Драги објавители на Царството!

Јехова многу ја благослови нашата цел да дадеме уште потемелно сведоштво. Тој навистина го забрза делото (Иса. 60:22).

Денес во Македонија се сведочи на повеќе јазици од кога и да е порано. Освен на македонски, албански и англиски јазик, се вложуваат напори да се проповеда на турски и на знаковен јазик, а сѐ повеќе состаноци се одржуваат и на ромски јазик. Навистина сме многу восхитени што наскоро ќе добиеме прекрасна публикација на ромски јазик, со која ќе можат да се водат библиски студии.

Специјалната кампања, во која учествуваа околу 400 објавители од 7 различни земји, даде извонредни резултати. Со својата ревност и воодушевеност тие длабоко нѐ трогнаа и ‚го затресоа народот‘ (Агеј 2:7). Како резултат на тоа, се собираат многу луѓе што се ‚скапоцени‘ во Божји очи. Во првите седум месеци од оваа службена година, шест пати имавме нов највисок број на објавители, а бројот на библиски студии порасна од 866 на 1.153 во мај, што претставува пораст од 34 отсто!

Бидете уверени дека многу го цениме она што го прави секој од вас во делото за Царството. Да ‚забрзаме‘ додека го обработуваме нашето подрачје и да започнуваме библиски студии уште при првата или втората посета. Среќни сме што можеме рамо до рамо да соработуваме со вас во ова важно дело и ви испраќаме срдечни христијански поздрави.

Вашите браќа,

Бетел, Македонија