ക്രിസ്‌ത്യാ​നി​കൾ യെരു​ശ​ലേ​മി​ലെ ഹൈ​ക്കോ​ട​തി​യെ വീണ്ടും അഭിമു​ഖീ​ക​രി​ക്കു​ന്നു

ഇസ്രായേലിലെ ഉണരുക! ലേഖകൻ

തന്റെ ജീവനു​വേ​ണ്ടി​യുള്ള വിചാ​ര​ണ​യു​ടെ സമയത്ത്‌ യേശു യെരു​ശ​ലേ​മി​ലെ പരമോ​ന്നത കോട​തി​യാ​യി​രുന്ന സൻഹെ​ദ്രി​മി​നു മുമ്പാകെ നിന്നു. ഈ സമ്മർദം ഉണ്ടായി​രു​ന്നി​ട്ടും അവൻ സധീരം ദൈവ​രാ​ജ്യ​ത്തെ പ്രതി​നി​ധാ​നം ചെയ്‌തു. (മത്തായി 26:57-68) യേശു​വി​ന്റെ വിചാ​ര​ണക്ക്‌ ആഴ്‌ച​കൾക്കു​ള്ളിൽ അവന്റെ ഏററവും അടുത്ത അനുഗാ​മി​കൾ ഇതേ ഹൈ​ക്കോ​ട​തി​യു​ടെ മുമ്പാകെ നിന്നു. അവിടെ അവർ ദൈവ​രാ​ജ്യ​ത്തെ​യും അവന്റെ നിയമിത രാജാ​വി​നെ​യും പററി ഊർജി​ത​മായ ഒരു സാക്ഷ്യം നൽകി.—പ്രവൃ​ത്തി​കൾ 4:5-21.

ദിവസ​ങ്ങൾക്കു ശേഷം വീണ്ടും സൻഹെ​ദ്രി​മി​ന്റെ മുമ്പാകെ പോകാൻ അപ്പോ​സ്‌ത​ലൻമാർ നിർബ​ന്ധി​ത​രാ​യി. അവിടെ സ്ഥിതി​യാ​കെ മാറി​മ​റി​ഞ്ഞു. സഹ കോട​തി​യം​ഗ​ങ്ങ​ളിൽ നിന്നുള്ള ഭയങ്കര​മായ സമ്മർദം ഉണ്ടായി​രു​ന്നി​ട്ടും കോട​തി​യി​ലെ അത്യാ​ദ​ര​ണീയ അംഗങ്ങ​ളിൽ ഒരാളായ ഗമാലി​യേൽ യേശു​വി​ന്റെ ശിഷ്യൻമാർക്കു​വേണ്ടി ധീരമാ​യി സംസാ​രി​ച്ചു. അദ്ദേഹ​ത്തി​ന്റെ അതിശ​യ​ക​ര​മായ ഈ ഇടപെടൽ നിമിത്തം അപ്പോ​സ്‌ത​ലൻമാർ സ്വത​ന്ത്ര​രാ​യി.—പ്രവൃ​ത്തി​കൾ 5:27-42.

കോട​തി​യി​ലെ അവരുടെ ഈ ഹാജരാ​കൽ മത്തായി 10:16-18-ലെ യേശു​വി​ന്റെ വാക്കു​ക​ളു​ടെ നിവൃ​ത്തി​യാ​യി​രു​ന്നു: “ചെന്നാ​യ്‌ക്ക​ളു​ടെ നടുവിൽ ആടി​നെ​പ്പോ​ലെ ഞാൻ നിങ്ങളെ അയക്കുന്നു. . . . അവർ നിങ്ങളെ ന്യായാ​ധി​പ​സ​ഭ​ക​ളിൽ ഏല്‌പി​ക്ക​യും . . . എന്റെ നിമിത്തം നാടു​വാ​ഴി​കൾക്കും രാജാ​ക്കൻമാർക്കും മുമ്പിൽ കൊണ്ടു​പോ​ക​യും ചെയ്യും; അതു അവർക്കും ജാതി​കൾക്കും ഒരു സാക്ഷ്യം ആയിരി​ക്കും.” പലപ്പോ​ഴും തെററി​ദ്ധ​രി​ക്ക​പ്പെ​ട്ടെ​ങ്കി​ലും യേശു​വി​ന്റെ അനുഗാ​മി​കൾ ഇസ്രാ​യേ​ലി​ലു​ട​നീ​ളം പ്രസി​ദ്ധ​രാ​യി​ത്തീർന്നു. ഒന്നാം നൂററാ​ണ്ടി​ലെ ആയിര​ക്ക​ണ​ക്കി​നു യഹൂദൻമാർ യേശു​വി​ന്റെ സന്ദേശം സ്വീക​രി​ച്ചു. (പ്രവൃ​ത്തി​കൾ 4:4; 6:7) ഇതെല്ലാം കോട​തി​യി​ലെ നിർഭ​യ​മായ ഹാജരാ​ക​ലുൾപ്പെടെ യേശു​വി​ന്റെ യഹൂദ ശിഷ്യൻമാ​രു​ടെ ഊർജ​സ്വ​ല​മായ പ്രസം​ഗ​ത്തി​ന്റെ ഫലമാ​യി​രു​ന്നു.

