മർമ​പ്ര​ധാ​ന​മായ പിന്തുണ

“എനിക്കു മരണഭീ​തി​യോ​ടും വിഷാദ ഘട്ടങ്ങ​ളോ​ടും മല്ലി​ടേ​ണ്ടി​യി​രു​ന്നു” അർജൻറീ​ന​യി​ലെ ഒരു യഹോ​വ​യു​ടെ സാക്ഷി​യായ വെർജി​നിയ പറയുന്നു. സ്‌തനാർബു​ദ​ത്തി​നെ​തി​രെ​യുള്ള പോരാ​ട്ട​ത്തിൽ അവൾ സമൂല സ്‌തന​ച്‌ഛേ​ദ​ന​ത്തി​നു വിധേ​യ​യാ​യി. അവളുടെ അണ്ഡാശ​യ​ങ്ങ​ളും നീക്കം ചെയ്യ​പ്പെട്ടു.a

വാസ്‌ത​വ​ത്തിൽ സ്‌തനാർബു​ദ​ത്തി​ന്റെ ഫലമാ​യുള്ള മരണഭീ​തി സാർവ​ത്രി​ക​മാണ്‌. ഈ ഭീതിക്കു പുറമേ, വൈക​ല്യ​മു​ണ്ടാ​കു​മ​ല്ലോ സ്‌​ത്രൈ​ണ​ത​യും മുലയൂ​ട്ടാ​നുള്ള കഴിവും നഷ്ടപ്പെ​ടു​മ​ല്ലോ എന്നിങ്ങ​നെ​യുള്ള ഭയം കൂടി​യാ​കു​മ്പോൾ അതിന്‌ ഒരു സ്‌ത്രീ​യു​ടെ ജീവി​തത്തെ വൈകാ​രി​ക​മാ​യി നശിപ്പി​ക്കാൻ കഴിയും. ഒററ​പ്പെ​ടു​മ​ല്ലോ എന്ന തീർത്താൽ തീരാത്ത ദുഃഖം അവളെ വേഗം കണ്ണീർക്ക​യ​ത്തി​ലാ​ഴ്‌ത്തു​ക​യും ചെയ്യും. ഇത്തരത്തി​ലുള്ള വൈകാ​രിക ആക്രമ​ണ​ത്തിന്‌ അവൾ വിധേ​യ​യാ​കാ​തി​രി​ക്കാൻ എന്താണു മാർഗം?

