Lepok Mémorial—Enn Period pou Augmente l’Activité
1. Ki l’effet ‘bann fête ki ti faire chaque saison’ ti éna lor bann Israélite ki ti éna la crainte pou Bondié?
1 Dan bann period precis pendant l’année, bann Israélite, dan lepok Biblik, ti celebré “bann fête ki faire chaque saison pou Jéhovah.” (Lév. 23:2) Kan zot ti prend le temps pou reflechi lor bonté Jéhovah, zot ti gagne beaucoup la-joie ek sa ti motive zot pou adore Jéhovah avek zèle.—2 Chron. 30:21–31:2.
2, 3. Kifer lepok Mémorial li enn bon lepok pou augmente nou l’activité spirituel, ek kan nou pou celebré Mémorial?
2 Dan lepok moderne, nou l’activité theocratik augmenté toulé-l’année pendant lepok Mémorial. C’est enn period kot nou medite en profondeur lor cadeau ki Jéhovah inn donné pou sauve nou; enn cadeau ki éna beaucoup valeur —So Garson ki Li’nn crée Li tousel. (Jean 3:16; 1 Pierre 1:18, 19) Kan nou medite lor l’amour ki Bondié ek so Garson inn montré, sa pousse nou pou glorifié Jéhovah ek aussi pou faire tou séki nou kapav pou faire So volonté.—2 Cor. 5:14, 15.
3 Sa l’année-la, nou pou celebré Repas du Seigneur, Jeudi le 24 Mars, apré coucher soleil. Couma nou kapav augmente nou participation dan predication pendant mois Mars, Avril, ek Mai?
4, 5. (a) Ki finn aide certain pou kapav partage la bonne nouvel ar pli beaucoup dimoune? (b) Ki moyen ki pli efficace dan ou territoire?
4 Rann Temoignage ar Pli Beaucoup Dimoune: Rod bann moyen pou ou kapav rann temoignage ar plus dimoune possible dan predication. Eski ou kapav organise ou pou preché de maison en maison, dan enn l’heure kot pli beaucoup dimoune lakaz, par exemple dan l’apré-midi ou-soit dan la soirée? Si certain dan ou l’etude de livre envi preché avant l’etude, surveillant l’etude de livre kapav organise enn ti-reunion predication pou ki zot faire enn territoire ki pré.
5 Enn lot moyen pou rann temoignage ar pli beaucoup dimoune c’est kan donne temoignage dan bann place publik. Enn soeur en Japon ti envi faire pionnier auxiliaire mem si li ti travail a plein temps. Enn ancien ti suggere li pou preche pré kot enn la-gare train, toulé-jour avant li al travail. Apré ki soeur-la inn reussi surmonte so timidité ek aussi moquerie certain ki ti pé voyagé, finn éna 40 dimoune ki ti interessé pou gagne bann magazine regulierement, ek parmi ti éna bann ki voyage toulé-jour, bann ki travail dan la gare mem, ek bann ki éna bann magasin ki pré avek la gare. Li’nn place en moyenne 235 periodik par mois. Mem si li ti partage bann pensé la Bible zis pou enn ti-moment ar bann dimoune toulé-jour, li finn reussi commence six l’etude la Bible.
6. Couma bann jeune kapav augmente zot l’activité spirituel?
6 Bann l’Occasion favorable pou Donne Temoignage: Beaucoup proclamateur ki al lekol gagne congé pendant different period l’année. C’est bann bon moment pou faire pionnier auxiliaire. En plus, bann jeune Chrétien kapav augmente zot l’activité kan zot rann temoignage zot bann camarade. Ou kapav etonné couma ou bann camarade kitfois envi konn plus lor ou bann croyance. Kifer ou pa profité pou defann ou la-foi kan professeur koz lor bann pratik ki bann religion éna? Certain jeune finn commence bann l’etude la-Bible avek zot camarade ek finn aide zot pou progressé ziska voué zot la-vie ek faire zot baptisé. Sa c’est bann bon fason pou “loué nom Jéhovah.”—Ps. 148:12, 13.
