Потсетници за Меморијалот

Оваа година Меморијалот ќе се одбележи в четврток, на 24 март. Старешините треба да обрнат внимание на следниве работи:

◼ Кога ќе го одредувате времето на состанокот, погрижете се симболите да не поминат пред зајдисонце.

◼ Секој, вклучувајќи го и говорникот, треба да биде информиран за точното време и местото на одбележувањето.

◼ Треба да се набават и да бидат подготвени соодветни леб и вино. (Види Стражарска кула од 15 февруари 2003, страници 14, 15.)

◼ Во салата треба навреме да се донесат и да се постават чинии, чаши, како и соодветна маса и чаршаф.

◼ Салата на Царството или друго место каде што ќе се одржи настанот треба однапред темелно да се исчисти.

◼ Редарите и послужителите треба однапред да бидат избрани и да добијат упатства во врска со нивните должности, исправната процедура и потребата да бидат достоинствено облечени и дотерани.

◼ На секој помазаник што е немоќен и не е во состојба да присуствува треба да му се овозможи да биде послужен со симболите.

◼ Кога е планирано истата Сала на Царството да ја користат повеќе собранија, тогаш меѓу нив треба да има добра координација за да се избегне непотребна гужва во холот или пред влезот, на јавните тротоари и на паркиралиштето.