പിന്തു​ണ​യു​ടെ ആവശ്യം

“അവൾക്ക്‌ പിന്തുണ ആവശ്യ​മാണ്‌!” ഐക്യ​നാ​ടു​ക​ളിൽ നിന്നുള്ള ജോൺ മറുപടി നൽകുന്നു. അവളുടെ അമ്മയും വല്യമ്മ​യും സ്‌തനാർബു​ദ​ത്തിന്‌ ഇരകളാ​യി​രു​ന്നു. അവർക്കു​ണ്ടാ​യി​രുന്ന അതേ പോരാ​ട്ടത്തെ അവളും ഇപ്പോൾ അഭിമു​ഖീ​ക​രി​ക്കു​ക​യാണ്‌. ഇത്‌ വിശ്വ​സ്‌ത​രായ കുടും​ബാം​ഗ​ങ്ങ​ളെ​യും സുഹൃ​ത്തു​ക്ക​ളെ​യും സംബന്ധി​ച്ച​ട​ത്തോ​ളം ആശ്വാ​സ​പ്ര​ദ​മായ പിന്തു​ണ​യും സഹായ​വും നൽകാൻ പററിയ ഒരു സമയമാണ്‌. ജോണി​ന്റെ ഭർത്താ​വായ ടെറി അവൾക്ക്‌ ശുഭാ​പ്‌തി​വി​ശ്വാ​സം പകർന്നു നൽകുന്ന ശക്തനായ ഒരു വക്താവാ​യി തീർന്നു. ടെറി ഇപ്രകാ​രം വിശദീ​ക​രി​ക്കു​ന്നു: “ഞാൻ അവൾക്ക്‌ ഉറപ്പു പകർന്നു കൊടു​ക്കേണ്ട ഒരു സ്ഥാനത്താണ്‌ എന്നു മനസ്സി​ലാ​ക്കി. ചികിത്സ സംബന്ധിച്ച തീരു​മാ​നങ്ങൾ എടുക്കാൻ ഞാൻ ജോണി​നെ സഹായി​ക്കേ​ണ്ട​തു​ണ്ടാ​യി​രു​ന്നു. അതു പ്രതീക്ഷ വെടി​യാ​തെ പൊരു​താ​നുള്ള ശുഭാ​പ്‌തി​വി​ശ്വാ​സ​വും ശക്തിയും അവൾക്കു നൽകു​മാ​യി​രു​ന്നു. കാൻസർ ശസ്‌ത്ര​ക്രിയ സംബന്ധിച്ച അവളുടെ ഭയം തരണം ചെയ്യാൻ ഞങ്ങൾ പഠിക്കേണ്ട ഒന്നായി​രു​ന്നു. അവളുടെ ചോദ്യ​ങ്ങ​ളും ഭയങ്ങളും ഡോക്ടർമാ​രു​മാ​യുള്ള ചർച്ചക​ളിൽ ഉൾപ്പെ​ടു​ത്തി​യെന്ന്‌ ഉറപ്പു​വ​രു​ത്താൻ ഞാൻ ശ്രമിച്ചു.” ടെറി ഇപ്രകാ​രം കൂട്ടി​ച്ചേർത്തു: “ഇതു നമ്മുടെ കുടും​ബ​ങ്ങൾക്കും കുടും​ബ​ത്തി​ന്റെ പിന്തുണ ഇല്ലാത്ത സഹ ക്രിസ്‌ത്യാ​നി​കൾക്കും വേണ്ടി നമുക്കു ചെയ്യാൻ കഴിയുന്ന ഒരു കാര്യ​മാണ്‌. വൈദ്യ​രം​ഗത്തെ ഉദ്യോ​ഗ​സ്ഥ​രോ​ടുള്ള ബന്ധത്തിൽ നമുക്ക്‌ അവരുടെ കണ്ണുക​ളും കാതു​ക​ളും ശബ്ദവും ആയിരി​ക്കാൻ കഴിയും.”

ഏകാകി​ക​ളും വിധവ​മാ​രു​മാ​യി​രി​ക്കു​ന്ന​വർക്ക്‌ പ്രത്യേക ശ്രദ്ധ കൊടു​ക്കേണ്ട ആവശ്യ​മുണ്ട്‌. ഓസ്‌​ട്രേ​ലി​യ​യിൽ നിന്നുള്ള ഡയാന നമ്മോട്‌ ഇപ്രകാ​രം പറയുന്നു: “എന്റെ ഭർത്താവ്‌ അഞ്ചു വർഷം മുമ്പ്‌ ഒരു കാൻസർ ശസ്‌ത്ര​ക്രി​യയെ തുടർന്നു മരണമ​ടഞ്ഞു. എന്നാൽ ആ വിടവു നികത്താൻ കുട്ടികൾ സഹായി​ച്ചു. അവർ ദയാലു​ക്ക​ളാ​യി​രു​ന്നു, എന്നാൽ വികാ​ര​ജീ​വി​ക​ളാ​യി​രു​ന്നില്ല. അത്‌ എനിക്കു ശക്തി പകർന്നു. ത്വരി​ത​ഗ​തി​യി​ലും ശാന്തമാ​യും എല്ലാ കാര്യ​ങ്ങ​ളും ചെയ്യാൻ കഴിഞ്ഞു.”

സ്‌തനാർബു​ദം മുഴു കുടും​ബ​ത്തിൻമേ​ലും ഒരു വൈകാ​രിക സ്വാധീ​നം ചെലു​ത്തു​ന്നു. അതു​കൊണ്ട്‌ മററു​ള്ള​വ​രിൽ (യഹോ​വ​യു​ടെ സാക്ഷി​ക​ളാ​ണെ​ങ്കിൽ പ്രത്യേ​കിച്ച്‌ തങ്ങളുടെ ആത്മീയ സഹോ​ദ​രീ​സ​ഹോ​ദ​രൻമാ​രിൽ) നിന്നുള്ള സ്‌നേ​ഹ​പു​ര​സ്സ​ര​മായ കരുത​ലും പിന്തു​ണ​യും അവർക്ക്‌ എല്ലാവർക്കും ആവശ്യ​മാണ്‌.

