രാജ്യ​വി​ക​സ​ന​ത്തിൽ പങ്കുപ​റ​റൽ

¹ “എത്ര അത്ഭുത​ക​ര​മായ മാററങ്ങൾ!” “എത്ര വേഗത്തിൽ അതു സംഭവി​ച്ചു!” “സോവി​യ​ററ്‌ യൂണി​യ​നി​ലെ നമ്മുടെ സഹോ​ദ​രൻമാർക്ക്‌ എന്തോരു അനു​ഗ്രഹം!”

² ശക്തമായ എതിർപ്പു​ണ്ടാ​യി​രു​ന്നി​ട്ടും സോവി​യ​ററ്‌ യൂണി​യ​നിൽ ഓഗസ്‌റ​റി​ലും സെപ്‌റ​റം​ബർ ആദ്യവും ഒരു കൺ​വെൻ​ഷൻ പരമ്പര വിജയ​പ്ര​ദ​മാ​യി നടത്ത​പ്പെ​ട്ട​പ്പോൾ ഈ അഭി​പ്രാ​യ​പ്ര​ക​ട​നങ്ങൾ കേൾക്കു​ക​യു​ണ്ടാ​യി. ഈ വേനലി​ലെ ഏഴു സോവി​യ​ററ്‌ കൺ​വെൻ​ഷ​നു​ക​ളിൽ മൊത്തം 74,252 പേർ ഹാജരാ​വു​ക​യും 7,820 പേർ സ്‌നാ​പ​ന​മേൽക്കു​ക​യും ചെയ്‌തു. കൂടാതെ കിഴക്കൻയൂ​റോ​പ്യൻ കൺ​വെൻ​ഷ​നു​ക​ളിൽ 2,95,924 പേർ കൂടി സമ്മേളി​ച്ചു.

³ നിശ്ചയ​മാ​യും, ഒന്നാം നൂററാ​ണ്ടി​ലേ​പ്പോ​ലെ യെശയ്യാ പ്രവാ​ച​കന്റെ വാക്കു​കൾക്ക്‌ ഒരു നിവൃ​ത്തി​യു​ണ്ടാ​യി: “ഇരുട്ടിൽ നടന്നു​കൊ​ണ്ടി​രുന്ന ആളുകൾ ഒരു വലിയ വെളിച്ചം കണ്ടു. . . . നീ ജനതയെ വർദ്ധി​പ്പി​ച്ചി​രി​ക്കു​ന്നു; നീ അവരുടെ സന്തോഷം വർദ്ധി​പ്പി​ച്ചി​രി​ക്കു​ന്നു. അവർ നിന്റെ സന്നിധി​യിൽ കൊയ്‌തു​കാ​ലത്തെ സന്തോഷം പോലെ സന്തോ​ഷി​ച്ചി​രി​ക്കു​ന്നു.” അതേ, രാജ്യ​വി​ക​സനം മുന്നേ​റു​ന്നു! യേശു​ക്രി​സ്‌തു ഭരിക്കു​ന്നു! പ്രവചനം തുടരു​ന്ന​തു​പോ​ലെ: “രാജകീയ ഭരണത്തി​ന്റെ സമൃദ്ധി​ക്കും സമാധാ​ന​ത്തി​നും അവസാനം ഉണ്ടായി​രി​ക്ക​യില്ല.”—യെശ. 9:2, 3, 7.

