Помогни им да добијат натамошно сведоштво
1 Додека ја споделуваме добрата вест, честопати среќаваме луѓе кои живеат надвор од границите на нашето подрачје или зборуваат друг јазик, вклучувајќи го и јазикот на глувонемите. Други, пак, со кои сме воделе добри библиски дискусии можат да се преселат надвор од нашето подрачје. Како можеме да организираме таквите лица да добијат натамошно сведоштво? Така што ќе го користиме формуларот Те молиме, продолжи понатаму (S-43).
2 Луѓето често ја слушаат повнимателно добрата вест кога им е пренесена на нивниот мајчин јазик (Дела 22:1, 2). Затоа, во повеќето случаи, кога ќе сретнеме некој што зборува друг јазик, треба да го пополниме формуларот дури и ако лицето не покажало интерес за веста за Царството. Меѓутоа, таму каде што има прилично голем број луѓе што зборуваат странски јазик и редовно добиваат сведоштво на својот јазик, не е неопходно да се пополни формуларот освен ако е покажан интерес.
3 Пополнување на формуларот: Внимателно обиди се да го дознаеш името на лицето, неговата адреса и телефонскиот број. Наведи колкав интерес е покажан, кога може да се посети лицето, литературата што му е оставена или ја бара и јазикот што најдобро го разбира. Откако ќе го пополниш формуларот, веднаш дај му го на собранискиот секретар, којшто ќе го предаде до соодветното собрание или група.
4 Предавање на формуларот: Ако секретарот не знае кое собрание или група треба да го прими формуларот или ја нема адресата, тогаш може да телефонира во бетелската канцеларија за да ја добие потребната информација.
5 Кога некое собрание или група ќе добијат пополнет формулар Те молиме, продолжи понатаму, треба да се направат подготовки лицето веднаш да се посети. Ако марливо го вршиме нашиот дел, можеме да имаме доверба дека Јехова ќе им ги отвори срцата на оние кои се „исправно наклонети кон вечниот живот“ (Дела 13:48).