സ്‌തനാർബു​ദ​ത്തോ​ടു പോരാ​ടിയ ഐക്യ​നാ​ടു​ക​ളിൽ നിന്നുള്ള ഒരു സഹോ​ദ​രി​യു​ടെ മകൾ റിബേക്ക വിശദീ​ക​രി​ക്കു​ന്നതു കേൾക്കൂ: “സഭ നിങ്ങളു​ടെ വികസിത കുടും​ബം ആണ്‌. സഭാം​ഗ​ങ്ങ​ളു​ടെ പ്രവർത്ത​ന​ങ്ങൾക്ക്‌ നിങ്ങളു​ടെ വികാ​ര​ങ്ങ​ളു​ടെ​മേൽ ഒരു വലിയ ഫലമുണ്ട്‌. മമ്മി തിര​ഞ്ഞെ​ടുത്ത അസാധാ​ര​ണ​മായ രീതി​യി​ലുള്ള ചികി​ത്സാ​ക്ര​മ​ത്തോട്‌ പലരും വ്യക്തി​പ​ര​മാ​യി വിയോ​ജി​പ്പു പ്രകട​മാ​ക്കി​യെ​ങ്കി​ലും ടെലി​ഫോൺ വിളി​ക​ളും സന്ദർശ​ന​ങ്ങ​ളും കൊണ്ട്‌ അവർ ഞങ്ങൾക്ക്‌ വൈകാ​രി​ക​മാ​യി പിന്തുണ നൽകി. ചിലർ വന്നു മമ്മിക്കുള്ള പ്രത്യേക ആഹാരം ഉണ്ടാക്കാൻ സഹായി​ക്കുക പോലും ചെയ്‌തി​രു​ന്നു. മൂപ്പൻമാ​രാ​ണെ​ങ്കിൽ ഞങ്ങൾക്ക്‌ മീററിം​ഗു​കൾ ഒരിക്ക​ലും നഷ്ടമാ​ക​രു​താ​ത്ത​വി​ധം ഒരു ടെലി​ഫോൺ ബന്ധം ക്രമീ​ക​രി​ച്ചു തന്നു. സഭ പണസമ്മാ​ന​വു​മാ​യി ഒരു കാർഡ്‌ അയയ്‌ക്കുക പോലും ചെയ്‌തു.”

ജോൺ ഇപ്രകാ​രം സമ്മതിച്ചു പറയുന്നു: “ഇന്ന്‌ ഈ ദിനം​വരെ എന്റെ ആത്മീയ സഹോ​ദ​രീ​സ​ഹോ​ദ​രൻമാർ പ്രകടി​പ്പിച്ച സ്‌നേ​ഹ​ത്തെ​ക്കു​റിച്ച്‌ ചിന്തി​ക്കു​മ്പോൾ എനിക്ക്‌ കോൾമ​യിർ കൊള്ളു​ന്നു! എന്തു​കൊ​ണ്ടെ​ന്നാൽ സ്‌നേ​ഹ​മ​യി​ക​ളായ എന്റെ സഹോ​ദ​രി​മാർ എന്നെ ചികി​ത്സ​ക്കാ​യിട്ട്‌ ആശുപ​ത്രി​യി​ലേ​ക്കും തിരി​ച്ചും ഒരാഴ്‌ച​യിൽ അഞ്ചു ദിവസം വെച്ച്‌ ഏഴ്‌ ആഴ്‌ച മാറി മാറി വണ്ടിയിൽ കൊണ്ടു​പോ​യി. അത്‌ അങ്ങോ​ട്ടു​മി​ങ്ങോ​ട്ടും​കൂ​ടെ 150 കിലോ​മീ​ററർ യാത്ര​യാ​യി​രു​ന്നു! ഈ ക്രിസ്‌തീയ സാഹോ​ദ​ര്യ​ത്തി​ന്റെ സമൃദ്ധ​മായ അനു​ഗ്ര​ഹ​ത്തി​നാ​യി ഞാൻ യഹോ​വ​യ്‌ക്ക്‌ എത്ര നന്ദിപ​റ​യു​ന്നെ​ന്നോ!”

