നിങ്ങൾക്ക്‌ ഒറ്റക്കാ​രായ മാതാ​ക്ക​ളെ​യും പിതാ​ക്കൻമാ​രെ​യും എങ്ങനെ സഹായി​ക്കാൻ കഴിയും?

ഒറ്റക്കാ​രായ മാതാ​ക്ക​ളും പിതാ​ക്കൻമാ​രും പരിഗ​ണ​ന​യർഹി​ക്കു​ന്നു. മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ത്തി​ന്റെ പിന്തു​ണക്ക്‌ ഇന്നത്തെ സാമൂ​ഹിക പ്രവർത്തകർ ഉയർന്ന വില കൽപ്പി​ക്കു​ന്നു.

“പിന്തു​ണ​നൽകുന്ന സുഹൃദ്‌ ശൃംഖ​ല​കൾക്കും പരിപാ​ലനം നൽകുന്ന ബന്ധുക്കൾക്കും ഊഷ്‌മ​ള​വും വ്യക്തി​പ​ര​വു​മായ താത്‌പ​ര്യം എടുക്കുന്ന അധ്യാ​പ​കർക്കും അത്തരം കുടും​ബ​ങ്ങളെ മനസ്സിൽ പിടി​ച്ചു​കൊണ്ട്‌ ആസൂ​ത്രണം ചെയ്‌തി​രി​ക്കുന്ന സാമൂ​ഹി​ക​വും മതപര​വു​മായ പ്രത്യേക പ്രവർത്ത​ന​ങ്ങൾക്കും, ജീവി​ത​ത്തിൽ പ്രത്യേ​കി​ച്ചു പ്രോ​ത്സാ​ഹനം ആവശ്യ​മാ​യി​രി​ക്കുന്ന ഒരു സമയത്ത്‌ ഒറ്റക്കാ​രായ മാതാ​ക്ക​ളു​ടെ​യും/പിതാ​ക്കൻമാ​രു​ടെ​യും അവരുടെ കുട്ടി​ക​ളു​ടെ​യും വൈകാ​രിക സുസ്ഥി​തി​ക്കു വളരെ​യ​ധി​കം സഹായം ചെയ്യാൻ കഴിയും” എന്നു സാമൂ​ഹി​ക​ശാ​സ്‌ത്ര​ജ്ഞ​രായ ലീതയും ജോൺ സ്‌കാൻസോ​ണി​യും വിശദീ​ക​രി​ക്കു​ന്നു. അങ്ങനെ​യെ​ങ്കിൽ നിങ്ങൾക്ക്‌ എങ്ങനെ​യാ​ണു സഹായി​ക്കാൻ കഴിയുക?

പിന്തുണ നൽകു​ന്ന​വ​രാ​യി​രി​ക്കുക

ആദ്യം​തന്നെ, ഒറ്റക്കാ​രായ മാതാ​ക്ക​ളും പിതാ​ക്കൻമാ​രും കാര്യ​ങ്ങളെ എങ്ങനെ​യാ​ണു വീക്ഷി​ക്കു​ന്ന​തെന്നു മനസ്സി​ലാ​ക്കാൻ ശ്രമി​ക്കുക. അവരുടെ സാഹച​ര്യ​ത്തിൽ നിങ്ങൾ നിങ്ങ​ളെ​ത്തന്നെ സങ്കൽപ്പി​ക്കുക. 7-ഉം 14-ഉം വയസ്സുള്ള രണ്ടു കുട്ടി​ക​ളുള്ള മാർഗ​ര​റ്റു​മാ​യി ഉണരുക! അഭിമു​ഖം നടത്തി. അഞ്ചു വർഷം മുമ്പ്‌ വിവാ​ഹ​മോ​ചി​ത​യായ അവൾ ഇതുവ​രെ​യും സാഹച​ര്യ​ത്തെ വിജയ​ക​ര​മാ​യി തരണം​ചെ​യ്‌തി​രി​ക്കു​ന്നു. അവളുടെ അഭി​പ്രാ​യങ്ങൾ ഏറ്റവു​മ​ധി​കം ഉൾക്കാഴ്‌ച പ്രദാനം ചെയ്യു​ന്ന​താ​യി നിങ്ങൾ കണ്ടെത്തു​മെ​ന്നു​ള്ള​തി​നു യാതൊ​രു സംശയ​വു​മില്ല.

