Kortokjen Handbill ko
1 Congregation handbill ko ewor tokjeir ñõn kõjelaik armij ro ilo bukwon eo kin address eo an Kingdom Hall eo im ien ko rejejjet ñõn kwelok ko. Enaj ekkar ñõn door juõn ibben kajjojo armij kwoj iion ir. Kin un in, kajjojo congregation en wor bwe in handbill ko. Kin congregation ko rej ukõt ien kwelok ko ilo kajjojo yiõ, ilo January, handbill ko rekãl ren order ilo October ilo yiõ eo lok bwe ien otemjej en wor handbill ko ewor ien ko rekãl ien. Handbill Request form eo rej aikwij kajerbale kin un in. Ñe ewor handbill ko, ewi wãwen kwomaroñ kajerbale ilo wãwen eo emõntata?
2 Elõñ ri kwalok ro rej lo bwe air lelok juõn copy ñõn juõn armij ej juõn wãwen ekeie ñõn kwalok kajjiir im jino bwebwenato ko. Kwalok kin schedule in kwelok ko ak ennan eo ilo peij eo itulik emaroñ kabellok ial eo ñõn juõn bwebwenato kin jerbal eo ad im kin un eo unin. Ro jemen im jinen remaroñ kobaik ro nejiir redik ilo jerbal in kwalok nan ilo air kõmmõn bwe ren lelok juõn handbill ilo kejam eo. Ri kwalok ro rej bõk kwunair ilo kwalok nan ikijen jeje letter ko ren likit juõn handbill ilo letter eo air im kirtok armij eo ñõn bed ilo kwelok ko. Remaroñ door handbill ko ilo moko ejako armij ro ie, ak rej aikwij kejbarok bwe ren likite iumin kejam eo bwe ejelok armij en maroñ loe.
3 Guam Branch office eo enaj lelok ñõn aolep congregation ko ilo Micronesia juõn handbill ñõn air kajerbale einwõt juõn joñok. Elikin air ukõte im kajejjet ien kwelok ko, ren karole ñõn Guam. Kim naj wõnmanlok im print handbill ko ñõn kajjojo congregation ñe kimij bõke.
4 Handbill ko kar juõn kein jerbal emõn ñõn kareilok ro emõn burueir ñõn mol eo. Juõn experience ej konono kin juõn kõra eo, kamolol kin juõn handbill, ear maroñ kajejjet kõnan eo ilo aolepen mour eo an ñõn melele Bible eo. Elikin ear jar aolepen juõn boñ ñõn Anij, ruo ri belele Ri Kennan ro rar itok ñõn kejam eo an ilo jibboñ eo im door juõn handbill me ej ba: “Jela Bible eo Am.” Ilo ien eo wõt rar jino juõn katak kin Bible, im tokelik kõra eo ear baptais. Jab kajettokjen kajur eo an Anij, jen keini ad kortokjen handbill ko ñe jej kajejjet jerbal eo ad.—Lale bareinwõt February 1994 Ad Jerbal Ñõn Ailiñ Eo, peij 1.