നമുക്ക്‌ പ്രോ​ത്സാ​ഹി​പ്പി​ക്കാ​നും പിന്തു​ണ​യ്‌ക്കാ​നും കഴിയുന്ന മറെറാ​രു മാർഗം കെട്ടു​പ​ണി​ചെ​യ്യുന്ന അഭി​പ്രാ​യ​ങ്ങ​ളാ​ലാണ്‌. നിഷേ​ധാ​ത്മ​ക​മായ കാര്യങ്ങൾ സവിസ്‌തരം പ്രതി​പാ​ദി​ച്ചു​കൊണ്ട്‌ അറിയാ​തെ നാം വിഷമി​പ്പി​ക്കാ​തി​രി​ക്കാൻ സൂക്ഷ്‌മത ഉള്ളവരാ​യി​രി​ക്കേ​ണ്ട​തുണ്ട്‌. ദക്ഷിണാ​ഫ്രി​ക്ക​യിൽ നിന്നുള്ള ജൂൺ ഇപ്രകാ​രം വിശദീ​ക​രി​ക്കു​ന്നു: “കാൻസർ ഉണ്ടായി​ട്ടി​ല്ലാത്ത ഒരു വ്യക്തി ഉചിത​മായ കാര്യമേ പറയൂ എന്നു നമുക്കു പ്രതീ​ക്ഷി​ക്കാൻ കഴിയില്ല. എന്റെ കാര്യ​ത്തി​ലാ​ണെ​ങ്കിൽ, കാൻസർ രോഗി​ക​ളെ​ക്കു​റി​ച്ചു പറയാൻ പോകുന്ന കാര്യം ക്രിയാ​ത്മ​ക​മായ ഒന്നല്ലെ​ങ്കിൽ അതു പറയാ​തി​രി​ക്ക​യാ​ണു ഭേദം എന്നു തോന്നി​പ്പോ​യി​ട്ടുണ്ട്‌.” ജപ്പാനിൽ നിന്നുള്ള നോരീ​കോ ഇപ്രകാ​രം സമ്മതി​ക്കു​ന്നു: “സുഖം​പ്രാ​പി​ക്ക​യും രോഗം വീണ്ടും വരാതി​രി​ക്ക​യും ചെയ്‌ത ആരെ​യെ​ങ്കി​ലും കുറിച്ച്‌ ആളുകൾ എന്നോടു പറയു​മ്പോൾ ഞാനും അവരെ​പ്പോ​ലെ ആയിത്തീ​രു​മാ​യി​രി​ക്കും എന്ന്‌ എനിക്കും പ്രത്യാ​ശ​യു​ണ്ടാ​കു​ന്നു.”

തങ്ങളുടെ ആരോ​ഗ്യ​ത്തെ​ക്കു​റിച്ച്‌ എപ്പോ​ഴും സംസാ​രി​ക്കു​ന്നത്‌ ചില സ്‌ത്രീ​കൾക്ക്‌ ഇഷ്ടമില്ല എന്ന്‌ മനസ്സിൽ പിടി​ക്കുക. എന്നിരു​ന്നാ​ലും മററു​ചി​ലർക്ക്‌ തങ്ങളുടെ തന്നെ പ്രയോ​ജ​ന​ത്തി​നാ​യി സ്‌തനാർബു​ദം സംബന്ധിച്ച തങ്ങളുടെ അനുഭവം സുഹൃ​ത്തു​ക്ക​ളോട്‌, പ്രത്യേ​കിച്ച്‌ വളരെ അടുപ്പ​മു​ള്ള​വ​രോട്‌ സംസാ​രി​ക്കേണ്ട ആവശ്യ​മുണ്ട്‌. ചെയ്യാ​വുന്ന ഏററവും സഹായ​ക​ര​മായ കാര്യം ഏതെന്ന്‌ എങ്ങനെ​യാണ്‌ അറിയുക? ഐക്യ​നാ​ടു​ക​ളിൽ നിന്നുള്ള ഹെലൻ ഇപ്രകാ​രം പറയുന്നു: “അതി​നെ​ക്കു​റിച്ച്‌ അവൾ സംസാ​രി​ക്കാൻ ആഗ്രഹി​ക്കു​ന്നു​ണ്ടോ എന്ന്‌ ആ വ്യക്തി​യോ​ടു ചോദി​ക്കുക. അവളെ സംസാ​രി​ക്കാൻ അനുവ​ദി​ക്കുക.” അതെ, “ശ്രദ്ധി​ക്കാൻ ഒരുക്ക​മു​ള്ള​വ​രാ​യി​രി​ക്കുക” ഡെൻമാർക്കിൽ നിന്നുള്ള ഇഞ്ചെലീസ പറയുന്നു. “സ്വന്തം ദുഃഖ​ചി​ന്ത​ക​ളു​മാ​യി ഒററ​പ്പെ​ടാ​തി​രി​ക്കാൻ അവൾക്ക്‌ വൈകാ​രിക പിന്തുണ നൽകുക.”

