“Jen Jerbale Emõn ñõn Armij Otemjej”
1 “Kajejjet Am Kwalok Nan in Anij” im “Ren Mweie kin Jerbal ko Remõn” kar unin tel ko kar kajerbale ilo February im March 2002 Ad Jerbal Ñan Ailiñ Eo peij ko iloa. (Kol. 1:25; 1 Tim. 6:18) Ilo copy kein jaar bõk rejañ ñan kalaplok ad kate in jibañ ro rej itoklimo ñan bed ilo Kwojkwoj in Kememej eo, ñan jibañ ro rej inactive (etto air jab kwalok nan) ñan bar keini air bõk kunair ilo congregation eo, im ñan jibañ ro nejiir im ri katak Bible ro tellokiir ñan jino air kwalok kin news eo emõn. Ejelok bere jaar lañliñ kin jet tõbrak ko tokjen jibadbad ko ad remõn. Kiõ, “einwõt eor ien iber, jen jerbale emõn ñõn armij otemjej.”—Gal. 6:10.
2 Kir Ir ñan Bar Kwelok: Ilo territory eo an ra eo ilo United States, elõñlok jen juõn million armij ro rejjab ri kwalok kin news eo emõn rej itok ñan Kwojkwoj im Kememej eo kajjojo yiõ. Ke bed eo air ej kalikar air itoklimo, ta eo jej aikwij kõmmane ñan kamakit “ro jabrewõt ar likit ir bwe ren mour in drio” ñan air “tõmak”? (Jerbal 13:48) Rejañ ir ñan jeblak ñan kwelok ko an congregation eo ilo ien eo emõkajtata.
3 Etke kwojjab kirtok juõn armij eo ej itoklimo ñan bed ilo Congregation Book Study eo ñan lañliñ kin juõn katak ekaitoktoklimo kin kanan eo ilo Aiseia? Elañe kwoj nukin ak jeran juõn armij im kar karõk ñan am kwalok juõn katak ilo Theocratic Ministry School, kwomaroñ kir e ñan itok im roñjake katak eo am. Kejelãik e kin unin tel in public talk ko renaj walok ilo week ko iman. (Juõn schedule ekãl en bed ion board in kejelã eo.) Bukõt jabdewõt ien ko remõn ñan kworuj ilo armij eo juõn kõnan ñan kabuñ ñan Jehovah. Im emol, elañe ejañin jino an katak Bible eo ibben juõn ilo congregation eo, ilo joij kwomaroñ tilmake juõn katak kin Bible.
4 Wõnmanlok im Rejañ Ro Rej Inactive: Elõñ ro rej bed ilo Kwojkwoj in Kememej eo ededelok air kar wujleplok air mour ñan Jehovah. Bõtab, ilo juõn ien rar bõjrak jen air kwalok kin news eo emõn. Ak, Paul ear rejañ kij ñan “jerbale emõn . . . elaplok ñõn ro rej ber ilo nukin tõmak.” (Gal. 6:10) Kin men in, ro rej inactive ren ro elaptata ad lemnak kaki ir.
5 Bõlen jet ededelok air emmakit ñan nan in rejañ eo an elder ro im ro jet ñan bar bõk kunair ilo jerbal in kwalok nan. Elañe elder ro rej karõk am jerbal ibben juõn ri kwalok eo ej kab bar jino an kwalok nan, kwon jelã bwe yokwe eo am ñan Jehovah im kin jerbal in kwalok nan naj kalek liki eo an armij eo. Kwalok ñan e wãwen eo kwoj bõk kunam ilo wãwen ko reinjuõn ilo jerbal in kwalok nan bwe en lo lañliñ ilo an kõmmani, en kijenmij ilo jerbal in kwalok nan, im lo kajerammõn an Jehovah.
6 Lelok ñan Ri Kwalok Ro Rekãl juõn Ijjino Emõn: Ke juõn kõrã eo ej kab itoklimo ear kile bwe ear lo dolul eo emol an Anij, ear kõnan mõkaj in bõk kunan ilo jerbal in kwalok nan. Elikin an kar katak kin ta eo ear aikwij in kõmmane, lio ear ba: “Jen jino kiõ kiõ wõt.” Elañe juõn eo kwoj katak Bible ibben emwij kowãppen e ñan jino an bõk kunan ilo jerbal in kwalok nan, jibañ e ñan kile aikwij eo ñan an “mõkaj in jinoe,” im ilo wãwen in kõmman bwe ri kwalok eo ekãl en bõk juõn ijjino emõn. Jibañ e ñan kõmman bwe en juõn manit ibben bwe en kebojak im keini an bõk kunan ilo jerbal in kwalok nan kajjojo week.
7 Elañe ej eo nejõm make ear erom juõn ri kwalok ekãl ejañin baptais, jerbal ibben ñan kõmman wõnmanlok ekkar ñan dettan im maroñ eo an. Ilo an bõk jidik jibañ jen yuk, emaroñ kabwilõñ yuk kin ewi emõn in an maroñ bwebwenato ibben armij, read jen Bible, im lelok book ak magazine ko. Ñe ej lo juõn armij emõn buruen ilo jerbal in kwalok nan, kamineneik e ñan bar jeblak im kalaplok itoklimo eo.
8 Kalaplok Jerbal in Kwalok Nan eo Am Make: Wãwen ko ibbam rej kamaroñ ke yuk ñan kalaplok ijo kunam ilo jerbal in evanjel eo elikin ien Kwojkwoj in Kememej eo? Kwomaroñ ke jerbal juõn ak ruo awa laplok jen joñan eo ekkã am jerbal ilo kajjojo week? Kwoj lale manlok ke ilo calendar eo ñan bukõt ñããt kwomaroñ bar auxiliary pioneer? Ak kwomaroñ ke ukõt wãwen mour eo am ñan deloñ ilo jerbal in kwalok nan full-time? Aolep jibadbad ko jej kõmmani ilo jerbal in kwalok nan emaroñ jibañ juõn armij ñan bõk mol eo! (Jerbal 8:26-39) Ñe jej reimanlok ñan ran ko rej bed iman, “ien otemjej komin lor men ko remõn ñõn dron kab ñõn armij otemjelok.”—1 Tess. 5:15.
[Box eo ilo peij 3]
Wõnmanlok im Jibañ:
□✔ Ro rej bed ilo Kwojkwoj in Kememej eo
□✔ Ri kwalok ro rar bar jino jerbal
□✔ Ri kwalok ro rekãl rejañin baptais