ഇന്നത്തെ ഇസ്രാ​യേ​ലിൽ യഹോ​വ​യു​ടെ സാക്ഷി​കളെ താരത​മ്യേന കുറച്ചു​പേർക്കേ അറിയാ​വൂ. ഏതാണ്ട്‌ 50 ലക്ഷം ജനങ്ങളുള്ള അവിടെ യഹോ​വ​യു​ടെ സാക്ഷി​ക​ളു​ടെ എണ്ണം 500-ൽ താഴെ​യാണ്‌. എന്നാൽ 1993-ലെ ഒരു യുവസാ​ക്ഷി​യു​ടെ കേസ്‌ യഹോ​വ​യു​ടെ സാക്ഷി​ക​ളു​ടെ പ്രവർത്ത​നത്തെ ഗണ്യമായ ശ്രദ്ധയ്‌ക്കു വിധേ​യ​മാ​ക്കുക മാത്രമല്ല, യഹൂദൻമാ​രും യഹോ​വ​യു​ടെ സാക്ഷി​ക​ളും അനുഭ​വി​ച്ചി​ട്ടുള്ള മുൻവി​ധി​യും പീഡന​വും തമ്മിലുള്ള അനന്യ​മായ ഒരു ചരിത്ര കണ്ണിയെ പ്രദീ​പ്‌ത​മാ​ക്കു​ക​യും ചെയ്‌തു.

വിവാദം തുടങ്ങി​യ​തെ​ങ്ങനെ?

ഇസ്രാ​യേ​ലിൽ കുടി​യേറി ഹൈഫ​യിൽ താമസ​മു​റ​പ്പി​ച്ചി​രി​ക്കുന്ന 17 വയസ്സുള്ള യഹൂദ​നായ റഷ്യക്കാ​രൻ ആരിയെൽ ഫെൽഡ്‌മൻ ഒരു വിദ്യാർഥി പ്രതി​ഭ​യും സ്‌കൂൾ ജോലി​ക്കാർക്കും സഹ വിദ്യാർഥി​കൾക്കും നന്നേ പ്രിയ​നും ആയിരു​ന്നു.

പേർഷ്യൻ ഗൾഫ്‌ യുദ്ധത്തി​ന്റെ സമയത്ത്‌ തെരു​വിൽ വെച്ചു നടത്തിയ ഒരു അനൗപ​ചാ​രിക സാക്ഷീ​ക​ര​ണ​ത്തി​ന്റെ ഫലമായി ആരി​യെ​ലും അവന്റെ കുടും​ബ​വും യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങി. ആരിയെൽ യഹൂദ മതപഠി​പ്പി​ക്ക​ലു​ക​ളും യഹോ​വ​യു​ടെ സാക്ഷികൾ അവനു നൽകിയ ബൈബിൾ വിശദീ​ക​ര​ണ​ങ്ങ​ളും താരത​മ്യം ചെയ്‌ത്‌ കൂലങ്ക​ഷ​മായ ഒരു പരി​ശോ​ധന നടത്തി. ഗൗരവ​ബോ​ധ​മുള്ള ആരിയെൽ ബൈബി​ളി​ന്റെ പഠനത്തിൽ ശീഘ്രം പുരോ​ഗതി പ്രാപി​ച്ചു. യഹോ​വ​യു​ടെ സാക്ഷി​ക​ളിൽ ഒരാളെന്ന നിലയിൽ അവന്റെ കുടും​ബ​ത്തിൽനിന്ന്‌ ആദ്യം സ്‌നാ​പ​ന​മേററ വ്യക്തി​യും അവനാ​യി​രു​ന്നു.

ഇതൊ​ന്നും സ്‌കൂൾ പഠനത്തിൽ അവനു യാതൊ​രു പ്രയാ​സ​വും ഉണ്ടാക്കി​യില്ല. എന്നിരു​ന്നാ​ലും, സ്‌കൂൾ പഠനം പൂർത്തി​യാ​ക്കു​ന്ന​തി​ന്റെ തലേവർഷം സൈനിക പരിശീ​ല​ന​ത്തിന്‌ വിദ്യാർഥി​കളെ സജ്ജരാ​ക്കു​ന്ന​തി​നുള്ള ഒരു പരീക്ഷണ പരിപാ​ടി ഏറെറ​ടു​ക്കാൻ അവന്റെ സ്‌കൂൾ തീരു​മാ​നി​ച്ചു. സൈനി​ക​രാ​യി​രു​ന്നു അഭ്യസനം നൽകു​ന്നത്‌. പരിപാ​ടി​യിൽ യുദ്ധം ചെയ്യു​മ്പോ​ഴുള്ള സ്ഥാനനി​ല​ക​ളു​ടെ​യും സാങ്കേ​തി​ക​വി​ദ്യ​ക​ളു​ടെ​യും പരിശീ​ലനം ഉൾപ്പെ​ട്ടി​രു​ന്നു. ഈ കോഴ്‌സിൽ ക്രിയാ​ത്മ​ക​മാ​യി പങ്കു​ചേർന്നാൽ താൻ തന്റെ ബൈബിൾ-പരിശീ​ലിത മനസ്സാ​ക്ഷി​യെ​യും യഹോ​വ​യു​ടെ സാക്ഷി​ക​ളിൽ ഒരാളെന്ന നിലയി​ലുള്ള തന്റെ നിഷ്‌പക്ഷ നിലപാ​ടി​നെ​യും അതിലം​ഘി​ക്കു​ക​യാ​വും ചെയ്യു​ന്ന​തെന്നു തോന്നി​യ​തു​കൊണ്ട്‌ പ്രിൻസി​പ്പ​ലി​നോ​ടു തന്റെ നിലപാ​ടു വിശദ​മാ​ക്കാൻ ആരിയെൽ ന്യായ​മായ ശ്രമങ്ങൾ നടത്തി. (യെശയ്യാ​വു 2:2-4) ഇക്കാല​യ​ള​വിൽ സ്‌കൂ​ളി​ലെ മറേറതു പ്രവർത്ത​ന​ത്തിൽ വേണ​മെ​ങ്കി​ലും പങ്കു​കൊ​ള്ളാൻ താൻ തയ്യാറാ​ണെ​ന്നും എന്നാൽ തന്റെ വിശ്വാ​സ​ങ്ങൾക്കെ​തി​രെ പ്രവർത്തി​ക്കാൻ തനിക്കാ​വി​ല്ലെ​ന്നും അവൻ ആദരപൂർവം വിശദ​മാ​ക്കി.