ഒരു ക്രിയാ​ത്മക വീക്ഷണ​ഗ​തി​ക്കാ​യി പ്രവർത്തി​ക്കു​ന്നു

സ്‌തനാർബുദ ചികിത്സ നടന്ന ഒരു രോഗിക്ക്‌ ആഴ്‌ച​ക​ളോ മാസങ്ങ​ളോ വർഷങ്ങ​ളോ നീണ്ടു​നിൽക്കുന്ന ക്ഷീണവും തളർച്ച​യും ഉണ്ടാ​യേ​ക്കാം. താൻ മുൻപ്‌ ചെയ്‌തി​രുന്ന അത്രയും കാര്യങ്ങൾ ഇപ്പോൾ ചെയ്യാൻ സാധി​ക്കു​ന്നില്ല എന്ന യാഥാർഥ്യം അഭിമു​ഖീ​ക​രി​ക്കു​ന്ന​താ​യി​രി​ക്കാം ഒരു സ്‌തനാർബുദ രോഗി​ണി​യെ സംബന്ധി​ച്ച​ട​ത്തോ​ളം ഏററവും വലിയ പരി​ശോ​ധന. ശരീര​ത്തി​ന്റെ പരിമി​തി​കൾ മനസ്സി​ലാ​ക്കി തന്റെ പ്രവർത്തനം പരിമി​ത​പ്പെ​ടു​ത്തു​ക​യും പകൽ വിശ്രമം എടുക്കു​ക​യും ചെയ്യേ​ണ്ട​തുണ്ട്‌.

വിഷാദം ഉണ്ടാകു​മ്പോൾ ഒരു ക്രിയാ​ത്മക മനോ​ഭാ​വം നിലനിർത്താൻ സത്വര​ന​ട​പ​ടി​കൾ എടു​ക്കേ​ണ്ട​തുണ്ട്‌. നോരീ​കോ തന്റെ അനുഭവം ഇപ്രകാ​രം പരാമർശി​ക്കു​ന്നു: “ഹോർമോൺ ചികി​ത്സ​യു​ടെ ഫലങ്ങൾ എന്നെ വിഷാ​ദ​മ​ഗ്ന​യാ​ക്കി. ആ അവസ്ഥയിൽ ഞാൻ ആഗ്രഹിച്ച കാര്യങ്ങൾ എനിക്കു ചെയ്യാൻ കഴിഞ്ഞില്ല. ഞാൻ യഹോ​വ​യ്‌ക്കും ക്രിസ്‌തീയ സഭയ്‌ക്കും ഉപയോ​ഗ​മി​ല്ലാ​ത്ത​വ​ളാണ്‌ എന്ന്‌ എനിക്കു തോന്നി​ത്തു​ടങ്ങി. എന്റെ ചിന്താ​ഗതി കൂടുതൽ നിഷേ​ധാ​ത്മ​ക​മാ​യി തീർന്ന​പ്പോൾ കാൻസർമൂ​ലം മരിച്ച എന്റെ കുടും​ബാം​ഗ​ങ്ങ​ളു​ടെ അന്തിമ യാതനകൾ ഞാൻ ഓർത്തു. ‘അവർക്ക്‌ അതെല്ലാം സഹിക്കാൻ കഴിഞ്ഞ​തു​പോ​ലെ എനിക്കാ​വു​മോ?’ എന്ന്‌ ഞാൻ അത്ഭുത​പ്പെ​ടവേ ഭയം എന്നെ തിന്നു​ക​യാ​യി​രു​ന്നു.”