⁴ കിഴക്കൻയൂ​റോ​പ്പി​ലെ അത്ഭുത​ക​ര​മായ വർദ്ധന​വി​നെ പരിര​ക്ഷി​ക്കു​ന്ന​തിന്‌ ജർമ്മനി​യി​ലെ വളരെ വലിയ അച്ചടി സൗകര്യ​ങ്ങൾക്കു​വേ​ണ്ടി​യു​ളള വരാനി​രി​ക്കുന്ന നിർമ്മാ​ണ​പ്ര​വർത്ത​നങ്ങൾ ആവശ്യ​മാ​യി​രി​ക്കു​ന്നു. “രാജ്യ​ത്തി​ന്റെ ഈ സുവാർത്ത നിവസി​ത​ഭൂ​മി​യി​ലെ​ല്ലാം ഒരു സാക്ഷ്യ​ത്തി​നാ​യി പ്രസം​ഗി​ക്ക​പ്പെ​ടും; അപ്പോൾ അവസാനം വരും,” (മത്താ. 24:14) എന്ന യേശു​വി​ന്റെ ചരി​ത്ര​പ്ര​സി​ദ്ധ​മായ പ്രവച​ന​ത്തി​ന്റെ നിവൃ​ത്തിക്ക്‌ നേരിട്ട്‌ സംഭാ​വ​ന​ചെ​യ്യുന്ന ഈ വികസ​നത്തെ പിന്താ​ങ്ങു​ന്ന​തിന്‌ അവി​ടെ​യു​ളള നമ്മുടെ സഹോ​ദ​രൻമാർ സന്തോ​ഷ​മു​ള​ള​വ​രാണ്‌.

⁵ ഐക്യ​നാ​ടു​ക​ളിൽ അതിലും വിപു​ല​മായ വികസനം നടന്നു​കൊ​ണ്ടി​രി​ക്കു​ന്നു. സെപ്‌റ​റം​ബ​റിൽ ഗിലയാദ്‌ ഗ്രാഡു​വേഷൻ നൽകിയ സമയത്ത്‌ ഏപ്രി​ലിൽ തുടങ്ങുന്ന അടുത്ത ഗിലയാദ്‌ ക്ലാസ്സ്‌ ഉദ്ദേശം 50 വിദ്യാർത്ഥി​ക​ളാ​ക്കി ഇരട്ടി​പ്പി​ക്കും എന്ന്‌ പ്രഖ്യാ​പി​ക്ക​പ്പെട്ടു! ഈ സ്‌കൂൾ ഇപ്പോൾ ന്യൂ​യോർക്കി​ലെ പാറേ​റ​ഴ്‌സ​നിൽ മിക്കവാ​റും മൂന്നു വർഷമാ​യി പണിതു​കൊ​ണ്ടി​രി​ക്കുന്ന വാച്ച്‌ടവർ എഡ്യൂ​ക്കേ​ഷനൽ സെൻറ​റിൽ സ്ഥാനം​പി​ടി​ക്കും. അനേകർ ഇപ്രകാ​രം ചോദി​ക്കു​ന്ന​താ​യി കേട്ടതിൽ അതിശ​യ​മില്ല: “പാറേ​റ​ഴ്‌സ​ണിൽ കാര്യങ്ങൾ എങ്ങനെ പോയി​ക്കൊ​ണ്ടി​രി​ക്കു​ന്നു?”

⁶ പാറേ​റ​ഴ്‌സൺ കോം​പ്ല​ക്‌സ്‌: വേല ശീഘ്ര​ഗ​തി​യിൽ പുരോ​ഗ​മി​ച്ചു​കൊ​ണ്ടി​രി​ക്കു​ന്നു എന്നും പട്ടിക​പ്പെ​ടു​ത്തി​യ​തിന്‌ മുമ്പി​ലാ​ണെ​ന്നും റിപ്പോർട്ടു​ചെ​യ്യു​ന്ന​തിന്‌ സന്തോ​ഷ​മുണ്ട്‌. പാറേ​റ​ഴ്‌സൺ സത്രത്തി​ന്റെ ഏഴു കെട്ടി​ട​ങ്ങ​ളും—എഡ്യൂ​ക്കേ​ഷനൽ സെൻറ​റിൽ നിന്ന്‌ നടക്കാൻ മാത്രം അകലെ സ്ഥിതി​ചെ​യ്യുന്ന ഒരു 150 യൂണി​ററ്‌ ഹോട്ടൽ—റോഡി​ന്റെ പരിച​ര​ണ​വേ​ല​ക​ളും പാർക്കിംഗ്‌ ഭാഗങ്ങ​ളും പൂന്തോ​ട്ട​വും പൂർത്തി​യാ​യി. എഡ്യൂ​ക്കേ​ഷനൽ സെൻറർ പൂർത്തി​യാ​കു​മ്പോൾ അടുത്തു​ളള സത്രം ലോക​ത്തി​നു ചുററും നിന്നുളള സന്ദർശ​കരെ താമസി​പ്പി​ക്കു​ന്ന​തിന്‌ ഉപയോ​ഗി​ക്കും. എന്നിരു​ന്നാ​ലും ഇതിനി​ട​യിൽ അതിൽ കോം​പ്ല​ക്‌സി​ന്റെ നിർമ്മാ​ണ​ത്തി​ലേർപ്പെ​ട്ടി​രി​ക്കുന്ന 300-ാളം ബഥേൽ കുടും​ബാം​ഗങ്ങൾ താമസി​ക്കു​ന്നു.

