Теократска школа за служба за 2001
1 Има многу библиски причини зошто сите треба да учествуваме колку што е можно поцелосно во Теократската школа за служба (Посл. 15:23; Мат. 28:19, 20; Дела 15:32; 1. Тим. 4:12, 13; 2. Тим. 2:2; 1. Петр. 3:15).
2 Програмата за седмично читање на Библијата е обележје на оваа школа веќе долго време. Тоа значи дека треба да се прочита околу една страница од Библијата секој ден. Почнувајќи од оваа година, читање на Библијата е доделено и за секоја седмица кога има писмено повторување. Дополнителното читање на Библијата, кое беше ставено на распоредот изминативе три години, заврши. Но, ако сакаш да читаш од Библијата повеќе отколку што е предвидено со распоредот, можеш да си направиш своја програма за читање.
3 Задачата бр. 2 ги обучува браќата за ‚јавно читање‘ на Божјата реч (1. Тим. 4:13). Кога ќе ти биде доделена задача да читаш, повеќепати вежбај читање на глас.
4 Задачите бр. 3 и 4 се темелат на книгата Расудување, која е наменета да се користи во службата на теренот. Ако доделениот материјал е повеќе од она што можеш да го разгледаш во доделеното време, издвој го само она што ќе биде најпрактично за подрачјето на твоето собрание. Може да се користи која и да било рамка која одговара за твоето подрачје.
5 Прави сѐ што можеш за да ги исполниш сите задачи во школата. Одвој си време добро да се подготвиш и зборувај од срце. Ќе бидеш извор на охрабрување за собранието и ќе извлечеш корист ти лично ако учествуваш со сето срце во Теократската школа за служба во текот на 2001.