ഉണരുക!: “ഒറ്റയ്‌ക്കുള്ള മാതാ​വെന്ന നിലയിൽ എന്തെല്ലാം പ്രശ്‌ന​ങ്ങ​ളാ​ണു നിങ്ങൾ അഭിമു​ഖീ​ക​രി​ക്കേ​ണ്ടി​വ​ന്നി​രി​ക്കു​ന്നത്‌?”

മാർഗ​രറ്റ്‌: “പ്രഥമ​വും പ്രധാ​ന​വു​മായ സംഗതി, ഞാൻ ഒറ്റയ്‌ക്കുള്ള ഒരു മാതാ​വാ​യി​ത്തീർന്നു​വെന്ന വസ്‌തുത അംഗീ​ക​രി​ക്കാൻ എനിക്കു വളരെ പ്രയാസം തോന്നി​യെ​ന്നു​ള്ള​താണ്‌. ഞാൻ ആസൂ​ത്രണം ചെയ്യാഞ്ഞ ഒന്നായി​രു​ന്നു അത്‌. ‘ഒറ്റയ്‌ക്കുള്ള മാതാവ്‌’ എന്നു മുദ്ര​കു​ത്തി​യത്‌ എന്നെ അസ്വസ്ഥ​യാ​ക്കി. എന്തു​കൊ​ണ്ടെ​ന്നാൽ മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങളെ പലരും ചീത്ത​പ്പേ​രുള്ള കുട്ടി​ക​ളുള്ള, വിഷാ​ദ​മ​ഗ്ന​വും ഉൻമേ​ഷ​ര​ഹി​ത​വു​മായ കുടും​ബ​ങ്ങ​ളാ​യാ​ണു വീക്ഷി​ക്കു​ന്നത്‌. എന്റെ വീക്ഷണം അതല്ലാ​യി​രു​ന്ന​തു​കൊണ്ട്‌ ആദ്യ​മൊ​ക്കെ ഉപദേശം സ്വീക​രി​ക്കാൻ ഞാൻ വിസമ്മ​തി​ച്ചി​രു​ന്നു. എന്നാൽ ഒറ്റയ്‌ക്കുള്ള ഒരു മാതാ​വോ പിതാ​വോ ആയിരി​ക്കു​ന്നതു തീർത്തും മോശ​മായ കാര്യ​മ​ല്ലെന്നു ഞാൻ മനസ്സി​ലാ​ക്കാൻ ഇടയാ​യി​രി​ക്കു​ന്നു.”

ഒറ്റക്കാ​രാ​യ മാതാ​ക്കൾക്കും പിതാ​ക്കൻമാർക്കും പിന്തുണ കൊടു​ക്കു​ന്ന​തി​നു നിങ്ങൾ അവരുടെ സൂക്ഷ്‌മ​സം​വേ​ദ​ക​ത്വ​ത്തെ​ക്കു​റിച്ച്‌ അറിവു​ള്ള​വ​രാ​യി​രി​ക്കേ​ണ്ട​തുണ്ട്‌. അവരോ​ടു ദയ കാണി​ച്ചു​കൊ​ണ്ടേ​യി​രി​ക്കുക.

ഉണരുക!: “നിങ്ങൾക്കു നിങ്ങളു​ടെ മുൻ ഭർത്താ​വിൽനി​ന്നു യാതൊ​രു ഉപജീ​വ​ന​ച്ചെ​ല​വും ലഭിക്കു​ന്നില്ല. നിങ്ങൾ സാമ്പത്തിക കാര്യങ്ങൾ എങ്ങനെ​യാ​ണു കൈകാ​ര്യം ചെയ്‌തി​ട്ടു​ള്ളത്‌?”