⁷ മൊത്തം ഇപ്പോൾ 650-ൽ പരം സ്വമേ​ധയാ വേലക്കാർ ഈ പദ്ധതി​യു​ടെ പ്രവർത്ത​ന​ത്തി​ലുണ്ട്‌! അവരിൽ പലർക്കും പ്രദേ​ശത്ത്‌ പാർപ്പി​ടം പ്രദാനം ചെയ്‌തി​രി​ക്കു​ന്നു, അവർ ദിവസ​വും വേലസ്ഥ​ല​ത്തു​നിന്ന്‌ അങ്ങോ​ട്ടും തിരി​ച്ചും യാത്ര​ചെ​യ്യു​ക​യും ചെയ്യുന്നു. ഈ വർഷം ആദ്യം ന്യൂ​യോർക്ക്‌ ടൈം​സി​ന്റെ ഒരു റിപ്പോർട്ടർ ഇപ്രകാ​രം എഴുതി: “കുന്നിൻമു​ക​ളി​ലെ ഒരു നഗരം​പോ​ലെ വടക്കു​കി​ഴക്കൻ പുററ്‌നാം കൗണ്ടി​യി​ലെ റൂട്ട്‌ 22-നെ അഭിമു​ഖീ​ക​രി​ച്ചു​കൊണ്ട്‌ ഈ കോം​പ്ല​ക്‌സ്‌ നിർമ്മാ​ണ​പ്ര​വർത്ത​ന​ത്തി​ന്റെ തിര​ക്കേ​റിയ ഒരു രംഗമാണ്‌ . . . എൻജി​നീ​യർമാ​രും ശിൽപ്പി​ക​ളും ഡ്രാഫ്‌റ​റ്‌സ്‌മാൻമാ​രും ആശാരി​മാ​രും കോൺക്രീ​റ​റ്‌വേ​ല​ക്കാ​രും ഇലക്‌ട്രീ​ഷ്യൻമാ​രും പ്ലംബർമാ​രും വേലക്കാ​രും എല്ലാം ആഴ്‌ചകൾ മുതൽ വർഷങ്ങൾ വരെ സ്വമേ​ധയാ ജോലി​ചെ​യ്യുന്ന സഭാം​ഗ​ങ്ങ​ളാണ്‌. അവർ ശമ്പളം പററു​ന്നില്ല, എന്നാൽ ചില്ലറ​ച്ചെ​ല​വു​കൾക്കു​വേണ്ടി ഒരു പ്രതി​മാസ സ്‌​റൈ​റ​പ്പെൻഡ്‌ സ്വീക​രി​ക്കു​ന്നു.”

