വിദ്വേ​ഷം—എന്തു​കൊണ്ട്‌ ഇത്ര അധികം?

ജർമനിയിലെ ഉണരുക! ലേഖകൻ

“എന്തു​കൊണ്ട്‌”—ഒരു ചെറിയ വാക്ക്‌, എന്നാൽ ഉത്തരം ആവശ്യ​പ്പെ​ടുന്ന ഒന്ന്‌. ഉദാഹ​ര​ണ​ത്തിന്‌, 1996 മാർച്ചിൽ സ്‌കോ​ട്ട്‌ലൻഡി​ലെ ഡൺബ്ലേ​നി​ലുള്ള ഒരു സ്‌കൂ​ളി​നു വെളി​യിൽ പുഷ്‌പ​ങ്ങ​ളു​ടെ കൂമ്പാ​ര​ങ്ങൾക്കും പാവക്ക​ര​ടി​കൾക്കും മധ്യേ ഒരു കടലാസ്സു തുണ്ടി​ലും ആ ചോദ്യം കാണ​പ്പെട്ടു. ഏതാനും ദിവസം മുമ്പ്‌ ഒരു മനുഷ്യൻ അകത്തേക്കു പാഞ്ഞു​ക​യറി 16 കുട്ടി​ക​ളെ​യും അവരുടെ അധ്യാ​പി​ക​യെ​യും വെടി​വെച്ചു കൊന്നി​രു​ന്നു. മറ്റു നിരവധി ആളുക​ളെ​ക്കൂ​ടെ പരി​ക്കേൽപ്പി​ച്ച​ശേഷം അയാൾ സ്വയം വെടി​വെച്ചു മരിച്ചു. വ്യക്തമാ​യും, അയാളു​ടെ മനസ്സു നിറയെ വിദ്വേ​ഷ​മാ​യി​രു​ന്നു—തന്നോ​ടു​ത​ന്നെ​യും മറ്റുള്ള​വ​രോ​ടും സമൂഹ​ത്തോ​ടു പൊതു​വേ​യും. ദുഃഖാർത്ത​രായ മാതാ​പി​താ​ക്ക​ളും സുഹൃ​ത്തു​ക്ക​ളും ലോക​മെ​മ്പാ​ടു​മുള്ള കോടി​ക്ക​ണ​ക്കി​നു മററാ​ളു​ക​ളും അതേ ചോദ്യം ചോദി​ക്കു​ന്നു. ‘എന്തു​കൊണ്ട്‌? നിഷ്‌ക​ള​ങ്ക​രായ കുട്ടികൾ എന്തു​കൊണ്ട്‌ ഈ വിധം മരിക്കു​ന്നു?’

ലോക​ത്തിൽ യുക്തി​സ​ഹ​മ​ല്ലാത്ത, അകാര​ണ​മായ വിദ്വേ​ഷം നിറഞ്ഞു​നിൽക്കു​ന്നത്‌ സാധ്യ​ത​യ​നു​സ​രിച്ച്‌ നിങ്ങളു​ടെ ശ്രദ്ധയിൽപ്പെ​ട്ടി​രി​ക്കണം. വാസ്‌ത​വ​ത്തിൽ, ഒരു വിധത്തിൽ അല്ലെങ്കിൽ മറ്റൊരു വിധത്തിൽ നിങ്ങൾത്ത​ന്നെ​യും വിദ്വേ​ഷ​ത്തിന്‌ ഇരയാ​യി​ട്ടു​ണ്ടാ​യി​രി​ക്കാം. സാധ്യ​ത​യ​നു​സ​രിച്ച്‌—ഒരുപക്ഷേ ഒന്നില​ധി​കം പ്രാവ​ശ്യം—നിങ്ങളും ചോദി​ച്ചി​രി​ക്കാം, ‘എന്തു​കൊണ്ട്‌?’