നോരീ​കോ ഇപ്രകാ​രം തുടരു​ന്നു: “അപ്പോ​ഴാ​ണു യഹോവ നമ്മുടെ നിലനിൽപ്പി​നെ എങ്ങനെ​യാണ്‌ വീക്ഷി​ക്കു​ന്നത്‌ എന്ന്‌ സ്വയം ചിന്തിച്ച്‌ യഹോ​വ​യു​ടെ സാക്ഷി​ക​ളു​ടെ പ്രസി​ദ്ധീ​ക​ര​ണങ്ങൾ ഉപയോ​ഗിച്ച്‌ എന്റെ ചിന്താ​ഗ​തി​യെ ക്രമ​പ്പെ​ടു​ത്താൻ ഞാൻ ഒരു ശ്രമം നടത്തി​യത്‌. ദൈവ​ഭക്തി പ്രകടി​പ്പി​ക്കു​ന്നത്‌ ചെയ്യുന്ന ജോലി​യു​ടെ അളവി​ലൂ​ടെയല്ല, പിന്നെ​യോ അതു ചെയ്യു​ന്ന​തി​നുള്ള പ്രചോ​ദ​ന​ത്തി​ലൂ​ടെ​യാണ്‌ എന്ന്‌ ഞാൻ മനസ്സി​ലാ​ക്കി. യഹോവ എന്റെ ഹൃദയാ​വ​സ്ഥ​യി​ലും ചിന്താ​ഗ​തി​യി​ലും സന്തോ​ഷി​ക്കാൻ ഞാൻ ആഗ്രഹി​ച്ചു. അതു​കൊണ്ട്‌ ക്രിസ്‌തീയ ശുശ്രൂ​ഷ​യിൽ എനിക്ക്‌ അല്‌പമേ ചെയ്യാൻ കഴിഞ്ഞു​ള്ളൂ എങ്കിലും യഹോ​വയെ ആഹ്ലാദ​ത്തോ​ടും പൂർണ​ഹൃ​ദ​യ​ത്തോ​ടും കൂടെ സേവി​ക്കാൻ ഞാൻ തീരു​മാ​നം ചെയ്‌തു.”

സ്‌തനാർബു​ദ​ത്തോ​ടു പോരാ​ടുന്ന മിക്ക സ്‌ത്രീ​ക​ളെ​യും സംബന്ധി​ച്ച​ട​ത്തോ​ളം ദീർഘ​കാ​ലത്തെ അനിശ്ചി​താ​വസ്ഥ കാരണം ഒരു ക്രിയാ​ത്മക വീക്ഷണ​ഗതി ഇല്ലാതാ​യേ​ക്കാം. “എന്റെ കുടും​ബം, സുഹൃ​ത്തു​ക്കൾ, മനോ​ഹ​ര​മായ സംഗീതം, ഗാംഭീ​ര്യ​മുള്ള കടലി​ന്റെ​യും മനോ​ഹ​ര​മായ സൂര്യാ​സ്‌ത​മ​യ​ങ്ങ​ളു​ടെ​യും കാഴ്‌ച” എന്നിങ്ങനെ യഹോ​വ​യാം ദൈവം തനിക്കു നൽകി​യി​ട്ടുള്ള മനോ​ഹ​ര​മായ എല്ലാ കാര്യ​ങ്ങ​ളും കൊണ്ട്‌ ഹൃദയ​വും മനസ്സും നിറച്ച​താണ്‌ തന്നെ ഏററവും അധികം സഹായി​ച്ച​തെന്ന്‌ ഡയാന വിശദീ​ക​രി​ക്കു​ന്നു. അവൾ പ്രത്യേ​കാൽ ഇങ്ങനെ പ്രോ​ത്സാ​ഹി​പ്പി​ക്കു​ന്നു: “ദൈവ​രാ​ജ്യ​ത്തെ​ക്കു​റിച്ച്‌ മററു​ള്ള​വ​രോ​ടു പറയുക. മേലാൽ രോഗ​മി​ല്ലാത്ത ദൈവ​രാ​ജ്യ​ത്തിൻ കീഴിൽ ഭൂമി​യിൽ നടപ്പി​ലാ​കാൻ പോകുന്ന അവസ്ഥക​ളോട്‌ ഒരു യഥാർഥ വാഞ്‌ഛ നട്ടുവ​ളർത്തുക!”—മത്തായി 6:9, 10.