മുമ്പൊ​ക്കെ അവനെ കുറ​ച്ചെ​ങ്കി​ലും മനസ്സി​ലാ​ക്കി​യി​രുന്ന സ്‌കൂൾ പ്രിൻസി​പ്പൽ ഈ അപേക്ഷ തനിക്ക്‌ അനുവ​ദി​ച്ചു​കൊ​ടു​ക്കാ​വു​ന്ന​തിന്‌ അപ്പുറ​മാ​ണെന്നു തീരു​മാ​നി​ച്ചു. അവർ അവന്‌ ഇങ്ങനെ അന്ത്യശാ​സനം നൽകി: ഒന്നുകിൽ മുൻകൂർ സൈനിക പരിശീ​ല​ന​ത്തിൽ ക്രിയാ​ത്മ​ക​മാ​യി പങ്കെടു​ക്കുക അല്ലെങ്കിൽ സ്‌കൂ​ളിൽനി​ന്നു പുറത്തു​പോ​കുക. ആരി​യെ​ലിന്‌ തന്റെ മനസ്സാ​ക്ഷി​യെ ലംഘി​ക്കാ​നാ​യില്ല. 1993, ജനുവരി 31-ന്‌ അതായത്‌ അവന്റെ അവസാന പരീക്ഷ​കൾക്കു വെറും മാസങ്ങൾ മാത്ര​മു​ള്ള​പ്പോൾ അവൻ സ്‌കൂ​ളിൽനിന്ന്‌ ഔദ്യോ​ഗി​ക​മാ​യി ബഹിഷ്‌ക​രി​ക്ക​പ്പെട്ടു, മറെറാ​രു പോം​വ​ഴി​യും നൽകാതെ.

അപ്രതീ​ക്ഷി​ത​മായ ഒരു ഉറവിൽനിന്ന്‌ സഹായം

ആരിയെൽ ഇസ്രാ​യേ​ലി​ലെ പൗരാ​വ​കാശ സമിതി​യെ സമീപി​ച്ചു. സൗജന്യ​മായ നിയമ സഹായം വാഗ്‌ദാ​നം ചെയ്‌തു​കൊണ്ട്‌ അവർ കേസ്‌ ഏറെറ​ടു​ക്കാൻ മനസ്സൊ​രു​ക്കം കാട്ടി. ഇസ്രാ​യേ​ലി​ന്റെ ആധുനിക യഹൂദ രാഷ്‌ട്രം ഒരു ജനാധി​പത്യ രാഷ്‌ട്ര​മാണ്‌. വ്യക്തി​പ​ര​മായ അവകാ​ശങ്ങൾ ഉറപ്പു​നൽകുന്ന ഭരണഘ​ട​ന​യൊ​ന്നും അതിനി​ല്ലെ​ങ്കി​ലും ഇസ്രാ​യേ​ലി​ന്റെ സ്വാത​ന്ത്ര്യ പ്രഖ്യാ​പനം മതത്തി​ന്റെ​യും മനസ്സാ​ക്ഷി​യു​ടെ​യും സ്വാത​ന്ത്ര്യ​ത്തെ ഉയർത്തി​പ്പി​ടി​ക്കു​ന്നു. മതവി​ശ്വാ​സ​ത്തി​ന്റെ പേരിൽ കുട്ടി​കളെ സ്‌കൂ​ളിൽനി​ന്നു നിയമ​പ​ര​മാ​യി വിട്ട ഒരു സംഭവം മുമ്പ്‌ ഇസ്രാ​യേ​ലിൽ ഉണ്ടായി​ട്ടില്ല.

