Gardé
Eski ou pé servi sa bann brochure-la?
La Bible—Ki message ena ladan?
Inn faire pou bann dimoune ki pa trop konn la Bible, surtout bann dimoune ki pa chretien
Modele presentation: “Nou ti pou content konn ou l’opinion lor seki sa livre sacré-la dire ici. [Lire Psaume 37:11, ki mentionné dan section 11.] Couma ou pensé la terre pou été kan sa promesse-la pou realisé? [Laisse dimoune-la reponn.] Sa, c’est enn l’exemple ki montré nou l’espoir ek reconfort ki bann dimoune dan tou culture ek tou religion kapav gagné dan la Bible.” Lire paragraphe ki trouve la-haut dan page 3, ek apré offert sa brochure-la.
Suggestion: Si ou pé conduire enn l’etude la Bible dan livre Ki la Bible enseigné? avek enn dimoune ki pa chretien, prend deux-trois minute avant ou-soit apré chaque l’etude pou examine enn section dan sa brochure-la pou ki li kapav gagne enn connaissance de base lor la Bible.
Un livre pour tous
Inn faire pou bann dimoune bien eduqué ki pa trop konn la Bible
Modele presentation: Lire 2 Timothée 3:16, 17. Apré sa dire: “Eski ou d’accord ki la Bible li inspiré par Bondié? Ou-soit ou pensé ki li zis enn bon livre? [Laisse dimoune-la reponn.] La plupart dimoune ena zot l’opinion lor sa question-la, mais nou’nn remarké ki en realité bien tigit dimoune inn examine la Bible personnellement. [Lire recit ki trouve enba titre lor page 3.] Sa brochure bien interessant-la. Li expliké kifer li bon ki bann dimoune dan different culture ek religion examine seki ena dan la Bible.”
Suggestion: Si dimoune-la accepté brochure-la: “Beaucoup dimoune pensé ki zot pa pou aprann grand kitsoz dan la Bible parski la religion inn deforme so bann l’enseignement. Kan mo retourné mo ti pou content donne ou enn l’exemple.” Kan ou retourné, examine bann point ki trouve lor page 4-5.
U Kapav Vinn Kamarad Bondye!
Inn faire pou bann dimoune ki pa trop konn lire
Modele presentation: “Eski ou pensé ki li possible nou vinn camarade ar Bondié? [Laisse dimoune-la reponn. Apré sa lire Jacques 2:23.] Sa brochure-la aide nou vinn camarade Bondié, pareil couma Abraham.”
Suggestion: Soit premier fois ki ou joinde dimoune-la soit kan ou retourné pou visite li, montré li couma enn l’etude la Bible deroulé kan zot examine ensam tou ou-soit enn partie dan leson 1.
Une vie pleinement satisfaisante : Comment ?
Inn faire pou bann dimoune ki pa interessé ar la religion
Modele presentation: “Nou vinn visite ou parski nou finn remarké ki beaucoup dimoune ti pou content gagne plus satisfaction dan la vie. Nou tou nou kapav gagne bann probleme ki rann nou malheureux. Kan sa arrive nou, kitfois nou rod conseil avek enn famille ou-soit enn camarade, ou-soit dan bann livre ou-soit lor Internet. Kot-sa ou’nn trouvé ou kapav gagne bann bon conseil? [Laisse dimoune-la reponn.] Certain finn etonné kan zot finn gagne bann conseil pratik dan la Bible. Laisse mo montré ou enn l’exemple. [Lire enn verset ki trouve dan section 2.] Sa brochure-la explik nou couma nou kapav ena enn la vie ki faire nou gagne plus satisfaction.”
Suggestion: Si dimoune-la accepté brochure-la: “Beaucoup dimoune inn tendé ki la Bible rempli ar bann kitsoz ki pa exact. Kan mo retourné, mo ti pou content donne ou enn preuve ki la Bible exact lor plan scientifik ek surement sa pou interesse ou.” Kan ou retourné examine paragraphe 4 lor page 12.