വെർജി​നി​യ​യ്‌ക്കും തന്റെ ജീവി​തോ​ദ്ദേ​ശ്യ​ത്തെ​ക്കു​റിച്ച്‌ ധ്യാനി​ക്കു​ന്ന​തി​നാൽ നിരാ​ശ​യോ​ടു പൊരു​തു​ന്ന​തി​നുള്ള ശക്തി ലഭിക്കു​ന്നു: “ഞാൻ യഥാർഥ​ത്തിൽ ജീവി​ക്കാൻ ആഗ്രഹി​ക്കു​ന്നു. എന്തു​കൊ​ണ്ടെ​ന്നാൽ എനിക്ക്‌ അത്രമാ​ത്രം പ്രാധാ​ന്യ​മുള്ള ഒരു ജോലി ചെയ്യാ​നുണ്ട്‌.” നിർണാ​യ​ക​മായ നിമി​ഷങ്ങൾ വരുക​യും ഭയം നിറഞ്ഞു​ക​വി​യു​ക​യും ചെയ്യുന്ന സമയങ്ങ​ളെ​ക്കു​റിച്ച്‌ അവൾ പറയുന്നു: “ഞാൻ യഹോ​വ​യിൽ എന്റെ മുഴു ആശ്രയ​വും വെക്കുന്നു. അവിടുന്ന്‌ ഒരിക്ക​ലും എന്നെ ഉപേക്ഷി​ക്കു​ക​യി​ല്ലെന്ന്‌ എനിക്ക്‌ അറിയാം. ‘ഞാൻ ജീവനു​ള്ള​വ​രു​ടെ ദേശത്തു യഹോ​വ​യു​ടെ മുമ്പാകെ നടക്കും’ എന്ന്‌ എനിക്ക്‌ ഉറപ്പു നൽകുന്ന സങ്കീർത്തനം 116:9-ലെ ബൈബിൾ വാക്യ​ത്തെ​ക്കു​റിച്ച്‌ ഞാൻ ചിന്തി​ക്കും.”

ഈ സ്‌ത്രീ​ക​ളെ​ല്ലാം ബൈബി​ളി​ന്റെ ദൈവ​മായ യഹോ​വ​യി​ലാ​ണു തങ്ങളുടെ പ്രത്യാശ കേന്ദ്രീ​ക​രി​ച്ചി​രി​ക്കു​ന്നത്‌. ‘സർവ്വാ​ശ്വാ​സ​വും നല്‌കുന്ന ദൈവ​മെ​ന്നും കഷ്ടത്തിൽ ഒക്കെയും ഞങ്ങളെ ആശ്വസി​പ്പി​ക്കു​ന്നവൻ’ എന്നും ബൈബിൾ പുസ്‌ത​ക​മായ 2 കൊരി​ന്ത്യർ 1-ാം അധ്യായം 3-ഉം 4-ഉം വാക്യങ്ങൾ യഹോ​വയെ വിളി​ക്കു​ന്നു. ആശ്വാസം ആവശ്യ​മാ​യി​രി​ക്കുന്ന ആളുകളെ പിന്തു​ണ​യ്‌ക്കാൻ യഹോവ തന്റെ കൈ നീട്ടു​മോ?

ജപ്പാനിൽ നിന്നുള്ള മീക്കോ ഇപ്രകാ​രം മറുപടി നൽകുന്നു: “യഹോ​വ​യു​ടെ സേവന​ത്തിൽ നിലനിൽക്കു​ന്ന​തി​നാൽ എനിക്ക്‌ യഹോ​വ​യിൽനി​ന്നുള്ള ശക്തമായ ആശ്വാ​സ​വും സഹായ​വും ലഭിക്കു​മെന്ന്‌ ഉറപ്പുണ്ട്‌.” യൊഷീ​ക്കൊ​യും നമ്മോട്‌ ഇപ്രകാ​രം പറയുന്നു: “ആളുകൾ എന്റെ കഷ്ടപ്പാട്‌ മനസ്സി​ലാ​ക്കു​ന്നി​ല്ലാ​യി​രി​ക്കാം, എന്നാൽ യഹോ​വ​യ്‌ക്ക്‌ എല്ലാം അറിയാം. എന്റെ ആവശ്യ​ങ്ങ​ള​നു​സ​രിച്ച്‌ അവിടുന്ന്‌ എന്നെ സഹായി​ച്ചി​രി​ക്കു​ന്നു എന്ന്‌ എനിക്ക്‌ ബോധ്യ​മുണ്ട്‌.”