നല്ലതും മോശ​വു​മായ വിദ്വേ​ഷ​ങ്ങൾ

“വെറുപ്പ്‌,” “വിദ്വേ​ഷം” എന്നീ വാക്കുകൾ “കൊടിയ ശത്രു​ത​യും വിരക്തി​യും” എന്നു നിർവ​ചി​ക്ക​പ്പെ​ട്ടി​രി​ക്കു​ന്നു. ദോഷ​ക​ര​മോ വ്യക്തി​ബ​ന്ധ​ങ്ങൾക്കു ഹാനി​ക​ര​മോ ആയ കാര്യ​ങ്ങ​ളോട്‌ “കൊടിയ ശത്രു​ത​യും വിരക്തി​യും” ഉണ്ടായി​രി​ക്കു​ന്നതു തീർച്ച​യാ​യും പ്രയോ​ജ​ന​പ്ര​ദം​തന്നെ. എല്ലാവർക്കും ഇത്തരത്തി​ലുള്ള വിദ്വേ​ഷ​മു​ണ്ടാ​യി​രു​ന്നെ​ങ്കിൽ ലോകം ജീവി​ക്കാൻ കൊള്ളാ​വുന്ന മെച്ചപ്പെട്ട ഒരു ഇടമാ​യി​ത്തീർന്നേനെ. എന്നാൽ സങ്കടക​ര​മെന്നു പറയട്ടെ, വെറു​ക്ക​രു​താത്ത കാര്യ​ങ്ങളെ വെറു​ക്കാ​നാണ്‌ അപൂർണ മനുഷ്യർക്കു ചായ്‌വ്‌. അതും തെറ്റായ കാരണ​ങ്ങ​ളു​ടെ പേരിൽ.

വിനാ​ശ​ക​മാ​യ വിദ്വേ​ഷം മുൻവി​ധി​യി​ലോ അജ്ഞതയി​ലോ തെറ്റായ വിവര​ങ്ങ​ളി​ലോ അധിഷ്‌ഠി​ത​മാണ്‌. മാത്ര​വു​മല്ല, ഒരു നിർവ​ച​ന​മ​നു​സ​രിച്ച്‌, സാധാ​ര​ണ​മാ​യി “ഭയം, കോപം, വ്രണി​ത​വി​കാ​രം” എന്നിവ​യാണ്‌ അതിനു തിരി​കൊ​ളു​ത്തു​ന്നത്‌. ശരിയായ അടിസ്ഥാ​ന​മി​ല്ലാ​ത്ത​തു​കൊണ്ട്‌ ഈ വിദ്വേ​ഷം അനിഷ്ട സംഭവ​ങ്ങ​ളിൽ കലാശി​ക്കു​ന്നു, കൂടെ​ക്കൂ​ടെ ‘എന്തു​കൊണ്ട്‌?’ എന്ന ചോദ്യം ഉയർത്തു​ന്നു.

ചില​പ്പോൾ പ്രവൃ​ത്തി​യാ​ലോ സ്വഭാ​വ​ത്താ​ലോ നമ്മെ അലോ​സ​ര​പ്പെ​ടു​ത്തു​ന്ന​വ​രും ഇടപെ​ടാൻ നമുക്ക്‌ ബുദ്ധി​മു​ട്ടു​ള്ള​വ​രു​മായ ആളുക​ളുണ്ട്‌. എന്നാൽ അലോ​സ​ര​പ്പെ​ടു​ത്ത​ലും ആളുകളെ ശാരീ​രി​ക​മാ​യി ഉപദ്ര​വി​ക്കാ​നുള്ള ആഗ്രഹ​വും തമ്മിൽ വലിയ അന്തരമുണ്ട്‌. അതു​കൊണ്ട്‌ ചില വിഭാ​ഗ​ങ്ങ​ളിൽപ്പെട്ട ആളുക​ളോട്‌—മിക്ക​പ്പോ​ഴും തനിക്ക്‌ അറിയി​ല്ലാത്ത ആളുക​ളോട്‌—ഒന്നടങ്കം, ഒരു വ്യക്തിക്ക്‌ എങ്ങനെ വിദ്വേ​ഷം വെച്ചു​പു​ലർത്താ​നാ​കു​മെന്ന്‌ മനസ്സി​ലാ​ക്കുക ബുദ്ധി​മു​ട്ടാണ്‌. അവർ അയാളു​ടെ രാഷ്‌ട്രീയ കാഴ്‌ച​പ്പാ​ടു​ക​ളോ​ടു വിയോ​ജി​ച്ചേ​ക്കാം, അല്ലെങ്കിൽ അവർ വ്യത്യസ്‌ത മതത്തിൽപ്പെ​ട്ട​വ​രോ വംശത്തിൽപ്പെ​ട്ട​വ​രോ ആയിരി​ക്കാം. എന്നാൽ ഇവയെ​ല്ലാം അവരെ ദ്വേഷി​ക്കു​ന്ന​തി​നുള്ള കാരണ​ങ്ങ​ളാ​ണോ?

എങ്കിലും അത്തരം വിദ്വേ​ഷം നിലനിൽക്കു​ന്നു! 1994-ൽ, ആഫ്രി​ക്ക​യി​ലെ റുവാ​ണ്ട​യിൽ ഹൂട്ടു ഗോ​ത്ര​ക്കാ​രും ടൂട്‌സി ഗോ​ത്ര​ക്കാ​രും പരസ്‌പരം കൊ​ന്നൊ​ടു​ക്കി​യ​തി​ലേക്കു നയിച്ചതു വിദ്വേ​ഷ​മാ​യി​രു​ന്നു. ഇത്‌ ഒരു റിപ്പോർട്ടറെ ഇപ്രകാ​രം ചോദി​ക്കാൻ പ്രേരി​പ്പി​ച്ചു: “ഇത്രയും ചെറിയ ഒരു രാജ്യത്ത്‌ ഇത്രയ​ധി​കം വിദ്വേ​ഷം കുമി​ഞ്ഞു​കൂ​ടി​യ​തെ​ങ്ങനെ?” മധ്യപൂർവ​ദേ​ശത്ത്‌ അറബി ഭീകര​രും ഇസ്രാ​യേല്യ തീവ്ര​വാ​ദി​ക​ളും അഴിച്ചു​വി​ടുന്ന ആക്രമ​ണ​ങ്ങൾക്കു കാരണം വിദ്വേ​ഷ​മാണ്‌. യൂറോ​പ്പിൽ, മുൻ യൂഗോ​സ്ലാ​വി​യ​യു​ടെ വിഭജ​ന​ത്തി​ലേക്കു നയിച്ച​തും വിദ്വേ​ഷം​തന്നെ. ഒരു പത്രറി​പ്പോർട്ട്‌ അനുസ​രിച്ച്‌, ഐക്യ​നാ​ടു​ക​ളിൽ മാത്ര​മാ​യി, “ഏതാണ്ട്‌ 250 വിദ്വേ​ഷ​പ്രേരക സംഘങ്ങൾ” വർഗീ​യ​വാ​ദ​ത്തി​ന്റേ​തായ ആശയങ്ങൾ പ്രചരി​പ്പി​ക്കു​ന്നു. എന്തു​കൊണ്ട്‌, എന്തു​കൊ​ണ്ടാണ്‌ ഇത്ര അധികം വിദ്വേ​ഷ​മു​ള്ളത്‌?