Cinq questions à se poser sur l’origine de la vie
Inn faire pou bann jeune chretien ki exposé ar bann l’enseignement lor l’evolution dan lekol ek li utile aussi kan ena pou raisonne avek bann ki croire dan l’evolution, bann ki doute lor l’existence Bondié ek bann athée (Sa brochure-la pa’nn faire pou preché lakaz-lakaz.)
Modele presentation kan nou joinde enn dimoune ki croire dan l’evolution ou-soit enn athée: “Zordi, preské tou bann livre lekol lor la science enseigne l’evolution. Eski ou pensé ki l’evolution li zis enn theorie, ou-soit ki asterla c’est enn fait ki’nn bien etabli? [Laisse dimoune-la reponn.] Mo pensé ou pou d’accord avek moi ki, pou nou kapav prend enn bon decision lor enn sujet, nou bizin examine so toulé-deux coté, setadir pour ou kont. Sa brochure-la montré certain preuve ki finn amenn beaucoup dimoune pou croire ki la vie finn crée.”
Suggestion: Si ou al lekol, quitte brochure-la lor ou desk ek guetté si sa interesse ou bann camarade dan classe.
Que devient-on quand on meurt ?
Inn faire pou bann hindou
Modele presentation: “Kan enn dimoune ki nou content trouve la mort, li normal ki nou demann nou-mem kot li été ek si enn jour nou pou kapav retrouve li. Eski ou finn deja pose ou enn parmi sa bann question-la? [Choisir enn ou-soit deux question ki trouve lor dernier page brochure-la, ek laisse dimoune-la reponn.] Guette l’espoir ki nou Createur donne nou. [Lire Job 14:14, 15.] Beaucoup dimoune demann zot couma Bondié pou realise sa promesse-la. Guette seki sa brochure-la dire lor la dan page 25. [Examine paragraphe 6 ek 7.] Dan sa brochure-la ou pou gagne bann reponse ki pou explik ou dan ki condition bann mort été ek lor l’esperance la resurrection.”
Suggestion: Si dimoune-la accepté brochure-la, attire so l’attention lor dixieme sujet ki trouve lor page 2: ‘ La vérité sur les questions relatives à l’âme. ’ Kan ou ré-visite dimoune-la examine paragraphe 1-3 ki trouve lor page 28 ek 29.
La voie qui mène à la paix et au bonheur
Inn faire pou bann bouddhiste
Modele presentation kan nou joinde enn dimoune agé ki bouddhiste: “Kitfois, pareil couma moi, ou aussi ou tracassé kan ou trouve sa quantité l’idée malprop ki ena-la ek mauvais l’influence ki sa ena lor nou bann zenfant. Dapré ou, kifer de plus en plus bann jeune pé tombe dan l’immoralité coumsa? [Laisse dimoune-la reponn.] Eski ou ti koné ki sa ti’nn annoncé dan enn livre ki ti’nn commence ecrire bien-bien avant ki religion chretien, hindou ek musulman ti etabli? [Lire 2 Timothée 3:1-3.] Remarké ki bann dimoune pou coumsa malgré ki zot inn gagne plus l’education. [Lire verset 7.] Sa brochure-la finn aide moi pou comprend la verité ki la plupart bann dimoune jamais finn aprann. Eski ou ti pou content gagne li pou lire?”
Suggestion: Kan ou ré-visite dimoune-la, apré ki ou’nn developpe so l’interet pou la Bible, montré li bann question ki ena lor dernier page sa brochure-la, ek attire l’attention lor coupon pou livre Ki la Bible enseigné? Explik dimoune-la ki ou ena enn copie sa livre-la avek ou. Montré li page kot ena la liste bann chapitre, ek examine enn paragraphe ou-soit deux dan chapitre ki li’nn choisir.
Nos problèmes — Qui nous aidera à les résoudre ?