മാർഗ​രറ്റ്‌: “എനിക്ക്‌ ഒത്തിരി ത്യാഗങ്ങൾ സഹി​ക്കേ​ണ്ടി​വ​ന്നി​ട്ടുണ്ട്‌. കൂടി​വ​ര​വു​കൾക്കു പുതു വസ്‌ത്രങ്ങൾ വാങ്ങി​ക്കു​ന്നതു ഞാൻ പതിവാ​യി ആസ്വദി​ച്ചി​രു​ന്നു. ഞങ്ങൾ പുതിയ സംഗതി​കൾ ഇപ്പോ​ഴും വാങ്ങു​ന്നുണ്ട്‌, എന്നാൽ മുമ്പു ചെലവി​ടു​മാ​യി​രുന്ന അത്രയും ഞങ്ങൾക്കു ചെലവി​ടാൻ കഴിയു​ന്നില്ല. തീർച്ച​യാ​യും, കുട്ടി​കളെ ഏറ്റവും നല്ല രീതി​യിൽ ഒരുക്കി നടത്താൻ ഞാൻ ആഗ്രഹി​ക്കു​ന്നു. അതു​കൊണ്ട്‌ ഞാൻ പണം സൂക്ഷിച്ചു ചെലവാ​ക്കേ​ണ്ട​തുണ്ട്‌. ഓരോ ആഴ്‌ച​യി​ലും അൽപ്പം പണം ഞാൻ സൂക്ഷി​ച്ചു​വ​യ്‌ക്കാൻ തുടങ്ങി. ഞാൻ അത്‌ ആശ്രയി​ക്കാ​വുന്ന ഒരു സുഹൃ​ത്തി​ന്റെ കയ്യിൽ സൂക്ഷി​ക്കാൻ ഏൽപ്പിച്ചു, എന്തു​കൊ​ണ്ടെ​ന്നാൽ എന്റെ കയ്യിലി​രു​ന്നാൽ ഞാൻ അത്‌ ഉപയോ​ഗി​ച്ചു തീർക്കാ​നി​ട​യു​ണ്ടെന്ന്‌ എനിക്ക​റി​യാ​മാ​യി​രു​ന്നു.”

ഒറ്റക്കാ​രാ​യ മാതാ​ക്ക​ളെ​യും പിതാ​ക്കൻമാ​രെ​യും അവരുടെ പണം സൂക്ഷി​ക്കാൻ സഹായി​ക്കുന്ന അത്തരം ആശ്രയ​യോ​ഗ്യ​നായ ഒരു സുഹൃ​ത്താ​യി​രി​ക്കു​മോ നിങ്ങൾ?

ഉണരുക!: “നിങ്ങൾ ഏകാന്ത​തയെ എങ്ങനെ​യാ​ണു തരണം ചെയ്‌തി​രി​ക്കു​ന്നത്‌?”

മാർഗ​രറ്റ്‌: “ഞാൻ പകൽസ​മ​യത്ത്‌ എല്ലായ്‌പോ​ഴും തിരക്കു​ള്ള​വ​ളാ​യി​രി​ക്കും. വൈകി​ട്ടു കുട്ടികൾ ഉറങ്ങി​ക്ക​ഴി​യു​മ്പോ​ഴാണ്‌ എനിക്കത്‌ ഏറ്റവു​മ​ധി​കം അനുഭ​വ​പ്പെ​ടു​ന്നത്‌. ഞാൻ ഒരു ബന്ധുവി​നോ സുഹൃ​ത്തി​നോ ഫോൺ ചെയ്യും. ചില​പ്പോൾ എനിക്കു കണ്ണീ​രോ​ടു​കൂ​ടിയ ഒരു സംഭാ​ഷ​ണ​മാ​യി​രി​ക്കും ഉണ്ടായി​രി​ക്കുക. അന്നേ ദിവസം സംഭവി​ച്ച​തി​നെ​ക്കു​റി​ച്ചു ഞാൻ സംസാ​രി​ക്കും. കേവലം ശ്രദ്ധി​ക്കുന്ന ഒരാളു​ണ്ടാ​യി​രി​ക്കു​ന്നതു വളരെ സഹായ​ക​മാണ്‌.”

