Jehovah Ej Letok Kajur Ekanuij Lap
1 Juõn jerammõn eaorõk kin kabuñ eo ekwojarjar—jerbal in kwalok nan an Christian—kar lelok ñõn ri kalor ro otemjej an Christ. (Mat. 24:14; 28:19, 20) Ak jab wãppen an armij im men in ijjibed ko an jukjuk im bed in remaroñ kõmmõn bwe jet ien jej watõk kij make einwõt jejjab maroñwe.
2 Ñe ej walok men in jemaroñ bõk kainemõn jen letter eo an Paul ñõn Christian ri kabit ro ilo Korint. Ear je: “A men in aurõk in ibem ej ilo jãbi brij ko.” (2 Kor. 4:7) Paul ear liki: “Inem ke jerbal in ibem . . . , kim jab ebwer.” (2 Kor. 4:1) Emol, ej juõn aitwerõk ñõn kij aolep, meñe jej juõn ian ri kabit ro ak “sheep ro jet,” ñõn wõnmanlok im keañ kin news eo emõn im “jab ebwer.” Jej aikwiji kajur jen Anij, eo ej letok “maroñ eo e kanuij lap.”—John 10:16; 2 Kor. 4:7b.
3 Ilo rejañ, elõñ Ri Kennan ro rej ri kwalok ro rekijejeto meñe rej jelmae elap jumae, abañ ko relap kin ejmour, ak ejjab kanuij lap money ibbeir. Kij aolep jej aikwij kile bwe jerbal in kwalok nan eo ad ewor rejtak jen Jehovah. Jen ad kõtlok bwe jitõb in ebwer ak mijak en kamõjnoik bebe eo ad ñõn kwalok nan, jen “bin ilo Iroij, im ilo kajur in maroñ eo An.”—Ep. 6:10; Jabõn Kennan 24:10.
4 Wãwen eo ñõn Bõk Kajur an Anij: Komin niknik ilo jar, im kajitõk kin jibañ im kajur eo an Anij. (Rom. 12:12; Phil. 4:6, 7) Inem, kin aolepen buruõm, komin liki Jehovah ñõn letok kajur eo ekanuij lap. (Jabõn Kennan 3:5) Readi bwebwenato in mour ko ilo ran kein ilo magazine ko ad, bwe rej letok men in kamol bwe Jehovah ej jibañ ri karejar ro an rainin ñõn kijenmij ilo melejoñ ko. Bed ebak ñõn ro jeõm im jatõm ilo congregation eo, im jab meloklok kwelok ko an congregation eo.—Rom. 1:11, 12; Hib. 10:24, 25.
5 Jen kõmmõn joñan wõt ad maroñ ñõn likit kij make ilo line eo ñõn bõk kajur eo an Jehovah—juõn kajur eo ekanuij lap im enaj jibañ kij ñõn jab ebwer ilo jerbal eo eaorõk kin kwalok nan kin Ailiñ eo.