Inn faire pou bann hindou
Modele presentation: “Beaucoup dimoune avek ki nou finn kozé nepli koné ki pou faire kan zot trouve tou sa mauvais kitsoz ki pé arrivé dan le monde-la. Eski ou pensé ki enn jour Bondié pou tire tou bann probleme ki ena lor la terre? [Laisse dimoune-la reponn.] Sa prophetie-la donne nou l’espoir. [Lire Psaume 37:11.] Seki mo fek lire sorti dan la Bible, enn livre ki souvent bann dimoune finn mal comprend ou-soit finn mal servi. Kitfois ou pou etonné kan ou aprann ki la Bible li pa enn livre ki zis pou bann blanc; li pa encourage dictatir par bann colon; ni li enseigné ki enn race pli superieur ki enn lot. Mais li donne nou l’espoir ki bientot Bondié pou tire tou nou bann probleme. Ladan ena aussi bann principe ki kapav aide nou pou faire face ar nou bann probleme depuis asterla-mem. Dan sa brochure-la ou pou gagne plus renseignement.”
Suggestion: Kan ou pé ré-visite sa dimoune-la, apré ki ou’nn developpe so l’interet lor la Bible, montré li bann zimage ki ena lor page 4-5 dan livre Ki la Bible enseigné? Lire au moins enn verset la Bible ki’nn cité ek offert livre-la.
La direction venant de Dieu : le chemin qui mène au Paradis
Inn faire pou bann musulman ki reste dan enn l’environnement ki permette zot etudié la Bible
Modele presentation: “Dapré seki mo koné, bann musulman croire dan enn sel vrai Bondié ek dan tou bann prophete. Pa vrai? [Laisse dimoune-la reponn.] Mo ti pou bien content koz avek ou lor enn vié prophetie ki ti predire ki la terre pou transformé pou vinn enn paradis. Eski mo kapav lire seki sa prophete-la inn ecrire? [Lire Isaïe 11:6-9.] Beaucoup finn demann zot couma Bondié pou amenn sa qualité changement-la lor la terre. Sa brochure-la montré seki bann prophete dire lor sa sujet-la.”
Suggestion: Si dimoune-la accepté brochure-la: “Sa livre sacré-la expliké ki premier zom ti vive dan Paradis. Prochain fois ki nou joinde, mo ti pou content reponn sa question-la: ‘Couma premier zom finn rejette direction Bondié ek finn perdi Paradis?’” Kan ou retourné examine partie ki commence lor page 6.
La vraie foi : le chemin qui mène au bonheur
Inn faire pou bann musulman ki reste dan enn l’environnement ki permette zot etudié la Bible
Modele presentation: Montré zimage lor page 16-17 ek dire: “Sa zimage-la li bien different ar seki nou trouvé dan le monde zordi. Eski ou pensé ki li possible ki enn jour le monde vinn coumsa? [Laisse dimoune-la reponn.] Guetté seki sa livre sacré-la promette. [Lire enn parmi bann verset ki’nn cité dan ou la Bible.] Sa brochure-la aide nou pou ena la foi ki sa qualité promesse-la pou realisé.”
Suggestion: Apré ki ou fini koz ar dimoune-la pou premier fois, demann li pou choisir enn question ki trouve lor dernier page sa brochure-la. Ek faire bann l’arrangement pou retourné ek servi sa brochure-la pou reponn sa question-la.
La paix et le bonheur durables : comment les trouver
Inn faire pou bann Chinois
Modele presentation: “Dan la vie zordi ena beaucoup difficulté ki kapav faire nou perdi nou la joie. Ki aide ou pou reste heureux malgré bann probleme? [Laisse dimoune-la reponn.] Beaucoup dimoune finn trouve la joie kan zot finn suive bann conseil ki ena dan la Bible. [Lire Psaume 119:1, 2.] Certain mette la Bible enn coté parski zot pensé ki li enn livre ki zis pou bann blanc. Mais guette seki li dire ici. [Examine paragraphe 16 lor page 17.] Sa brochure-la expliké couma nou kapav trouve la paix ek la joie pou touletan.”
Suggestion: Si dimoune-la accepté brochure-la, lire ensam trois premier phrase dan paragraphe 18 lor page 17 ek dire: “Kan mo retourné, mo ti pou content montré ou dapré la Bible ki nou kapav attann pou l’avenir.” Kan ou retourné, examine enn parmi bann point ki ena dan paragraphe 6 lor page 30.