ജോൺ ഇപ്രകാ​രം പറയുന്നു: “നിരാ​ശയെ തരണം ചെയ്യു​ന്ന​തിന്‌ പ്രാർഥ​ന​യ്‌ക്ക്‌ നമ്മെ സഹായി​ക്കാൻ കഴിയും. യേശു ഭൂമി​യിൽ ആയിരു​ന്ന​പ്പോൾ നടത്തിയ മഹത്തായ സൗഖ്യ​മാ​ക്ക​ലി​നെ​യും പുതിയ ലോക​ത്തിൽ അവിടുന്ന്‌ ചെയ്യാൻ പോകുന്ന പൂർണ സൗഖ്യ​മാ​ക്ക​ലി​നെ​യും കുറിച്ച്‌ ചിന്തി​ക്കു​മ്പോൾ ആ വചനങ്ങൾ എന്നെ എത്ര ആശ്വസി​പ്പി​ക്കു​ന്നു!”—മത്തായി 4:23, 24; 11:5; 15:30, 31.

സ്‌തനാർബു​ദം ഇല്ലാത്ത ഒരു ലോക​ത്തെ​പ്പ​ററി നിങ്ങൾക്ക്‌ സങ്കൽപ്പി​ക്കാൻ കഴിയു​മോ? യഥാർഥ​ത്തിൽ, യാതൊ​രു രോഗ​വും ഇല്ലാത്ത ഒരു ലോകത്തെ നിങ്ങൾക്ക്‌ വിഭാ​വ​ന​ചെ​യ്യാ​നാ​വു​മോ? എന്നാൽ അതാണ്‌ സകല ആശ്വാ​സ​ത്തി​ന്റെ​യും ദൈവ​മായ യഹോവ ചെയ്‌തി​രി​ക്കുന്ന വാഗ്‌ദാ​നം. ഭൂമി​യി​ലെ ഒരു വ്യക്തി​യും അവനോ അവൾക്കോ രോഗം ആണെന്ന്‌ ഒരിക്ക​ലും പറയു​ക​യി​ല്ലാത്ത ഒരു സമയ​ത്തെ​പ്പ​ററി യെശയ്യാ​വു 33:24 പറയുന്നു. ദൈവ​പു​ത്ര​നായ ക്രിസ്‌തു​യേ​ശു​വി​ന്റെ കൈക​ളി​ലെ ദൈവ​രാ​ജ്യം അതിന്റെ മുഴു ഭരണവും ഭൂമി​യി​ലേക്ക്‌ കൊണ്ടു​വ​രു​മ്പോൾ ആ പ്രത്യാശ പെട്ടെന്ന്‌ സാക്ഷാ​ത്‌ക​രി​ക്ക​പ്പെ​ടും. ആ രാജ്യം രോഗ​ത്തി​നും ദുഃഖ​ത്തി​നും മരണത്തി​നും ഉള്ള എല്ലാ കാരണ​ങ്ങ​ളും തുടച്ചു​മാ​റ​റും! വെളി​പ്പാട്‌ 21:3 മുതൽ 5 വരെയുള്ള വാക്യ​ങ്ങ​ളിൽ ഈ അത്ഭുത​ക​ര​മായ പ്രത്യാ​ശ​യെ​ക്കു​റിച്ച്‌ നമുക്ക്‌ എന്തു​കൊണ്ട്‌ വായി​ച്ചു​കൂ​ടാ? യഥാർഥ ആശ്വാസം നൽകുന്ന ഈ പിന്തു​ണ​യു​ടെ സഹായ​ത്താൽ ഭാവിയെ നേരി​ടാൻ ധൈര്യം പ്രാപി​ക്കുക.

[അടിക്കു​റി​പ്പു​കൾ]