Likit Men ko Reaorõk Moktata
1 Ta jet ian men ko reaorõk me rej aorõk ñõn mour in jitõb eo ad? Ealikar men kein renaj koba katak ibbed make, bed ilo kwelok ko, en jab jokwod ad jar, kamao ko remõn, im jerbal eo an Christian. Jejjab maroñ debij ejmour ilo jitõb emõn elane jejjab likit men ko reaorõk moktata ilo ad mour.
2 Bõtab, kij aolep ewor juõn tarinae nae kõnan ko an kanniek im ewor juõn aikwij ñõn jadõr. (Gal. 5:17) Jen jab lemnak bwe jenaj bõk tokjen eo elaplok elañe jej jibadõk kõnan ko rekibbon. (Jer. 17:9) Kin men in, elañe jekõnan kejbarok burued im bõprae ad jebwãbwe, keini ad etale kij make ej juõn men eaorõk.—Jabõn Kennan 4:23; 2 Kor. 13:5.
3 Etale Buruõm Make: Kwomaroñ kõmmõne men in ilo am kajitõkin kwe make kin jet kajitõk ko: Ekajur ke kõnan eo aõ ñõn konono Nan eo an Anij? (1 Pet. 2:2) Ij kamolol ke kin aorõkin bed ilo aolep kwelok ko an congregation eo? (Hib. 10:24, 25) Ij niknik ke ilo jar? (Rom. 12:12) Ij bukõt ke aõ kamao ibben armij ro rej lemnak kin men ko lor jitõb ? (Rom. 1:11, 12) Ij eñjake ke eddo eo aõ ñõn keañ kin news eo emõn? (1 Kor. 9:16) Uak aet ñõn kajitõk kein enaj kwalok bwe kwo kõnan likit men ko reaorõk moktata.
4 Etale Makitkit ko Am Jen Ran ñõn Ran: Kwoj aikwij wõnmanlok ilo etale eo kin kõnan ko an buruõm ilo am karõk men ko reaorõk moktata kin wãwen eo kwoj kajerbal ien eo am. Men in ej koba am karõk ien ñõn keini am konono Bible eo im kajjojo copy ko kin Imõniaroñroñ im Awake!, im bareinwõt kabojak kin kwelok ko. Kwoj aikwij bareinwõt karõk ien ñõn an family eo katak im jar ibben don. Kõmmõn joñan ien eo kwonaj aluij TV ak kajerbal computer eo. Kõmmõn juõn bebe ñõn bed ilo aolep kwelok ko an congregation eo, im karõk men ko jet ibelakin kwelok ko. Karõk bwe aolepen family eo en bõk kwunair ilo kwalok nan ilo kajjojo week.
5 Ejelok bere, likit men ko reaorõk moktata ilo am mour enaj juõn unjen lõñliñ.