⁸ ഈ എഡ്യൂ​ക്കേ​ഷനൽ സെൻറ​റിന്‌ ക്രമേണ ഒരു അടുക്ക​ള​യും ക്ലാസ്സ്‌മു​റി​ക​ളും ഓഫീ​സു​ക​ളും ഗരേജു​ക​ളും 1,200 പേർക്ക്‌ താമസി​ക്കാ​വുന്ന ആറു കെട്ടി​ട​ങ്ങ​ളും ഓരോ​ന്നി​ലും 1600 പേർക്കു ഇരിക്കാ​വുന്ന ഒരു ഭക്ഷണമു​റി​യും ഒരു ഓഡി​റേ​റാ​റി​യ​വും സഹിതം 17 കെട്ടി​ടങ്ങൾ ഉണ്ടായി​രി​ക്കും. ഇതുവരെ കോം​പ്ല​ക്‌സി​ന്റെ രണ്ടു കെട്ടി​ടങ്ങൾ പൂർത്തി​യാ​യി, നാലെണ്ണം നിർമ്മാ​ണ​ത്തി​ലി​രി​ക്കു​ന്നു, 1992-ൽ അഞ്ചെണ്ണം​കൂ​ടി തുടങ്ങും. അവസാ​നത്തെ ആറു കെട്ടി​ട​ങ്ങ​ളു​ടെ പണി പിന്നീട്‌ തുടങ്ങും. സംസ്ഥാന, പ്രാ​ദേ​ശിക അധികാ​രി​ക​ളിൽ നിന്ന്‌ ഈ വേനൽക്കാ​ലത്ത്‌ മലിന​ജലം കൈകാ​ര്യം ചെയ്യുന്ന പ്ലാൻറി​ന്റെ​യും ശുദ്ധജലം കൈകാ​ര്യം ചെയ്യുന്ന പ്ലാൻറി​ന്റെ​യും അംഗീ​കാ​രം ലഭിച്ച​പ്പോൾ ഒരു നാഴി​ക​ക്ക​ല്ലിൽ എത്തി​ച്ചേർന്നു.

⁹ പദ്ധതി​യു​ടെ സ്വമേ​ധയാ സേവകർക്ക്‌ നല്ല ആത്‌മീയ പ്രയോ​ജ​നങ്ങൾ ലഭിച്ചു​കൊ​ണ്ടി​രി​ക്കു​ന്നു. യഥാർത്ഥ​ത്തിൽ, സ്വമേ​ധയാ പ്രവർത്ത​ക​രാ​കാൻ യോഗ്യ​ത​പ്രാ​പി​ക്കു​ന്ന​വ​രെ​ല്ലാം ആത്മീയ വ്യക്തി​ക​ളാ​യി​രി​ക്കണം. (1 കൊരി. 2:14, 15) ജോലി​ദി​വ​സ​ത്തി​ന്റെ ഓരോ പ്രഭാ​ത​ത്തി​ലും ബൈബി​ളി​ന്റെ ദിനവാ​ക്യ​ചർച്ച ആസ്വദി​ക്കു​ന്നു. ആഴ്‌ച​യിൽ മൂന്നു ദിവസം സ്വമേ​ധയാ വേലക്കാ​രിൽനി​ന്നു​തന്നെ മുൻകൂ​ട്ടി നിയമി​ക്ക​പ്പെട്ട അഭി​പ്രാ​യം പറയു​ന്നവർ ചർച്ചയിൽ പങ്കു കൊള​ളു​ന്നു, മററു പ്രഭാ​ത​ങ്ങ​ളിൽ പ്രക്ഷേ​പ​ണ​ത്തി​ന്റെ ഒരു ബന്ധിപ്പി​ക്ക​ലി​നാൽ പാറേ​റ​ഴ്‌സ​ണി​ലെ സ്വമേ​ധ​യാ​സേ​വ​കരെ ബ്രൂക്ക്‌ളിൻ ഹെഡ്‌ക്വാർട്ടേ​ഴ്‌സിൽനി​ന്നു വരുന്ന ചർച്ച ശ്രദ്ധി​ക്കു​ന്ന​തിന്‌ അനുവ​ദി​ക്കു​ന്നു. കൂടാതെ, തിങ്കളാഴ്‌ച വൈകു​ന്നേ​ര​ങ്ങ​ളിൽ പദ്ധതി​യു​ടെ സ്വമേ​ധയാ സേവകർക്ക്‌ എല്ലാവർക്കും പ്രയോ​ജനം ലഭിക്കു​ന്ന​തി​നു​വേണ്ടി ഒരു വീക്ഷാ​ഗോ​പുര അദ്ധ്യയനം നടത്ത​പ്പെ​ടു​ന്നു. എന്നാൽ ന്യൂ​യോർക്കിൽ പുരോ​ഗ​തി​പ്രാ​പി​ച്ചു​കൊ​ണ്ടിരി​ക്കുന്ന പ്രമുഖ നിർമ്മാണ പദ്ധതി പാറേ​റ​ഴ്‌സൺ മാത്രമല്ല.

