Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • km 4/14 p. 2-5
  • “Gard enn Bon Kondwit Parmi Tou Dimounn”

Pena video ki disponib pou seki ou finn swazir.

Sori, enn erer inn anpes sa video-la zwe.

  • “Gard enn Bon Kondwit Parmi Tou Dimounn”
  • Nou Minister—2014
  • Lor Mem Size
  • Bann Rapel pou Lasanble
    Nou Minister—2015
  • Enn Conduite ki Donne Bondié la Gloire
    Ministere du Royaume—2013
  • Nou bann l’assemblée district​—enn grand temoignage pou la verité
    Ministere du Royaume—2012
  • Trois jour kot nou pou gagne l’encouragement spirituel
    Ministere du Royaume—2011
Rod Plis
Nou Minister—2014
km 4/14 p. 2-5

“Gard enn Bon Kondwit Parmi Tou Dimounn”

1. Kifer li inportan ki nou gard enn bon kondwit pandan nou prosin lasanble?

1 Sak lane, latansion boukou dimounn atire ar nou bann lasanble, alor li inportan ki par nou kondwit, nou reprezant Bondie ki nou adore. (Lév. 20:26) Par nou bon manier, fason ki nou abiye ek kwafe, zot bizin fini trouve ki nou bann vre disip Christ. Pandan ki nou pe asiste prosin lasanble distrik ouswa lasanble internasional, kouma nou kapav “gard enn bon kondwit parmi tou dimounn” ek koumsa donn laglwar nou Papa ki dan lesiel?​—1 Pierre 2:12.

2. Ki lokazion nou ena pou manifeste nou personalite Kretien pandan lasanble?

2 Manifeste Personalite Kretien: Lamour ki nou ena pou nou bann frer-ser ek fason ki nou azir anver “bann ki andeor,” li bien diferan avek lespri ki domine dan sa lemond-la. (Col. 3:10; 4:5; 2 Tim. 3:1-5) Dan enn lepok kot boukou dan sa lemond-la zot egois ek pena rekonesans, nou pasians ek nou bon manier pou fer dibien bann ki pe obzerv nou! Kan nou pe rezerv plas ouswa nou pe met lake pou pran bann nouvo piblikasion, nou bizin pa rod nou prop lavantaz, me lavantaz lezot. (1 Cor. 10:23, 24) Apre ki enn misie ki interese ti asiste so premie lasanble, li ti dir: “Mo pa rapel okenn diskour ki ti fer sa zour-la, me seki ti mark mwa se kondwit bann Temwin.”

3. Pandan lasanble, kouma nou bizin abiy nou?

3 Enn Labiyman Modes: Nou labiyman pandan lasanble bizin apropriye ek modes. Fode pa nou met bann linz ki reflet bann lamod exsantrik ki ena dan sa lemond-la. (1 Tim. 2:9) Seki nou mete bizin dign, modes, pa dekontrakte, ouswa neglize. Bann dimounn ki pe obzerv nou bizin kapav trouve ki ena enn diferans ant nou ek bann ki pa servi Jéhovah. (Rom. 12:2) Lerla, nou pou fier pou port nou badge ek nou pa pou anbarase pou rann temwaniaz kan enn lokazion prezante. Nou laparans ek nou bon kondwit kan nou pou asiste nou prosin lasanble pou atir bann dimounn sinser ver mesaz ki ena dan Labib, enn mesaz ki kapav sap zot lavi. Anplis, sa pou fer Jéhovah kontan.​—Tseph. 3:17.

Bann Rapel pou Lasanble Distrik 2014

◼ Program: Laport Lasal Lasanble pou ouver 8:00 a.m. Toule trwa zour lamizik pou koumanse 9:20 a.m. Kan nou tann lamizik, nou tou bizin pran nou plas pou ki program kapav koumanse dan enn fason ki dign. Vandredi ek Samdi pou sant kantik final ek fer lapriyer 4:55 p.m ek dimans pou fer sa 3:50 p.m.