7. (a) Couma enn frere finn profite bann l’occasion pou rann temoignage ar lezot? (b) Eski ou éna enn experience inpé pareil?
7 Si ou habitué joinde bann dimoune toulé-jour, essaye trouve bann moyen pou koz avek zot lor nou Bondié extraordinaire ek lor tou So bann promesse. Enn frere ki faire mem trajet toulé-jour par train, rann temoignage ar bann ki voyage ensam avek li, kan li possible. Par exemple, kan li ti pé attann so prochain train dan enn la-gare, li ti rann temoignage ar enn jeune-homme toulé-jour pou apépré cinq minute. Resultat: missié-la ek aussi so collegue finn accepté enn l’etude la Bible. Zot ti faire l’etude dan train pendant ki zot ti pé voyagé. Apré enn tipé lé-temps, enn madame agé ki ti habitué ecoute zot conversation finn approche frere-la ek finn demann li enn l’etude la Bible. Li aussi asterla li pé profite enn l’etude la-Bible, dan bann jour ki li voyage par train. Et coumsa, frere-la finn etudié avek dix different dimoune kan li ti pé voyagé par train.
8. Ki method bann ki agé ou-soit ki éna problem la-santé kapav servi pou augmente zot participation dan predication?
8 Mais ki ou pou faire si ou pa kapav faire beaucoup a cause l’age ou-soit bann problem la-santé? Éna surement bann lezot fason couma ou kapav loué Jéhovah plus. Eski ou’nn essaye rann temoignage par telephone? Si ou pa trop koné couma pou faire sa, koz sa avek ou surveillant l’etude de livre. Peut-etre li kapav faire l’arrangement avek bann proclamateur ki pé servi sa method-la pou zot kapav faire sa ensam avek ou. Kan nou travail ensam avek lezot, sakenn kapav aprann avek so camarade ek sa aide sakenn pou donne enn temoignage efficace. Ou pou trouve bann bon suggestion pou rann temoignage par telephone dan Ministère du Royaume Février 2001, page 5-6.
9. Couma nou kapav aide bann etudiant la Bible pou zot qualifié pou sorti dan predication avek la congregation?
9 Kan bann nouveau assisté Mémorial, sa kapav encourage zot pou envi rann Jéhovah plus louange. Ou kapav aide zot pou surmonte la peur ki zot kapav éna pou preché de maison en maison. Ou kapav faire sa kan ou raconte zot bann fait predication encourageant ek kan ou forme zot tigit par tigit pou explik bann l’enseignement Biblik ek pou defann zot la-foi. (1 Pierre 3:15) Si enn etudiant la Bible envi commence preche la bonne nouvel, koz sa avek surveillant president. Li pou organise enn reunion avek etudiant-la pou guetté si li qualifié pou sorti dan predication avek la congregation. Nou sur ki sa faire leker Jéhovah content, kan Li trouve bann nouveau pé prend position pou soutenir So souveraineté universel!—Prov. 27:11.
10. (a) Couma enn bon program kapav aide nou pou faire pionnier auxiliaire? (b) Eski ou ti reussi organise ou pou faire pionnier auxiliaire l’année dernier pendant lepok Mémorial? Ki ou ti faire?
10 Eski Ou Kapav Faire Pionnier Auxiliaire? Enn pionnier auxiliaire bizin faire 50 heure, et nou bizin prend sa bien serieux. (Mat. 5:37) Sa vedir ki ou pou bizin prend disposition pou faire enn moyenne 12 heure-temps dan predication chaque semaine. Eski enn parmi bann program pou pionnier auxiliaire, ki trouve lor page 5, adapté avek ou situation? Sinon, eski ou kapav faire ou prop program pou ki ou kapav faire pionnier auxiliaire en Mars, Avril, ou-soit Mai? Demann Jéhovah pou beni ou bann zeffort pou augmente ou l’activité spirituel.—Prov. 16:3.
