യുവജ​നങ്ങൾ ചോദി​ക്കു​ന്നു . . .

എനി​ക്കെ​ങ്ങനെ ദൈവ​ത്തി​ന്റെ ഒരു സുഹൃ​ത്താ​യി​ത്തീ​രാൻ കഴിയും?

“വിശ്വ​സ്‌തത.” “വ്യക്തി​പ​ര​മായ അർപ്പണ​ബോ​ധം.” തങ്ങളുടെ ഉറ്റ സുഹൃ​ത്തു​ക്ക​ളോ​ടുള്ള അടുപ്പത്തെ വർണി​ക്കാൻ ആളുകൾ മിക്ക​പ്പോ​ഴും ഉപയോ​ഗി​ക്കുന്ന വാക്കു​ക​ളാണ്‌ ഇവ. ഈ ഭയഗം​ഭീ​ര​മായ പ്രപഞ്ച​ത്തി​ന്റെ മഹാ​സ്ര​ഷ്ടാ​വി​നോ​ടുള്ള അടുപ്പ​ത്തെ​യും ഈ പദപ്ര​യോ​ഗ​ങ്ങൾക്കു വർണി​ക്കാ​നാ​കു​മെന്ന്‌, അതായത്‌, ദൈവ​ത്തിന്‌ നിങ്ങളു​ടെ വ്യക്തിഗത സുഹൃ​ത്താ​യി​രി​ക്കാ​നാ​കു​മെന്ന്‌ നിങ്ങൾ അറിഞ്ഞി​രു​ന്നോ? അതേ, ദൈവ​ഭക്തി ഉണ്ടായി​രി​ക്കു​ന്ന​തി​നെ​ക്കു​റി​ച്ചു ബൈബിൾ പറയുന്നു. ആ പദപ്ര​യോ​ഗ​ത്തിൽ അനുസ​രണം മാത്രമല്ല ദൈവ​ത്തോ​ടുള്ള വ്യക്തി​പ​ര​മായ അടുപ്പം, അതായതു വിലമ​തി​പ്പുള്ള ഒരു ഹൃദയ​ത്തിൽനി​ന്നു നിർഗ​മി​ക്കുന്ന ഒരു അടുപ്പ​വും ഉൾപ്പെ​ടു​ന്നു.

അത്തര​മൊ​രു അടുപ്പം സാധ്യ​വും പ്രയോ​ജ​ന​ക​ര​വു​മാ​ണെന്ന്‌ ഈ പരമ്പര​യി​ലെ മുൻ ലേഖനങ്ങൾ പ്രകട​മാ​ക്കി​യി​ട്ടുണ്ട്‌.a എന്നാൽ ദൈവ​വു​മാ​യുള്ള ഈ വ്യക്തി​പ​ര​മായ സുഹൃ​ദ്‌ബന്ധം നിങ്ങൾ എങ്ങനെ നേടി​യെ​ടു​ക്കും? അതു ജന്മസി​ദ്ധമല്ല, ദൈവ​ഭ​ക്തി​യുള്ള മാതാ​പി​താ​ക്ക​ളിൽനി​ന്നു നിങ്ങൾക്കു സ്വാഭാ​വി​ക​മാ​യി ലഭിക്കു​ന്ന​തു​മല്ല. മറിച്ച്‌, അത്‌ ആത്മാർഥ ശ്രമത്തി​ലൂ​ടെ മാത്രം ഉത്ഭൂത​മാ​കു​ന്ന​താണ്‌. ‘ദൈവ​ഭക്തി ലക്ഷ്യമാ​ക്കി തന്നെത്തന്നെ പരിശീ​ലി​പ്പി’ക്കാൻ അപ്പോ​സ്‌ത​ല​നായ പൗലൊസ്‌ യുവാ​വായ തിമൊ​ഥെ​യൊ​സി​നോ​ടു പറഞ്ഞു. അതേ, പരിശീ​ല​ന​ത്തിൽ ഒരു കായി​ക​താ​രം നടത്തുന്ന തരത്തി​ലുള്ള ശ്രമം അവൻ നടത്തേ​ണ്ടി​യി​രു​ന്നു! (1 തിമൊ​ഥെ​യൊസ്‌ 4:7, 8, 10, NW) ദൈവം നിങ്ങളു​ടെ സുഹൃ​ത്താ​യി​ത്തീ​ര​ണ​മെ​ങ്കിൽ നിങ്ങളും അതു​പോ​ലെ പ്രവർത്തി​ക്കണം. എന്നാൽ ഈ സംഗതി​യിൽ നിങ്ങൾക്ക്‌ എങ്ങനെ പരിശീ​ലനം ആരംഭി​ക്കാ​വു​ന്ന​താണ്‌?

