Kwo Pojõk ke ñõn Kwalok Nan ilo Jabrewõt Ien Emõntok?
1 Kwalok nan ilo jabrewõt ien emõntok emaroñ lap tõbrõk. Baibel eo ej kwalok elõñ joñok ko im tõbrõk ko remõn. (Jon 4:7-15) Ta men ko jemaroñ kõmõni bwe jen pojõk kin kain kwalok nan rõt in?
2 Karbõp: Ñe nuknuk ko ar ej emõn im jej karbõp aolep ien enaj emõnlok ar kwalok tõmak eo ar iben ro jet. (1 Tim. 2:9, 10) Elañe jej kile bwe e jabde ar kapojõk, jenaj ãliklik in kennan. Ak ar karbõp im erreo emaroñ karel armij ro jet. Ñõn wanjoñok, ke ruõ dri belele ian Dri Kennan ro rar jambo, ear emõn air karbõp im rar jijõt iturin juõn dri Muslim. Ke lein ear lo wãweir, ear kajitõk elañe rej dri Kristian. Inem, rar kennan kin Baibel eo iomin jilu auõ.
3 Jino Bwebwenato: Ke Jisõs ear lo juõn kõra in Sameria iturin aibij lõl an Jekõb, ear jino an kennan ilo an kajitõk wõt kin limen aibij. Ilo ejja wãwen in wõt, jemaroñ jino ar kennan ilo ar konono kin juõn men ak kwalok juõn kajitõk ebiruru. Meñe jet ien jej ãliklik, kin ar liki jibõñ ko jen Jeova, jenaj ‘beranlok’ im jino kennan.—1 Tes. 2:2.
4 Kabukot Kilen: Elõñ dri kwalok ro rar lo kilen kwalok nan ilo jabrewõt ien emõntok. Etale ber eo am, im lemnok kin kain armij rõt kwonaj iion ir kajjojo ran. En ibem buk ko rekkar im juõn Baibel. Reito reitak, im kwalok am itok limo kin ro kwoj ber ibeir. Ilo am lemnok kin ta men ko remaroñ walok ilo ran eo, enaj emõn am pojõk in kwalok nan.—Pil. 1:12-14; 1 Pit. 3:15.
5 Eor ruo un ko remõn bwe jen kamat ar maroñ in kwalok nan ilo jabrewõt ien emõntok, (1) ar yokwe Anij im (2) ar yokwe ro dri turid. (Matu 22:37-39) Kin an aurõk jerbal in kwalok nan, jeban jerwane ar kwalok nan ilo jabrewõt ien emõntok. Jej aikwij pojõk in kajerbal jabrewõt ien emõntok ñõn kwalok gospel eo kin Ailiñ eo iben ro jet ke ej or wõt ien.—Rom. 10:13, 14; 2 Tim. 4:2.
[Kajitõk ko ñan katak]
1. Ta joñok ko rej kalikar bwe kwalok nan ilo jabrewõt ien emõntok emaroñ emõn?
2. Ewi wãwen baotokid emaroñ jibõñ kij ñõn kwalok nan?
3. Ilo am lor joñok eo an Jisõs, ewi wãwen am kar jino bwebwenato iben armij?
4. En ewi wãwen ar kapojõk ñõn kwalok nan ilo jabrewõt ien emõntok?
5. Etke jej aikwij kapojõk ñõn kwalok nan ilo jabrewõt ien emõntok?