Kwon Niknik Bwe En “Let Am Kennan”
1, 2. Ta eo ej kabwilõñ yuk kin lemnak eo an Paul kin kwalok kin news eo emõn, im ewi wãwen jemaroñ kajeoñe wanjoñok eo an bwe en “let ad kennan”?
1 Einwõt Jesus im elõñ ri karejar ro jet retiljek ilo ien ko etto, ri jilek Paul ear juõn ri kwalok kin news eo emõn ekijejeto, ear “let an kennan” jekdon wãwen ko ear iioni. Ilo ien eo ear kalbuj ilo juõn em bareinwõt, ear “bõk ir otemjej rej dreloñ ñõn iben, im ej kwalok ailiñ in Anij, im katakin men ko kin Iroij Jisõs Kraist, kin elap beran, im ejelok en ej bõprae.”—Jerbal 28:16-31.
2 Kij bareinwõt jemaroñ niknik bwe en “let ad kennan” ien otemjej. Men in ekoba kwalok nan ñan armij ro jej iion ir ñe jej ito-itak ñan ak jen “Kaibujuij Anij” District Convention eo im ke jej bed ilo jikin kwelok eo.—Jerbal 28:23; Sam 145:10-13.
3. Ewi wãwen jemaroñ bõprae bwe kwalok nan eo ad ilo jabdewõt ien eo emõn tok en jab oktak im juõn jibadbad jej kõmmane ilo juõn ien ej jide an walok?
3 Ta In Kwalok Nan ilo Jabdewõt Ien Emõntok? Kwalok nan ilo jabdewõt ien emõntok ejjab juõn men me ej baj jidimkij im walok ak walok ilo jab lemnak kake mokta, einwõt ñe kar jab karõke lok iman ak ejjab lukkun aorõk. Wãwen in emol an jab kwalok kin jerbal in kwalok nan eo ad. Einwõt kar eindein ibben Paul, kaibujuij Anij ikijen kwalok nan eo ad eaorõk ñan kij, im en kar mejenkajjik eo ad bwe jen kwalok nan ilo jabdewõt jikin ekkar ilo ial in ito-itak eo ad ilo summer in. Bõtab, wãwen eo jej kebak ro jet jemaroñ kwaloke einwõt informal—melelen, ilo inemõn, jitõb in jimjera, im ilo ejelok lajrak. Kõl in emaroñ walok ilo tokjen ko remõn.
4. Ta eo ear kamaroñ Paul ñan kwalok nan ilo jikin eo ear jokwe ie?
4 Kebojak ñan Kwalok Nan: Paul ear aikwij kõmman ien ko remõn ñan kwalok nan ke ear kalbuj ilo juõn em ilo Rome. Jen jikin eo ear bed ie, ear bõk buñten nee ko ñan kirtok ri tel in Ri Jew ro ilo bukwon eo ñan mweo imõn. (Jerbal 28:17) Meñe ear wõr juõn congregation in Christian ilo Rome, Paul ear katak bwe jukjuk im bed eo an Ri Jew ro ilo jikin kwelok eo ear jab lap air jelã kin tõmak eo an Christian. (Jerbal 28:22; Rom 1:7) Ear jab jenliklik bwe en “let an kennan” kin Jesus Christ im kin Ailiñ eo an Anij.
5, 6. Ta ien ko remõn rej bellok ñan ad kwalok nan ijellokin ien ko congregation eo kar karõki, im ewi wãwen ad maroñ kebojak bwe en bolemen ad kõmmani?
