Ewi Wãwen Ro Uan Juõn Family Rej Jerbal Ibben Don Ñan Bõk Kunair—Ilo Jerbal in Kwalok Nan
1 Ta eo emaroñ kõmãnãn buruõd elaplok jen ad lo lõmaro im limaro ri belele, ro jemen im jinen im ajiri ro nejiir rej jerbal ibben don ilo jerbal in kwalok nan in Christian, im kaibujuij etan Jehovah ilobwilij? (Sam 148:12, 13) Aolep family ko ej aikwij wõr juõn manit emõn ñan keini air bõk kunair ilo jerbal in kwalok nan. Family eo am emwij ke an karõk juõn ran kajjojo week ñan bõk kunair ilo jerbal in kwalok nan? Elañe aet, inem aolep rejelã ta eo rej aikwij kebojak ñan im remaroñ bõk elap kunair.—Ken. 21:5a.
2 Mokta jen ran in kwalok nan eo an family eo am, etke komij jab kõmman bwe en juõn karõk komij kõmmane ibben don ñan keboje ennan ko family eo am enaj kajerbale? Ien kamelmel ko emaroñ lap air jibañ, im emaroñ kwalok juõn jitõb emol kin jerbal ibben don einwõt juõn family. Enaj juõn jerammõn elap ñe jerbal in kwalok nan ej juõn makitkit an family eo im aolep ro uan emõn air bojak!
3 Juõn overseer eo ej ito-itak ear jerbal ibben juõn family ilo jerbal in lelok magazine. Ke ear jerbal ibben juõn ian ledik ro nejin, ledik eo ear kajitõk: “Ewi toan am naj jerbal ibba?” Inem ledik eo ear kamelele bwe elikin an jerbal ibben enaj jerbal ibben jemen. Ear alikar bwe e im jemen rar mõnõnõ in jerbal ibben don. Ear juõn lukluk in family ekajur!
4 Jet family ko remaroñ auxiliary pioneer ibben don juõn alliñ ilo juõn yiõ. Ak juõn jen family eo emaroñ jerbal kajjojo alliñ einwõt juõn auxiliary pioneer ak meñe deloñ ilo jerbal in regular pioneer. Kin karõk ko remõn im ilo air jerbal ibben don, bõlen aolep ro uan family eo renaj maroñ kalaplok ijo kunair ilo jerbal eo ilo air rejetak eo ej pioneer. Family eo emol enaj bõk jerammõn kin laplok in jerbal in im kin experience ko remõn rej lañliñ kaki ilo jerbal in kwalok nan.—Mal. 3:10, New World Translation.
5 An wõr ijo kunair elap ilo jerbal in kwalok nan enaj jibañ family ko bwe ren ebake don, kijejeto, lo elap tõbrak ko, im mõnõnõ ilo jerbal eo an Jehovah!—Keidi Dri Pilippai 2:1, 2.