ദൈവ​ത്തെ​ക്കു​റി​ച്ചുള്ള വ്യക്തി​പ​ര​മായ പരിജ്ഞാ​നം

ദൈവിക ഭക്തി ഹൃദയ​ത്തിൽനിന്ന്‌ ആവിർഭ​വി​ക്കു​ന്ന​തി​നാൽ നിങ്ങളു​ടെ ഹൃദയത്തെ ദൈവ​പ​രി​ജ്ഞാ​നം​കൊ​ണ്ടു നിറയ്‌ക്കണം. സങ്കടക​ര​മെന്നു പറയട്ടെ, “നിങ്ങൾ തനിച്ചാ​യി​രി​ക്കു​മ്പോൾ എത്ര കൂടെ​ക്കൂ​ടെ ബൈബിൾ വായി​ക്കു​ന്നു?” എന്ന്‌ 500 ചെറു​പ്പ​ക്കാ​രോ​ടു ചോദി​ച്ച​പ്പോൾ, “വല്ലപ്പോ​ഴു​മൊ​ക്കെ” എന്നോ “വളരെ അപൂർവ​മാ​യി” എന്നോ “ഒരിക്ക​ലു​മില്ല” എന്നോ 87 ശതമാനം പറഞ്ഞു. ബൈബിൾ വായി​ക്കു​ന്നത്‌ ഉന്മേഷ​ര​ഹി​ത​വും വിരസ​വു​മാ​ണെന്നു മിക്ക ചെറു​പ്പ​ക്കാ​രും വിചാ​രി​ക്കു​ന്നു. എന്നാൽ അത്‌ അങ്ങനെ ആയിരി​ക്കേ​ണ്ട​തില്ല! ഇതു പരിഗ​ണി​ക്കുക: ചില ചെറു​പ്പ​ക്കാർ എല്ലാത്ത​ര​ത്തി​ലു​മുള്ള സ്‌പോർട്‌സ്‌ സ്ഥിതി​വി​വ​ര​ക്ക​ണ​ക്കു​ക​ളും മനഃപാ​ഠ​മാ​ക്കു​ക​യോ തങ്ങളുടെ ഇഷ്ടപ്പെട്ട പാട്ടു​ക​ളി​ലെ വരികൾ പഠിക്കു​ക​യോ ചെയ്യു​ന്ന​തെ​ന്തു​കൊണ്ട്‌? അവർ അത്തരം കാര്യ​ങ്ങ​ളിൽ തത്‌പ​ര​രാ​ണെ​ന്നു​ള്ള​താ​ണു കാരണം. സമാന​മാ​യി, നിങ്ങൾ ബൈബിൾ പഠനത്തിൽ ആമഗ്നരാ​കു​ന്നെ​ങ്കിൽ അതു രസകര​മാ​യി​ത്തീ​രു​ന്നു. (1 തിമൊ​ഥെ​യൊസ്‌ 4:15) അപ്പോ​സ്‌ത​ല​നായ പത്രൊസ്‌ ഉദ്‌ബോ​ധി​പ്പി​ച്ചു: “വചനം എന്ന മായമി​ല്ലാത്ത പാൽ കുടി​പ്പാൻ വാഞ്‌ഛി​പ്പിൻ.” (1 പത്രൊസ്‌ 2:2, 3) അതേ, തിരു​വെ​ഴു​ത്തു​ക​ളിൽ നിങ്ങൾ അത്തര​മൊ​രു വാഞ്‌ഛ ഉളവാ​ക്കണം അഥവാ വളർത്തി​യെ​ടു​ക്കണം. ഇതിന്‌ ശ്രമം ആവശ്യ​മാ​യി​രു​ന്നേ​ക്കാം, എന്നാൽ പ്രതി​ഫ​ലങ്ങൾ തക്ക മൂല്യ​മു​ള്ള​താണ്‌.b

