Нова програма за покраински собир

„Цврсто да го задржиме на ум Јеховиниот ден“ е темата на програмата на дводневниот покраински собир, кој започнува во септември (2. Петр. 3:12, НС). Таа е наменета за да го подбуди нашето чувство на итност. Жителите на Земјата наскоро ќе ги доживеат Јеховините судови. Кој ќе го преживее ‚големиот ден на Бога Седржителот‘? Само оние кои остануваат духовно будни и кои поставуваат еден животен образец на ‚свети постапки на однесување и дела на оддаденост на Бог‘ (Откр. 16:14; 2. Петр. 3:11, НС).

Крштавањето е неопходно за едно лице да го преживее Јеховиниот ден (1. Петр. 3:21). Објавителите кои имаат желба да се крстат на собирот треба да му го кажат тоа на претседавачкиот надгледник кој ќе ги направи потребните подготовки.

Четвороделниот циклус „Какви луѓе треба да бидеме“ јасно ќе покаже какви постапки се вклучени за цврсто да ја задржиме на ум присутноста на Јеховиниот ден. Јавното предавање „Постапувај мудро додека се приближува Јеховиниот ден“ ќе објасни што значи да се ‚бара Јехова, праведноста и кроткоста‘ за да се преживее (Соф. 2:3, НС).

Покраинскиот собир ќе заврши со две мотивирачки предавања од патувачките надгледници, со наслов: „Дали твојот живот се сосредоточува на вистината?“ и „Да се планира однапред, имајќи го на ум Јеховиниот ден“. Овие говори ќе нѐ поттикнат да го испитаме својот живот и да ги направиме сите потребни преиначувања. Библиското пророштво и светските настани јасно покажуваат дека Јеховиниот ден е близу. Оваа програма на собирот ќе нѐ охрабри да ‚бидеме трезвени и будни‘ (1. Петр. 5:8). Направи дефинитивни планови да присуствуваш обата дена.