ഒരുപക്ഷേ നിങ്ങൾക്കു മുൻ​കൈ​യെ​ടുത്ത്‌ ഏകാന്തത അനുഭ​വി​ക്കുന്ന ആളിനു ഫോൺ ചെയ്യാ​വു​ന്ന​താണ്‌. നിങ്ങൾ ശ്രദ്ധി​ക്കു​ന്നത്‌ അവർക്കു വളരെ​യ​ധി​കം ആശ്വാസം പ്രദാനം ചെയ്യും.

ഉണരുക!: “ഒറ്റയ്‌ക്കുള്ള ഒരു മാതാ​വെന്ന നിലയിൽ നിങ്ങൾ ഏറ്റവും പ്രയാ​സ​ക​ര​മാ​യി കണ്ടെത്തു​ന്ന​തെ​ന്താണ്‌?”

മാർഗ​രറ്റ്‌: “ധാർമി​ക​മാ​യി നേരായ വിധത്തിൽ കുട്ടി​കളെ വളർത്തി​ക്കൊ​ണ്ടു​വ​രു​ന്നത്‌. എന്റെ കുട്ടി​ക​ളു​ടെ മനസ്സിൽ നല്ല മൂല്യങ്ങൾ പതിപ്പി​ക്കാ​നുള്ള എന്റെ ആഗ്രഹത്തെ ചോദ്യം​ചെ​യ്യാൻ അധഃപ​തി​ച്ചു​കൊ​ണ്ടി​രി​ക്കുന്ന സാമൂ​ഹിക, ധാർമിക നിലവാ​രങ്ങൾ ആളുകളെ പ്രേരി​പ്പി​ക്കു​ന്നു.”

ദൈവിക നിലവാ​രങ്ങൾ ഉയർത്തി​പ്പി​ടി​ച്ചു​കൊ​ണ്ടു നിങ്ങൾ വെക്കുന്ന മാതൃക തീർച്ച​യാ​യും അതുതന്നെ ചെയ്യാൻ മറ്റുള്ള​വരെ പ്രേരി​പ്പി​ക്കും.

ഉണരുക!: “രണ്ടു കുട്ടി​കളെ വളർത്തി​ക്കൊ​ണ്ടു​വ​രു​ന്ന​തി​നു വളരെ​യ​ധി​കം സമയം ആവശ്യ​മാണ്‌. നിങ്ങൾ ആഗ്രഹി​ക്കുന്ന കാര്യങ്ങൾ ചെയ്യാൻ എങ്ങനെ​യാ​ണു നിങ്ങൾ സമയം കണ്ടെത്തു​ന്നത്‌?”

മാർഗ​രറ്റ്‌: “എനിക്കാ​യി​ത്തന്നെ കുറച്ചു സമയം മാറ്റി​വ​യ്‌ക്കാൻ ഞാൻ ശ്രമി​ക്കു​ന്നു. ഉദാഹ​രണം പറഞ്ഞാൽ, ഒരു സുഹൃത്തു കുട്ടി​കളെ സംഗീതം പഠിപ്പി​ക്കു​മ്പോൾ എനിക്കു​വേ​ണ്ടി​ത്തന്നെ എനിക്ക്‌ ഒരു മണിക്കൂർ ലഭിക്കു​ന്നു. ഞാൻ ടിവി ഓൺ ചെയ്യാതെ ഒരിട​ത്തി​രി​ക്കും. ഞാൻ ആ ദിവസം ചെയ്‌ത കാര്യ​ങ്ങ​ളെ​ക്കു​റി​ച്ചു ചിന്തി​ച്ചു​കൊ​ണ്ടു നിശബ്ദ​യാ​യി​രി​ക്കും. ശരിയും തെറ്റും സംബന്ധി​ച്ചു ഞാൻ എല്ലായ്‌പോ​ഴും വളരെ ബോധ​വ​തി​യാണ്‌. അതു​കൊണ്ട്‌ എനിക്കു മെച്ചമാ​യി ചെയ്യാൻ കഴിയു​മാ​യി​രു​ന്നോ​യെ​ന്ന​റി​യു​ന്ന​തി​നു ചെയ്‌ത കാര്യ​ങ്ങ​ളെ​ക്കു​റി​ച്ചു പിന്തി​രി​ഞ്ഞു ചിന്തി​ക്കാൻ ഞാൻ ഇഷ്ടപ്പെ​ടു​ന്നു.”

