patient sans faire transfusion di-sang? (4) Ki bann recherche ki’nn faire pa trop longtemps dan bann l’hopital montré concernant bann transfusion? (5) Ki bann risk ena kan faire transfusion? (6) Ki conclusion beaucoup specialiste inn tiré lor bann l’avantage ki ena pou servi lezot traitement dan place transfusion? (7) Ki kapav faire enn dimoune gagne l’anemie, ek ki kapav faire pou soigne li? (8) Ki kapav faire pou augmente production bann globule rouge dan lekor enn malade? (9) Ki bann technik pé servi pou perdi moins di-sang pendant enn l’operation? (10) Eski kapav servi bann lezot traitement ki efficace dan place transfusion pou bann ti zenfant, ou-soit kan la vie enn dimoune en danger? (11) Cite enn principe bien important ki bann docteur bizin prend en consideration kan zot donne bann soin medical.
Chaque chretien pou decidé personnellement, en accord avek so conscience si li pou accepté ou-soit non certain parmi bann traitement ki ena lor sa video-la. A cause sa fodé pa ki ou attann ki ou ré-trouve ou devant enn urgence pou guetté ki traitement ou pou accepté ou-soit non. Pou ki ou kapav prend enn bon decision bien reflechi, guette chapitre 7 dan livre “L’amour Bondié” ek bann reference ki cité dan supplement Ministère du Royaume novembre 2006. Apré sa, si ou enn proclamateur baptisé, ecrire ou bann choix lor ou carte DPA (No Blood), ek sarié sa carte-la partout kot ou allé.
[L’encadré page 3]
Eski ou’nn fini decidé ek ecrire ki traitement ek methode medical ou pou accepté?