Bebe eo Ad—Ñan Kõtõbar Wãwen Mour Ekkar Ñan Jehovah
1 Juõn men eo elap ear walok ilo “Mour Ekkar Ñan Wãwen Anij” Convention ko kar bebe eo rar kowãppene ilo katak eo eliktata. Ear jino kin nan in keañ eo: “Jej . . . errã kin aolepen buruõd bwe ial eo an Anij ej ial in mour eo emõntata.” Kememej jet point ko relap ilo bebe eo me jar ba, “AET!”
2 Ej bebe eo ad ñan bed wõt im erreo iman mejen Jehovah, ejelok lipjinjin jen lal in. Jenaj wõnmanlok im likit ankil an Anij moktata ilo mour ko ad. Ilo ad kajerbal Nan eo An, Bible eo, einwõt kein tel eo ad, je jamin jebwãbwe an tuanbijmaroñin ak tuanmiñin, im ilo wãwen in kamol bwe ial eo an Anij ej utiejlok jen ial eo an lal in.
3 Lal in ej kajekdon ial in mour eo an Anij im ej madmõde jorrãn ko. (Jer. 10:23) Jej aikwij wõnmanlok im bõk katak jen Ri Katakin eo ad Elaptata, Jehovah, eo ej ba: “Eñin ial eo, komin etetal iloan.” (Ais. 30:21) Mour ekkar ñan ial eo an Jehovah, einwõt ej walok ilo Jeje ko, ej utiejlok ilo wãwen otemjej. Ñan kõtõbar ial in, eaorõk bwe jen kortokjen aolep men ko Jehovah ej katakin kij kaki.
4 Program in Katakin eo Eutiejtata an Jehovah: Jehovah ej katakin kij kin un eo emol unin mour im ewi wãwen eo emõntata ñan kajerbal mour eo ad. Ej katakin kij kin ewi wãwen jemaroñ kakõmõnmõnlok wãwen mour eo ad ilo lemnak, mour erreo, im ilo jitõb. Ej katakin kij kin ewi wãwen jemaroñ mour ilo ainemõn ibben ro jeid im jatid, ibben family eo ad, im ibben armij ro jet. Ej kõmman men in ikijen book eo an, Bible eo, im ikijen dolul eo an.
5 Kwelok in congregation ko ad raorõk ikijen men in. Ñe jej keini ad bed im bõk kunad ilo aolep kwelok ko lalem, jej bõk kaminene einwõt ri karejar ro kin news eo emõn im bareinwõt jelãlokjen eo ej jokkin wõt juõn kin mour in Christian. (2 Tim. 3:16, 17) Ri Katakin eo ad Elap ej bareinwõt letok jelãlokjen eo ej theocratic ikijen assembly im convention ko. En mejenkajjik eo ad bwe jen jab jako jen juõn kwelok elañe ejmour eo ad im wãwen ko ibbed rej emõn.
6 Jen ilo tiljek wõnmanlok ñan jibadõk ial in mour eo an Anij ilo ran ko rej itok, ñan nebar eo an Jehovah im ñan tokjen eo ad ej indio!—Ais. 48:17.