ബാഹ്യാ​കാ​ര​ത്താൽ കബളി​പ്പി​ക്ക​പ്പെ​ട​രുത്‌

ഞങ്ങൾ ഒരു സുഹൃ​ത്തി​ന്റെ, വനത്തി​നു​ള്ളി​ലെ സുഖ​പ്ര​ദ​മായ വീട്ടിൽ താമസി​ക്കു​ക​യാ​യി​രു​ന്നു. അവളുടെ അപ്പാർട്ടു​മെൻറി​ന്റെ താഴത്തെ നില ഭാഗി​ക​മാ​യി ഭൂമി​ക്ക​ടി​യി​ലാ​യി​രു​ന്നു, അവി​ടെ​യാ​ണു ഞങ്ങൾ ഉറങ്ങി​യത്‌. അതു​കൊണ്ട്‌, ഉള്ളിലാ​യി​രി​ക്കു​മ്പോൾ ജനാലകൾ കണ്ണിന്റെ അത്രയും പൊക്ക​ത്തി​ലാ​യി​രു​ന്നു, പുറത്താ​ണെ​ങ്കിൽ തറയുടെ അതേ നിരപ്പി​ലും. ആദ്യത്തെ പ്രഭാ​ത​ത്തിൽ, ഏതാണ്ട്‌ ആറു മണിയാ​യ​പ്പോൾ അപ്പാർട്ടു​മെൻറി​ന്റെ പല ഭാഗങ്ങ​ളിൽനി​ന്നു വരുന്ന​താ​യി തോന്നിയ ഒരു ഇരട്ട മുട്ടൽ ശബ്ദം ഞാൻ കേട്ടു. എന്താ​ണെ​ന്ന​റി​യാൻ ആകാംക്ഷ തോന്നിയ ഞാൻ ആ ശബ്ദം വരുന്നത്‌ റഫ്രി​ജ​റേ​റ്റ​റിൽനി​ന്നോ ഹീറ്ററിൽനി​ന്നോ ആണോ​യെ​ന്ന​റി​യാൻ അടുക്ക​ള​യി​ലെ​ല്ലാം തേടി. അവി​ടെ​നി​ന്നൊ​ന്നു​മാ​യി​രു​ന്നില്ല അത്‌. ആശയക്കു​ഴ​പ്പ​ത്തി​ലായ ഞാൻ, കുടും​ബാം​ഗ​ങ്ങ​ളെ​ല്ലാം ഒന്നിച്ചു​കൂ​ടുന്ന മുറി​യിൽനിന്ന്‌ ആ ശബ്ദം പെട്ടെന്നു വീണ്ടും കേട്ടു. ഞാൻ ശബ്ദമു​ണ്ടാ​ക്കാ​തെ അവി​ടേക്കു നടന്നു. എന്നെ അതിശ​യി​പ്പി​ക്കു​മാറ്‌, കടും ചെമപ്പു നിറത്തി​ലുള്ള ഒരു പക്ഷി, ഒരു കാർഡി​നൽ, ജനൽപ്പാ​ളി​യെ ആക്രമി​ക്കു​ന്നു! അതു വീടി​നു​ചു​റ്റും ജനാല​തോ​റും വളരെ വേഗം നീങ്ങി—കിടക്ക​മു​റി, കുളി​മു​റി, ടിവി മുറി എന്നിവി​ട​ങ്ങ​ളി​ലെ​ല്ലാം—തറയ്‌ക്കൊ​പ്പം ജനാല ഉണ്ടായി​രുന്ന എല്ലായി​ട​ത്തും​തന്നെ അതു പോയി. എനിക്ക്‌ ഒന്നും പിടി​കി​ട്ടി​യില്ല.

നിശബ്ദ​മാ​യി ജനാല​യോ​ടു കുറച്ചു​കൂ​ടി അടുത്തു നിന്ന​പ്പോൾ എനിക്കു കാര്യം കുറ​ച്ചൊ​ക്കെ പിടി കിട്ടി—ഏതാനും ഇഞ്ചുകൾ അകലെ വെളി​യി​ലാ​യി ഒരു പെൺകാർഡി​നൽ ഉണ്ടായി​രു​ന്നു. അതു സ്വസ്ഥമാ​യി വിത്തുകൾ കൊത്തി​പ്പെ​റു​ക്കു​ക​യാ​യി​രു​ന്നു. എന്നാൽ ആൺപക്ഷി ജനാലയെ ആക്രമി​ച്ചത്‌ എന്തിനാ​യി​രു​ന്നു? പ്രത്യ​ക്ഷ​ത്തിൽ, സ്വന്തം പ്രതി​ബിം​ബത്തെ ഒരു എതിരാ​ളി കാർഡി​ന​ലാ​യി തെറ്റി​ദ്ധ​രിച്ച ആ കാർഡി​നൽപക്ഷി അതിനെ വിരട്ടി​യോ​ടി​ക്കാൻ ശ്രമി​ക്കു​ക​യാ​യി​രു​ന്നു! ബാഹ്യാ​കാ​ര​ത്താൽ അതു കബളി​പ്പി​ക്ക​പ്പെട്ടു.

