വിജയ​ക​ര​മായ ഒരു രീതി​യിൽ ഒറ്റയ്‌ക്കുള്ള മാതാ​വോ പിതാ​വോ ആയിരി​ക്കൽ

“ഒറ്റക്കാ​രായ എല്ലാ മാതാ​ക്കൾക്കും പിതാ​ക്കൻമാർക്കും ഒരിക്ക​ലും വേണ്ട​ത്ര​യി​ല്ലാത്ത ഒരു സംഗതി​യാ​ണു സമയം.”—ഒറ്റയ്‌ക്കുള്ള മാതാ​വി​ന്റെ​യോ പിതാ​വി​ന്റെ​യോ അതിജീ​വന സഹായി (ഇംഗ്ലീഷ്‌).

“പണത്തിന്റെ അഭാവ​മാണ്‌ ഏറ്റവും ഗുരു​ത​ര​മായ പ്രശ്‌നം.”—ലണ്ടനിലെ ടൈംസ്‌.

‘ഒറ്റയ്‌ക്കുള്ള മാതാ​വി​നെ​യോ പിതാ​വി​നെ​യോ സംബന്ധി​ച്ചി​ട​ത്തോ​ളം സമ്മർദ​ത്തി​ന്റെ ഒരു മുഖ്യ ഉറവ്‌ ഏകാന്ത​ത​യാണ്‌.’—ഞങ്ങൾക്ക്‌ ഒരിട​വേള തരൂ (ഇംഗ്ലീഷ്‌), ഒറ്റക്കാ​രായ മാതാ​ക്കൾക്കും പിതാ​ക്കൻമാർക്കു​മുള്ള ഇടവേള അവസര​ങ്ങ​ളെ​ക്കു​റി​ച്ചുള്ള ഒരു സർവേ.

മാതാ​പി​താ​ക്ക​ളെ​ല്ലാ​വ​രും വെല്ലു​വി​ളി​ക​ളെ​യും സന്തോ​ഷ​ങ്ങ​ളെ​യും പ്രശ്‌ന​ങ്ങ​ളെ​യും അഭിമു​ഖീ​ക​രി​ക്കു​ന്നുണ്ട്‌. എന്നാൽ ഒറ്റക്കാ​രായ മാതാ​ക്ക​ളും പിതാ​ക്കൻമാ​രും അവ ഒരു പങ്കാളി​യു​ടെ സഹായം കൂടാ​തെ​യാ​ണു ചെയ്യു​ന്നത്‌. അതിന്റെ ഫലമായി സമയവും പണവും ഏകാന്ത​ത​യും പലപ്പോ​ഴും അവരുടെ ജീവി​ത​ത്തിൽ തലയെ​ടു​ത്തു​നിൽക്കു​ന്നു.

ഒറ്റക്കാ​രാ​യ മാതാ​ക്ക​ളു​ടെ​യും പിതാ​ക്കൻമാ​രു​ടെ​യും ജീവിതം കഠിന​മാ​ണെ​ങ്കി​ലും അവർക്കു തങ്ങളുടെ കുടും​ബ​ജീ​വി​ത​ത്തിൽ വിജയി​ക്കാൻ കഴിയു​മെ​ന്നതു വാസ്‌ത​വ​മാ​യി​രി​ക്കാ​വു​ന്ന​താണ്‌, പലരും വിജയി​ക്കു​ന്നു​മുണ്ട്‌. അവർ ഏതു നിലവാ​രങ്ങൾ സ്വീക​രി​ക്കു​ന്നു​വെ​ന്ന​തി​നെ​യും അവയിൽ എത്രയ​ധി​കം ഉറച്ചു നിൽക്കു​ന്നു​വെ​ന്ന​തി​നെ​യു​മാണ്‌ അധിക​വും ആശ്രയി​ച്ചു​നിൽക്കു​ന്നത്‌.

ഇന്നത്തെ ധാർമി​ക​വും സാമൂ​ഹി​ക​വു​മായ പ്രക്ഷു​ബ്ധ​ത​യെ​ക്കു​റിച്ച്‌ ബൈബിൾ ദീർഘ​നാൾമു​മ്പു പ്രവചി​ച്ചു എന്നതു രസാവ​ഹ​മാണ്‌. ക്രിസ്‌തീയ അപ്പോ​സ്‌ത​ല​നായ പൗലോസ്‌ യുവശി​ഷ്യ​നായ തിമോ​ത്തി​യെ ഇതു സംബന്ധി​ച്ചു ജാഗരൂ​ക​നാ​ക്കിയ വിധം ശ്രദ്ധി​ക്കുക. അവൻ ഇപ്രകാ​രം മുന്നറി​യി​പ്പു നൽകി: “അന്ത്യനാ​ളു​ക​ളിൽ ഇടപെ​ടാൻ പ്രയാ​സ​മേ​റിയ ദുർഘട സമയങ്ങൾ ഇവിടെ ഉണ്ടായി​രി​ക്കും എന്നറി​യുക, എന്തു​കൊ​ണ്ടെ​ന്നാൽ മനുഷ്യർ സ്വസ്‌നേ​ഹി​ക​ളും, . . . മാതാ​പി​താ​ക്കളെ അനുസ​രി​ക്കാ​ത്ത​വ​രും, നന്ദിയി​ല്ലാ​ത്ത​വ​രും, അവിശ്വ​സ്‌ത​രും, സ്വാഭാ​വിക പ്രിയ​മി​ല്ലാ​ത്ത​വ​രും, യോജി​പ്പി​ലെ​ത്താൻ മനസ്സി​ല്ലാ​ത്ത​വ​രും . . . ആയിരി​ക്കും.”—2 തിമോ​ത്തി 3:1-3, NW.