ദൈവ​വ​ച​ന​വും ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളും വായി​ക്കു​ക​യും പഠിക്കു​ക​യും ചെയ്യു​ന്നത്‌ “യഹോ​വ​യു​ടെ സുഖദാ​യ​ക​ത്വം” വെളി​പ്പെ​ടു​ത്തു​മെ​ന്ന​താണ്‌ ഒരു നേട്ടം. (സങ്കീർത്തനം 27:4, NW) ഒരു യുവ ക്രിസ്‌ത്യാ​നി​യായ ആംബെർ ബൈബിൾ മുഴു​വ​നും വായി​ക്കു​ക​യെ​ന്നതു തന്റെ ലക്ഷ്യമാ​ക്കി. ഇതിന്‌ ഏകദേശം ഒരു വർഷ​ത്തോ​ള​മെ​ടു​ത്തു. “വളരെ​യേറെ സമയവും ശ്രമവും ആവശ്യ​മു​ള്ള​തും എന്നാൽ വളരെ​യേറെ പ്രതി​ഫ​ലങ്ങൾ കൈവ​രു​ത്തു​ന്ന​തു​മായ ഒട്ടേറെ കാര്യങ്ങൾ എന്റെ ജീവി​ത​ത്തിൽ ഇല്ല” എന്ന്‌ ആംബെർ വിശദീ​ക​രി​ച്ചു. “ഞാൻ അതു വായി​ച്ചു​കൊ​ണ്ടി​രു​ന്ന​പ്പോൾ, ഒരു പിതാ​വി​നെ​പ്പോ​ലെ യഹോവ എന്നെ മടിയി​ലി​രു​ത്തി പഠിപ്പി​ക്കു​ന്ന​താ​യി എനിക്കു തോന്നി. ഞാൻ യഹോ​വ​യെ​ക്കു​റി​ച്ചു ധാരാളം പഠിച്ചു—എന്നെ അവനോട്‌ അടുപ്പി​ക്കു​ക​യും എന്റെ ശിഷ്ട ജീവി​ത​ത്തിൽ അവനോ​ടു ഭയാദ​രവ്‌ ഉണ്ടായി​രി​ക്കാൻ എന്നെ പ്രേരി​പ്പി​ക്കു​ക​യും ചെയ്‌ത കാര്യങ്ങൾ തന്നെ.

നിങ്ങൾ ബൈബിൾ വായി​ക്കു​മ്പോൾ, ദൈവം തന്റെ സുഹൃ​ത്തു​ക്കളെ വിശ്വ​സ്‌ത​മാ​യി പിന്താ​ങ്ങിയ നിരവധി അവസര​ങ്ങ​ളെ​ക്കു​റി​ച്ചു നിങ്ങൾ പഠിക്കു​ന്നു. (സങ്കീർത്തനം 18:25; 27:10) അവന്റെ പ്രമാ​ണങ്ങൾ എല്ലായ്‌പോ​ഴും ഏറ്റവും മെച്ചവും നമ്മുടെ നിലനിൽക്കുന്ന നന്മയ്‌ക്കു വേണ്ടി​യു​ള്ള​തു​മാ​ണെന്നു നിങ്ങൾ കണ്ടെത്തു​ന്നു. (യെശയ്യാ​വു 48:17) സ്‌നേ​ഹ​വും ജ്ഞാനവും പോലുള്ള ദൈവ​ത്തി​ന്റെ അതുല്യ ഗുണങ്ങ​ളെ​ക്കു​റി​ച്ചു വായി​ക്കു​ന്നത്‌ അവനെ അനുക​രി​ക്കാൻ നിങ്ങളെ പ്രചോ​ദി​പ്പി​ക്കു​ന്നു. (എഫെസ്യർ 5:1) എന്നാൽ അത്തരം വിവരങ്ങൾ നിങ്ങളു​ടെ ഹൃദയത്തെ തൊട്ടു​ണർത്ത​ണ​മെ​ങ്കിൽ, നിങ്ങൾ ധ്യാനി​ക്കു​ക​യും ചെയ്യണം. വായി​ക്കു​മ്പോൾ നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഇത്‌ യഹോ​വ​യെ​ക്കു​റിച്ച്‌ എന്നോട്‌ എന്തു പറയുന്നു? എനിക്കിത്‌ എങ്ങനെ എന്റെ ചിന്തയി​ലും പ്രവർത്ത​ന​ങ്ങ​ളി​ലും ബാധക​മാ​ക്കാൻ കഴിയും? എനിക്ക്‌ ഉണ്ടായി​രി​ക്കാൻ കഴിയു​ന്ന​തിൽ വെച്ച്‌ ഏറ്റവും നല്ല സുഹൃത്ത്‌ ദൈവ​മാ​ണെന്ന്‌ ഇത്‌ എപ്രകാ​രം പ്രകട​മാ​ക്കു​ന്നു?’

