L’assemblée district bann Témoins de Jéhovah 2009
1. (a) Ki bann bienfait nou pou gagné kan nou pou assisté toulé-trois jour l’assemblée? (b) Ki bann disposition nou bizin fini prend asterla-mem?
1 Nou tou nou pé attann avek impatience l’assemblée district 2009 kot nou pou gagne encore enn lot l’occasion pou rassemblé ek pou loué Jéhovah avek nou bann frere ek soeur ki “reconette ki zot pauvre lor plan spirituel.” (Mat. 5:3) Alors ki jour Jéhovah pé kosté bien-bien vite, nou encourage sakenn pou assisté toulé-trois jour l’assemblée pou profite bien bon compagnie nou bann frere ek soeur ek aussi l’encouragement spirituel ki nou pou gagné pou tini ferme dan la foi. (Tseph. 1:14) Faire ou patron koné ki l’assemblée forme enn partie bien important dan ou l’adoration. Avek courage, prend bann disposition boner ek rod benediction Jéhovah; ou kapav sur ki ou pou gagne so soutien.—Is. 50:10.
2. Mem si nou pa’nn invité pou assisté enn l’assemblée international, ki l’ambiance nou kapav attann pou ena dan nou prop l’assemblée?
2 Bann l’assemblée international: Parski pa pou ena l’assemblée international dan beaucoup pays ek la ville, zis bann ki’nn invité, ki bizin assisté sa bann l’assemblée-la. Li important ki nou tou coopere avek sa disposition-la pou pena trop beaucoup dimoune. (1 Cor. 14:40; Héb. 13:17) Mais, dan beaucoup l’assemblée district pou ena enn l’ambiance pareil couma dan bann l’assemblée international parski pou ena beaucoup missionnaire, Béthélite ki servi dan lezot pays ek bann serviteur international ki pou assisté l’assemblée dan zot pays.
3. Couma nou kapav manifesté l’amour chretien envers certain dan nou congregation?
3 Aide lezot pou vini: Eski certain dan ou congregation bizin l’aide pou assisté l’assemblée? Kan ou aide lezot pou faire sa, ou ‘pa pé guette zis ou prop zaffaire dan ou prop l’interet, mais ou pé guette aussi pou lezot ek ou pé prend compte zot l’interet.’—Phil. 2:4.
4. Pou gagne plus renseignement lor date ek l’adresse bann l’assemblée, ki ou bizin faire?
4 Gagne bann renseignement: Pou evite telephone souvent la filiale concernant date ek l’adresse bann l’assemblée, guette d’abord La Tour de Garde 1er mars 2009, ou-soit secretaire ou congregation, pou ou gagne bann renseignement ki ou bizin.
5. Ki bann l’instruction precis bizin suive kan enn proclamateur ki ena bann besoin special faire enn demande pou gagne logement pendant l’assemblée?
5 Bann besoin special: Kan enn proclamateur faire enn demande pou gagne logement pendant l’assemblée, comité service congregation bizin decidé si proclamateur-la rempli bann condition pou remette enn form Demande de chambre pour cas particuliers. Sa bann ancien-la pou guette bann instruction ki ena dan sa form-la ek aussi dan lettre 14 décembre 2008 ki tou bann college ancien inn gagné, avant ki secretaire envoye form-la service logement.
6. Ki kitsoz bizin pli important pou nou kan nou prepare-nou pou l’assemblée district 2009?
6 Bann action ki donne Bondié la gloire: Kan nou manifesté fruit l’esprit dan tou kitsoz ki nou faire, par exemple kan nou faire bien attention ar nou langage ek nou l’attitude envers bann dimoune dan la ville kot pou ena l’assemblée, nou contribué pou ki peuple Bondié gagne enn pli bon reputation et sa evite faire lezot tombé lor plan spirituel. (1 Cor. 10:31; 2 Cor. 6:3, 4) Nou souhaité ki ou presence ek ou conduite donne la gloire Bondié pendant l’assemblée district 2009!—1 Pierre 2:12.
[Box on page 5]
Programme:
Vendredi ek samedi
9:20 a.m. - 4:55 p.m.
Dimanche
9:20 a.m. - 4:00 p.m.