ഇന്നത്തെ മനോ​ഭാ​വങ്ങൾ കൃത്യ​മാ​യി പ്രവചി​ച്ചി​രി​ക്കുന്ന കേവല​മൊ​രു പുസ്‌ത​കമല്ല ബൈബിൾ. പിൻപ​റ്റുന്ന പക്ഷം കുടും​ബ​ജീ​വി​ത​ത്തിൽ വിജയം ഉറപ്പു​നൽകുന്ന തത്ത്വങ്ങൾ അതിൽ ഉൾക്കൊ​ള്ളു​ന്നു. (2 തിമൊ​ഥെ​യൊസ്‌ 3:16, 17) സമയം, പണം, ഏകാന്തത എന്നീ പ്രശ്‌ന​ങ്ങളെ തരണം ചെയ്യാൻ ഇവയിൽ ചിലതിന്‌ ഒറ്റക്കാ​രായ മാതാ​ക്ക​ളെ​യും പിതാ​ക്കൻമാ​രെ​യും എങ്ങനെ സഹായി​ക്കാൻ കഴിയു​മെന്നു പരിചി​ന്തി​ക്കുക.

സമയം വിലയ്‌ക്കു വാങ്ങുക

നിങ്ങൾ എത്ര ക്രമീ​കൃ​ത​നാ​ണെ​ങ്കി​ലും സമയം പിടി​കി​ട്ടാത്ത ഒരു വസ്‌തു​വാണ്‌. നിങ്ങളു​ടെ സമയം നന്നായി ഉപയോ​ഗി​ക്കു​ന്ന​തിന്‌ ആദ്യം​തന്നെ വാസ്‌ത​വ​ത്തിൽ അതിന്‌ എന്താണു സംഭവി​ക്കു​ന്ന​തെന്നു നിങ്ങൾ തിരി​ച്ച​റി​യേ​ണ്ട​തുണ്ട്‌. ഏതു പ്രവർത്ത​ന​ങ്ങ​ളാ​ണു നിങ്ങൾക്ക്‌ ഏറ്റവും പ്രധാ​ന​മെന്നു തീരു​മാ​നി​ക്കാൻ അപ്പോൾ നിങ്ങൾക്കു കഴിയും. ഒറ്റക്കാ​രായ മാതാ​ക്ക​ളു​ടെ​യും പിതാ​ക്കൻമാ​രു​ടെ​യും ഒരു സംഘടന ഇപ്രകാ​രം നിർദേ​ശി​ക്കു​ന്നു: “ഒരു ‘സമയ ഡയറി’ സൂക്ഷി​ക്കുക. ഒരു ദിവസ​ത്തി​ലോ ആഴ്‌ച​യി​ലോ നിങ്ങൾ ചെയ്യുന്ന കാര്യ​ങ്ങ​ളു​ടെ​യെ​ല്ലാം ഒരു രേഖ ഇതിൽ സൂക്ഷി​ക്കുക, അവയ്‌ക്ക്‌ എത്രമാ​ത്രം സമയം ആവശ്യ​മാ​ണെന്നു നോക്കുക. അതിനു​ശേഷം, സംഗതി​കൾ പുനഃ​ക്ര​മീ​ക​രി​ച്ചു​കൊണ്ട്‌ അല്ലെങ്കിൽ ചില സംഗതി​കൾ ഒഴിവാ​ക്കി​ക്കൊ​ണ്ടു സമയം എവിടെ ലാഭി​ക്കാം അല്ലെങ്കിൽ മെച്ചമാ​യി ഉപയോ​ഗി​ക്കാം എന്നു നോക്കുക.”

തെറ്റു​പ​റ്റാ​ത്ത അത്തരം ഉപദേശം അപ്പോ​സ്‌ത​ലന്റെ പിൻവ​രുന്ന പ്രബോ​ധ​ന​ത്തി​നു പിന്നിലെ തിരു​വെ​ഴു​ത്തു​പ​ര​മായ ജ്ഞാനത്തെ പ്രതി​ഫ​ലി​പ്പി​ക്കു​ന്നു: “നാളുകൾ ദുഷ്ടമാ​ക​യാൽ നിങ്ങൾക്കു​വേണ്ടി അവസ​രോ​ചി​ത​മായ സമയം വിലയ്‌ക്കു വാങ്ങി​ക്കൊണ്ട്‌, നിങ്ങളു​ടെ നടപ്പ്‌ അജ്ഞാനി​ക​ളാ​യി​ട്ടല്ല, ജ്ഞാനി​ക​ളാ​യി​ട്ടാ​യി​രി​ക്കാൻ കർശന​മാ​യി സൂക്ഷി​ച്ചു​കൊൾക.” (ചെരി​ച്ചെ​ഴു​ത്തു ഞങ്ങളു​ടേത്‌.)—എഫേസ്യർ 5:15, 16, NW.

ഉദാഹ​ര​ണ​ത്തിന്‌, ടിവി കാഴ്‌ച നിങ്ങളു​ടെ ദിന​ക്ര​മ​ത്തിൽ പ്രമു​ഖ​സ്ഥാ​നം വഹിക്കു​ന്നു​വോ? ഇതിന്റെ അളവു കുറയ്‌ക്കു​ന്നതു നിങ്ങളു​ടെ കുട്ടി​ക​ളോ​ടു സംസാ​രി​ക്കു​ന്ന​തി​നും ഒരുമി​ച്ചു കാര്യങ്ങൾ ചെയ്യു​ന്ന​തി​നും നിങ്ങൾക്കു കൂടുതൽ സമയം പ്രദാനം ചെയ്യും. അത്‌ അവരു​മാ​യി നല്ല ബന്ധങ്ങൾ കെട്ടി​പ്പ​ടു​ക്കാൻ സഹായി​ക്കും.

‘കുട്ടി​ക​ളോ​ടൊ​പ്പ​മി​രു​ന്നു സംസാ​രി​ക്കാൻ ശ്രമി​ച്ചാൽ അതു വെറുതെ ദീർഘ​നേ​രത്തെ കടുത്ത നിശബ്ദ​ത​യി​ലേ കലാശി​ക്കൂ’ എന്നു നിങ്ങൾ പറഞ്ഞേ​ക്കാം. സാധ്യ​ത​യ​നു​സ​രിച്ച്‌ അങ്ങനെ​യാ​യി​രി​ക്കും. എന്നാൽ അതു നിങ്ങളെ പിന്തി​രി​പ്പി​ക്ക​രുത്‌. സ്‌കൂൾ കൂട്ടു​കാ​രെ​ക്കു​റി​ച്ചോ ചെയ്യാൻ ആസൂ​ത്രണം ചെയ്യുന്ന കാര്യ​ങ്ങ​ളെ​ക്കു​റി​ച്ചോ നിങ്ങളു​ടെ കുട്ടികൾ നടത്തുന്ന അഭി​പ്രാ​യങ്ങൾ പോ​ലെ​യുള്ള അവരുടെ അനുദിന സംഭാ​ഷ​ണ​ങ്ങ​ളി​ലുൾപ്പെ​ട്ടി​രി​ക്കുന്ന വികാ​രങ്ങൾ നിങ്ങൾ ശ്രദ്ധി​ക്ക​ണ​മെന്ന്‌ ഒറ്റക്കാ​രായ മാതാ​ക്ക​ളു​ടെ​യും പിതാ​ക്കൻമാ​രു​ടെ​യും ഉപദേ​ഷ്ടാ​ക്കൾ ശുപാർശ ചെയ്യുന്നു. എന്നാൽ ടിവി നിങ്ങളു​ടെ ശ്രദ്ധ പിടി​ച്ചെ​ടു​ക്കു​മ്പോൾ നിങ്ങൾക്കതു ചെയ്യാൻ കഴിയില്ല, കഴിയു​മോ? അതു വെറുതെ പ്രവർത്തി​ച്ചു​കൊ​ണ്ടി​രി​ക്കാൻ നിങ്ങൾ അനുവ​ദി​ച്ചാൽപ്പോ​ലും ശ്രദ്ധാ​ശൈ​ഥി​ല്യം നിങ്ങളു​ടെ കുട്ടി​ക​ളു​ടെ ഏറ്റവും ആന്തരി​ക​മായ ചിന്തക​ളും വികാ​ര​ങ്ങ​ളും സംബന്ധിച്ച ജീവൽപ്ര​ധാ​ന​മായ വിവരങ്ങൾ നിങ്ങളിൽനി​ന്നും കവർന്നെ​ടു​ക്കും. അതു​കൊണ്ട്‌ നിങ്ങളു​ടെ കുട്ടി​കൾക്കു​വേണ്ടി സമയമു​ണ്ടാ​ക്കുക. വീട്ടു​ജോ​ലി​കൾ ഒത്തൊ​രു​മി​ച്ചു ചെയ്യുക. അങ്ങനെ ചെയ്യു​മ്പോൾതന്നെ അവരു​മാ​യി സംസാ​രി​ക്കുക—അവർ സംസാ​രി​ക്കു​മ്പോൾ ശ്രദ്ധി​ക്കുക!

അവരോ​ടൊ​പ്പ​മി​രു​ന്നു വായി​ക്കു​ക​യും ചെയ്യുക. ഒരു കുട്ടിക്ക്‌ അഞ്ചാമത്തെ വയസ്സിൽ കിട്ടുന്ന സാക്ഷര​ത​യും അവന്റെ തുടർന്നുള്ള വിജയ​വും തമ്മിൽ ഒരു ശക്തമായ ബന്ധമു​ണ്ടെന്നു ഗവേഷണം പ്രകട​മാ​ക്കു​ന്നു. ഒന്നിച്ചി​രു​ന്നു വായി​ക്കു​ന്ന​തി​നു സമയം വിലയ്‌ക്കു​വാ​ങ്ങാ​നുള്ള കൂടു​ത​ലായ ഒരു കാരണ​മാണ്‌ ഇത്‌. കിടക്കു​ന്ന​തി​നു​മുമ്പ്‌ ഏതാനും നിമിഷം അല്ലെങ്കിൽ വളരെ​യ​ധി​കം ക്ഷീണം തോന്നു​ന്ന​തി​നു​മു​മ്പാ​യി വൈകു​ന്നേരം സമയം നന്നായി ചെലവി​ടാ​വു​ന്ന​താണ്‌.

അത്യാ​വ​ശ്യ​ങ്ങൾക്കൊ​ണ്ടു തൃപ്‌തി​യ​ട​യു​ക

ഒറ്റക്കാ​രായ പല മാതാ​ക്ക​ളും പിതാ​ക്കൻമാ​രും ഒരു സാമ്പത്തിക വിഷമ വൃത്തത്തിൽ കുടു​ങ്ങി​യി​രി​ക്കു​ന്ന​താ​യി സ്വയം കണ്ടെത്തു​ന്നു. മതിയാ​യ​രീ​തി​യി​ലുള്ള പാർപ്പി​ടം, ആഹാരം, വസ്‌ത്രം എന്നിവ​യ്‌ക്കു വേണ്ടത്ര പണം അവർക്ക്‌ എങ്ങനെ​യെ​ങ്കി​ലും സമ്പാദി​ച്ചേ പറ്റൂ. എന്നാൽ പുറത്തു​പോ​യി ജോലി​ചെ​യ്യു​മ്പോൾ കുട്ടി​ക​ളു​ടെ ശരിയായ പരിച​രണം പ്രശ്‌ന​മാ​യി​ത്തീ​രു​ന്നു.

കുട്ടി​കൾക്കു​വേ​ണ്ടി​യുള്ള സംരക്ഷണ സൗകര്യ​ങ്ങൾ കണ്ടെത്തുക എല്ലായ്‌പോ​ഴും എളുപ്പമല്ല. മാത്രമല്ല അവ ചെല​വേ​റി​യ​തു​മാണ്‌. ബന്ധുക്ക​ളു​ടെ—വല്യമ്മ​വ​ല്യ​പ്പൻമാർ, ആൻറി​മാർ, അമ്മാവൻമാർ എന്നിവ​രു​ടെ—സഹായം ഉൾപ്പെ​ടു​ത്തി​ക്കൊണ്ട്‌ ഒറ്റക്കാ​രായ ചില മാതാ​ക്ക​ളും പിതാ​ക്കൻമാ​രും വിജയി​ക്കു​ന്നു. മറ്റുചി​ലർ ശിശു​ക്കൾക്കു​വേ​ണ്ടി​യുള്ള സ്‌കൂ​ളു​കൾ, കളി സ്ഥലങ്ങൾ, തങ്ങളുടെ ജോലി​യു​ട​മകൾ പ്രദാനം ചെയ്യുന്ന കുട്ടി​കൾക്കു​വേ​ണ്ടി​യുള്ള സംരക്ഷണ സൗകര്യ​ങ്ങൾ എന്നിവയെ ആശ്രയി​ക്കു​ന്നു. ഗവൺമെൻറ്‌ സഹായ​ധ​നങ്ങൾ ലഭ്യമാ​ണെ​ങ്കിൽത്തന്നെ കുട്ടി​കൾക്കു​വേ​ണ്ടി​യുള്ള അത്തരം സംരക്ഷ​ണ​ത്തി​നുള്ള ഫീസ്‌ അടയ്‌ക്കാൻ അവ എല്ലായ്‌പോ​ഴും മതിയാ​കില്ല. ചില രാജ്യ​ങ്ങ​ളിൽ കൊച്ചു​കു​ഞ്ഞു​ങ്ങ​ളുള്ള ഒറ്റക്കാ​രായ മാതാ​ക്ക​ളും പിതാ​ക്കൻമാ​രും ജോലി​തേ​ടാ​തെ വീട്ടി​ലി​രു​ന്നു ഗവൺമെന്റു പ്രദാ​നം​ചെ​യ്യുന്ന പണം​കൊ​ണ്ടു കഴിഞ്ഞു​കൂ​ടാൻ തീരു​മാ​നി​ച്ചേ​ക്കാം.

സംരക്ഷണം ആവശ്യ​മുള്ള ഒറ്റക്കാ​രായ മാതാ​ക്ക​ളു​ടെ​യും പിതാ​ക്കൻമാ​രു​ടെ​യും എണ്ണം വർധി​ച്ചു​വ​രു​ന്ന​തു​കൊണ്ട്‌, ഗവൺമെ​ന്റു​കൾ ഉത്തരവാ​ദി​ത്വ​മു​ള്ള​വ​രാ​യി തങ്ങൾ കണക്കാ​ക്കുന്ന ആളുകളെ തിരഞ്ഞു​ക​ണ്ടു​പി​ടി​ക്കു​ന്നു. തങ്ങളുടെ കുട്ടി​കൾക്കു​വേണ്ടി സാമ്പത്തി​ക​മാ​യി കരുതാത്ത, വീടു​വി​ട്ടു​പോ​യി​രി​ക്കുന്ന ബ്രിട്ട​നി​ലെ പിതാ​ക്കൻമാർക്ക്‌ ഇത്‌ ഇപ്പോൾത്തന്നെ കൂടു​ത​ലായ നിയ​ന്ത്രണം ഏർപ്പെ​ടു​ത്തി​ക്ക​ഴി​ഞ്ഞു. കൊടു​ക്കാ​തി​രി​ക്കുന്ന പണത്തിന്റെ നഷ്ടപരി​ഹാ​രം കൊടു​പ്പി​ക്കാ​നാ​യി കുട്ടി​കൾക്കു പിന്തുണ നൽകുന്ന ഏജൻസി​കൾ അപഥസ​ഞ്ചാ​രി​ക​ളായ പിതാ​ക്കൻമാ​രെ പിന്തു​ട​രു​ന്നു. എന്നാൽ പിതാ​വി​നെ കണ്ടുപി​ടി​ക്കാൻ ഒറ്റക്കാ​രായ മാതാക്കൾ ഏജൻസി​കളെ സഹായി​ക്കാൻ വിസമ്മ​തി​ക്കു​ന്ന​പക്ഷം അവർക്കു ചില സാമ്പത്തിക പ്രയോ​ജ​നങ്ങൾ നഷ്ടപ്പെ​ടാൻ സാധ്യ​ത​യുണ്ട്‌. ലണ്ടനിലെ ദ ടൈംസ്‌ റിപ്പോർട്ടു ചെയ്യു​ന്ന​ത​നു​സ​രിച്ച്‌ “സ്വീഡ​നി​ലെ അപരാ​ധി​ക​ളിൽ 40 ശതമാനം പ്രാ​ദേ​ശിക സാമൂ​ഹിക ഇൻഷ്വ​റൻസ്‌ ഏജൻസി​ക​ളാൽ പിടി​ക്ക​പ്പെ​ടു​ന്ന​താ​യി കണക്കാ​ക്ക​പ്പെ​ടു​ന്നു, ഫ്രാൻസി​ലെ കോട​തി​കൾ കുടും​ബം പുലർത്തൽ സംബന്ധിച്ച ഉത്തരവു​ക​ളും അപരാ​ധി​ക​ളു​ടെ പിന്തു​ട​ര​ലും ശക്തി​പ്പെ​ടു​ത്തു​ന്നു.”

കോടതി ഉത്തരവു പുറ​പ്പെ​ടു​വി​ച്ചാ​ലും ഇല്ലെങ്കി​ലും, ഗവൺമെൻറിൽനി​ന്നു സഹായം ലഭിച്ചാ​ലും ഇല്ലെങ്കി​ലും, മുമ്പ്‌ ഉപയോ​ഗി​ച്ചി​രു​ന്ന​തി​നെ​ക്കാൾ കുറവു പണം കൊണ്ടു കഴിഞ്ഞു​കൂ​ടാ​നുള്ള മാർഗങ്ങൾ ഒറ്റക്കാ​രായ പല മാതാ​ക്ക​ളും പിതാ​ക്കൻമാ​രും കണ്ടെത്തു​ന്നു. അതെങ്ങനെ? വ്യത്യ​സ്‌ത​മായ രീതി​യിൽ ബജറ്റു തയ്യാറാ​ക്കി​ക്കൊണ്ട്‌.

വ്യത്യ​സ്‌ത​മാ​യ രീതി​യിൽ ബജറ്റു തയ്യാറാ​ക്കാൻ പഠിക്കു​ന്നത്‌ ഒരു വൈദ​ഗ്‌ധ്യ​മാണ്‌. അതു പലപ്പോ​ഴും ചെലവ​ഴി​ക്കൽ പ്രാമു​ഖ്യ​ത​കൾക്കു മാറ്റം വരുത്തു​ന്ന​തി​നെ അർഥമാ​ക്കു​ന്നു—ഉദാഹ​ര​ണ​മാ​യി, വാടക​യ്‌ക്കും മുറികൾ ചൂടു​പി​ടി​പ്പി​ക്കു​ന്ന​തി​നു​മുള്ള പണം ആദ്യം മാറ്റി​വ​യ്‌ക്കു​ന്നു, പിന്നെ ആഹാരം വാങ്ങു​ന്ന​തി​നും അതിനു​ശേഷം കടം വീട്ടു​ന്ന​തി​നും ഉള്ള പണം നീക്കി​വ​യ്‌ക്കു​ന്നു. “ഉൺമാ​നും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക” എന്ന്‌ അപ്പോ​സ്‌ത​ല​നായ പൗലോസ്‌ വിശദീ​ക​രി​ച്ചു.—1 തിമൊ​ഥെ​യൊസ്‌ 6:8.

മറ്റുള്ള​വ​രു​മാ​യി ചെലവു​കൾ പങ്കിടു​ന്ന​തി​നെ​ക്കു​റി​ച്ചു നിങ്ങൾ പരിചി​ന്തി​ച്ചി​ട്ടു​ണ്ടോ? ആഹാര​സാ​ധ​ന​ങ്ങ​ളും വീട്ടു​സാ​മാ​ന​ങ്ങ​ളും മറ്റു മാതാ​പി​താ​ക്ക​ളോ​ടു ചേർന്നു വലിയ അളവിൽ വാങ്ങി​ക്കു​ന്നതു വഴി പണം ലാഭി​ക്കാൻ കഴിയും. ഏതു രീതി​യിൽ ബജറ്റു തയ്യാറാ​ക്കി​യാ​ലും നിങ്ങൾ ഇരുന്ന്‌ നിങ്ങളു​ടെ ചെലവു​കൾ കണക്കു​കൂ​ട്ടേ​ണ്ട​തു​ണ്ടെന്ന്‌ ഓർമി​ക്കുക. (ലൂക്കൊസ്‌ 14:28 താരത​മ്യം ചെയ്യുക.) ബജറ്റു തയ്യാറാ​ക്കു​ന്ന​തിൽ നിങ്ങളു​ടെ കുട്ടി​ക​ളു​ടെ സഹായം എന്തു​കൊണ്ട്‌ ഉൾപ്പെ​ടു​ത്തി​ക്കൂ​ടാ? അപ്പോൾ അതി​നോ​ടു പറ്റിനിൽക്കാൻ നിങ്ങളെ സഹായി​ക്കു​ന്നത്‌ അവർ ഒരു പദവി​യാ​യി കണക്കാ​ക്കി​യേ​ക്കാം. നിങ്ങൾക്കു പണം നിക്ഷേ​പി​ക്കാൻ പോലും കഴിയു​ന്ന​താ​യി നിങ്ങൾ കണ്ടെത്തി​യേ​ക്കാം.