വ്യക്തി​പ​ര​വും സഭാപ​ര​വു​മായ പഠനത്തി​ലൂ​ടെ നിങ്ങൾ ദൈവ​ത്തെ​ക്കു​റി​ച്ചു നേടുന്ന പരിജ്ഞാ​നം മറ്റൊരു വിധത്തി​ലും അവനോട്‌ അടുത്തു​ചെ​ല്ലാൻ നിങ്ങളെ സഹായി​ക്കും. ഒരു ഫ്രഞ്ച്‌ പഴമൊ​ഴി പറയുന്നു: “സമാന​മാ​യി ചിന്തി​ക്കു​ന്നവർ മാത്ര​മാ​ണു യഥാർഥ സുഹൃ​ത്തു​ക്കൾ.” പക്ഷേ ദൈവം ചിന്തി​ക്കു​ന്ന​തി​നോ​ടു ‘സമാന​മാ​യി’ നിങ്ങൾക്കെ​ങ്ങനെ ‘ചിന്തി​ക്കാൻ’ കഴിയും? ഡെനിസ്‌ എന്ന പെൺകു​ട്ടി വിശദീ​ക​രി​ക്കു​ന്നു: “ഒരു വിഷയ​ത്തെ​ക്കു​റി​ച്ചു നിങ്ങൾ എത്രമാ​ത്രം പഠിക്കു​ക​യും ഗവേഷണം നടത്തു​ക​യും ചെയ്യു​ന്നു​വോ, അതി​നെ​പ്പ​റ്റി​യുള്ള യഹോ​വ​യു​ടെ വീക്ഷണം അത്ര കൂടുതൽ നിങ്ങൾ മനസ്സി​ലാ​ക്കു​ന്നു. ഒരു കാര്യത്തെ സംബന്ധിച്ച്‌ അവൻ എങ്ങനെ വിചാ​രി​ക്കു​ന്നു​വെന്ന്‌ അറിയു​ന്നതു സഹായ​ക​മാണ്‌.”

നീതി​നി​ഷ്‌ഠ​മായ നടത്ത മർമ​പ്ര​ധാ​നം

തന്റെ ധാർമിക പ്രമാ​ണ​ങ്ങളെ ആദരി​ക്കു​ന്ന​വരെ മാത്രമേ ദൈവം സുഹൃ​ത്തു​ക്ക​ളാ​യി തിര​ഞ്ഞെ​ടു​ക്കു​ന്നു​ള്ളൂ. “നീതി​മാ​ന്മാർക്കോ അവന്റെ സഖ്യത ഉണ്ടു” എന്ന്‌ സദൃശ​വാ​ക്യ​ങ്ങൾ 3:32 പറയുന്നു. നീതി​നി​ഷ്‌ഠ​നാ​യി​രി​ക്കാൻ പരി​ശ്ര​മി​ക്കുന്ന ഒരു ചെറു​പ്പ​ക്കാ​രൻ “യഹോ​വ​യു​ടെ ന്യായ​പ്ര​മാ​ണ​പ്ര​കാ​രം പൂർണ്ണ​മ​ന​സ്സോ​ടെ നടക്കു​ന്ന​തി​ന്നു ജാഗ്രത കാണി”ക്കും. (2 രാജാ​ക്ക​ന്മാർ 10:31) അത്തരം അനുസ​ര​ണ​മുള്ള നടത്ത ഒരു വ്യക്തിയെ ദൈവ​ത്തോട്‌ എത്ര അടുത്തു​കൊ​ണ്ടു​വ​രും? യേശു​ക്രി​സ്‌തു പറഞ്ഞു: “എന്റെ പിതാ​വും അവനെ സ്‌നേ​ഹി​ക്കും; ഞങ്ങൾ അവന്റെ അടുക്കൽ വന്നു അവനോ​ടു​കൂ​ടെ വാസം ചെയ്യും.” (യോഹ​ന്നാൻ 14:21-24) എന്തൊരു ഹൃദ​യോ​ഷ്‌മ​ള​മായ വിവരണം! ഒന്നു സങ്കൽപ്പി​ച്ചു​നോ​ക്കുക, പ്രപഞ്ച​ത്തി​ലെ ഏറ്റവും വലിയ രണ്ടു വ്യക്തികൾ ഒരു മനുഷ്യ​നു തങ്ങളുടെ നിരന്തര ശ്രദ്ധയും പരിപാ​ല​ന​വും നൽകുന്നു! യഹോ​വ​യു​ടെ നിയമ​പ്ര​കാ​രം നടക്കാൻ നിങ്ങൾ ശ്രദ്ധി​ക്കു​ന്നു​വെ​ങ്കിൽ നിങ്ങൾക്ക്‌ അത്‌ അനുഭ​വേ​ദ്യ​മാ​കും.

നീതി​നി​ഷ്‌ഠ​നാ​യി​രി​ക്കു​ന്ന​തിന്‌ നിങ്ങൾ പൂർണ​നാ​യി​രി​ക്കേ​ണ്ട​തു​ണ്ടോ? തീർച്ച​യാ​യും ഇല്ല! ബലഹീനത നിമിത്തം ഒരു തെറ്റു​ചെ​യ്യു​ന്നതു നിങ്ങൾ ദൈവ​ത്തി​ന്റെ “കല്‌പ​ന​ക​ളു​ടെ പാത” ഉപേക്ഷി​ച്ചി​രി​ക്കു​ന്നു​വെന്ന്‌ അർഥമാ​ക്കു​ന്നില്ല. (സങ്കീർത്തനം 119:35) ദാവീദ്‌ രാജാ​വി​നെ​ക്കു​റി​ച്ചു ബൈബിൾ പറയു​ന്നത്‌ എന്താ​ണെന്നു പരിഗ​ണി​ക്കുക. ദൈവ​ത്തി​ന്റെ ഒരു വിശ്വസ്‌ത സുഹൃ​ത്താ​യി​രു​ന്നെ​ങ്കി​ലും അവൻ ബലഹീനത നിമിത്തം ഗൗരവാ​വ​ഹ​മായ ചില തെറ്റുകൾ ചെയ്‌തു. എന്നിട്ടും, അവൻ “ഹൃദയ നിർമ്മ​ല​ത​യോ​ടും പരമാർത്ഥ​ത​യോ​ടും​കൂ​ടെ [“നീതി​നി​ഷ്‌ഠ​മാ​യി,” NW]” നടന്നു​വെന്ന്‌ യഹോവ പറഞ്ഞു. (1 രാജാ​ക്ക​ന്മാർ 9:4) താൻ ചെയ്‌ത ഏതു ദുഷ്‌പ്ര​വൃ​ത്തി​യെ​യും​പ്രതി ദാവീദ്‌ രാജാവ്‌ എല്ലായ്‌പോ​ഴും ഹൃദയം​ഗ​മ​മായ അനുതാ​പം കാണി​ക്കു​ക​യും ദൈവത്തെ പ്രസാ​ദി​പ്പി​ക്കുന്ന കാര്യങ്ങൾ ചെയ്യാൻ കഠിന​മാ​യി പ്രയത്‌നി​ക്കു​ക​യും ചെയ്‌തു.—സങ്കീർത്തനം 51:1-4.

