Enn campagne special 16 octobre–12 novembre!
1 “La fin fausse religion pé kosté!” Sa c’est titre Nouvelles du Royaume no. 37 ki bann Témoins de Jéhovah pou distribué dan le monde entier, a partir mois prochain. Pendant deux premier semaine octobre, nou pou offert La Tour de Garde ek Réveillez-vous ! A partir lundi 16 octobre ziska dimanche 12 novembre, nou pou participe dan enn grand campagne pou distribué Nouvelles du Royaume no. 37. Dan week-end pendant sa campagne-la, nou pou presente sa tract-la ensam avek bann magazine.
2 Kisannla kapav participé: Tou bann proclamateur pou envie bien participe dan sa campagne-la. Certain kitfois pou kapav faire pionnier auxiliaire. Eski ou ena bann zenfant ou-soit bann l’etude ki pé faire bann progré spirituel? Aide zot pou al vers bann ancien pou ki zot koné si zot qualifié pou vinn bann proclamateur. Bann ancien bizin prend bann disposition pou koz avek bann proclamateur inactif ek encourage zot pou participe dan sa campagne-la. Kitfois kapav mette zot preche ensam avek bann proclamateur ki ena l’experience.
3 Nou pé envoye tou bann congregation zot stock Nouvelles du Royaume no. 37. Bann proclamateur ek bann pionnier sakenn pou gagne au moins 50 copie. Bann ki assisté reunion mais ki pankor vinn proclamateur kapav gagne cinq copie pou donne bann membre zot famille ek bann camarade. Bann proclamateur ek bann pionnier bizin note ki quantité tract zot inn placé ek zot bizin ecrire sa par derriere lor zot rapport pou mois octobre ek novembre. Secretaire congregation pou faire total quantité tract ki tou bann proclamateur finn placé, ek li pou envoye enn rapport la filiale la fin chaque mois. Nou kapav servi bann copie ki resté apré sa campagne-la, dan different l’aspect nou ministere.
4 Ki nou kapav dire: Faire enn ti presentation courte, coumsa ou pou kapav koz avek pli beaucoup dimoune. Ou kapav dire: “Mo pé faire enn service publik: mo pé participe dan enn campagne mondial concernant enn message important. Mo donne ou sa tract-la. Mo encourage ou pou lire li.” Kitfois li pou pli bon ki ou pa sarié ou sac predication kan ou pé al devant la porte bann dimoune. Assure-ou ki ou note tou bann dimoune ki interessé.
5 Couma nou kapav preche dan tou nou territoire: Au lieu ki nou presente sa tract-la lor la voie publik, nou bizin concentré plus lor predication porte-en-porte ek dan bann quartier commercial. Note tou bann absent ek essaye retourné enn lot l’heure ou-soit enn lot jour. A partir lundi le 6 novembre, nou kapav quitte enn copie sa tract-la, mem kot bann absent. Mais ki pou faire si enn congregation ena tellement enn grand territoire ki bann proclamateur pa kapav retourne guette bann absent? Dan sa cas-la, bann ancien kapav decidé ki toute longue sa campagne-la, bann proclamateur pou quitte enn Nouvelles du Royaume kot tou bann absent.
6 Destruction “Babylone la Grande” li derriere la porte. Bann dimoune bien bizin sorti ladan avant ki li detruire net. (Rév. 14:8; 8:8) Asterla-mem faire enn bon program pou ki ou kapav participe plein-plein dan sa campagne mondial-la ek faire zot tou koné ki la fin fausse religion pé kosté!