Ќе ја проучуваме книгата Семејна среќа
Ќе те радува да знаеш дека, почнувајќи со седмицата од 6 октомври 1997, на Собраниската студија на книга ќе ја разгледуваме книгата Тајната на семејната среќа. Никој нема да сака да ја пропушти групната студија на овој практичен библиски водич за среќен семеен живот. Распоредот за проучување ќе дозволи темелно испитување на секој пасус и на библискиот текст во книгата.
Првата седмица од студијата ќе биде разгледано целото прво поглавје бидејќи тоа содржи малку стихови кои не се цитирани. Од истата причина и 15. поглавје ќе биде разгледано наеднаш. Меѓутоа, сите други поглавја ќе бидат поделени во два дела, така што секоја седмица ќе се разгледува по околу половина поглавје. На тој начин ќе има доволно време да се прочитаат и дискутираат сите наведени стихови, како и внимателно да се испита примената на сите цитирани стихови во секој пасус.
Едно важно обележје на студијата ќе биде дискусија за материјалот кој е во рамката за поучување на завршетокот од секое поглавје. Затоа, треба да се расподели доволно време за да се разгледаат прашањата и наведените стихови во рамката.
Водителите на Собраниската студија на книга се поттикнати да посветат посебно внимание на својата подготовка за студијата и да ги охрабрат сите кои се доделени во нивната група, вклучувајќи ги и новите, добро да се подготвуваат, редовно да присуствуваат и да учествуваат (om 76—78).