“എന്റെ ഓർമയ്‌ക്കാ​യി ഇതു ചെയ്‌തു​കൊ​ണ്ടി​രി​പ്പിൻ”

¹ കാലം കടന്നു​പോ​കു​ന്ന​തി​ന​നു​സ​രിച്ച്‌ സുപ്ര​ധാന സംഗതി​ക​ളു​ടെ പ്രാധാ​ന്യം വിസ്‌മ​രി​ച്ചു​ക​ള​യാൻ പ്രവണ​ത​യു​ള്ള​വ​രാണ്‌ മനുഷ്യർ. “കർത്താ​വി​ന്റെ സന്ധ്യാ​ഭ​ക്ഷണം” ഏർപ്പെ​ടു​ത്തവേ യേശു തന്റെ ശിഷ്യ​ന്മാ​രോട്‌ “എന്റെ ഓർമയ്‌ക്കാ​യി ഇതു ചെയ്‌തു​കൊ​ണ്ടി​രി​പ്പിൻ” എന്നു കൽപ്പി​ച്ച​തി​ന്റെ ഒരു കാരണം ഇതാണ്‌. അന്നുമു​തൽ, യേശു​വി​ന്റെ മരണത്തി​ന്റെ വാർഷി​ക​ത്തിന്‌ ക്രിസ്‌ത്യാ​നി​കൾ അനുസ​ര​ണ​പൂർവം “കർത്താവു വരു​വോ​ളം അവന്റെ മരണത്തെ പ്രസ്‌താ​വി​ക്കു”ന്നതിൽ തുടർന്നി​രി​ക്കു​ന്നു.—1 കൊരി. 11:20, 23-26, NW.

² വളരെ പെട്ടെ​ന്നു​തന്നെ യേശു, കുറഞ്ഞു​കൊ​ണ്ടി​രി​ക്കുന്ന “ചെറിയ ആട്ടിൻകൂട്ട”ത്തിന്റെ ശേഷി​പ്പി​ലെ അവസാന അംഗങ്ങ​ളെ​യും സ്വർഗീയ വാസസ്ഥ​ല​ത്തേക്കു സ്വീക​രി​ക്കും. (ലൂക്കൊ. 12:32; യോഹ. 14:2, 3) ഈ വർഷം ഏപ്രിൽ 11-ന്‌, അഭിഷിക്ത ശേഷി​പ്പിന്‌ അനവരതം വർധി​ച്ചു​കൊ​ണ്ടി​രി​ക്കുന്ന “വേറെ ആടുക”ളുടെ മഹാപു​രു​ഷാ​ര​ത്തോ​ടൊ​പ്പം കർത്താ​വി​ന്റെ സന്ധ്യാ​ഭ​ക്ഷണം ആചരി​ക്കു​ന്ന​തി​നുള്ള അവസരം വീണ്ടും ലഭിക്കും. (യോഹ. 10:16; വെളി. 7:9, 10) മനുഷ്യ​വർഗ​ത്തി​നു​വേണ്ടി തന്റെ ഏകജാത പുത്രനെ അയച്ചതി​ലൂ​ടെ യഹോവ കാണിച്ച മഹാസ്‌നേ​ഹ​ത്തോ​ടുള്ള വിലമ​തിപ്പ്‌ ബലിഷ്‌ഠ​മാ​ക്ക​പ്പെ​ടും. യേശു​വി​ന്റെ മാതൃക, അവന്റെ സ്‌നേഹം, മറുവില പ്രദാനം ചെയ്യു​ന്ന​തിൽ മരണം​വ​രെ​യുള്ള അവന്റെ വിശ്വസ്‌തത, ഇപ്പോൾ ദൈവ​ത്തി​ന്റെ സ്ഥാപിത രാജ്യ​ത്തി​ന്റെ രാജാ​വെന്ന നിലയി​ലുള്ള അവന്റെ ഭരണം, രാജ്യം മനുഷ്യ​വർഗ​ത്തി​നു കൈവ​രു​ത്തുന്ന അനു​ഗ്ര​ഹങ്ങൾ എന്നിവ വിശേ​ഷ​വത്‌ക​രി​ക്ക​പ്പെ​ടും. തീർച്ച​യാ​യും ഓർമി​ക്കേണ്ട ഒരു അവസരം​തന്നെ!