¹⁰ ബ്രൂക്ക്‌ളി​നി​നെ സംബന്ധി​ച്ചെന്ത്‌?: ആയിര​ത്തി​ത്തൊ​ള​ളാ​യി​രത്തി തൊണ്ണൂറ്‌ ഓഗസ്‌ററ്‌ 30-ാം തീയതി സൊ​സൈ​റ​റിക്ക്‌ ഒരു 30 നില പാർപ്പിട സൗകര്യം പണിയു​ന്ന​തി​നു​ളള നിർമ്മാ​ണാ​നു​മതി ലഭിച്ച​താ​യു​ളള അറിയിപ്പ്‌ കേട്ട്‌ ഒരു സന്തുഷ്ട ബഥേൽ കുടും​ബം കൈയ​ടി​ച്ചു. അതിന​ടുത്ത മാസം ആ സ്ഥാനത്ത്‌ സ്ഥിതി​ചെ​യ്‌തി​രുന്ന പഴയ ഒൻപതു നില ഫാക്ടറി പൊളി​ക്കാൻ തുടങ്ങി. പിന്നീട്‌ 1991 ജനുവ​രി​യിൽ കെട്ടി​ട​ത്തി​ന്റെ 100-അടിവീ​തി​യും 200- അടി നീളവും ഉളള അടിസ്ഥാ​നം കുഴി​ക്കാൻ തുടങ്ങി. പെട്ടെന്ന്‌ അരികി​ലെ സഞ്ചാര പഥത്തിന്റെ ലവലിൽ നിന്ന്‌ 30 അടി താഴെ​വ​രെ​യു​ളള കുഴിക്കൽ പൂർത്തി​യാ​യി. കെട്ടി​ട​ത്തി​ന്റെ അരികിൽ താഴെ ഒരു തുരങ്ക​വും എതിർ വശത്ത്‌ വാച്ച്‌ടവർ സൊ​സൈ​റ​റി​യു​ടെ നിലവി​ലു​ളള ഒരു ഫാക്ടറി​യും സ്ഥിതി​ചെ​യ്‌തി​രു​ന്ന​തു​കൊണ്ട്‌ എൻജി​നീ​യ​റിംഗ്‌ മുൻക​രു​ത​ലു​കൾ ആവശ്യ​മാ​യി​രു​ന്നു.