◼ Bann Lasanble Internasional: Pou ena bann lasanble internasional dan sertin pei. Rapel ki se apre ki zot inn fini kalkil kantite plas asize, parking ek bann lasam lotel ki disponib, ki biro nasional finn invit zis sertin kongregasion ek bann delege etranze. Pou ena tro boukou dimounn dan Lasal Lasanble si bann proklamater asiste enn lasanble internasional kot zot pa invite. Si, akoz sertin sitiasion, to bizin asiste enn lot lasanble, pa lasanble kot to invite, fode pa to swazir pou al asiste enn lasanble internasional.

◼ Parking: Parski bann plas parking limite, nou ankouraz bann frer pou organiz zot pou vwayaz ansam.

◼ Rezerv Bann Plas: Kouma laport lasanble ouver toule gramatin, pa galoupe pou swazir bann plas ki to prefere koumadir to pe met enn paryaz avek to bann frer ek ser. Enn lespri sakrifis pou pous nou pou get lezot avan, ek se sa ki idantifie nou kouma bann vre Kretien ek pous bann ki obzerv nou pou loue Bondie. (Jean 13:34, 35; 1 Cor. 13:4, 5; 1 Pierre 2:12) Nou kapav rezerv bann plas zis pou bann dimounn ki res dan mem lakaz ki nou, ki pe vwayaz ansam avek nou dan mem transport, ouswa pou nou bann letid.

◼ Repa Midi: Silteple, amenn enn repa leze pou midi olie ki to kit Lasal Lasanble pou al aste manze deor. To kapav amenn enn ti cooler-bag ki kapav rant anba to sez. Fode pa ki to amenn bann gran cooler-box ek bann kitsoz an ver dan Lasal Lasanble.

◼ Donasion: Nou kapav montre nou rekonesans pou tou bann dispozision ki’nn pran pou lasanble kan nou fer bann kontribision volonter dan Lasal Lasanble. Bann donasion ki fer par sek bizin fer lor nom “Association of Jehovah’s Witnesses.”

◼ Medsinn: Si to bizin pran medsinn ki dokter finn donn twa, silteple amenn kantite ki to pou bizin, parski pa pou gagn okenn medsinn dan lasanble. Bann dimounn diabetik ki servi sereng bizin pa zet zot sereng dan bann poubel ki ena dan Lasal Lasanble.

◼ Prekosion: Silteple, li bon to pran bann prekosion pou ki to pa glise ouswa kogne dan Lasal Lasanble. Sak lane ena bann dimounn ki blese akoz soulie ki zot inn mete, sirtou soulie talon. Li pli bon ki to met bann soulie ki zis dan to lipie ki pou permet twa marse an sekirite lor bann leskalie ek dan makadam.

◼ Bann Pouset ek Bann Sez Pliab: Fode pa amenn bann pouset ek bann sez pliab dan lasanble. Me, bann paran kapav amenn bann siez bebe ek met li lor enn sez akote zot.

◼ Parfin: Nou pou montre konsiderasion pou lezot kan nou pa tro servi bann parfin for ki kapav fer bann dimounn ki ena problem respiratwar ek lezot problem ki asosie ar sa, tom malad.​—1 Cor. 10:24.

◼ Form Veuillez suivre l’intérêt (S-43): Si, pandan lasanble, to rann temwaniaz informel ek dimounn-la manifeste lintere, to bizin servi form Veuillez suivre l’intérêt (S-43) pou donn bann ransegnman. Kan to fini ranpli to form, to kapav donn sa sekreter to kongregasion.

◼ Servis Volonter: Tou bann ki anvi travay kouma volonter pou lasanble bizin fer Departman Servis Volonter kone. Bann zanfan ki ena mwins ki 16 an kapav donn enn koudme zot osi, me fode ki zot paran ouswa enn adilt pran zot responsabilite.

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze