പുതിയ ലഘുപ​ത്രിക ഫലപ്ര​ദ​മാ​യി ഉപയോ​ഗി​ക്കൽ

¹ സമീപ​കാ​ലത്തു നടന്ന നമ്മുടെ ഡിസ്‌ട്രി​ക്‌ററ്‌ കൺ​വെൻ​ഷ​നിൽ, നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ എന്ന പുതിയ ലഘുപ​ത്രിക കൈപ്പ​റ​റു​ന്ന​തിൽ നാം വളരെ ആനന്ദപു​ള​കി​ത​രാ​യി​രു​ന്നു. പ്രിയ​പ്പെട്ട ഒരാളു​ടെ നഷ്ടത്തിൽ അനേക​രും ദുഃഖി​ത​രാ​യി​രി​ക്കു​ന്ന​തി​നാൽ ജീവി​ത​ത്തി​ന്റെ എല്ലാ തുറക​ളി​ലു​ളള ആളുക​ളും അത്‌ ഇഷ്ടപ്പെ​ടും. അതിന്റെ ആകർഷ​ക​മായ ഫോ​ട്ടോ​ക​ളും ചിത്ര​ങ്ങ​ളും അതു സമർപ്പി​ക്കു​ന്നത്‌ എളുപ്പ​മാ​ക്കി​ത്തീർക്കു​ന്നു. ലാസർ ഉയിർപ്പി​ക്ക​പ്പെ​ടു​ന്ന​താ​യി 29-ാം പേജി​ലു​ളള വിസ്‌മ​യാ​വ​ഹ​മായ ചിത്ര​രചന “മരണത്തി​ന്റെ കെടു​തി​കളെ ഇല്ലായ്‌മ ചെയ്യാ​നു​ളള [യേശു​വി​ന്റെ] ഉൽക്കട​മായ ആഗ്രഹത്തെ” കാണി​ക്കു​ന്നു. അടുത്ത​താ​യി മുഴു​പേ​ജി​ലും നൽകി​യി​രി​ക്കുന്ന ചിത്രം പുതിയ ലോക​ത്തി​ലെ സന്തോ​ഷ​ജ​ന​ക​മായ പുനരു​ത്ഥാ​നത്തെ പ്രതി​പാ​ദി​ക്കു​ന്നു. ദുഃഖി​ക്കു​ന്ന​വ​രു​ടെ ഹൃദയ​ത്തിന്‌ ഇത്‌ എത്രമാ​ത്രം ഊഷ്‌മളത പകരേ​ണ്ട​താണ്‌!

² മരണദുഃ​ഖ​മ​നു​ഭ​വി​ക്കു​ന്ന​വർക്കു സാന്ത്വനം നൽകു​ന്ന​തി​നു​ളള ശക്തമായ ഒരു സഹായി​യാ​യി​രി​ക്കാൻ ഈ ലഘുപ​ത്രി​കക്കു കഴിയും. അത്‌ സംഭാ​ഷ​ണ​പ​ര​മായ ചർച്ചയ്‌ക്കു​വേണ്ടി രൂപകൽപ്പന ചെയ്‌തി​ട്ടു​ള​ള​താണ്‌. വിശേ​ഷാ​ശ​യങ്ങൾ പരാമർശി​ക്കു​ന്ന​തി​നു​ളള ചോദ്യ​ങ്ങൾ ഓരോ പേജി​നും അവസാനം നൽകു​ന്ന​തി​നു പകരം ഓരോ ഭാഗത്തി​ന്റെ​യും ഒടുവിൽ നൽകി​യി​രി​ക്കു​ന്നു. ഈ “പരിചി​ന്തന ചോദ്യ​ങ്ങൾ” നിങ്ങളു​ടെ വിദ്യാർഥി​യെ ഏതു വിധത്തിൽ സഹായി​ക്കു​മെന്നു നിങ്ങൾക്കു തോന്നു​ന്നു​വോ ആ വിധത്തിൽ ഉപയോ​ഗി​ക്കാ​വു​ന്ന​താണ്‌.

³ സന്ദർശനം നടത്തവേ ലഘുപ​ത്രി​ക​യിൽ കണ്ടെത്തുന്ന ആശയങ്ങൾ തിര​ഞ്ഞെ​ടു​ത്തു ചർച്ച​ചെ​യ്യുക. 2-ാം പേജിൽ കൊടു​ത്തി​രി​ക്കുന്ന ഉളളടക്കം കാണി​ച്ചു​കൊ​ണ്ടു വീട്ടു​കാ​രനു താത്‌പ​ര്യ​മേ​തി​ലാ​ണെന്ന്‌ അയാ​ളോ​ടു ചോദി​ക്കുക. ഓരോ വ്യക്തി​യു​ടെ​യും ആവശ്യങ്ങൾ സംബന്ധി​ച്ചു പ്രത്യേ​കം ബോധ​വാൻമാ​രാ​യി​രിക്ക. അയാൾ തന്റെ വികാ​രങ്ങൾ പ്രകടി​പ്പി​ക്കട്ടെ, അതിനു​ശേഷം ലഘുപ​ത്രിക എങ്ങനെ സാന്ത്വനം നൽകു​ന്നു​വെന്നു കാണി​ക്കുക. നമ്മുടെ പ്രത്യാ​ശക്ക്‌ അടിസ്ഥാ​നം പ്രദാനം ചെയ്യാൻ ഓരോ ഭാഗവും ധാരാളം ബൈബിൾ വാക്യങ്ങൾ ഉപയോ​ഗി​ക്കു​ന്നു.

⁴ “ഒരു യഥാർഥ പ്രത്യാ​ശ​യുണ്ട്‌” എന്ന 5-ാം പേജി​ലു​ളള, ഉപശീർഷകം മരിച്ച​വർക്കു​ളള സാന്ത്വ​ന​ദാ​യ​ക​മായ ബൈബി​ള​ധി​ഷ്‌ഠിത പ്രത്യാ​ശയെ വിശേ​ഷ​വ​ത്‌ക​രി​ക്കു​ന്നു. ഇത്‌ 26-31 പേജു​ക​ളിൽ കാണുന്ന, “മരിച്ച​വർക്ക്‌ ഒരു സുനി​ശ്ചിത പ്രത്യാശ” എന്ന ഭാഗം ചർച്ച​ചെ​യ്യേ​ണ്ട​തിന്‌ ആഗ്രഹം വളർത്തി​യെ​ടു​ക്കണം. 27-ാം പേജി​ലു​ളള ചതുരം “ആശ്വാസം പകരുന്ന തിരു​വെ​ഴു​ത്തു​കൾ” കൂടു​ത​ലാ​യി നൽകുന്നു. യഹോവ “സർവ്വാ​ശ്വാ​സ​വും നല്‌കുന്ന ദൈവ”മാണെന്നു ദുഃഖാർത്ത​നായ ഒരു വീട്ടു​കാ​രൻ പെട്ടെന്നു കണ്ടെത്തും.—2 കൊരി. 1:3-7.

⁵ പ്രിയ​പ്പെട്ട ഒരാളു​ടെ മരണ​ത്തോ​ടു​ളള വ്യത്യസ്‌ത പ്രതി​ക​ര​ണത്തെ വളരെ നയപര​മാ​യി ഇടയ്‌ക്കു​ളള ഭാഗങ്ങൾ ചർച്ച​ചെ​യ്യു​ന്നു. ദുഃഖത്തെ എങ്ങനെ തരണം ചെയ്യാ​മെ​ന്നും അത്തരം ക്ലേശക​ര​മായ സമയങ്ങ​ളിൽ മററു​ള​ള​വർക്ക്‌ എങ്ങനെ സഹായം നൽകാ​നാ​വു​മെ​ന്നും അവ കാണി​ക്കു​ന്നു. 25-ാം പേജിൽ, “മരണത്തി​ന്റെ പ്രയാ​സ​സ​ന്ധി​യെ നേരി​ടാൻ കുട്ടി​കളെ സഹായി​ക്കൽ” എന്ന ഒരു ചതുര​മുണ്ട്‌. ഈ പ്രശ്‌നത്തെ തരണം ചെയ്യേണ്ട മാതാ​പി​താ​ക്കൾക്ക്‌ ഇതൊരു യഥാർഥ സഹായ​മാ​യി​രി​ക്കേ​ണ്ട​താണ്‌.

⁶ കൂടു​ത​ലാ​യി ഒരു പ്രതി കൈവശം വയ്‌ക്കു​ക​യും അനൗപ​ചാ​രിക സാക്ഷീ​ക​ര​ണ​ത്തിൽ അത്‌ ഉപയോ​ഗി​ക്കു​ക​യും ചെയ്യുക. മരണദുഃ​ഖ​മ​നു​ഭ​വി​ക്കുന്ന കുടും​ബാം​ഗ​ങ്ങളെ സഹായി​ക്കു​ന്ന​തിന്‌ ഈ ലഘുപ​ത്രി​ക​യു​ടെ പ്രതികൾ കൈവശം വയ്‌ക്കാൻ ആളുകൾ ആഗ്രഹി​ക്കു​ന്നു​വോ എന്നറി​യാൻ നിങ്ങളു​ടെ പ്രദേ​ശ​ത്തു​ളള ഏതെങ്കി​ലും ശവസം​സ്‌കാര ഭവനം സന്ദർശി​ക്കാൻ നിങ്ങൾ ആഗ്രഹി​ച്ചേ​ക്കാം. അതല്ല, പ്രിയ​പ്പെട്ട ഒരാളു​ടെ ശവക്കല്ലറ സന്ദർശി​ക്കാൻ മടങ്ങി​യെ​ത്തു​ന്ന​വരെ നയപൂർവം സമീപി​ക്കാൻ നിങ്ങൾ ഒരുപക്ഷേ സെമി​ത്തേ​രി​കൾ സന്ദർശി​ച്ചേ​ക്കാം.

⁷ യഹോവ “എളിയ​വരെ ആശ്വസി​പ്പി​ക്കുന്ന ദൈവ”മാണെ​ന്ന​തിൽ നാം ആനന്ദി​ക്കു​ന്നു. (2 കൊരി. 7:6) “ദുഃഖി​തൻമാ​രെ ആശ്വസി​പ്പി​ക്കുന്ന”തിൽ ഒരു പങ്കുണ്ടാ​യി​രി​ക്കു​ന്നത്‌ ഒരു പദവി​യാ​യി നാം എണ്ണുന്നു.—യെശ. 61:2.