Avek l’assurance, anou preche dan bann territoire commercial
1. Kifer fodé pa nou desesperé si nou gagne peur pou preche dan bann territoire commercial?
1 Eski ou gagne peur pou preche dan bann territoire commercial? Si oui, pa desesperé, parski mem Paul, ki pa ti peur nanyin, ti bizin “prend beaucoup courage” pou ki li kapav preché. (1 Thess. 2:2) Dan bann paragraphe ki suive nou pou guette trois probleme ki nou kapav gagné ek aussi bann suggestion pratik ki pou aide nou faire face ar sa.
2. Kifer fodé pa nou peur pou derange bann travailleur?
2 Eski bann employé pou en colere si nou derange zot? Dan beaucoup commerce, bann travailleur zot la pou servi lezot ek zot attann ki dimoune pou derange zot. Souvent zot pou montré zot gentil, parski pou zot, nou enn client. Kan ou habille-ou dan enn fason ki digne, kan ou montré ki ou interessé ar zot, ek kan ou amical, sa pou pousse zot pou traite ou avek respé.
3. Couma eski nou kapav evite agace bann client?
3 Eski mo bizin faire mo presentation devant beaucoup client? Si possible, choisir enn moment kot pena trop beaucoup dimoune, par exemple kan fek ouvert. Attann ki patron-la ou-soit employé-la tousel pou koz avek li. Ou presentation bizin bien bref.
4. Ki nou kapav dire kan nou pé preche dan bann territoire commercial?
4 Ki mo bizin dire? Si ena beaucoup travailleur, koz avek responsable-la. Ou kapav dire: “Li difficile pou joinde bann dimoune ki travail kot zot, c’est a cause sa ki nou pé visite ou dan ou travail. Mo koné ki ou pé travail, alors mo pa pou tardé.” Pou ki bannla pa prend nou pou bann vendeur, li pli bon si nou pa koz lor bann contribution volontaire a moins ki zot demann nou couma nou travail financé. Dependant ki qualité commerce sa, kitfois ou kapav demann patron-la permission pou koz pou enn ti moment avek bann travailleur. Ré-faire ou presentation ar zot. Si enn travailleur parette occupé, pa tardé ek quitte enn tract avek li. Si li pa possible pou koz avek bann travailleur, kitfois ou kapav demandé si li possible pou quitte bann magazine dan enn l’endroit kot zot faire prend zot pause.
5. Ki bann raison nou ena pou preché dan bann territoire commercial avek l’assurance?
5 Avek l’assurance, Jésus ek Paul ti preche avek bann dimoune dan zot travail. Ou aussi ou kapav faire sa. (Mat. 4:18-21; 9:9; Actes 17:17) Demann Jéhovah aide ou pou ena enn leker calme ek pou prend courage. (Actes 4:29) Pena beaucoup absent dan bann territoire commercial, alors, kifer ou pa essaye sa methode predication bien productif-la?