¹¹ ആറുമാ​സ​ത്തി​നു​ള​ളിൽ അസ്‌തി​വാ​ര​ത്തി​ന്റെ പണി പൂർത്തി​യാ​യി. നിലനി​ര​പ്പി​നു താഴെ സ്ഥിതി​ചെ​യ്‌തി​രുന്ന രണ്ടു നിലകൾ ഒരു അടുക്ക​ള​യും ഭക്ഷ്യവ​സ്‌തു​ക്ക​ളു​ടെ സൂക്ഷി​പ്പും മററു പിന്താങ്ങൽ സേവന​ങ്ങ​ളും ആയിര​ത്തിൽ പരം ആളുകൾക്കു​ളള ഒരു ഭക്ഷണമു​റി​യും ഒരുക്കും. കെട്ടി​ട​ത്തി​ന്റെ ചട്ടക്കൂ​ട്ടി​നു​ളള ബൃഹത്തായ ഇരുമ്പു തൂണു​കൾക്കും തുലാ​ങ്ങൾക്കും 70,00,000 പൗണ്ടിൽ അധികം ഭാരം വരും. ജൂ​ലൈ​യിൽ ഈ ചട്ടക്കൂ​ട്ടി​ന്റെ പണി തുടങ്ങി. സെപ്‌റ​റം​ബ​റോ​ടെ ഇഷ്ടിക കെട്ടാൻ തുടങ്ങി, താമസി​യാ​തെ കെട്ടി​ട​ത്തി​ന്റെ നിറവും രൂപവും ബ്രൂക്ക്‌ളിൻ ചക്രവാ​ള​ത്തി​ന്റെ ഒരു സവി​ശേ​ഷ​ത​യാ​യി​രി​ക്കും!

¹² സൊ​സൈ​റ​റി​യാൽ ഏർപ്പെ​ടു​ത്ത​പ്പെ​ട്ടി​രി​ക്കുന്ന വാണി​ജ്യാ​ടി​സ്ഥാ​ന​ത്തി​ലു​ളള നിർമ്മാണ കമ്പനി​യു​ടെ വേല അടുത്ത വേന​ലോ​ടെ പൂർത്തി​യാ​കും. അതിന്റെ അർത്ഥം 378 അടി ഉയരമു​ളള കെട്ടി​ട​ത്തി​ന്റെ ബാഹ്യാ​കാ​രം സൊ​സൈ​റ​റി​ക്കു കൈമാ​റു​മെ​ന്നും സാക്ഷി​ക​ളായ സ്വമേ​ധയാ സേവകർ കെട്ടിടം പൂർത്തി​യാ​ക്കു​മെ​ന്നു​മാണ്‌. സന്ദർശ​ക​മു​റി​യും ഭക്ഷണ മുറി​യും അടുക്ക​ള​യും ഉൾപ്പെടെ ആദ്യത്തെ 12 നിലകൾ 1993 ഒടുവി​ലേക്ക്‌ ഉപയോ​ഗ​ത്തിന്‌ തയ്യാറാ​കു​മെന്ന്‌ ഞങ്ങൾ പ്രതീ​ക്ഷി​ക്കു​ന്നു. ബ്രൂക്ക്‌ളി​നിൽ ലഭ്യമായ എല്ലാ പാർപ്പി​ട​ങ്ങ​ളി​ലും പൂർണ്ണ​മാ​യും താമസ​ക്കാ​രാ​യി​ക്ക​ഴി​ഞ്ഞി​രി​ക്കു​ന്നതി​നാൽ ഈ പുതിയ ഭവനം നമ്മുടെ തിരു​വെ​ഴു​ത്തു​പ​ര​മായ നിയോ​ഗം നിറ​വേ​റ​റു​ന്ന​തിന്‌ അത്യന്താ​പേ​ക്ഷി​ത​മാണ്‌.—മത്താ. 24:14.

