Kwonañin ke Kar Kwalok Kilen Katak Baibel ilo Ien eo Moktata Kwoj Iion Juõn Armij?
Ñe kwoj kajitõk iben armij ro elañe rej kõnan katak Baibel, jet rej ba bwe rejjab itoklimo ak jet rej ba bwe rej katak Baibel ilo imõn jar eo air. Rejjab jela bwe wãwen ar katak Baibel eo ej oktõk jen kabuñ ko jet, im rejjab jela bwe remaroñ bõk elaplok melele ko im lo mõnõnõ ñe rej katak Baibel iber. Kin men in, ijellokin am baj kajitõk ibeir ñe rekõnan katak, etke kwojjab bõk jet minit ko im kwalok ñõn dri mweo kin wãwen jej katak Baibel ilo ien lolok eo moktata? Ñõn wanjoñok: Kwon jab baj ba wõt bwe kwojela kõmat im kajitõk ñõn am naj bar jeblak im bõktok mõña eo; lelok bwe ren erjoñ ilo ien eo wõt! Eñin wãwen eo kwomaroñ kõmõne iomin jejjo wõt minit ko ilo am kajerbale juõn ian nan in rejañ ko jen Ar Jerbal Ñõn Ailiñ Eo in Jeptõmba 2005 ilo peij 6:
“Kwoj lemnok ke bwe juõn ran, nan kein renaj jejit kitieir? [Riit Aiseia 33:24, im kõtlok bwe en uak.] Ikõnan kwalok ñõn yuk juõn men ekaitoktoklimo kin men in.” Lelok ñõn dri mweo buk eo Baibel Ej Katakin, im jitõñlok e ñõn pãrokõrããp 22 ilo peij 36. Riiti kajitõk eo ilõl in peij eo, im kajitõk bwe en bukot uak eo ilo ien eo kwoj riiti pãrokõrããp eo. Ñe emwij am riit, bar kwalok kajitõk eo, im roñjake uak eo an. Riiti bar juõn eon ilo Baibel iben dron. Bõkmantak juõn kajitõk ñõn am naj uake ñe kwonaj bar jeblak, im kõmõn karõk ko ñõn am bar jeblak. Eñin wãwen am jino katak Baibel iben juõn armij!