ദാവീദ്‌ ദൈവത്തെ സ്‌നേ​ഹി​ച്ചി​രു​ന്നു​വെ​ങ്കി​ലും, ശരിയാ​യതു ചെയ്യു​ന്നതു ചില സന്ദർഭ​ങ്ങ​ളിൽ എത്ര ബുദ്ധി​മു​ട്ടു​ള്ള​താ​യി​രി​ക്കാ​മെന്ന്‌ അവൻ മനസ്സി​ലാ​ക്കി. “നിന്റെ സത്യത്തിൽ എന്നെ നടത്തേ​ണമേ” എന്ന്‌ അവൻ ദൈവ​ത്തോ​ടു യാചി​ച്ചത്‌ അതു​കൊ​ണ്ടാണ്‌. അതേ, ദൈവത്തെ അപ്രീ​തി​പ്പെ​ടു​ത്തു​ന്ന​തി​നോട്‌ അവൻ ഒരു യഥാർഥ ഭീതി അല്ലെങ്കിൽ ഭയം വളർത്തി​യെ​ടു​ത്തു. അതു​കൊണ്ട്‌ അവനു പറയാൻ കഴിഞ്ഞു: “യഹോ​വ​യു​ടെ സഖിത്വം തന്റെ ഭക്തന്മാർക്കു [“അവനെ ഭയപ്പെ​ടു​ന്ന​വർക്ക്‌,” NW] ഉണ്ടാകും.” (സങ്കീർത്തനം 25:5, 14) ഇത്‌ അനാ​രോ​ഗ്യ​ക​ര​മായ ഒരു ഭയമല്ല, മറിച്ച്‌ സ്രഷ്ടാ​വി​നോ​ടു തോന്നുന്ന ആഴമായ ആദരവും അവനെ അപ്രീ​തി​പ്പെ​ടു​ത്താ​നുള്ള ആരോ​ഗ്യാ​വ​ഹ​മായ ഭയവു​മാണ്‌. ഉചിത​മായ നടത്ത അടിസ്ഥാ​ന​പ്പെ​ട്ടി​രി​ക്കു​ന്നത്‌ ഈ ദൈവിക ഭയത്തി​ലാണ്‌. ദൃഷ്ടാ​ന്തീ​ക​രി​ക്കു​ന്ന​തിന്‌, ജോഷു​വാ എന്ന ക്രിസ്‌തീയ യുവാ​വി​ന്റെ ഉദാഹ​രണം പരിഗ​ണി​ക്കുക.

ജോഷു​വാ​യ്‌ക്ക്‌ ഒരു സഹപാ​ഠി​യിൽനിന്ന്‌, അവൾ അവനെ ഇഷ്ടപ്പെ​ടു​ന്നു​വെ​ന്നും അവനു​മാ​യി “പ്രേമ ബന്ധത്തി”ലായി​രി​ക്കാൻ ആഗ്രഹി​ക്കു​ന്നു​വെ​ന്നും പറഞ്ഞു​കൊ​ണ്ടുള്ള ഒരു കുറിപ്പു കിട്ടി. ജോഷു​വാ അവളിൽ ആകൃഷ്ട​നാ​യി​രു​ന്നെ​ങ്കി​ലും, ഒരു അവിശ്വാ​സി​യു​മാ​യുള്ള സഹവാസം അധാർമി​ക​ത​യി​ലേക്കു നയിക്കാ​വു​ന്ന​തും യഹോ​വ​യു​മാ​യുള്ള തന്റെ സുഹൃ​ദ്‌ബ​ന്ധത്തെ ഹനി​ച്ചേ​ക്കാ​വു​ന്ന​തു​മാ​ണെന്ന്‌ അവൻ തിരി​ച്ച​റി​ഞ്ഞു. അതു​കൊണ്ട്‌ തനിക്കു താത്‌പ​ര്യ​മി​ല്ലെന്ന്‌ അവൻ അവളോ​ടു തുറന്നു പറഞ്ഞു! താൻ എങ്ങനെ ആ സാഹച​ര്യ​ത്തെ കൈകാ​ര്യം ചെയ്‌തു​വെന്ന്‌ അവൻ പിന്നീട്‌ അമ്മയോ​ടു പറഞ്ഞ​പ്പോൾ, അവർ ചിന്തി​ക്കാ​തെ പറഞ്ഞു: “ഓ, ജോഷു​വാ, നീ ഒരുപക്ഷേ അവളുടെ വികാ​ര​ങ്ങളെ വ്രണ​പ്പെ​ടു​ത്തി​യി​രി​ക്കാം!” ജോഷു​വാ മറുപടി പറഞ്ഞു: “പക്ഷേ, മമ്മീ, യഹോ​വയെ വ്രണ​പ്പെ​ടു​ത്തു​ന്ന​തി​നെ​ക്കാൾ ഭേദം അവളുടെ വികാ​ര​ങ്ങളെ വ്രണ​പ്പെ​ടു​ത്തു​ന്ന​താണ്‌.” അവന്റെ ദൈവിക ഭയം, സ്വർഗീയ സുഹൃ​ത്തി​നെ അപ്രീ​തി​പ്പെ​ടു​ത്താ​നുള്ള ഭയം, നീതി​നി​ഷ്‌ഠ​മായ നടത്ത നിലനിർത്താൻ അവനെ പ്രേരി​പ്പി​ച്ചു.

നല്ല സഹകാ​രി​കളെ തേടുക

എന്നാൽ ലിൻ എന്നു പേരുള്ള ഒരു യുവതി കുഴപ്പ​ത്തിൽ അകപ്പെ​ട്ടു​കൊ​ണ്ടേ​യി​രു​ന്നു. അവളുടെ പ്രശ്‌ന​മോ? അവൾ ഒരു ദുഷിച്ച സംഘ​ത്തോ​ടൊ​പ്പം സഹവസി​ക്കു​ക​യാ​യി​രു​ന്നു. (പുറപ്പാ​ടു 23:2; 1 കൊരി​ന്ത്യർ 15:33) പരിഹാ​ര​മോ? പുതിയ സുഹൃ​ത്തു​ക്കളെ കണ്ടെത്തൽ! ലിൻ ഉപസം​ഹ​രി​ച്ചു: “യഹോ​വയെ സ്‌നേ​ഹി​ക്കുന്ന സുഹൃ​ത്തു​ക്കൾ ചുറ്റു​മു​ണ്ടെ​ങ്കിൽ, സംവേ​ദ​ക​ത്വ​മുള്ള ഒരു മനസ്സാക്ഷി നിലനിർത്താ​നും കുഴപ്പ​ത്തിൽനിന്ന്‌ ഒഴിഞ്ഞി​രി​ക്കാ​നും അതു നിങ്ങളെ സഹായി​ക്കു​ന്നു. അവർ ദുഷ്‌പ്ര​വൃ​ത്തി​യോ​ടു വെറുപ്പു പ്രകടി​പ്പി​ക്കു​മ്പോൾ, നിങ്ങളും അതേ വിധത്തിൽ ചിന്തി​ക്കാൻ അതിട​യാ​ക്കു​ന്നു.”

ദൈവ​വു​മാ​യി ഒരു സുഹൃ​ദ്‌ബ​ന്ധ​മു​ണ്ടാ​യി​രി​ക്കു​ന്ന​തി​ലെ ഏറ്റവും വലിയ തടസ്സം സുഹൃ​ത്തു​ക്ക​ളു​ടെ കാര്യ​ത്തി​ലുള്ള നിങ്ങളു​ടെ തെറ്റായ തിര​ഞ്ഞെ​ടു​പ്പാ​യി​രി​ക്കാ​വു​ന്ന​താണ്‌. പതി​നെട്ടു വയസ്സുള്ള ആൻ സമ്മതി​ച്ചു​പ​റഞ്ഞു: “നിങ്ങളു​ടെ സുഹൃ​ത്തു​ക്കൾക്കു നിങ്ങളു​ടെ​മേൽ കാര്യ​മായ സ്വാധീ​ന​മുണ്ട്‌. എന്നെങ്കി​ലും നിങ്ങൾ അവരെ​പ്പോ​ലെ​യാ​കും. അവരെ​പ്പോ​ലെ ചിന്തി​ക്കാൻ അവർ നിങ്ങളെ സ്വാധീ​നി​ക്കും. സംഭാ​ഷ​ണങ്ങൾ മുഖ്യ​മാ​യും ലൈം​ഗി​ക​ത​യെ​ക്കു​റി​ച്ചാ​യി​രി​ക്കാം. അതു നിങ്ങളെ ജിജ്ഞാ​സു​വാ​ക്കി​യേ​ക്കാം. അത്‌ എങ്ങനെ​യു​ണ്ടാ​യി​രി​ക്കു​മെന്നു നിങ്ങൾ ചിന്തി​ക്കു​ന്നു.” ആൻ ഒരു കയ്‌പേ​റിയ അനുഭ​വ​ത്തി​ലൂ​ടെ അതു പഠിച്ചു. അവൾ പറയുന്നു: “ഇതു സത്യമാ​ണെന്ന്‌ എനിക്ക​റി​യാം. ഞാൻ അധാർമി​ക​ത​യിൽ ഉൾപ്പെ​ടു​ക​യും 15-ാം വയസ്സിൽ ഗർഭി​ണി​യാ​കു​ക​യും ചെയ്‌തു.”