പത്രങ്ങൾ ഈ സംഭവ​ത്തിൽ താത്‌പ​ര്യം കാട്ടാൻ തുടങ്ങി. തന്റെ കേസ്‌ പൊതു​ജ​നാ​ഭി​പ്രാ​യ​ത്തി​ന്റെ “കോടതി”യിൽ വിധി​ക്ക​പ്പെ​ടു​ന്ന​തി​നെ​ക്കാൾ കോട​തി​മു​റി​യിൽ വിധി​ക്ക​പ്പെ​ടു​ന്ന​തി​നി​ഷ്ട​പ്പെട്ട ആരിയെൽ നിയ​മോ​പ​ദേ​ശ​ത്തി​നു വഴങ്ങി​ക്കൊണ്ട്‌ റിപ്പോർട്ടർമാ​രു​മാ​യുള്ള അഭിമു​ഖ​ങ്ങൾക്കു വിസമ്മ​തി​ച്ചു. എന്നാൽ സ്‌കൂൾ പ്രിൻസി​പ്പ​ലാ​കട്ടെ ഒരു അഭിമു​ഖ​ത്തി​ലൂ​ടെ തന്റെ നടപടി​കളെ ന്യായീ​ക​രി​ക്കാൻ തിടു​ക്ക​മു​ള്ള​വ​ളാ​യി​രു​ന്നു. 1993, ഫെബ്രു​വരി 9-ലെ ഹാഡാ​ഷോട്ട്‌ പത്രത്തിൽ അവർ വിദ്യാർഥി​യു​ടെ മതപര​മായ നിലപാട്‌ ഇസ്രാ​യേൽ രാഷ്‌ട്ര​ത്തി​നും അതിനെ സ്‌നേ​ഹി​ക്കുന്ന ഏവർക്കും ദ്രോ​ഹ​ക​ര​മാ​ണെ​ന്നുള്ള തന്റെ വീക്ഷണം വെളി​പ്പെ​ടു​ത്തുക മാത്രമല്ല, ഒരു സംഘട​ന​യെന്ന നിലയിൽ യഹോ​വ​യു​ടെ സാക്ഷി​കൾക്കെ​തി​രെ സംസാ​രി​ക്കാൻ ആ അവസരം ഉപയോ​ഗി​ക്കുക കൂടി ചെയ്‌തു. അവർ ഇപ്രകാ​രം പറഞ്ഞു: “അവരുടെ പ്രവർത്തനം കാപട്യം നിറഞ്ഞ​താണ്‌, നിന്ദ്യ​മാണ്‌, ഗൂഢമാണ്‌. അവർ നീരാളി ഹസ്‌തങ്ങൾ നീട്ടി ബലഹീ​നരെ അക്ഷരാർഥ​ത്തിൽ തേടി​പ്പി​ടി​ക്കു​ന്നു.”

പ്രിൻസി​പ്പ​ലി​ന്റെ വീക്ഷണങ്ങൾ മുൻവി​ധി​യോ​ടെ​യു​ള്ള​താ​യി​രു​ന്നു​വെന്നു മിക്ക ഇസ്രാ​യേ​ല്യർക്കും മനസ്സി​ലാ​യി. കൂട്ട​ക്കൊ​ല​യെ​പ്പ​ററി വളരെ​യ​ധി​കം ഗവേഷണം നടത്തി​യി​ട്ടുള്ള ഒരു പത്ര​പ്ര​വർത്ത​ക​നും ചരി​ത്ര​കാ​ര​നും ഇസ്രാ​യേ​ല്യ​നു​മായ റേറാം സെഗെ​വി​നെ പ്രത്യേ​കിച്ച്‌ ഈ ചോദ്യം​ചെയ്യൽ അലോ​സ​ര​പ്പെ​ടു​ത്തി. അത്‌ ചില നാസി ജർമനി​ക്കാ​രു​ടെ മനോ​ഭാ​വ​ത്തെ​യാണ്‌ അദ്ദേഹ​ത്തി​ന്റെ ഓർമ​യിൽ വരുത്തി​യത്‌. യഹൂദൻമാർക്കെ​തി​രെ​യുള്ള വ്യാജ​കു​റ​റാ​രോ​പ​ണങ്ങൾ കേട്ട്‌ എരി​കേറി, മനുഷ്യ​ച​രി​ത്ര​ത്തി​ലെ ഏററവും വലിയ കുററ​കൃ​ത്യ​ങ്ങ​ളിൽ ഒന്നി​ലേക്ക്‌ തങ്ങളുടെ മുൻവി​ധി​യെ തുറന്നു​വി​ട്ട​വ​രെ​ത്തന്നെ. ഇസ്രാ​യേൽ രാഷ്‌ട്ര​ത്തി​നു വലിയ അപകട​മാ​യി​രി​ക്കു​ന്നത്‌ ഈ യുവ വിദ്യാർഥി​യു​ടെ മനസ്സാ​ക്ഷി​പൂർവ​ക​മായ നിലപാ​ടല്ല, പിന്നെ​യോ സ്‌കൂൾ പ്രിൻസി​പ്പൽ പ്രകട​മാ​ക്കിയ അസഹി​ഷ്‌ണു​ത​യാണ്‌ എന്നതാ​യി​രു​ന്നു സെഗെ​വി​ന്റെ അഭി​പ്രാ​യം. യഹോ​വ​യു​ടെ സാക്ഷി​ക​ളു​ടെ അവകാ​ശ​ങ്ങൾക്കു​വേണ്ടി വാദി​ച്ചു​കൊണ്ട്‌ ഒരു ലേഖനം എഴുതാൻ അദ്ദേഹം നിർബ​ന്ധി​ത​നാ​യി. (15-ാം പേജിലെ ചതുരം കാണുക.)

സെഗെ​വി​ന്റെ ലേഖന​ത്തി​ന്റെ ഫലമായി മററു​ചി​ല​രും തുറന്ന​ടി​ച്ചു. യഹൂദ​നാ​യി​രു​ന്നതു നിമിത്തം രണ്ടാം ലോക​മ​ഹാ​യു​ദ്ധ​കാ​ലത്തു പാളയ​ത്തിൽ തടവി​ലാ​ക്ക​പ്പെട്ട ഒരു യെരു​ശ​ലേം നിവാസി, ജർമൻ സൈന്യ​ത്തിൽ സേവി​ക്കാൻ വിസമ്മ​തി​ച്ച​തിന്‌ അതേ പാളയ​ത്തിൽ തന്നെ തടവി​ലാ​ക്ക​പ്പെ​ട്ടി​രുന്ന യഹോ​വ​യു​ടെ സാക്ഷി​ക​ളു​ടെ നല്ല നടത്തയെ അനുസ്‌മ​രി​ച്ചു​കൊണ്ട്‌ പത്രാ​ധി​പർക്ക്‌ ഒരു കത്തെഴു​തി.

