Lolok Aolep Ro Ewõr Jidik Air Itoklimo
1 Elõñ iar jej bed ilo mol eo kiõ kinke juõn armij ear kile bwe ear wõr jidik itoklimo ibbed kin ennan in Ailiñ eo im ilo meanwõd ear bar jeblaktok—bõlen elõñ alen—ñan kaddeklok itoklimo in ad. Ilo ejja wãwen in wõt jej aikwij lukkun lale bwe jen bar jeblak ibben ro me ewõr jidik air itoklimo. Ilo mol, kõmman bar jeblak ko ej kitibuj jerbal eo ad ñan kõmman ‘dri kalor ro.’—Mat. 28:19, 20.
2 Kile mol in Itoklimo: Meñe juõn armij ejjab bõk book ko ad, turin mejen, ainikien, ak jokãlet in nan ko an emaroñ kwalok an itoklimo kin ennan in Ailiñ eo. Ion bedbed in jemaroñ kõmman bar jeblak. Juõn brother ear lolok juõn emaan iumin lalem week ko ilo an jab likit book ko ibben. Ilo week eo kein kajiljino in an lolok e, armij eo ear bõk book eo, im tokelik kar jino juõn Bible study ibben.
3 Elañe kwoj lo bwe ewõr jidik an itoklimo, jeblak ilo mõkaj, bõlen elikin jejjo ran ko. Jab kõtlok ien ñan “dri nana” eo bwe en bõk men eo emwij jeore ilo buruen armij eo. (Mat. 13:19) Kejbãrok kallimur eo am elañe kwar kõmman karõk ñan bar lolok e ilo bar juõn ran.—Mat. 5:37.
4 Jerbal Iturin Ial: Kwoj kate yuk ke ñan kaddeklok itoklimo eo kwoj loe ñe kwoj jerbal iturin ial ko ak ilo jabdewõt ien emõntok? Ilo tujemlokin bwebwenato eo am, kwomaroñ ba: “Iar mõnõnõ kin bwebwenato eo arro. Imaroñ iion yuk ia bwe jen maroñ bar bwebwenato?” Ñe ekkar, jet ian ri kwalok ro remaroñ bebe in lelok telephone number eo air ñan eo ewõr an itoklimo ak emaroñ kajitõk ñan bõk number eo air. Elañe armij ro rej lo am jerbal iturin ial aolep ien ilo ejja jikin eo wõt, remaroñ jab makoko in lewõj telephone number ak address eo air. Meñe rejjab kõnan kalikar ia eo kwomaroñ iion ir ie, kwomaroñ kajeoñ wõt ñan kalaplok itoklimo eo air ilo bar juõn ien kwonaj iion ir iturin ial eo.
5 Ñe jej lo bwe emõn an mour men in eddek ko jaar wũtdikdiki im kejbãroki, men in ej kalañliñ kij. Eindein, jemaroñ lañliñ ilo ad kõmman bar jeblak ko im jibañ armij ro kajjojo ñan air wõnmanlok ilo jitõb. (1 Kor. 3:6) Kõmman bwe en am mejenkajjik ñan bar jeblak ibben ro ewõr jidik air itoklimo.