സുഹൃ​ത്തു​ക്കളെ നേടു​ന്ന​തിന്‌ സുഹൃ​ത്താ​യി​രി​ക്കുക

“കൊടു​പ്പിൻ; എന്നാൽ നിങ്ങൾക്കു കിട്ടും; . . . നിങ്ങൾ അളക്കുന്ന അളവി​നാൽ നിങ്ങൾക്കും അളന്നു​കി​ട്ടും” എന്ന്‌ യേശു ഉപദേ​ശി​ച്ചു. (ലൂക്കൊസ്‌ 6:38) വ്യക്തി​പ​ര​മായ ബന്ധങ്ങളു​ടെ കാര്യ​ത്തി​ലും ഇപ്പറഞ്ഞതു സത്യമാണ്‌. മറ്റുള്ള​വ​രി​ലുള്ള നിങ്ങളു​ടെ താത്‌പ​ര്യ​ത്തി​നു സൗഹൃ​ദ​പ​ര​മായ ഒരു പ്രതി​ക​രണം ഉളവാ​ക്കാൻ കഴിയും. ഏകാന്ത​തയെ കീഴട​ക്കാ​നുള്ള ഏറ്റവും നല്ല മാർഗം സുഹൃ​ത്തു​ക്കളെ നേടാൻ മുൻകൈ എടുക്കു​ക​യെ​ന്ന​താണ്‌. നിങ്ങൾക്കു വെളി​യിൽ സന്ദർശ​ന​ത്തി​നു പോകാൻ കഴിയ​ത്ത​ക്ക​വണ്ണം നിങ്ങളു​ടെ കുട്ടി​കളെ സംരക്ഷി​ക്കുന്ന ആശ്രയ​യോ​ഗ്യ​രായ സുഹൃ​ത്തു​ക്കളെ ഒരുപക്ഷേ നിങ്ങൾക്കു കണ്ടെത്താൻ കഴി​ഞ്ഞേ​ക്കും. ഇതിലും മെച്ചമായ ഒരു സംഗതി, നിങ്ങളെ സന്ദർശി​ക്കാൻ സുഹൃ​ത്തു​ക്ക​ളോട്‌ ആവശ്യ​പ്പെ​ട്ടു​കൂ​ടേ?

എന്നാൽ ഇവിടെ ജാഗ്ര​ത​യു​ടെ ഒരു വാക്ക്‌ അത്യാ​വ​ശ്യ​മാണ്‌. “മോശ​മായ സഹവാസം പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു” എന്നോർമി​ക്കുക. (1 കൊരി​ന്ത്യർ 15:33, NW) നിങ്ങൾ നേടി​യെ​ടു​ക്കുന്ന സുഹൃ​ദ്‌ബ​ന്ധങ്ങൾ യഥാർഥ​ത്തിൽ കെട്ടു​പ​ണി​ചെ​യ്യു​ന്ന​തും സംതൃ​പ്‌തി കൈവ​രു​ത്തു​ന്ന​തു​മാ​യി​രി​ക്കു​മ്പോൾ മാത്രമേ ഏകാന്ത​തയെ തൃപ്‌തി​ക​ര​മാ​യി കീഴട​ക്കാൻ കഴിയൂ.