ഇടയ്‌ക്കി​ട​യ്‌ക്കു നിങ്ങൾ അവളുടെ കുട്ടി​കളെ പരിപാ​ലി​ക്കാൻ തയ്യാറാ​കു​ന്നു​വെ​ങ്കിൽ ഒറ്റയ്‌ക്കുള്ള ആ മാതാ​വിന്‌ അത്തരം വിചി​ന്ത​ന​ത്തി​നു വിലപ്പെട്ട നിമി​ഷങ്ങൾ ഉണ്ടായി​രി​ക്കും.

പ്രാ​യോ​ഗിക സഹായം നൽകുക

ഉണരുക!: “നിങ്ങൾ ഏറ്റവും പ്രാ​യോ​ഗി​ക​മാ​യി കണ്ടെത്തി​യി​രി​ക്കുന്ന സഹായ​മേ​താണ്‌?”

മാർഗ​രറ്റ്‌: “മറ്റൊരു കുടും​ബ​ത്തി​ന്റെ വീട്ടി​ലേക്കു ക്ഷണിക്ക​പ്പെ​ടു​ന്നതു ഞാൻ ആസ്വദി​ക്കു​ന്നു. മറ്റുള്ളവർ ചിന്തയു​ള്ള​വ​രാ​ണെന്നു മനസ്സി​ലാ​ക്കു​മ്പോൾ അതു വളരെ സഹായ​ക​ര​മാണ്‌. നിങ്ങൾക്കു മാത്രമേ പ്രശ്‌ന​ങ്ങ​ളു​ള്ളൂ​വെന്നു ചില​പ്പോൾ നിങ്ങൾ വിചാ​രി​ക്കു​ന്നു. മാത്രമല്ല, ഞാൻ എന്റെ കുട്ടി​കളെ വളർത്തി​ക്കൊ​ണ്ടു​വ​രുന്ന രീതി സംബന്ധിച്ച്‌ ആരെങ്കി​ലും എന്നെ അഭിന​ന്ദി​ക്കു​മ്പോൾ അതു വളരെ​യ​ധി​കം അർഥമാ​ക്കു​ന്നു! അലങ്കരി​ക്കൽ, പൂന്തോട്ട നിർമാ​ണം, കടയിൽപോക്ക്‌ എന്നിങ്ങ​നെ​യുള്ള പ്രാ​യോ​ഗിക സംഗതി​ക​ളും ഞാൻ ആസ്വദി​ക്കു​ന്നു. . . . ഓ, അങ്ങനെ പല സംഗതി​ക​ളു​മുണ്ട്‌!”

മാതാ​പി​താ​ക്ക​ളിൽ ഒരാൾ മാത്ര​മു​ള്ള​പ്പോൾ കാര്യ​ങ്ങൾക്കു കൂടുതൽ സമയ​മെ​ടു​ക്കും, അവ കൂടുതൽ പ്രയാ​സ​ക​ര​മാ​യി കാണ​പ്പെ​ടു​ക​യും ചെയ്യും. അതു​കൊണ്ട്‌ നിങ്ങളു​ടെ സമയമെന്ന ദാനത്തി​ന്റെ മൂല്യം താഴ്‌ത്തി​മ​തി​ക്ക​രുത്‌. ഒറ്റക്കാ​രായ മാതാ​ക്കൾക്കും പിതാ​ക്കൻമാർക്കും അത്‌ എല്ലാത്തി​ലും​വച്ച്‌ ഏറ്റവും വിലപ്പെട്ട ദാനങ്ങ​ളി​ലൊ​ന്നാണ്‌.

[9-ാം പേജിലെ ചിത്രം]

ഒറ്റക്കാരായ മാതാ​ക്കൾക്കും പിതാ​ക്കൻമാർക്കും ഒരു യഥാർഥ സഹായ​മാ​യി​രി​ക്കു​ന്ന​തിന്‌ അവരോ​ടൊ​പ്പം സമയം ചെലവ​ഴി​ക്കു​ക