കുട്ടി​കളേ—നിങ്ങൾ ഞങ്ങളുടെ സന്തോ​ഷ​മാ​കു​ന്നു!

¹ കുട്ടി​കളേ, സഭാ​പ്ര​വർത്ത​ന​ങ്ങ​ളിൽ നിങ്ങ​ളെ​യും ഉൾപ്പെ​ടു​ത്ത​ണ​മെന്ന യഹോ​വ​യു​ടെ കൽപ്പന നിങ്ങൾക്കു പരിചി​ത​മാ​ണോ? (ആവ. 31:12; സങ്കീ. 127:3) ഒത്തൊ​രു​മിച്ച്‌ യഹോ​വയെ ആരാധി​ക്കു​മ്പോൾ ഞങ്ങളോ​ടൊ​പ്പം നിങ്ങളു​മു​ണ്ടാ​യി​രി​ക്കു​ന്നതു സന്തോ​ഷം​ത​ന്നെ​യാണ്‌! നിങ്ങൾ, ശാന്തരാ​യി​രു​ന്നു യോഗങ്ങൾ നന്നായി ശ്രദ്ധി​ക്കു​മ്പോൾ ഞങ്ങളുടെ ഹൃദയ​ത്തി​നത്‌ ഊഷ്‌മളത പകരുന്നു. നിങ്ങൾ സ്വന്തം വാക്കു​ക​ളിൽ ഉത്തരം പറയാൻ ശ്രമി​ക്കു​മ്പോൾ അതു ഞങ്ങളെ പ്രത്യേ​കി​ച്ചും സന്തോ​ഷ​ഭ​രി​ത​രാ​ക്കു​ന്നു. നിങ്ങൾ, ദിവ്യാ​ധി​പത്യ ശുശ്രൂ​ഷാസ്‌കൂ​ളി​ലെ നിങ്ങളു​ടെ നിയമ​നങ്ങൾ നിർവ​ഹി​ക്കു​മ്പോ​ഴും ഞങ്ങളോ​ടൊത്ത്‌ ഉത്സാഹ​പൂർവം വയൽസേ​വ​ന​ത്തിൽ പങ്കെടു​ക്കു​മ്പോ​ഴും സധൈ​ര്യം സഹപാ​ഠി​ക​ളോ​ടും അധ്യാ​പ​ക​രോ​ടും സാക്ഷീ​ക​രി​ക്കു​ന്നു​വെന്നു കേൾക്കു​മ്പോ​ഴും മുഴു സഭയും വളരെ​യേറെ സന്തോ​ഷി​ക്കു​ന്നു.—സങ്കീ. 148:12, 13.

² നിങ്ങളു​ടെ നല്ല പെരു​മാ​റ്റ​രീ​തി​ക​ളും വൃത്തി​യുള്ള വസ്‌ത്ര​ധാ​ര​ണ​വും നിർമ​ല​മായ നടത്തയും മുതിർന്ന​വ​രോ​ടുള്ള ആദരവും കാണു​മ്പോൾ ഞങ്ങൾ അഭിമാ​നം കൊള്ളു​ന്നു​വെന്നു നിങ്ങള​റി​യാൻ ഞങ്ങളാ​ഗ്ര​ഹി​ക്കു​ന്നു. ആത്മീയ ലക്ഷ്യങ്ങൾ വെച്ചു​കൊണ്ട്‌ നിങ്ങൾ ‘നിങ്ങളു​ടെ മഹാ സ്രഷ്ടാ​വി​നെ ഓർക്കു​ന്നു’ എന്നു പ്രകട​മാ​ക്കു​മ്പോൾ ഞങ്ങളുടെ ഈ സന്തോഷം വിശേ​ഷാൽ വലുതാണ്‌.—സഭാ. 12:1; സങ്കീ. 110:3.

