Letid dan Liv Ador Sel Vre Bondye

Liv Ador Sel Vre Bondye inn fer pu ki bann nuvo kapav etidye li apre ki zot inn terminn liv Konesans. Byinto, nu pu etidye sa liv-la dan Letid Liv. Sa pu ekip nu pu servi sa liv-la dan nu minister. Sa pu usi ed nu pu ogmant nu lamur ek nu rekonesans pu Zeova ek pu so lorganizasyon. Kuma eski nu kapav tir byin profi kan nu pu etidye liv Ador Sel Vre Bondye?

Kuma pu Kondir Letid: Pwiski nu pu etidye enn sapit an antye sak semenn, bann sirveyan letid liv pu bizin byin reparti zot letan. Fode pa ki zot tro tarde lor bann premye paragraf. Kumsa, zot pu kapav pas plis letan lor bann lide pli inportan ki vini apre. Alafin sak letid, li bon egzaminn lankadre kot ena bann kestyon revizyon. Sa pu fer bann asistan rapel bann pwin kle dan letid.

Dan preske lamwatye bann sapit sa liv-la, ena bann kestyon ki’nn dekale zis apre sertin paragraf. Se bann kestyon lor ki nu kapav medite ek diskite. Nu kapav truv enn legzanp lor paz 48-49. Frer ki fer lektir, pa oblize lir sa bann kestyon-la. Kan pe egzaminn sa bann kestyon-la, sirveyan letid bizin fer lir bann verse ki site ek diskit lor la si letan permet.

Prepar Alavans: Prepar byin pu letid inplik plis ki suliyn repons. Si nu medit dan lapriyer lor bann verse ki’nn site, sa pu permet nu prepar non selman nu bann komanter, me seki pli inportan ankor, nu leker. (Ezra 7:10) Nu tu kapav fer nu par pu ki sakenn ankuraz so kamarad par so komanter. Me fode pa ki nu dominn sa diskisyon-la par nu bann long repons.—Rom. 1:11, 12.

Nu letid dan liv Ador Sel Vre Bondye pu ed nu pu vinn pros ar Zeova. Li pu usi ekip nu pu ed bann dimunn sinser pu vinn ador Zeova ansam avek nu. (Psom 95:6; Zak 4:8) Nu swete ki nu tu pu tir byin profi ar sa dispozisyon spirityel-la.

[Lakadre lor page 4]

Ador Sel Vre Bondye

Program Letid pu 2003

Okt.20:sap. 1

27:sap. 2

Nov. 3:sap. 3

10:sap. 4

17:sap. 5

24:sap. 6

Des. 1:sap. 7

8:sap. 8

15:sap. 9

22:sap. 10

29:sap. 11

Program Letid pu 2004

Zan. 5:sap. 12

12:sap. 13

19:sap. 14

26:sap. 15

Fev. 2:sap. 16

9:sap. 17

16:sap. 18

23:sap. 19

Mars 1:sap. 20

8:sap. 21