5 Lemnak kin aolep armij ro kwomaroñ iion ir ilo ito-itak eo am me jidik wõt air jelã kin Ri Kennan ro an Jehovah. Remaroñ jab jelã bwe jej tilmake katak kin Bible ilo ejelok wõnãn. Kwon kabukõt ien ko remõn ñan kwalok nan ñan ro kwoj iion ir ñe kwoj ito-itak, bõjrak ilo jikin kakije ko, teteñ kaan wa eo, kaikujkuj, bed ilo hotel ko, mõñã ilo restaurant ko, uwe ilo wa in ektak armij, im men ko eierlok wõt. Karõk lok iman kin ta eo kwomaroñ ba ñan ijjino juõn bwebwenato im kwalok nan ilo tu-kadu. Bõlen ilo ran ko rej itok kwomaroñ kamelmel ilo am kwalok nan ilo jabdewõt ien emõntok ñan ro ri turõm, ro nukõm, ri jerbal ro mõttam, im ro jet kwoj jelã kajjiir.
6 Kwonaj aikwij bõk jet kein read ko kwomaroñ kajerbali ñe kwoj kwalok nan. Kain rot? Kwomaroñ kajerbal tract eo Kwokõnan Ke Kalaplok Am Melele Kin Bible eo? Jitõñlok ñan paragraph ko lalem jinoin, ijo rej kwalok kin un ko reoktak jen don unin ñan read Bible. Kwalok coupon eo itulik in brochure eo me ej kajitõk kin juõn katak kin Bible ilo ejelok wõnãn. Ñe kwoj iion juõn armij emõn an roñjake, lelok Jen Kõmmõne brochure eo. Ilo am kõtmene bwe kwonaj iion armij ro rej konono bar juõn kajin, bõk ibbam booklet eo Good News for All Nations. Peij 2 ej kamelele kin ewi wãwen jemaroñ kajerbale ñan kwalok nan. Elañe kwoj ito-itak ilo juõn wa car, kwonaj maroñ bõk book ko jet ñan lelok ñan ro rej kwalok air itoklimo kin ennan in Ailiñ eo.
7, 8. Ta nan in kakkõl ko jej aikwij lori ikijen baotokid im mwilid ñe jej ito-itak im ilo ien kakije ko?
7 Lale Baotokõm im Mwilõm: Jej aikwij kõmman bwe mwilid im bareinwõt nuknuk ko ad im baotokid ren jab kõmman bwe en bwid an ro jet lemnak kake kij ak kõmman bwe ren ‘konono nae’ dolul eo an Jehovah. (Jerbal 28:22) Men in ej jerbal ejjab ilo ien eo wõt jej bed ilo convention eo ak bareinwõt ñe jej ito-itak im ilo ien ad kakije. August 1, 2002, Watchtower ilo kajin English (November 1, 2002, Imõniaroñroñ), peij 18, paragraph 14, ear kakkõl kij: “Iled en jab kwalok juõn buru e jua, jab lor kain style eo ekailbõkbõk an lal, im jab kabo armij ñan kõmman mour etton, jab kwalok mõttan enbwin ko emo kwaloki iman mejen armij ro jet, ak lor mantin lal in. Bareinwõt, jej aikwij naballed ilo juõn wãwen ej ‘kautiej Anij.’ Ejjab juõn men jej aikwij kalmenlokjen kake ke? Ejjab baj melelen wõt bwe jen kõnak nuknuk ko rekkar ñan kwelok ko an congregation inem tokelik wutiki im jab kakõmõmwin kake ilo ien ko jet. Ien otemjej baotokid en kwalok juõn lemnak in kabuñ, im kautiej kinke jej Christian im ri kwalok ro ilo 24 awa ko ilo juõn ran.”—1 Tim. 2:9, 10.
8 Nuknuk ko ad ren kwalok ad ettã buru im kautiej. Elañe ien otemjej baotokid im mwilid ej kwalok ad tõmak ilo Anij, jejamin ãliklik in kwalok nan ilo jabdewõt ien emõntok kinke baotokid ejjab ekkar ñan juõn ri karejaran Anij.—1 Pit. 3:15.