¹³ നിങ്ങൾക്ക്‌ എന്തു ചെയ്യാൻ കഴിയും?: സഹോ​ദ​രൻമാ​രും സഹോ​ദ​രി​മാ​രും ഇപ്പോൾത്തന്നെ ധാരാളം ചെയ്‌തു കഴിഞ്ഞു. വർഷങ്ങ​ളി​ലാ​യി ഐക്യ​നാ​ടു​ക​ളി​ലെ എല്ലായി​ട​ത്തു​നി​ന്നു​മാ​യി 14,000-ൽ പരം സ്വമേ​ധയാ സേവകർ ന്യൂ​യോർക്കി​ലേക്കു വരിക​യും വിവിധ കെട്ടി​ട​നിർമ്മാണ പദ്ധതി​കളെ സഹായി​ക്കു​ക​യും ചെയ്‌തി​രി​ക്കു​ന്നു. അവരുടെ സ്‌നേ​ഹ​പൂർവ​ക​മായ അദ്ധ്വാനം വളരെ​യ​ധി​കം വിലമ​തി​ക്ക​പ്പെ​ടു​ക​യു​ണ്ടാ​യി, സൊ​സൈ​ററി അവരോ​ടും അവരുടെ യത്‌ന​ങ്ങളെ പിന്താ​ങ്ങിയ അവരുടെ ഭാര്യ​മാ​രോ​ടും കുടും​ബാം​ഗ​ങ്ങ​ളോ​ടും നന്ദി പറയു​ന്ന​തിന്‌ ആഗ്രഹി​ക്കു​ക​യും ചെയ്യുന്നു. ചോദ്യ​മി​താണ്‌, ഈ വിധത്തി​ലു​ളള പദ്ധതി​കൾക്കു​വേണ്ടി പ്രവർത്തി​ക്കാൻ നിങ്ങ​ളേ​ത്തന്നെ ലഭ്യമാ​ക്കാൻ നിങ്ങൾക്കു കഴിയു​മോ?—എബ്രാ. 13:16.

¹⁴ പ്രസ്‌പ​ഷ്ട​മാ​യും എല്ലാവർക്കും കഴിയു​ക​യില്ല. എന്നാൽ നിങ്ങൾക്ക്‌ ഇനിയും അധികം ചെയ്യാൻ കഴിയും. ദൃഷ്ടാ​ന്ത​ത്തിന്‌, അനേകം മൂപ്പൻമാർക്കും ശുശ്രൂ​ഷാ​ദാ​സൻമാർക്കും സഭാപ​ര​മായ ആവശ്യ​ങ്ങൾക്കു​വേണ്ടി കരുതു​ന്ന​തിന്‌ സഹായി​ക്കാൻ കഴിയും, അതേസ​മയം സ്വമേ​ധ​യാ​സേ​വ​കർക്ക്‌ താൽക്കാ​ലി​കാ​ടി​സ്ഥാ​ന​ത്തിൽ കെട്ടി​ട​നിർമ്മാണ പദ്ധതിക്ക്‌ സേവി​ക്കു​ന്ന​തിന്‌ കഴിയും. (നെഹെ. 4:19-22.) സഹായി​ക്കു​ന്ന​തി​നു​ളള മറെറാ​രു സുപ്ര​ധാന വിധം ചെലവു​കളെ പിന്താ​ങ്ങു​ന്ന​തി​നു​ളള സ്വമേ​ധയാ സംഭാ​വ​നകൾ നൽകി സഹായി​ക്കു​ന്ന​താണ്‌. ദി ന്യൂ​യോർക്ക്‌ ടൈംസ്‌, പുതിയ [പാറേ​റ​ഴ്‌സൺ] കോം​പ്ല​ക്‌സ്‌ പൂർത്തി​യാ​കു​മ്പോൾ ഏകദേശം 13കോടി ഡോളർ ചെലവാ​കും എന്നാണ്‌ കണക്കാ​ക്കി​യത്‌.” സ്വമേ​ധയാ സഹായ​ത്താൽ ഈ പദ്ധതി​യു​ടെ അന്തിമ​മായ ചെലവ്‌ സാധ്യ​ത​യ​നു​സ​രിച്ച്‌ അതിന്റെ പകുതി​യി​ലും കുറവാ​യി​രി​ക്കും, എന്നാൽ അത്‌ അപ്പോ​ഴും വളരെ സാരവ​ത്താ​യ​താണ്‌. ഇപ്പോൾ ഓരോ മാസവും ദശലക്ഷ​ക്ക​ണ​ക്കിന്‌ ഡോള​റു​കൾ ചെലവ​ഴി​ക്ക​പ്പെ​ടു​ന്നു.

