Eski ou’nn pré pou mars?

1. Ki l’occasion nou ena pendant lepok Mémorial, ek couma nou kapav organise nou pou faire sa?

¹ Chaque fois pendant lepok Mémorial nou gagne bann nouveau l’occasion pou “loué Jéhovah beaucoup.” (Ps. 109:30) Eski ou pou faire plus dan ou ministere pendant mois mars pou montré ou reconnaissance envers Bondié ki finn donne nou la ranson? Asterla inn arrive ler pou organise nou.​—Prov. 21:5.

2. Couma ou ek bann lezot frere ek soeur ti reagir kan zot ti tann dire ki zot pou kapav faire 30 heure pionnier auxiliaire pendant mois avril?

² Pionnier auxiliaire: L’année derniere bann frere ek soeur dan bann congregation ti bien content kan zot ti aprann ki zot kapav faire pionnier auxiliaire pendant mois avril sans ki zot bizin faire 50 heure. Enn frere ti ecrire: “Mo encore al college, li impossible pou mo faire pionnier permanent. Mais mo pou rempli forme pou faire 30 heure ek mo pou faire zeffort pou faire 50 heure pendant mois avril.” Enn soeur ki travail a plein temps ti ecrire: “Trente heure​—mo bien kapav faire sa!” Kan ti annonce sa disposition-la, enn soeur ki ena environ 80 an ek ki ti pionnier avant, ti dire: “Sa-mem mo ti pé attann! Jéhovah koné ki kan mo ti pionnier sa-mem ti pli bon moment mo la vie!” Certain ki pa ti kapav faire pionnier auxiliaire ti fixé l’objectif pou faire plus dan zot ministere.

3. Kifer ou pou envie faire pionnier pendant mois mars, avril, ek mai?

³ Mois mars pou enn bon l’occasion pou faire pionnier auxiliaire parski ou pou ré-gagne l’occasion pou faire soit 30 heure soit 50 heure. En plus, a partir samedi le 17 mars, nou pou participe dan enn campagne special kot nou pou invite bann dimoune pou assisté Mémorial le 5 avril. Beaucoup pou tellement content pou faire plus dan zot ministere ki zot pou envie faire pionnier pendant mois avril, ek mai aussi, ek faire 50 heure.

4. Couma nou kapav faire plus dan nou ministere, ek ki resultat nou pou gagné?

⁴ Pendant ou prochain soirée pou l’adoration en famille, kifer ou pa essaye guetté couma sakenn dan la famille kapav faire plus dan so ministere pendant lepok Mémorial? (Prov. 15:22) Demann Jéhovah beni ou bann zeffort. (1 Jean 3:22) Kan ou pou faire plus dan ou ministere, ou pa pou zis gagne l’occasion pou kapav loué Jéhovah plus mais ou pou gagne aussi plus la joie.​—2 Cor. 9:6.