Bible Study ko Me Rej Kõmmõn Ri Kalor Ro
1 “Ta eo ej bõprae iõ bwe in jab baptais?” eunuch eo jen Ethiopia ear kajitõk elikin Philip ear “kwalok news eo emõn kin Jesus ñõn e.” (Jerbal 8:27-39, New World Translation) Ilo case eo an eunuch eo, ededelok an kar wor juõn yokwe kin jeje ko rekakõrmol an Anij, im elikin an bõk jibañ ilo jitõb jen Philip, ear bojak ñõn erom juõn ri kalor. Ak ejjab aolep armij rej lo aikwij eo ñõn air make etale Jeje ko.
2 Ilo kamolol, dolul eo an Jehovah ear letok juõn brochure ekãl, A Book for All People (Juõn Book ñõn Armij Otemjej), ñõn rejañ armij ñõn etale ennan eo an Bible eo ñõn ran kein ad. Ennan eo ilo brochure eo en emejaja ñõn armij ro emol burueir me emwij air bõk jelalokjen ko reutiejlok ak jidik wõt air jela kin Bible eo. Kein jerbal in emõn kar eiki ñõn kamakit armij ñõn air kõnan etale Bible eo.
3 Ñe jej jino juõn Bible study, enaj juõn men in jibañ ñõn elij nan in rejañ ko kar jei ilo copy ko mokta ilo Ad Jerbal Ñõn Ailiñ Eo. Ilo ien eo ej katak, lale wõnmanlok eo an ri katak eo bwe kwon maroñ bebe kin ta eo ej aikwij jibañ ie. Rejañ ri katak eo ñõn keboje katak ko an lok iman, im lale eon ko. Uak ko ilo nan ko an make emaroñ kalikar kamolol eo an kin mol eo. Wõnmanlok ilo mõkaj ekkã an walok ñõn ro rej read book ko jet an Society im rej keini air bed ilo kwelok ko an congregation eo. Rejañ e ñõn konono ibben ro jet kin ta eo ej katak kake. Ilo joij kwalok ñõn e kin ta eo ej aikwij kõmmõne ñõn kõmmõn wõnmanlok ilo jitõb. En jab to ad katak ibben ro rej buru ruo. Ri katak ro ren make kõmmõn bebe ñõn katak, jutak bin kin mol eo, im wõnmanlok ñõn wujleplok im baptais.
4 Ilo jet familly ko, rej kõmmõn elõñlok jen juõn Bible study, ke kajjojo uan family eo ewor katak ko air make. Bõtab, ilo enañin aolep case ko an wor juõn wõt katak eburukuk ibben family eo enaj laplok an emõn, kinke enaj jibañ kaburukuk family eo ilo jitõb.
5 Kakien eo an Jesus ej bwe jen etal im kõmmõn ri kalor ro. (Mat. 28:19) Ñõn kõmmõn eindein, jej aikwij kõmmõn Bible study ko me rej jibañ ri katak ro ñõn wõnmanlok ñõn joñan eo ñe rej kajitõk, “Ta eo ej bõprae iõ bwe in jab baptais?”