Lõñliñ in Kwalok Nan ilo Juõn Wãwen Elet
1 Kij aolep jej lõñliñ in kõmmõn men ko emõn ad kõmmõni. Mark 7:37 ej ba bwe jarlepju in armij rar keañ ikijen Jesus: “E ar kõmõn men otemjej im remõn.” Inem ejelok bwilõñ bwe Jesus ear lõñliñ in kõmõnmõn ankil an Jehovah! (Keiri Psalm 40:8.) Ilo ad lemnak kin nan in rejañ kein tok, jenaj bareinwõt lo lõñliñ ilo ad bokake nan in kakien eo an Jesus ñõn “kwalok ñõn armij rõn.” (Jerbal 10:42) Ilo February jenaj lelok jabdewõt 192-peij book ko me ewor ilo congregation eo ak book eo Mour Indrio. Ewi wãwen jemaroñ kajerbal book kein ñõn kwalok nan ilo juõn wãwen elet?
2 Kinke armij ekkã air itoklimo kin ejmour, kwomaroñ ba men in:
◼ “Meñe elõñ men ko relap rar tõbraki ilo jerbal in kõmmõn uno, ej lõñ wõt iñtan ko rej itok ikijen nañinmij. Ilo am lemnak, etke ej eindein? [Kõtlok an uak.] Jesus Christ ear ba bwe nañinmij enaj juõn ian kakõlle ko kakõllan ran ko eliktata. (Luke 21:11) Ak Bible eo ej bareinwõt kwalok kin juõn ien ñe enaj ejelok nañinmij. [Konono Isaiah 33:24.] Lale kin ewi wãwen book in ej kõmmõn bwe en wor kejatdikdik ilo irinekatak in ilo Bible eo. Kwalok nan ko rekkar ilo book eo kwoj kwalok kake, im leloke. Kameleleik e bwe jenaj mõnõnõ in bõk jidik jabawot kin jerbal eo ad ibelakin lõl.
3 Ñe kwoj kwalok nan ilo jabdewõt ien emõn tok ilo jikin ko rebak ñõn jikin kaikujkuj ko, kwomaroñ yokyokwe ir inem kajitõk:
◼ “Ilo am lale men ko ej laplok ke wõnair ilo ran kein im ej kõmmõn bwe en bin an armij kabwe aikwij ko air? [Kõtlok an uak.] Kwoj lemnak ke bwe enaj wor juõn ien ñe jenaj lo jokane ilo economy?” Kõtlok an uak. Inem kwalok juõn Eon ekkar rar eliji ilo book eo kwoj leloke. Wõnmanlok ilo am ba: “Book in ej kwalok kin ewi wãwen, ikijen Ailiñ eo an, Anij enaj kamadmõde abañ ko me rej kõmmõn bwe en bin mour ilo ran kein.” Lelok book eo, im elañe ej mõnõnõ in bõke, lelok ñõn armij eo ien eo emõn ñõn rejtak jerbal eo ad ibelakin lõl ikijen an letok jidik jabawot. Kwomaroñ ba bwe kwar mõnõnõ in bwebwenato ibben inem kajitõk: “Ewor ke jabdewõt wãwen kijro maroñ wõnmanlok kin bwebwenato in ilo bar juõn ien?” Ilo wãwen in kwonaj maroñ bõk telephone number ak address eo an armij eo.
4 Emaroñ wor ien am kajeoñ in kajerbal ennan in kin ainemõn ilo lõl, ilo kajerbal book eo “Mour Indrio”:
◼ “Ekkar ñõn lemnak eo am, etke ebin lo ainemõn ilo lõl in? [Kõtlok an uak, inem kwalok pija eo ilo peij 20-1.] Pija in ej juõn men in walok ilo Bible me book in Revelation ej kwalok kake. [Konono Revelation 12:7-9, 12 kajju jen paragraph 17. Inem konono nan in kamelele eo itu-lõl in pija eo.] An ejelok ainemõn ilo lõl in ej juõn ian tokjen ko rej itok jen an kar jolõltak Devil eo. Book in ej uak elõñ kajitõk ko reaorõk, im Ij mõnõnõ in lewõj juõn copy elañe kwonaj readi.”—Ñõn lo wãwen ko jet rekeie ñõn lelok book eo Mour Indrio, lale peij eo tulik in September 1995, February 1995, September 1994, September 1993, im August 1992 copy ko kin Ad Jerbal Ñõn Ailiñ Eo.
5 Ñe kwoj bar jeblak ñõn lo ro rar kwalok air itoklimo, kwomaroñ kajeoñ in jino juõn Bible study ilo am kajerbal wãwen in:
◼ “Ien eo mokta kijro ar bwebwenato ibben don, kwar kwalok juõn lemnak elap an kaitoktoklimo. [Kwalok juõn uak armij eo ear kõmmõne.] Iar lemnak kin men in, im I kõnan kwalok jet men ko iar katak kaki kin katak eo. [Kwalok juõn eon ekkar.] Kimij tilmaake juõn katak kin Bible ilo ejelok wõnãn me ear kamaroñ elõñ million armij ñõn etale irinekatak ko ilo Bible ilo juõn ien ekadu. Juõn etale rot in emaroñ kakajur lok liki eo am ilo jejjet in kitien kallimur ko an Anij.” Kalikar jet kajitõk ko me enaj uaki. Elañe armij eo ejjab kõnan katak Bible, kameleleik e bwe ewor bareinwõt juõn katak ejej uan im emõkajlok me ej bõk 15 wõt minute ko ilo juõn week iumin 16 week ko. Kwalok Jen Kõmmõne brochure eo, eliklok ñõn katak 1, im kajitõk elañe kwomaroñ kwalok kilen katak katak eo kein kajuõn.
6 Kememej ñõn Kajerbal Handbill ko: Kwomaroñ kajerbale ilo juõn wãwen ekeie ilo nan in jino eo am ñõn kaitoklimoen armij eo kin men ko lor jitõb, ak kwomaroñ door juõn elañe armij eo ear jab bõk jabdewõt book. Ijo ewor itoklimo ie, kajerbal ennan eo tulik in handbill eo ñõn rejañ armij eo ñõn bõk juõn katak kin Bible im ñõn itok ñõn kwelok ko ad.
7 Kwon kabel ilo jerbal eo am, im kwonaj lo lõñliñ ilo e. Kwon kejbarok ñõn kwalok nan ilo juõn wãwen elet, im mõnõnõ in bõk kwunam ilo jabdewõt wãwen kwalok nan ilo juõn wãwen emõn.—1 Tim. 4:16.