വിദ്വേ​ഷം വളരെ ആഴത്തിൽ വേരു​പി​ടി​ച്ചി​രി​ക്കു​ന്ന​തു​കൊണ്ട്‌, അതു തിരി​കൊ​ളു​ത്തിയ സംഘട്ട​നങ്ങൾ കെട്ടട​ങ്ങി​യാ​ലും അത്‌ അവശേ​ഷി​ക്കു​ന്നു. യുദ്ധബാ​ധി​ത​വും ഭീകര​പ്ര​വർത്ത​നങ്ങൾ നടമാ​ടു​ന്ന​തു​മായ രാജ്യ​ങ്ങ​ളിൽ സമാധാ​നം നിലനിർത്താ​നും വെടി​നിർത്തൽ കരാറു​കൾ പാലി​ക്കാ​നും ബുദ്ധി​മുട്ട്‌ അനുഭ​വ​പ്പെ​ടു​ന്ന​തി​നു മറ്റു വല്ല കാരണ​വു​മു​ണ്ടോ? ബോസ്‌നിയ-ഹെർട്‌സെ​ഗോ​വി​ന​യും ക്രൊ​യേ​ഷ്യ​യും ചേർന്നുള്ള ഫെഡ​റേ​ഷന്റെ കീഴിൽ സാര​യെ​വോ നഗരം പുന​രൈ​ക്യ​പ്പെ​ടു​ത്താ​മെന്ന സമാധാന കരാറിൽ ഒപ്പു​വെ​ക്ക​പ്പെ​ട്ട​ശേഷം നടന്ന സംഭവ​വി​കാ​സ​ങ്ങൾക്കു മറ്റു വല്ല കാരണ​വു​മു​ണ്ടോ? അവിടെ ജീവി​ച്ചി​രുന്ന മിക്ക സെർബി​യ​ക്കാ​രും പ്രതി​കാര നടപടി​കൾ ഭയന്ന്‌ ആ നഗരത്തിൽനി​ന്നും അതിന്റെ പ്രാന്ത​പ്ര​ദേ​ശ​ങ്ങ​ളിൽനി​ന്നും പലായനം ചെയ്യാൻ തുടങ്ങി. പോകുന്ന പോക്കിൽ അവർ ആ നഗരത്തിൽ കൊള്ള​യും കൊള്ളി​വെ​പ്പും നടത്തി​യ​താ​യി റിപ്പോർട്ട്‌ ചെയ്‌ത​ശേഷം ടൈം ഇങ്ങനെ ഉപസം​ഹ​രി​ച്ചു: “പുന​രൈ​ക്യ​പ്പെ​ട്ടത്‌ സാര​യെ​വോ ആണ്‌, അവിടു​ത്തെ ആളുകളല്ല.”

സാഹച​ര്യ​ങ്ങൾ എത്ര നല്ലതാ​യി​രു​ന്നാ​ലും, പരസ്‌പരം ദ്വേഷി​ക്കുന്ന ആളുകൾക്കി​ട​യി​ലെ സമാധാ​നം വ്യാജ​മാ​യി​രി​ക്കും. കള്ളപ്പണം പോ​ലെ​തന്നെ അത്‌ മൂല്യ​മി​ല്ലാ​ത്ത​താ​യി​രി​ക്കും. അതിനെ പിന്താ​ങ്ങാൻ യഥാർഥ​ത്തിൽ മൂല്യ​വ​ത്തായ ഒന്നുമി​ല്ലാ​ത്ത​തു​കൊണ്ട്‌ നേരിയ സമ്മർദ​ത്തിൻ കീഴിൽപ്പോ​ലും അത്‌ നിലം​പ​രി​ചാ​യേ​ക്കാം. എന്നാൽ ലോക​ത്തിൽ ഇന്ന്‌ വളരെ​യ​ധി​കം വിദ്വേ​ഷ​മുണ്ട്‌, സ്‌നേഹം വളരെ കുറവാ​ണു​താ​നും. എന്തു​കൊണ്ട്‌?

[4-ാം പേജിലെ ആകർഷ​ക​വാ​ക്യം]

വിനാശകമായ വിദ്വേ​ഷം മുൻവി​ധി​യി​ലോ അജ്ഞതയി​ലോ തെറ്റായ വിവര​ങ്ങ​ളി​ലോ അധിഷ്‌ഠി​ത​മാണ്‌