Preche ar “tou sorte qualité dimoune”
1. Couma enn predicateur efficace li pareil couma enn sculpteur qualifié?
1 Enn sculpteur qualifié ena different zouti, ek li koné kan ek couma li bizin servi chaque zouti. Nou aussi nou ena plusieurs zouti pou aide nou pou accompli nou travail en tant ki bann predicateur. Par exemple, nou ena enn grand varieté brochure ki koz lor different sujet pou aide nou preche ar “tou sorte qualité dimoune.” (1 Cor. 9:22) Supplement sa Ministere du Royaume-la donne nou enn la liste certain sa bann brochure-la, li explik nou pou kisannla finn faire sa, ek li donne nou bann l’idée couma nou kapav offert zot.
2. Kan nou kapav servi bann brochure dan nou ministere?
2 Kan pou servi sa bann brochure-la: Enn sculpteur pou servi enn zouti n’importe kan li trouvé sa zouti-la pou utile pou li. Nou aussi pareil, nou kapav offert enn brochure n’importe kan nou trouvé ki sa pou utile pou enn dimoune, pa zis pendant mois ki pou offert sa publication-la. Par exemple, si pendant le mois nou pé offert livre Ki la Bible enseigné? ek nou pé preché ar enn kikenn ki pa chretien ek pa trop interessé ar la Bible, ki nou kapav faire? Li pou pli bon si nou donne li enn brochure ki adapté ar li ek introduire livre Ki la Bible enseigné? apré ki nou finn developpe l’interet sa dimoune-la.
3. Kifer nou bizin vinn bann expert kan nou servi nou bann zouti pou rann temoignage?
3 La Bible koz en bien lor bann dimoune ki qualifié dan zot travail. (Prov. 22:29) Vrai-mem zordi, pena okenn travail ki pli important ki “travail sacré pou annonce bon nouvelle.” (Rom. 15:16) Pou ki nou vinn “enn zouvrier ki pena nanyin pou honté,” nou pou faire bann grand zeffort pou vinn bann expert kan nou servi nou bann zouti.—2 Tim. 2:15.