“ലോക​ത്തി​ന്റെ സ്‌നേ​ഹി​തൻ ആകുവാൻ ഇച്ഛിക്കു​ന്ന​വ​നെ​ല്ലാം ദൈവ​ത്തി​ന്റെ ശത്രു​വാ​യി​ത്തീ​രു​ന്നു”വെന്ന ബൈബിൾ വചനത്തി​ന്റെ സത്യത ആൻ ഒടുവിൽ മനസ്സി​ലാ​ക്കി. (യാക്കോബ്‌ 4:4) അതേ, ലോക​ത്തി​ന്റെ ഒരു സ്‌നേ​ഹി​ത​യാ​യി​രി​ക്കാൻ ആൻ ആഗ്രഹി​ച്ചു, നിശ്ചയി​ച്ചു​റച്ചു. എന്നാൽ അത്‌ ഒന്നിനു പുറകേ ഒന്നായി ഹൃദയ​വേ​ദ​ന​യി​ലേക്കു മാത്രമേ നയിച്ചു​ള്ളൂ. സന്തോ​ഷ​ക​ര​മെന്നു പറയട്ടെ, അവൾക്കു ബോധ​മു​ദി​ച്ചു. തന്റെ ഗതി​യെ​ക്കു​റിച്ച്‌ അവൾ ആഴമായി അനുത​പി​ക്കു​ക​യും മാതാ​പി​താ​ക്ക​ളിൽനി​ന്നും സഭയിലെ മൂപ്പൻമാ​രിൽനി​ന്നു​മുള്ള സഹായം തേടു​ക​യും ചെയ്‌തു. പുതി​യൊ​രു കൂട്ടം സുഹൃ​ത്തു​ക്ക​ളെ​യും അവൾ കണ്ടെത്തി. (സങ്കീർത്തനം 111:1) തന്റെ ഭാഗത്തെ വർധിച്ച ശ്രമങ്ങ​ളാൽ വീണ്ടും ദൈവ​ത്തി​ന്റെ ഒരു സുഹൃ​ത്താ​യി​ത്തീ​രാൻ ആനിനു കഴിഞ്ഞു. അനേക വർഷങ്ങൾക്കു ശേഷം അവൾ ഇപ്പോൾ പറയുന്നു: “യഹോ​വ​യു​മാ​യുള്ള എന്റെ ബന്ധം വളരെ​യേറെ അടുത്ത​താണ്‌.”

ബൈബി​ളി​ന്റെ വ്യക്തി​പ​ര​മായ പഠനം, ധ്യാനം, നീതി​നി​ഷ്‌ഠ​മായ നടത്ത, ആരോ​ഗ്യാ​വ​ഹ​മായ സഹവാസം എന്നിവ​യാൽ നിങ്ങൾക്കും ദൈവ​വു​മാ​യി ഒരു അടുത്ത സുഹൃ​ദ്‌ബന്ധം നട്ടുവ​ളർത്താൻ കഴിയും. എന്നാൽ, ആ സുഹൃ​ദ്‌ബന്ധം നിലനിർത്തു​ന്നത്‌ മറ്റൊരു സംഗതി​യാണ്‌. പ്രയാ​സ​ങ്ങൾക്കും വ്യക്തി​പ​ര​മായ ബലഹീ​ന​ത​കൾക്കും മധ്യേ അത്‌ എങ്ങനെ ചെയ്യാൻ സാധി​ക്കും? ഈ പരമ്പര​യി​ലെ ഒരു ഭാവി ലേഖനം ഈ വിഷയം ചർച്ച​ചെ​യ്യും.

[അടിക്കു​റി​പ്പു​കൾ]

[13-ാം പേജിലെ ചിത്രം]

ദൈവത്തിന്റെ സുഹൃ​ത്താ​യി​രി​ക്കാൻ എന്റെ സഹകാ​രി​കൾ എന്നെ സഹായി​ക്കു​മോ?