Kwalok Nan Einwõt Juõn Kumi Ej Bõktok Lañliñ
1 Ke ear jilkinlok ri kalor ro 70 ñan kwalok nan, Jesus ear katakin ir kin ta eo ren ba, karõk ir ilo kumi ko karuo lok iair, im kõlajrak territory ko ren jerbal ie. Men in ear wõr kunan ñan lañliñ eo rar iione. (Luk 10:1-17) Eindein rainin, kwalok nan einwõt juõn kumi ej jibañ ñan keboj, karõk, im rejañ armij ro an Anij kin jerbal eo ñan kwalok nan.
2 Elder Ro Rej Tel: Elap kunan elder ro ñan jibañ aolep bwe ren keini air bõk kunair ilo jerbal in kwalok nan. Service overseer eo ej tel ilo kõmman karõk ko ñan kwalok nan ilo weekday ko (Monday ñan Friday). Kajjojo book study overseer ej bõk eddo eo ñan karõk makitkit ko ñan kumi eo an, elaptata ilo weekend eo. Ilo ien ko ñe aolepen congregation eo ej kwelok ibben don ñan kwalok nan, einwõt elikin Katak in Imõniaroñroñ, kajjojo book study overseer en lale aikwij ko an kumi eo an.
3 “Ekar im ilo Lajrõk”: Eo kar jitõñ e bwe en tel kwelok eo kin kwalok nan en jino ilo awa eo ejejjet im kõmmane kwelok eo ilo joñan eo 10 ak 15 minute ko. Emõntata bwe e eo en karõk kumi ko ñan kwalok nan im lelok territory ko (ijellokin elañe book study overseer ro renaj lolorjake men in, einwõt kar kwalok kake mokta) mokta jen enaj kajemlok kin jar. Men in ej kadiklok aikwij eo bwe ri kwalok ro ren kuktok ibben don ilo territory eo, eo emaroñ bõk jen utiejen jerbal eo ad. Ej bareinwõt errã ibben nan in kakabilek eo an Paul: “Ren kõmõn men otemjej ekar im ilo lajrõk.” (1 Kor. 14:40) Aolep ro rej bed ilo kwelok kein ren kõmman ijo kunair bwe en wõr tõbrak ilo lajrak in ilo air itok ilo mõkaj, jerbal ibben eo ej tel, im ilok ilo mõkaj ñan territory eo elikin an jilkinlok kumi eo.
4 Koba Ibben Don Ilo Burukuk: Lajrak ko ñan kwalok nan einwõt juõn kumi ej letok juõn ien emõn ñan ad jelã kajjen ro jet ilo congregation eo. Meñe ejjab nana ñan karõk lok iman ñan jerbal ibben juõn armij, emaroñ bareinwõt wõr tokjen ñan ad bed ilo kwelok ko ñan kwalok nan ilo ejelok karõk lok iman. Remaroñ karõk ad jerbal ibben juõn eo ejjab lap ad jelã kajjen, im ilo wãwen in kamaroñ kij bwe en “laplok [buruõd]” ilo yokwe.—2 Kor. 6:11-13.
5 Kwalok nan einwõt juõn kumi ej kõketak kij im karuaklok kij ñan don einwõt “dri jerbal ibeir ñõn mol.” (3 Jon 8) Jen bõk kunad joñan wõt ad maroñ!