മാതാ​വും പിതാ​വും എന്നനി​ല​യിൽ പ്രവർത്തി​ക്കൽ

ഒറ്റക്കാ​രായ മാതാ​ക്ക​ളെ​യും പിതാ​ക്കൻമാ​രെ​യും സംബന്ധി​ച്ചി​ട​ത്തോ​ളം അവർക്കു തങ്ങളുടെ കുട്ടി​ക​ളു​ടെ മാതാ​വും പിതാ​വും ആയിരി​ക്കേ​ണ്ട​തുണ്ട്‌—അത്‌ ആർക്കും എളുപ്പ​മുള്ള ജോലി​യല്ല. കുട്ടികൾ ജൻമനാ അനുകരണ സ്വഭാ​വ​മു​ള്ള​വ​രാ​ണെന്ന കാര്യം മറക്കരുത്‌. ഉത്തരവാ​ദി​ത്വ​മുള്ള മുതിർന്നവർ ചെയ്യു​ന്നതു കണ്ടാണ്‌ അവർ ഉത്തരവാ​ദി​ത്വ​മുള്ള മുതിർന്ന​വ​രാ​യി​ത്തീ​രാൻ പഠിക്കു​ന്നത്‌. അപ്പോൾ, നിങ്ങളു​ടെ കുട്ടി​കൾക്കു നിങ്ങൾ ഏതു തരത്തി​ലുള്ള മാതൃ​കാ​പാ​ത്ര​മാണ്‌ എന്നതിനെ അതു വളരെ​യ​ധി​കം ആശ്രയി​ച്ചി​രി​ക്കു​ന്നു. അമേരി​ക്ക​യി​ലെ ഉൾനഗ​ര​ങ്ങ​ളിൽ വളരുന്ന അനവധി ആൺകു​ട്ടി​കൾക്കു പിതാ​ക്കൻമാർ അടുത്തില്ല. ലണ്ടനിലെ ദ സൺഡേ ടൈംസ്‌ അതേക്കു​റിച്ച്‌ ഇപ്രകാ​രം പ്രസ്‌താ​വി​ക്കു​ന്നു: “ഒരു മുതിർന്ന പുരുഷൻ എന്നു പറഞ്ഞാൽ ആരാ​ണെ​ന്നുള്ള നിയ​ന്ത്രിത ബോധ​മി​ല്ലാ​തെ ആൺകു​ട്ടി​ക​ളു​ടെ ഏതാണ്ട്‌ പകുതി​പേർ കൗമാ​ര​ത്തി​ലേക്കു വളരു​മ്പോൾ ആണുങ്ങ​ളു​ടെ ഒരു തലമുറ എങ്ങനെ പെരു​മാ​റു​മെന്ന്‌ . . . അക്രമ​വും സാമൂ​ഹിക വ്യാമി​ശ്ര​ത​യും . . . നമുക്കു കാണി​ച്ചു​ത​രു​ന്നു.”

കുട്ടി​ക​ളെ ഒറ്റക്കാ​രായ മാതാ​ക്ക​ളോ പിതാ​ക്കൻമാ​രോ വളർത്തു​മ്പോൾ അവരുടെ ആരോ​ഗ്യ​വും സ്‌കൂൾജോ​ലി​യും സാമ്പത്തിക പ്രതീ​ക്ഷ​കൾപോ​ലും പ്രതി​കൂ​ല​മാ​യി ബാധി​ക്ക​പ്പെ​ട്ടേ​ക്കാ​മെന്ന്‌ ഡുങ്കൻ ഡോർമർ ദ റിലേ​ഷൻഷിപ്പ്‌ റെവലൂ​ഷ​നിൽ പറയുന്നു. മറ്റു ഗവേഷകർ ഈ കണ്ടുപി​ടി​ത്ത​ങ്ങൾക്കെ​തി​രെ വാദി​ക്കു​ന്നു. ദാരി​ദ്ര്യ​ത്തെ​യും സാമ്പത്തിക പരാധീ​ന​ത​യെ​യു​മാണ്‌ അവർ കുറ്റ​പ്പെ​ടു​ത്തു​ന്നത്‌. എന്നിരു​ന്നാ​ലും പലരും സാമൂ​ഹിക ശാസ്‌ത്ര​ജ്ഞ​നായ ചാൾസ്‌ മുറെ​യു​ടെ ഈ വിലയി​രു​ത്ത​ലി​നോ​ടു യോജി​ക്കു​ന്നു: “പിതാ​ക്കൻമാ​രി​ല്ലാ​തെ മാതാക്കൾ മാത്ര​മുള്ള ഒരു ചുറ്റു​വ​ട്ടത്തു പാർക്കുന്ന പിതാ​വി​ല്ലാ​തെ മാതാവു മാത്ര​മുള്ള ഒരു കുട്ടി അവൻ കാണു​ന്ന​തി​ന്റെ അടിസ്ഥാ​ന​ത്തി​ലാ​ണു വിലയി​രു​ത്തു​ന്നത്‌. വളർന്നു​വ​രു​മ്പോൾ തന്റെ കുട്ടി​ക​ളു​ടെ ഒരു നല്ല പിതാ​വാ​യി​രി​ക്ക​ണ​മെന്നു നിങ്ങൾക്കു സാമൂ​ഹിക പ്രവർത്ത​ക​രെ​ക്കൊ​ണ്ടോ സ്‌കൂൾ അധ്യാ​പ​ക​രെ​ക്കൊ​ണ്ടോ പുരോ​ഹി​തൻമാ​രെ​ക്കൊ​ണ്ടോ ഒരു ആൺകു​ട്ടി​യോ​ടു പറയി​ക്കാ​വു​ന്ന​താണ്‌. എന്നാൽ അതിന്റെ അർഥ​മെ​ന്താ​ണെന്ന്‌ അതു കാണാതെ അവനു മനസ്സി​ലാ​ക​യില്ല.” അതേ ആൺകു​ട്ടി​കൾക്കു മാതാ​വി​ന്റെ​യും പിതാ​വി​ന്റെ​യും ആവശ്യ​മുണ്ട്‌, പെൺകു​ട്ടി​കൾക്കും അങ്ങനെ​തന്നെ.