ഈ യുവസാ​ക്ഷി അഭിമു​ഖ​ങ്ങൾക്കു വിസമ്മ​തി​ച്ച​തു​കൊണ്ട്‌ റിപ്പോർട്ടർമാർ സഭയിലെ മററം​ഗ​ങ്ങ​ളി​ലേക്കു തിരിഞ്ഞു. കേസ്‌ കോട​തി​യിൽ പോകു​ന്ന​തി​നു​മുമ്പ്‌ തങ്ങൾ ആരി​യെ​ലി​ന്റെ സാഹച​ര്യ​ത്തെ​പ്പ​ററി കൃത്യ​മാ​യി ഒന്നും അഭി​പ്രാ​യ​പ്പെ​ട്ടി​ല്ലെ​ങ്കി​ലും യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങ​ളെ​പ്പ​റ​റി​യും ഇസ്രാ​യേ​ലി​ലെ അവരുടെ പ്രവർത്ത​ന​ത്തെ​പ്പ​റ​റി​യും വിവരം നൽകാൻ അവർ സന്തോ​ഷ​മു​ള്ള​വ​രാ​യി​രു​ന്നു. ഇസ്രാ​യേ​ലി​ലെ പത്രങ്ങ​ളിൽ അനുകൂ​ല​മായ അസംഖ്യം ലേഖനങ്ങൾ പ്രത്യ​ക്ഷ​പ്പെ​ടാ​നും പ്രദേ​ശിക മൂപ്പൻമാ​രി​ലൊ​രാ​ളു​മാ​യുള്ള ഒരു അഭിമു​ഖം റേഡി​യോ​യിൽ പ്രക്ഷേ​പണം ചെയ്യാ​നും ഇത്‌ ഇടയാക്കി. ആരും ആവശ്യ​പ്പെ​ടാ​തെ ലഭിച്ച ഈ പരസ്യ​ത്തി​ന്റെ ഫലമായി പലരും യഹോ​വ​യു​ടെ സാക്ഷി​ക​ളെ​ക്കു​റിച്ച്‌ ആദ്യമാ​യി കേട്ടു.

യെരു​ശ​ലേം കോട​തി​യി​ലെ ആ ദിനം

ഇസ്രാ​യേ​ലി​ലെ പൗരാ​വ​കാശ സമിതി​യു​ടെ ഹൈഫാ ബ്രാഞ്ച്‌, പ്രിൻസി​പ്പ​ലു​മാ​യും വിദ്യാ​ഭ്യാ​സ ബോർഡു​മാ​യും യെരു​ശ​ലേ​മി​ലെ വിദ്യാ​ഭ്യാ​സ മന്ത്രി​സ​ഭ​യു​മാ​യും ന്യായ​വാ​ദം ചെയ്യാൻ പല ആവർത്തി ശ്രമിച്ചു. എന്നാൽ, ഈ ശ്രമങ്ങൾക്കെ​ല്ലാം അസംതൃ​പ്‌തി​ക​ര​ങ്ങ​ളായ പ്രതി​ക​ര​ണ​ങ്ങ​ളാണ്‌ ഉണ്ടായത്‌. 1993, മാർച്ച്‌ 11-ാം തീയതി ആധുനിക ഇസ്രാ​യേ​ലി​ന്റെ പരമോ​ന്നത കോട​തി​യായ യെരു​ശ​ലേ​മി​ലെ സുപ്രീം കോട​തി​യിൽ ആരിയെൽ ഫെൽഡ്‌മ​നു​വേണ്ടി ഒരു അപേക്ഷ സമർപ്പി​ക്ക​പ്പെട്ടു.

1993, മാർച്ച്‌ 15, കേസിന്റെ പ്രാരംഭ വിചാ​ര​ണ​യ്‌ക്കുള്ള തീയതി​യാ​യി തീരു​മാ​നി​ക്ക​പ്പെട്ടു. ഇസ്രാ​യേ​ലി​ലെ പൗരാ​വ​കാശ സമിതി​യിൽ നിന്നുള്ള അഭിഭാ​ഷകർ വിദ്യാ​ഭ്യാ​സ ബോർഡി​നും സ്‌കൂൾ പ്രിൻസി​പ്പ​ലി​നും ഹൈഫാ സിററി മുനി​സി​പ്പാ​ലി​റ​റി​ക്കു​മെ​തി​രെ ആരി​യെ​ലി​നു​വേണ്ടി വാദിച്ചു. കേസിന്റെ ഈ പ്രാരംഭ വിചാ​ര​ണ​യിൽ ഇസ്രാ​യേ​ലി​ലെ സുപ്രീം കോട​തി​യി​ലെ മൂന്നു ജഡ്‌ജി​മാ​രാ​ണു വാദം കേട്ടത്‌.

ഏതു ക്ലാസ്സു​ക​ളിൽ പങ്കെടു​ക്കണം, പങ്കെടു​ക്കേണ്ട എന്ന്‌ “നിർദേ​ശി​ക്കാൻ” വിദ്യാർഥി​യെ അനുവ​ദി​ക്കുന്ന പക്ഷം സ്‌കൂ​ളി​ന്റെ അധികാ​രത്തെ തകിടം മറിക്കുന്ന ഒന്നായി ദേശീയ നിയമ​കാ​ര്യ​സ്ഥൻ (State’s attorney) ആ വിവാ​ദ​വി​ഷയം അവതരി​പ്പി​ച്ചു. സ്‌കൂൾവ​ള​പ്പിൽ മേലാൽ കാലു കുത്താൻ വിദ്യാർഥി​യെ ഒരു സാഹച​ര്യ​ത്തി​ലും അനുവ​ദി​ക്ക​രു​തെന്ന തങ്ങളുടെ തീരു​മാ​നത്തെ പിന്തു​ണ​യ്‌ക്ക​ണ​മെന്ന്‌ അവർ കോട​തി​യോട്‌ അപേക്ഷി​ച്ചു.

