Kwon Jab Jenliklik In Kõmman Bible Study!
1. Ilo wãwen et “jejjab drebij emõn”?
1 Ñe jej niknik in bõk kunad in keañ kin news eo emõn kin Ailiñ eo an Anij, jej jab “drebij emõn” jen ro ilo territory ko emwij letok ñan kij. (Ken. 3:27) Ennan eo emõntata ñan kwalok ñan armij ro kake ej kin ien ko remõnlok me renaj itok iumin iroij eo an Anij. Meñe kwoj ekkeini am kwalok kin kejatdikdik eo kin Ailiñ eo ilo am kwalok nan ak lelok book ko, etke kwojjab kõmmane bwe en mejenkajjik eo am ñan kõmman juõn Bible study, elañe ejañin wõr juõn am kiõ?
2. Ta eo emaroñ kõmman ad jenliklik in jino juõn Bible study?
2 Jet ien, wãwen ad eñjake kin kõmman juõn Bible study ej abañ eo elaptata. Jet rej jenliklik in katak Bible ibben armij ro kinke rej bõk eñjake eo bwe ejabwe kabel ko ibbeir ak edik air ien. Wãwen kein emwij kõlajraki emaroñ jibañ yuk bwe kwon jab jenliklik jen am bõk kunam ilo jerbal in katakin kin Bible eo.—Mat. 28:19; Jerb. 20:20.
3. Etke ej tellokid ñan ad katakin armij kin Bible eo?
3 Ejelok Liki: Bõlen ejabwe jelãlokjen eo an lal in ibbam ak ebar wõr un ko jet unin kwojjab liki kwe make ñan kõmman juõn am Bible study. Ri Christian ro ilo tõre ko an Jesus rar “dri jab katak im dri jab meletlet.” Ta eo ear kamaroñ ir ñan katakin ro jet kin mol eo? “Re kar ber iben Jisõs.” (Jerb. 4:13) Rein rar katak jen Ri Kaki eo Elap, Jesus, eo me katak im wãwen ko an emwij kar kejbãroke ñan kij ikijen Nan ko ilo Bible eo. Meñe ejabwe jelãlokjen eo an lal in ibbam, kwoj bõk jelãlokjen eo ilo jitõb kin Anij im karõk ko an me relaplok ñe keidi ibben jelãlokjen ko an lal.—Ais. 50:4; 2 Kor. 3:5.
4. Ta eo jemaroñ katak jen joñok eo an Amos?
4 Jet ien Jehovah ear kajerbal ri kanan ro ñan kauwe ri tel ro an kien ak ro me rej bed ilo jea ko reutiej. Jet, einwõt Amos, rar armij ro rettã. Amos ear ba: “Ña ijjab kanan bwe en wor wõnea. Ña ij juõn ri lale sheep im juõn ri kallib wijki fig.” (Amos 7:14) Mekarta, Amos ear jab jenliklik in kwalok ñan priest Amaziah me ear kabuñ ñan koon in cow eo, bwe Jehovah enaj bõktok ekajet ion. (Amos 7:16, 17) Jej aikwij kememej wõt bwe jej kõmmane jerbal eo an Anij im enaj kamaroñ kij ñan kajejjet jerbal eo ear letoke.—2 Tim. 3:17.
5. Etke jej aikwij kate wõt kij ñan jino juõn ad Bible study meñe jej boub?
5 Boub kin Makitkit ko ilo Mour: Meñe elap am boub kin makitkit ko ilo mour, kwoj aikwij karõk ien ñan am keini in bõk kunam ilo jerbal in kwalok nan. Kõmman juõn Bible study emaroñ juõn ian wãwen ko ej kalañliñ kij ilo jerbal in. Ej juõn jerammõn ñan lo wãwen an Nan eo an Jehovah jelet mour an juõn armij. (Hib. 4:12) Jehovah ej mõnõnõ ñe ej lo ad lelok mour eo ad make ñan jibañ armij “bwe ren item jela mol.” (1 Tim. 2:4) Bareinwõt enjel ro rej lañliñ ñe juõn ej ukwelok jen wãwen mour eo an mokta im kõmman wõnmanlok ko ilo jitõb.—Luk 15:10.
6. Ta jerammõn eo ewõr ibbed ilo ad kajejjet ankil an Anij?
6 Anij “e kõnan lomoren armij otemjej, im bwe ren item jela mol.” (1 Tim. 2:4) Ej juõn jerammõn elap ibbed ñan jerbal ilo burukuk ibben ankil an Anij, ilo ad jab jenliklik in kõmman Bible study!