സങ്കീർത്ത​നം 68:5 [NW]-ൽ ബൈബിൾ യഹോ​വ​യാം ദൈവത്തെ ‘പിതാ​വി​ല്ലാത്ത ബാലൻമാ​രു​ടെ ഒരു പിതാ​വാ​യി’ വർണി​ക്കു​ന്നു. മാർഗ​നിർദേ​ശ​ത്തി​നാ​യി ദൈവ​ത്തി​ലേക്കു നോക്കുന്ന അമ്മമാർ തങ്ങളുടെ കുട്ടി​കൾക്കുള്ള ഏറ്റവും നല്ല മാതൃക അവനിൽ കണ്ടെത്തു​ന്നു. തങ്ങളുടെ കുട്ടി​കളെ ഒറ്റയ്‌ക്കു വളർത്തി​ക്കൊ​ണ്ടു​വ​രുന്ന പിതാ​ക്കൻമാർ ഉത്തരവാ​ദി​ത്വ​വും പക്വത​യു​മുള്ള സ്‌ത്രീ​ക​ളു​ടെ സഹായം വിലമ​തി​ക്കു​ന്നു. അതേ ഒറ്റക്കാ​രായ എല്ലാ മാതാ​ക്കൾക്കും പിതാ​ക്കൻമാർക്കും വേണ്ടി​യി​രി​ക്കു​ന്നതു സ്‌നേ​ഹ​പൂർവ​ക​മായ പിന്തു​ണ​യാണ്‌. ഒരുപക്ഷേ നിങ്ങൾക്ക്‌ ഇക്കാര്യ​ത്തിൽ സഹായി​ക്കാൻ കഴി​ഞ്ഞേ​ക്കും.

ഒറ്റയ്‌ക്കു കുടും​ബം നോക്കുന്ന പിതാ​ക്കൻമാർ ന്യൂന​പ​ക്ഷ​മാണ്‌. എന്നാൽ കൂടുതൽ വിവാ​ഹങ്ങൾ തകരു​ന്ന​തോ​ടെ കൂടുതൽ കൂടുതൽ പുരു​ഷൻമാർ തങ്ങളുടെ കുട്ടി​കളെ ഒറ്റയ്‌ക്കു പരിപാ​ലി​ക്കാൻ തീരു​മാ​നി​ക്കു​ന്നു. “ഈ സാഹച​ര്യ​ത്തി​ലുള്ള പുരു​ഷൻമാർ നേരി​ടു​ന്ന​താ​യി കാണുന്ന ഏറ്റവും വലിയ പ്രശ്‌ന​ങ്ങ​ളിൽ ഒന്ന്‌ യൗവന​ക്കാ​രി​യായ പുത്രി​യാണ്‌” എന്ന്‌ ഒറ്റയ്‌ക്കുള്ള മാതാ​വി​ന്റെ​യോ പിതാ​വി​ന്റെ​യോ അതിജീ​വന സഹായി വിശദീ​ക​രി​ക്കു​ന്നു. ലജ്ജ മൂലം ചില പിതാ​ക്കൻമാർ ലൈം​ഗിക സംഗതി​കൾ ചർച്ച​ചെ​യ്യു​ന്നത്‌ ഒഴിവാ​ക്കു​ന്നു. മറ്റുചി​ലർ ബന്ധത്തി​ലുള്ള ആശ്രയ​യോ​ഗ്യ​യായ ഒരു സ്‌ത്രീ​യെ തങ്ങളുടെ പുത്രി​മാ​രോ​ടു സംസാ​രി​ക്കു​ന്ന​തി​നു ക്രമീ​ക​രി​ക്കു​ന്നു. യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങളും* എന്ന പുസ്‌തകം കുട്ടി​ക​ളോ​ടൊ​ത്തു വായി​ക്കു​ന്ന​തിൽനിന്ന്‌ ഒറ്റക്കാ​രായ എല്ലാ മാതാ​ക്കൾക്കും പിതാ​ക്കൻമാർക്കും ഒരു​പോ​ലെ മഹത്തായ പ്രയോ​ജനം അനുഭ​വി​ക്കാൻ കഴിയും. “ലൈം​ഗി​ക​ത​യും ധാർമ്മി​ക​ത​യും,” “ഡെയി​റ്റിംഗ്‌, പ്രേമം, വിപരീ​ത​ലിം​ഗ​വർഗ്ഗ​ത്തിൽപ്പെ​ട്ടവർ” എന്നീ തലക്കെ​ട്ടു​ക​ളോ​ടു കൂടിയ ഭാഗങ്ങൾ ഈ പ്രസി​ദ്ധീ​ക​ര​ണ​ത്തി​ലുണ്ട്‌.a ഓരോ അധ്യാ​യ​ത്തി​ന്റെ​യും അവസാനം ചർച്ചക്കുള്ള ചോദ്യ​ങ്ങൾ എന്ന സവി​ശേഷത കാണാം. ഏറ്റവും രഹസ്യ​മായ സംഗതി​ക​ളു​ടെ​പോ​ലും ഒരു ഉചിത​മായ പുനര​വ​ലോ​കനം ഉറപ്പു​വ​രു​ത്തു​ന്ന​തി​നു​വേണ്ടി രൂപകൽപ്പന ചെയ്‌തി​ട്ടു​ള്ള​താണ്‌ അത്‌.

[അടിക്കു​റി​പ്പു​കൾ]

[7-ാം പേജിലെ ചിത്രം]

നിങ്ങളുടെ കുട്ടി​ക​ളോ​ടൊ​ത്തു സമയം ചെലവ​ഴി​ക്കു​ന്നതു നല്ല ബന്ധങ്ങൾ കെട്ടി​പ്പ​ടു​ക്കു​ന്നു

[7-ാം പേജിലെ ചിത്രം]

നിങ്ങൾ ഏതു രീതി​യിൽ ബജറ്റു തയ്യാറാ​ക്കി​യാ​ലും ഇരുന്നു നിങ്ങളു​ടെ ചെലവു​ക​ണ​ക്കാ​ക്കുക