11. Couma bann ancien ek bann assistant ministeriel kapav soutenir bann ki pou faire pionnier auxiliaire?
11 Bann ancien ek bann assistant ministeriel pou faire tou pou soutenir ou bann zeffort pou faire sa lepok Mémorial-la vinn enn lepok pou loué Jéhovah dan enn fason special. Li possible, ki plusieurs parmi zot aussi pou faire pionnier auxiliaire. Bann ancien pou prend bann disposition pou mette plus rendez-vous predication, par exemple dan l’apré-midi, dan bann soirée pendant la semaine, ek aussi pendant week-end, dapré circonstance bann proclamateur. Pou koné kot-sa ek kan pou fixé l’heure rendez-vous ek aussi kisannla ki pou dirige group, bann ancien kapav koz avek bann ki’nn fini decide pou faire pionnier ou-soit ki pé pense pou faire li. Bann ancien pou faire tou séki bizin pou faire bann l’arrangement pou ki éna lezot dimoune pou preche avek ou, jour ek l’heure ki ou’nn reservé pou sorti predication. Coumsa, kapav faire bann l’arrangement sur ek sa pou permette accompli enn bon travail.—Prov. 20:18.
12. Ki pousse nou pou loué Jéhovah touletan?
12 Faire Tou Séki Ou Kapav: Si ou situation pa permette ou faire pionnier auxiliaire, rappel ki Jéhovah accepté nou bann zeffort ek nou bann sacrifice ‘dapré séki nou éna, pa dapré séki nou péna.’ (2 Cor. 8:12) Éna tellement beaucoup kitsoz pou ki nou bizin remercié Jéhovah! Oui, David ti koné kifer li ti ecrire: “Mo pou beni Jéhovah touletan; so louange pou toujours dan mo la-bouche.” (Ps. 34:1) Anou éna mem determination pendant lepok Mémorial sa l’année-la.
[Encadré, page 3]
Couma Ou Pou Kapav Augmente Ou l’Activité?
◼ Preché kan bann dimoune kot zot
◼ Rann temoignage dan bann place publik
◼ Rann temoignage dan ou travail ou-soit dan lekol
◼ Preché par telephone
◼ Faire pionnier auxiliaire
[Encadré, page 5]
Bann Program Ki Kapav Permette Ou Faire Pionnier Auxiliaire Pou Gagne 12 Heure-Temps par Semaine dan Predication
Grand-Matin—Lundi Ziska Samedi
Ou kapav preché Dimanche au lieu enn parmi sa bann jour-la.
Jour Moment l’Heure
Lundi Matin 2
Mardi Matin 2
Mercredi Matin 2
Jeudi Matin 2
Vendredi Matin 2
Samedi Matin 2
Total l’Heure-Temps 12
Deux Longue Journée
Ou kapav choisir n’importe ki deux jour dan la semaine. (Dependant bann jour ki ou’nn choisir, sa program-la kapav permette ou gagne zis 48 heure par mois.)
Jour Moment l’Heure
Mercredi Enn journée 6
Samedi Enn journée 6
Total l’Heure-Temps: 12
Deux l’Apré-Midi ek Week-end
Ou kapav choisir n’importe ki deux l’apré-midi dan la semaine
Jour Moment l’Heure
Lundi Apré-Midi 1 1⁄2
Mercredi Apré-Midi 1 1⁄2
Samedi Enn journée 6
Dimanche Demi-Journée 3
Total l’Heure-Temps: 12
Trois Apré-Midi ek Samedi
Ou kapav preché Dimanche au lieu enn parmi sa bann jour-la.
Jour Moment l’Heure
Lundi Apré-Midi 2
Mercredi Apré-Midi 2
Vendredi Apré-Midi 2
Saturday Enn journée 6
Total l’Heure-Temps: 12
Mo Program Personnel pou la Predication
Calcule comié l’heure ou pou faire chaque jour ek dan ki moment.
Jour Moment l’Heure
Lundi
Mardi
Mercredi
Jeudi
Vendredi
Samedi
Dimanche
Total l’Heure-Temps: 12