സ്‌കൂൾ ഈ സംഗതി കൈകാ​ര്യം ചെയ്‌ത രീതി നിമിത്തം ആരാധനാ സ്വാത​ന്ത്ര്യ​വും മനസ്സാക്ഷി സ്വാത​ന്ത്ര്യ​വും സംബന്ധിച്ച അടിസ്ഥാന അവകാ​ശങ്ങൾ ലംഘി​ക്ക​പ്പെ​ട്ട​താ​യി പൗരാ​വ​കാശ വക്കീലൻമാർ വാദിച്ചു. ഈ യുവവി​ദ്യാർഥി​യു​ടെ നിലപാ​ടി​ന്റെ കാരണം മനസ്സി​ലാ​ക്കാ​നാ​യി ജഡ്‌ജി​മാർ യഹോ​വ​യു​ടെ സാക്ഷി​ക​ളു​ടെ പഠിപ്പി​ക്ക​ലു​ക​ളെ​പ്പ​ററി ചോദ്യ​ങ്ങൾ ഉന്നയിച്ചു. ഹൈ​ക്കോ​ട​തി​കൾ യഹോ​വ​യു​ടെ സാക്ഷി​കൾക്ക​നു​കൂ​ല​മാ​യി തീരു​മാ​ന​മെ​ടു​ത്തി​ട്ടുള്ള ലോക​മെ​മ്പാ​ടു​മുള്ള സമാന​മായ കേസു​ക​ളെ​ക്കു​റി​ച്ചുള്ള വളരെ​യ​ധി​കം വിവരങ്ങൾ ഹർജി​യിൽ ഉൾപ്പെ​ടു​ത്തി​യി​രു​ന്ന​തും അവർക്കു ലഭ്യമാ​യി​രു​ന്നു.

ഇതി​ന്റെ​യെ​ല്ലാം അടിസ്ഥാ​ന​ത്തിൽ, ഇരുപ​ക്ഷ​ക്കാ​രും ഓരോ തത്ത്വങ്ങൾക്കു​വേണ്ടി പോരാ​ടു​ക​യാ​ണെന്ന്‌ ജഡ്‌ജി​മാർ പ്രസ്‌താ​വി​ച്ചു. എന്നിരു​ന്നാ​ലും, സാഹച​ര്യ​ത്തെ ഈ നിലയിൽ വിട്ടേ​ച്ചാൽ ഏതു പക്ഷത്തി​നാ​ണു കൂടുതൽ ഹാനി​വ​രു​ന്ന​തെന്നു തൂക്കി​നോ​ക്കി​യ​പ്പോൾ അത്‌ നിശ്ചയ​മാ​യും വിദ്യാർഥി​ക്കാണ്‌ എന്നു മനസ്സി​ലാ​യി. പ്രിൻസി​പ്പ​ലി​ന്റെ​യും വിദ്യാ​ഭ്യാ​സ ബോർഡി​ന്റെ​യും ചെയ്‌തി​ക​ളിൽ ജഡ്‌ജി​മാർക്ക്‌ അവിശ്വാ​സം തോന്നി. തങ്ങളുടെ പ്രവർത്ത​ന​ങ്ങൾക്കു ലിഖിത രൂപത്തിൽ ഒരു വിശദീ​ക​രണം നൽകാൻ അവർക്ക്‌ പത്തു ദിവസം കൊടു​ത്തു. ഇതിനി​ടെ കോടതി, സ്‌കൂൾ വർഷം പൂർത്തി​യാ​ക്കാൻ ആരിയെൽ ഫെൽഡ്‌മനെ സ്‌കൂ​ളിൽ തിരിച്ചു സ്വീക​രി​ക്ക​ണ​മെ​ന്നും അവസാന പരീക്ഷകൾ എഴുതു​ന്ന​തിൽനിന്ന്‌ അവനെ തടയരു​തെ​ന്നും ആവശ്യ​പ്പെ​ട്ടു​കൊ​ണ്ടുള്ള ഒരു ഉത്തരവ്‌ പുറ​പ്പെ​ടു​വി​ച്ചു.

1993, മേയ്‌ 11-ന്‌ നടത്താൻ തീരു​മാ​നി​ച്ചി​രുന്ന അവസാന വിചാ​ര​ണ​യ്‌ക്ക്‌ ഏതാനും ദിവസ​ങ്ങൾക്കു മുമ്പ്‌ വിദ്യാ​ഭ്യാ​സ ബോർഡ്‌ ആരിയെൽ ഫെൽഡ്‌മ​നിന്‌ എതി​രെ​യുള്ള തങ്ങളുടെ കുററാ​രോ​പ​ണങ്ങൾ പിൻവ​ലി​ച്ചു. അതിന്റെ ഫലമായി അന്തിമ വിചാരണ ഉപേക്ഷി​ക്ക​പ്പെട്ടു. കേസിന്റെ അടിസ്ഥാന വാദമു​ഖങ്ങൾ സംബന്ധി​ച്ചു കോടതി തീരു​മാ​ന​ത്തി​ലെ​ത്തി​യു​മില്ല. നിയമം നിഷ്‌കർഷി​ക്കുന്ന കീഴ്‌വ​ഴ​ക്ക​ങ്ങ​ളൊ​ന്നും സ്ഥാപി​ച്ചു​മില്ല. ഇത്‌ ഇക്കാര്യ​ത്തെ കൂടു​ത​ലായ നിയമ വിവാ​ദ​ത്തിന്‌ വിട്ടു​കൊ​ടു​ക്കു​ന്നു​വെ​ങ്കി​ലും ഇസ്രാ​യേലി സുപ്രീം കോട​തി​യി​ലെ ജഡ്‌ജി​മാ​രു​ടെ യുക്തി​പൂർവ​ക​മായ മനോ​ഭാ​വത്തെ യഹോ​വ​യു​ടെ സാക്ഷികൾ വിലമ​തി​ച്ചു.