9. Ta tõbrak eo kin kwalok nan Paul ear iione ilo Rome?
9 Kwalok Nan ilo Jabdewõt Ien Emõntok Ewõr Tõbrak: Ilo yiõ ko ruo Paul ear kalbuj ilo mweo imõn ilo Rome, ear lo tokjen ko remõn jen jibadbad ko an ñan kwalok nan. Luke ear report bwe “jet rej tõmak men ko ej konono kaki.” (Jerbal 28:24) Paul make ear joñe emõnin an “let an kennan” ke ear je: “Men ko r’ar walok ñõn iõ, tokjeir bwe ren driõklok gospel; Ein drein lukwoja ilo Kraist rej alikar ilo aolepen Pritoriõm, im ñõn ro otemjej jet; Im elõñ ian jimjãn jimjãten ilo Iroij, ke elaplok air liki kin lukwoja, re kanuij beranlok in konono nan in Anij im jab lelñoñ.”—Pil. 1:12-14.
10. Ta tõbrak eo kin kwalok nan ruo ri belele ro rar iione ilo summer eo lok?
10 Summer eo lok, elikin air bed ilo district convention eo ilo juõn ran, ruo ri belele ro rar iion juõn experience ewõr tõbrak ke rar kwalok nan ilo ien eo emõn tok ñan juõn ri jerbal ilo juõn restaurant eo ear kajitõk kin convention badge card ko air. Rar kameleleik e kin convention eo im bareinwõt kejatdikdik eo me Bible ej letoke kin ilju eo an armij. Rar lelok ñan e tract eo Kwokõnan Ke Kalaplok Am Melele Kin Bible eo? im kameleleik e kin karõk in katak Bible ilo ejelok wõnãn. Kõrã eo ear ba bwe ekõnan bwe juõn en lolok e, ear kanne etan im address eo an itulik in tract eo, im kajitõk ibben ri belele ro bwe ren kõmman karõk ko ñan e. Ta tokjen ko kwomaroñ iioni ilo yiõ in ilo am tiljek bwe en “let am kennan”?
11. Ta kadkad ko jen kaddeki bwe jen kowõnmanlok news eo emõn ilo summer in ilo an “let ad kennan”?
11 En Let Am Kowõnmanlok News eo Emõn: Lemnak kin mõnõnõ eo an Paul ke ear roñ bwe Ri Christian ro mõttan rej kajeoñe wanjoñok eo an kin kijejeto! Jen kõmman joñan wõt ad maroñ ñan kowõnmanlok news eo emõn ilo ad kwalok nan ilo jabdewõt ien emõn kin tõmak ko ad rej bedbed ion Bible ke jej bareinwõt bõk tokjen jen district convention eo ilo summer in.
[Box eo ilo peij 3]
Book ko Jej Aikwiji ñan Kwalok Nan ilo Jabdewõt Ien Emõntok
■ Kwokõnan Ke Kalaplok Am Melele Kin Bible eo? (tract)
■ Ta Eo Anij Ekõnan Bwe Jen Kõmmõne? (brochure)
■ Good News for All Nations (booklet)
■ Book ko jet
[Box eo ilo peij 4]
Kwon Jab Meloklok Ir!
Meloklok wõn ro? Aolep ro rej itoklimo me rar bed ilo Kwojkwoj in mij eo an Christ ak special talk eo. Jaar kirtok ir ke ñan bed ilo district convention eo ilo yiõ in? Alikar elõñ iair, elañe rej bõk nan in rejañ ko rejoij, renaj kõnan bed. Ñe rej lo kamao ko rekõketak ilo convention eo im program eo ekõketak ilo jitõb, renaj ruaklok ñan Jehovah im dolul eo an. Etke kwojjab kirtok ir im lale ta eo enaj walok? Kwalok aolep tibdik in kamelele ko rej aikwiji, ekoba ran in kwelok ko an convention eo, kamelele ko kin ial eo lok ñan jikin convention eo, im ien ko enaj jino im jemlok program in katak ko.