¹⁵ മോശ​യു​ടെ നാളിലെ സമാഗമന കൂടാ​ര​വും ശലോ​മോ​ന്റെ മാർഗ്ഗ​നിർദ്ദേ​ശ​ത്തിൻകീ​ഴിൽ പണിയ​പ്പെട്ട ആലയവും പണിയു​ന്ന​തിന്‌ പരിഗ​ണ​നാർഹ​മായ ഭൗതിക സമ്പത്തി​ന്റെ​യും ആവശ്യ​മു​ണ്ടാ​യി​രു​ന്നു. എന്നിരു​ന്നാ​ലും, ആവശ്യ​മാ​യി​രു​ന്ന​തെ​ല്ലാം കൊടു​ക്കു​ന്ന​തിന്‌ യഹോവ ജനത്തിന്റെ ഹൃദയ​ങ്ങളെ പ്രേരി​പ്പി​ച്ചു. (പുറ. 35:4-6, 21, 22; 36:3-6; 1 ദിന. 29:3-9) നമ്മുടെ നാളിൽ വ്യക്തി​ക​ളും സഭകളും സർക്കി​ട്ടു​ക​ളും ഈ നിർമ്മാണ പദ്ധതി​കൾക്കു​വേണ്ടി സംഭാവന ചെയ്‌തു​കൊ​ണ്ടി​രി​ക്കു​ന്നു, അതിന്‌ നിസ്സം​ശ​യ​മാ​യും ലോക​വ്യാ​പ​ക​മായ രാജ്യ​പ്ര​ഘോ​ഷ​ണ​ത്തി​ന്റെ വികസ​ന​ത്തിൽ ഒരു സുപ്ര​ധാന പങ്കുണ്ട്‌. നിങ്ങൾക്ക്‌ ഈ അത്ഭുത​ക​ര​മായ വികസ​ന​വേ​ലക്ക്‌ പിന്തുണ കൊടു​ക്കു​ന്ന​തിൽ പങ്കുവ​ഹി​ക്കാൻ കഴിയു​മോ?

¹⁶ നിങ്ങൾക്കു കഴിയു​മെ​ങ്കിൽ, ദയവായി അത്തരം സംഭാ​വ​നകൾ വാച്ച്‌ടവർ ബൈബിൾ ആൻഡ്‌ ട്രാക്ട്‌ സൊ​സൈ​ററി ഓഫ്‌ ഇൻഡ്യ, പോസ്‌ററ്‌ ബാഗ്‌ 10, ലോണാ​വ്‌ലാ, മഹാരാ​ഷ്‌ട്ര, 410 401-ലേക്ക്‌ അയക്കുക.

¹⁷ നിങ്ങൾക്ക്‌ നിർമ്മാ​ണ​സ്ഥാ​ന​ങ്ങ​ളിൽ സ്വമേ​ധയാ വേല​ചെ​യ്യു​ന്ന​തി​നൊ പണപരാ​മയി സംഭാവന ചെയ്യാ​നൊ കഴിഞ്ഞാ​ലും ഇല്ലെങ്കി​ലും നമു​ക്കെ​ല്ലാം ലോക​വ്യാ​പ​ക​മാ​യി ദൈവ​രാ​ജ്യ​താൽപ്പ​ര്യ​ങ്ങൾ വികസി​പ്പി​ക്ക​പ്പെ​ടുക എന്ന ലക്ഷ്യത്തി​ലു​ളള ഈ നിർമ്മാണ പദ്ധതി​ക​ളു​ടെ വിജയ​ത്തി​നു​വേണ്ടി പ്രാർത്ഥി​ക്കാൻ കഴിയും. നാം എല്ലാം നമ്മുടെ സ്വർഗ്ഗീയ പിതാ​വി​ന്റെ വേല പൂർത്തീ​ക​രി​ക്കാൻ കഠിന​പ്ര​യ​ത്‌നം ചെയ്യു​മ്പോൾ അവൻ നമ്മെ​യെ​ല്ലാം അഭിവൃ​ദ്ധി​പ്പെ​ടു​ത്തട്ടേ.