പഠിച്ച പാഠങ്ങൾ

യേശു​വി​ന്റെ നാളു​മു​തൽ ഇന്നുവരെ യഹോ​വ​യു​ടെ സാക്ഷികൾ അനേക രാജ്യ​ങ്ങ​ളി​ലെ​യും പരമോ​ന്നത കോട​തി​ക​ളിൽ തങ്ങളെ കൊ​ണ്ടെ​ത്തിച്ച എതിർപ്പി​നും മുൻവി​ധി​ക്കും പാത്രീ​ഭൂ​ത​രാ​യി​രു​ന്നി​ട്ടുണ്ട്‌. ഈ കേസുകൾ ‘ജാതി​കൾക്ക്‌ ഒരു സാക്ഷ്യം’ ആയിട്ടാ​ണു മാറാ​റു​ള്ളത്‌. (മത്തായി 10:18) ഒരു രാജ്യ​ത്തുള്ള തന്റെ സാക്ഷി​ക​ളു​ടെ എണ്ണം കുറവാ​ണെ​ങ്കി​ലും തന്റെ നാമം വ്യാപ​ക​മാ​യി അറിയ​പ്പെ​ടു​ന്നു​ണ്ടെന്ന്‌ യഹോ​വക്ക്‌ ഉറപ്പു​വ​രു​ത്താൻ കഴിയും. ഒന്നാം നൂററാ​ണ്ടി​ലെ ബഹുമാ​ന്യ​നായ സൻഹെ​ദ്രിം അംഗമാ​യി​രുന്ന ഗമാലി​യേ​ലി​ന്റെ അതിശ​യ​ക​ര​മായ ഇടപെ​ടൽപോ​ലെ ഇന്നു ദൈവ​ത്തിന്‌ തന്റെ ജനത്തി​നു​വേണ്ടി അപ്രതീ​ക്ഷി​ത​മായ ഉറവു​ക​ളിൽനി​ന്നു സഹായം ഉയർത്താൻ കഴിയും.

[15-ാം പേജിലെ ചതുരം]

“യഹോ​വ​യു​ടെ സാക്ഷി​ക​ളെ​ക്കു​റിച്ച്‌ ഒരു സ്‌കൂൾ പ്രിൻസി​പ്പ​ലിന്‌ അറിയാ​വു​ന്നത്‌”

(1993, ഫെബ്രു​വരി 12-ലെ ഹാരെ​റ​റ്‌സിൽ വന്ന റേറാം സെഗെ​വി​ന്റെ ലേഖന​ത്തിൽ നിന്നുള്ള തിര​ഞ്ഞെ​ടുത്ത ഉദ്ധരണി​കൾ)

“സകലതു​മുള്ള ഒരു രാഷ്‌ട്ര​ത്തിൽ ഇസ്രാ​യേ​ല്യ​രായ കുറെ യഹോ​വ​യു​ടെ സാക്ഷി​ക​ളു​മുണ്ട്‌. അവരുടെ എണ്ണം അധിക​മില്ല, അധികം പേർക്കൊ​ന്നും അവരെ​ക്കു​റിച്ച്‌ അറിയാ​നും പാടില്ല. തങ്ങളുടെ തത്ത്വങ്ങൾ അനുസ​രി​ക്കുന്ന ആളുകളെ കണ്ടുപി​ടി​ക്കാൻ എഴുത​പ്പെട്ട വചനം ഉപയോ​ഗി​ച്ചും വാമൊ​ഴി​യാ​യും എല്ലാ രാജ്യ​ത്തി​ലെ​യും പോലെ ഇസ്രാ​യേ​ലി​ലും അവർ ശ്രമി​ക്കു​ന്നു​ണ്ടാ​യി​ട്ടും ഇതാണു സ്ഥിതി. എങ്ങനെ​യോ അവർ ഹൂഗിം സ്‌കൂ​ളി​ലെ ആ വിദ്യാർഥി​യു​ടെ അടുക്ക​ലെത്തി. ആ പ്രസ്ഥാ​ന​ത്തി​ന്റെ തത്ത്വങ്ങൾ സ്വീക​രി​ച്ച​തു​കൊണ്ട്‌ അവൻ സ്‌കൂ​ളി​ലെ മുൻകൂർ സൈനിക ശരീര-ക്ഷമതാ അഭ്യാ​സ​ങ്ങ​ളിൽ പങ്കെടു​ക്കാൻ വിസമ്മ​തി​ച്ചു. എന്നാൽ ഈ അഭ്യാ​സ​ങ്ങ​ളിൽനിന്ന്‌ അവനെ ഒഴിവാ​ക്കാൻ പ്രിൻസി​പ്പൽ സമ്മതി​ച്ചില്ല. ഞാൻ മനസ്സി​ലാ​ക്കി​യതു ശരിയാ​ണെ​ങ്കിൽ, സിയോ​ണി​സ്‌ററു പ്രസ്ഥാ​ന​ത്തി​ന്റെ ഭാവിക്ക്‌ ഒരു ഭീഷണി​യാ​യി​ട്ടാണ്‌ അവർ അവനെ കാണു​ന്നത്‌. ഈ ആഴ്‌ച അവർ എന്നോട്‌ ഇങ്ങനെ വിവരി​ക്കു​ക​യു​ണ്ടാ​യി: ‘ഞങ്ങളു​ടേത്‌ സിയോ​ണി​സ്‌റ​റു​കാ​രു​ടെ സ്‌കൂ​ളാണ്‌; സംസ്ഥാ​ന​ത്തോ​ടും രാഷ്‌ട്ര​ത്തോ​ടും വിശ്വ​സ്‌ത​രാ​യി​രി​ക്കാ​നാണ്‌ ഞങ്ങൾ കുട്ടി​കളെ പഠിപ്പി​ക്കു​ന്നത്‌.’ . . .