³ ഇപ്പോൾത്തന്നെ തയ്യാ​റെ​ടു​ക്കുക: ഈ സ്‌മാ​ര​ക​കാ​ലം നമുക്കു​ത​ന്നെ​യും നമ്മോ​ടൊ​ത്തു സഹവസി​ക്കു​ന്ന​വർക്കും വലിയ സന്തോ​ഷ​ത്തി​ന്റെ​യും നന്ദി​പ്ര​ക​ട​ന​ത്തി​ന്റെ​യും ഒരു അവസര​മാ​ക്കി​ത്തീർക്കാൻ നമു​ക്കേ​വർക്കും കഠിനാ​ധ്വാ​നം ചെയ്യാം. യേശു​വി​ന്റെ അവസാ​നത്തെ ഏതാനും നാളു​ക​ളെ​യും അവന്റെ മരണത്തി​ലേക്കു നയിച്ച സംഭവ​വി​കാ​സ​ങ്ങ​ളെ​യും കുറി​ച്ചുള്ള ബൈബിൾ വിവരണം ഒരിക്കൽക്കൂ​ടി വായി​ച്ചു​കൊണ്ട്‌ നമുക്കു നമ്മുടെ ഹൃദയത്തെ ഒരുക്കാം. സസ്‌മാ​ര​ക​ത്തിന്‌ ആഴ്‌ച​കൾക്കു മുമ്പു​മു​തലേ നമ്മുടെ കുടും​ബാ​ധ്യ​യന വേളകൾ മഹാനായ മനുഷ്യൻ പുസ്‌ത​ക​ത്തി​ന്റെ 112-16 അധ്യാ​യങ്ങൾ പുനര​വ​ലോ​കനം ചെയ്യാൻ നമുക്ക്‌ വിനി​യോ​ഗി​ക്കാ​വു​ന്ന​താണ്‌.

⁴ നിങ്ങൾ മുൻകൈ എടുത്ത്‌ സ്‌മാ​ര​ക​ത്തി​നു ക്ഷണിക്കു​ക​യും ഈ പരിപാ​ടി​യെ​ക്കു​റിച്ച്‌ അവരിൽ വിലമ​തി​പ്പു വളർത്തി​യെ​ടു​ക്കു​ക​യും അവരുടെ സാന്നി​ധ്യം വിലമ​തി​ക്കു​ന്നു​വെന്ന തോന്നൽ ഉളവാ​ക്കു​ക​യും ചെയ്യു​ന്ന​പക്ഷം അതിനു ഹാജരാ​യേ​ക്കാ​വുന്ന എത്ര​പേരെ നിങ്ങൾക്ക​റി​യാം? ഇപ്പോൾത്തന്നെ ഒരു ലിസ്റ്റ്‌ ഉണ്ടാക്കുക, എന്നിട്ട്‌ ഹാജരാ​കു​ന്ന​തിന്‌ അവരെ സഹായി​ക്കാൻ നിങ്ങൾക്കാ​കു​ന്ന​തെ​ല്ലാം ചെയ്യുക. അതിനു​ശേഷം ക്രമമാ​യി യോഗ​ങ്ങൾക്കു ഹാജരാ​കാൻ പ്രോ​ത്സാ​ഹി​പ്പി​ച്ചു​കൊണ്ട്‌ ആത്മീയ​മാ​യി വളരു​ന്ന​തിൽ തുടരാൻ അവരെ സഹായി​ക്കുക.

⁵ സ്‌മാ​ര​ക​കാ​ലത്ത്‌ ഓരോ​രു​ത്തർക്കും സാക്ഷീ​ക​രി​ക്കാ​നുള്ള കൂടുതൽ അവസരങ്ങൾ ലഭി​ക്കേ​ണ്ട​തിന്‌ പ്രത്യേക ക്രമീ​ക​ര​ണങ്ങൾ ചെയ്യു​ന്ന​താണ്‌. ഒരു നല്ല പട്ടിക തയ്യാറാ​ക്കു​ന്ന​പക്ഷം നിങ്ങൾക്ക്‌ ഏപ്രി​ലി​ലോ മേയി​ലോ സഹായ പയനി​യ​റിങ്‌ ചെയ്യാ​നാ​കു​മോ? യേശു​വി​ന്റെ ബലി നമ്മെ സംബന്ധിച്ച്‌ അർഥമാ​ക്കുന്ന എല്ലാ സംഗതി​ക​ളും നാം വിലമ​തി​പ്പോ​ടു​കൂ​ടി ഓർമി​ക്കു​ന്നു​ണ്ടെന്നു കാണി​ക്കാ​നുള്ള ഏറ്റവും നല്ല മാർഗ​ങ്ങ​ളി​ലൊന്ന്‌ നമ്മുടെ ദൈവ​മായ യഹോ​വ​യെ​ക്കു​റി​ച്ചും അവന്റെ പുത്രൻ മുഖാ​ന്ത​ര​മുള്ള രാജ്യ​ഭ​രണം കൈവ​രു​ത്തുന്ന അനു​ഗ്ര​ഹ​ങ്ങ​ളെ​ക്കു​റി​ച്ചും സംസാ​രി​ക്കു​ന്ന​താണ്‌.—സങ്കീ. 79:13; 147:1.