ആ പക്ഷിയു​ടെ വിചി​ത്ര​മായ പെരു​മാ​റ്റ​ത്തി​നുള്ള പ്രചോ​ദനം അതായി​രു​ന്നു​വെന്നു ഞാൻ പിന്നീടു സ്ഥിരീ​ക​രി​ച്ചു. ദ കാർഡി​നൽ എന്ന പുസ്‌ത​ക​ത്തിൽ ജൂൺ ഓസ്‌ബോൺ ഇങ്ങനെ പ്രസ്‌താ​വി​ക്കു​ന്നു: “തന്റെ ഭൂപ്ര​ദേശം സ്വവർഗ​ത്തിൽപ്പെട്ട അതി​ക്ര​മി​ക​ളായ ആൺപക്ഷി​ക​ളിൽനി​ന്നും സുരക്ഷി​ത​മാ​ണെന്ന്‌ ഉറപ്പു വരുത്താൻ ആവശ്യ​മാ​യി​രി​ക്കു​ന്ന​തെ​ന്തും അതു ചെയ്യുന്നു. . . . ഈ അതി​ക്ര​മി​കളെ [അവൻ] ഓടി​ച്ച​ക​റ്റുക മാത്രമല്ല, വാഹന​ത്തി​ന്റെ ചക്രത്തി​ലുള്ള ലോഹ​ത്ത​കി​ടി​ലോ കാറിന്റെ കണ്ണാടി​യി​ലോ പിക്‌ചർ വിൻഡോ​യി​ലോ തെന്നി​ച്ചു​നീ​ക്കാ​വുന്ന ഗ്ലാസ്സ്‌ വാതി​ലു​ക​ളി​ലോ കാണുന്ന സ്വന്തം പ്രതി​ബിം​ബത്തെ അവൻ ആക്രമി​ക്കു​ന്ന​താ​യി . . . അറിവാ​യി​ട്ടുണ്ട്‌.” എന്നിട്ട്‌, നാം അംഗീ​ക​രി​ക്കുന്ന ഒരു അഭി​പ്രാ​യം അവർ കൂട്ടി​ച്ചേർക്കു​ന്നു: “വീട്ടു​ട​മ​യു​ടെ പ്രശാ​ന്ത​മായ ജീവി​ത​ത്തിന്‌ അതു വിഘ്‌നം വരുത്തി​യേ​ക്കാം.” ദിവസ​വും നന്നേ രാവിലെ ഞങ്ങൾ അതു മനസ്സി​ലാ​ക്കി.

ആൺപക്ഷി​യു​ടെ അനിയ​ന്ത്രി​ത​മായ ഈ സ്വഭാവം നിർത്താൻ എന്തു ചെയ്യാ​നാ​കും? എഴുത്തു​കാ​രി​യായ ഓസ്‌ബോൺ ഇങ്ങനെ നിർദേ​ശി​ക്കു​ന്നു: “സ്വസ്ഥത​യും പ്രശാ​ന്ത​ത​യും നിലനിർത്താൻ തിളങ്ങുന്ന പ്രതലങ്ങൾ ചില​പ്പോൾ മൂടി​വെ​ക്കേ​ണ്ടത്‌ അനിവാ​ര്യ​മാ​യി​ത്തീ​രു​ന്നു . . . , മാത്രമല്ല, ഏറെക്കു​റെ ആത്മഹത്യാ​പ​ര​മായ ഈ ആക്രമ​ണ​ത്തിൽ പക്ഷിക്കു​തന്നെ ഹാനി വരുത്താ​തി​രി​ക്കാ​നും ഇത്‌ സഹായി​ക്കും.”—സംഭാവന ചെയ്യ​പ്പെ​ട്ടത്‌.