“മനസ്സാ​ക്ഷി​യെ അനുസ​രി​ക്കു​ന്ന​തി​നുള്ള വിദ്യാർഥി​യു​ടെ അവകാ​ശത്തെ അംഗീ​ക​രി​ക്കാ​നും മുൻകൂ​ട്ടി​യുള്ള സൈനിക പരിശീ​ല​ന​ത്തിൽനിന്ന്‌ അവനെ ഒഴിവാ​ക്കാ​നും തക്കവണ്ണം പ്രിൻസി​പ്പ​ലി​നെ കാര്യം ബോധ്യ​പ്പെ​ടു​ത്താൻ ഹൈഫ​യി​ലെ പൗരാ​വ​കാശ സമിതി​യി​ലെ റിന ഷ്‌മ്യൂ​ലി ശ്രമിച്ചു; ഇത്‌ സഹിഷ്‌ണു​ത​യു​ടെ​യും ജനാധി​പ​ത്യ​ത്തി​ന്റെ​യും വളരെ നല്ല ഒരു പാഠമാ​കു​മാ​യി​രു​ന്നു. എന്നാൽ അവർക്കു യാതൊ​രു കുലു​ക്ക​വു​മി​ല്ലാ​യി​രു​ന്നു. പ്രലോ​ഭി​പ്പിച്ച്‌ അനുയാ​യി​കളെ കൂട്ടുന്ന അപകട​ക​ര​മായ ഒരു മതവി​ഭാ​ഗ​ത്തോ​ടാണ്‌ നാം ഇടപെ​ടു​ന്നത്‌ എന്ന അഭി​പ്രാ​യ​മാണ്‌ അവർക്ക്‌. . . .

“ഇത്‌ അത്ര നല്ലതല്ലാത്ത ഒരു സംഗതി എന്റെ ഓർമ​യിൽ കൊണ്ടു​വന്നു. അതു​കൊണ്ട്‌ ഞാൻ പ്രിൻസി​പ്പ​ലു​മാ​യി ഫോണിൽ ബന്ധപ്പെട്ട്‌ യഹോ​വ​യു​ടെ സാക്ഷി​ക​ളെ​ക്കു​റിച്ച്‌ യഥാർഥ​ത്തിൽ അവർക്ക്‌ എന്തറി​യാം എന്നു ചോദി​ച്ചു. തനിക്ക്‌ അധിക​മൊ​ന്നും അറിയി​ല്ലെന്ന്‌ അവർ പറഞ്ഞു. എന്നാൽ മററു രാജ്യ​ങ്ങ​ളി​ലും അവർ പ്രവർത്ത​ന​നി​ര​ത​രാ​ണെ​ന്നും കാനഡ​യി​ലും ജർമനി​യി​ലും വെച്ച്‌ താൻ അവരെ കണ്ടുമു​ട്ടി​യി​ട്ടു​ണ്ടെ​ന്നും അവർ പറഞ്ഞു. ജർമനി​യിൽ യഹോ​വ​യു​ടെ സാക്ഷി​കൾക്ക്‌ എന്താണു സംഭവി​ച്ച​തെന്ന്‌ അറിയാ​മോ എന്ന്‌ ഞാൻ അവരോ​ടു ചോദി​ച്ചു. ‘എനിക്ക​റി​യില്ല, അറിയാ​നൊ​ട്ടാ​ഗ്ര​ഹ​വു​മില്ല,’ പ്രിൻസി​പ്പൽ ഉത്തരം പറഞ്ഞു.

“ഹൂഗിം ഹൈസ്‌കൂ​ളിൽ ഒരുപക്ഷേ ഒരു ലൈ​ബ്രറി കാണും, അവിടെ ഇസ്രാ​യേൽ ഗുട്ട്‌മെൻ എഴുതിയ ദി എൻ​സൈ​ക്ലോ​പീ​ഡിയ ഓഫ്‌ ദ ഹോ​ളോ​കോ​സ്‌ററ്‌ ഉണ്ടാവും. ഇല്ലെങ്കിൽ അവർ ഒരെണ്ണം വാങ്ങട്ടെ. അതിൽ ‘ഉത്സുക​രായ ബൈബിൾ വിദ്യാർഥി​കൾ’ എന്ന തലക്കെ​ട്ടിൻ കീഴിൽ നാസികൾ യഹോ​വ​യു​ടെ സാക്ഷി​കളെ തടങ്കൽപ്പാ​ള​യ​ങ്ങ​ളി​ലേ​ക്കയച്ച കാര്യം പ്രിൻസി​പ്പൽ കണ്ടെത്തും.”