2 ഇസ്രായേൽ ജനത്തിന്റെ മുന്നിൽനി​ന്ന്‌ യഹോവ ഓടി​ച്ചു​കളഞ്ഞ ജനതകളുടെ+ മ്ലേച്ഛമായ ആചാരങ്ങൾ പിന്തുടർന്നുകൊണ്ട്‌+ മനശ്ശെ യഹോ​വ​യു​ടെ മുമ്പാകെ തെറ്റായ കാര്യങ്ങൾ ചെയ്‌തു. 3 അപ്പനായ ഹിസ്‌കിയ നശിപ്പി​ച്ചു​കളഞ്ഞ, ആരാധനാസ്ഥലങ്ങൾ*+ വീണ്ടും നിർമി​ച്ചു. ഇസ്രാ​യേൽരാ​ജാ​വായ ആഹാബ്‌ ചെയ്‌തതുപോലെ+ ഒരു പൂജാസ്‌തൂപവും*+ ബാലിനു യാഗപീ​ഠ​ങ്ങ​ളും പണിതു. ആകാശ​ത്തി​ലെ സർവ​സൈ​ന്യ​ത്തി​ന്റെ​യും മുമ്പാകെ കുമ്പിട്ട്‌ അവയെ സേവിച്ചു.+ 4 യഹോവയുടെ ഭവനത്തിലും+ മനശ്ശെ യാഗപീ​ഠങ്ങൾ പണിതു. “യരുശ​ലേ​മിൽ ഞാൻ എന്റെ പേര്‌ സ്ഥാപി​ക്കും”+ എന്ന്‌ യഹോവ പറഞ്ഞത്‌ ഈ ഭവന​ത്തെ​ക്കു​റി​ച്ചാ​യി​രു​ന്നു. 5 യഹോവയുടെ ഭവനത്തി​ന്റെ രണ്ടു മുറ്റത്തും+ മനശ്ശെ ആകാശ​ത്തി​ലെ സർവസൈന്യത്തിനുംവേണ്ടി+ യാഗപീ​ഠങ്ങൾ പണിതു. 6 മനശ്ശെ സ്വന്തം മകനെ ദഹിപ്പിക്കുകയും* മന്ത്രവാ​ദം ചെയ്യു​ക​യും ശകുനം നോക്കുകയും+ ആത്മാക്ക​ളു​ടെ ഉപദേശം തേടുന്നവരെയും* ഭാവി പറയുന്നവരെയും+ നിയമി​ക്കു​ക​യും ചെയ്‌തു. യഹോ​വ​യു​ടെ മുമ്പാകെ ഒരുപാ​ടു തെറ്റുകൾ ചെയ്‌ത്‌ ദൈവത്തെ കോപി​പ്പി​ച്ചു.