Од електрична енергија до духовна светлина

ОД ДОПИСНИКОТ НА РАЗБУДЕТЕ СЕ! ВО ИТАЛИЈА

◼ Во почетокот на 20 век, во планинските предели на Пистоја (Италија) почнаа да никнуваат разни фабрики. За да може да се пренесуваат суровините и готовите производи, беше изградена електрична пруга, која беше пуштена во употреба на 21 јуни 1926 год. Оваа пруга со тесен колосек се извиваше низ ридиштата и планините отприлика 15 километри.

Возот се напојуваше со електрична енергија од една трафостаница (горе лево). Но, со текот на времето, трговскиот сообраќај опаѓаше, поради што пругата беше затворена во 1965 год. Но, што се случи со градбите што беа изградени долж пругата? Некои сосема пропаднаа, а некои подоцна беа пренаменети во кафеани и автобуски гаражи.

Трафостаницата беше реновирана. Во 1997 год. ја купи здружението на Јеховините сведоци од Сан Марчело Пистојезе и ја претвори во една од најубавите Сали на Царството во Тоскана (долу лево). Членовите на собранието што се собираат во оваа некогашна трафостаница се зафатени со својата задача да ‚светат како светлоносци‘ во овој планински предел, проповедајќи ја добрата вест за Божјето Царство (Филипјаните 2:15; Матеј 24:14). Да, оваа зграда од која порано се добивала електрична енергија, сега се користи за од неа да се шири духовна светлина (Матеј 5:14-16; 28:19, 20).