³ നിങ്ങളു​ടെ ലക്ഷ്യങ്ങ​ളെ​ക്കു​റി​ച്ചു ഞങ്ങളോ​ടു പറയുക: ഒരു എട്ടുവ​യ​സ്സു​കാ​രൻ ഒരു ഡിസ്‌ട്രിക്‌റ്റ്‌ മേൽവി​ചാ​ര​ക​നോട്‌ ഇപ്രകാ​രം പറഞ്ഞു: ‘ആദ്യം എനിക്കു സ്‌നാ​പ​ന​മേൽക്കണം. അതുക​ഴിഞ്ഞ്‌ സഭയിൽ ഉച്ചഭാ​ഷി​ണി സംവി​ധാ​ന​വും മൈക്കും മറ്റും കൈകാ​ര്യം ചെയ്യു​ന്ന​യാ​ളാ​യും സേവക​നാ​യും സാഹി​ത്യ​ങ്ങൾ കൈകാ​ര്യം ചെയ്യു​ന്ന​യാ​ളാ​യും പുസ്‌ത​കാ​ധ്യ​യ​ന​ങ്ങ​ളി​ലും വീക്ഷാ​ഗോ​പുര അധ്യയ​ന​ങ്ങ​ളി​ലും ഖണ്ഡിക വായി​ക്കു​ന്ന​യാ​ളാ​യു​മൊ​ക്കെ സേവി​ച്ചു​കൊ​ണ്ടു സഭയെ സഹായി​ക്കണം. പിന്നെ, ശുശ്രൂ​ഷാ​ദാ​സ​നും അതുക​ഴിഞ്ഞ്‌ മൂപ്പനു​മൊ​ക്കെ​യാ​കണം. എനിക്കു പയനി​യ​റാ​കാ​നും ആഗ്രഹ​മുണ്ട്‌, എന്നിട്ട്‌ പയനിയർ സ്‌കൂ​ളിൽ പോകണം. അതുക​ഴിഞ്ഞ്‌ ബെഥേ​ലിൽ പോകണം. പിന്നെ, ഒരു സർക്കിട്ട്‌ മേൽവി​ചാ​ര​ക​നോ ഡിസ്‌ട്രിക്‌റ്റ്‌ മേൽവി​ചാ​ര​ക​നോ ആയിത്തീ​രണം.’ ദൈവത്തെ സേവി​ക്കാ​നുള്ള പദവി​യോട്‌ എത്ര നല്ല വിലമ​തി​പ്പാണ്‌ അവൻ കാട്ടി​യത്‌.

⁴ ശാരീ​രി​ക​മാ​യും ആത്മീയ​മാ​യും വളർച്ച​പ്രാ​പി​ക്കവേ, നിങ്ങൾ ലക്ഷ്യങ്ങ​ളിൽ എത്തി​ച്ചേ​രു​ന്നതു കാണു​മ്പോൾ ഞങ്ങൾ ആഹ്ലാദി​ക്കു​ന്നു. (ലൂക്കൊസ്‌ 2:52 താരത​മ്യം ചെയ്യുക.) ലോക​വ്യാ​പ​ക​മാ​യി, ഓരോ വർഷവും ആയിര​ക്ക​ണ​ക്കി​നു യുവജ​നങ്ങൾ സ്‌നാ​പ​ന​മേൽക്കാത്ത പ്രസാ​ധ​ക​രാ​യി​ത്തീ​രു​ക​യും പിന്നീട്‌ യഹോ​വ​യു​ടെ സമർപ്പിത ദാസരെന്ന നിലയിൽ സ്‌നാ​പ​ന​ത്തി​നു​വേണ്ട യോഗ്യ​ത​ക​ളിൽ എത്തി​ച്ചേ​രു​ക​യും ചെയ്യുന്നു. അതിനു​ശേഷം, നിങ്ങൾ സഹായ പയനി​യ​റിങ്‌ ചെയ്യു​ക​യോ മുഴു​സമയ ശുശ്രൂ​ഷ​യിൽ ഏർപ്പെ​ടു​ക​പോ​ലു​മോ ചെയ്യു​മ്പോൾ ഞങ്ങളുടെ സന്തോഷം വർധി​ക്കു​ന്നു. കുട്ടി​കളേ, നിങ്ങൾ വാസ്‌ത​വ​മാ​യും ഞങ്ങളുടെ സന്തോ​ഷ​വും നമ്മുടെ സ്വർഗീയ പിതാ​വി​നു ലഭിക്കാ​നി​ട​യാ​കുന്ന സ്‌തു​തി​യു​ടെ വിസ്‌മ​യാ​വ​ഹ​മായ ഒരു ഉറവി​ട​വു​മാ​കു​ന്നു. യഹോവ നിങ്ങളെ സമൃദ്ധ​മാ​യി അനു​ഗ്ര​ഹി​ക്കു​മാ​റാ​കട്ടെ!—സദൃ. 23:24, 25.